|
صبح صبح يا عم الحج
كيف أحوالكم يا أعز القوم و أغلاهم |
حبيبي صباح الخير ,, صباحك ورد وفل ولوز ,, يا عمري صباح النور ,, يالله اصحى غنت فيروز
|
اقتباس:
فيه حاجه محيرتني فيك حاط علم فلسطين وردودك كلها تدل ع انك سعودي واللي حيرني اكثر تسمع اغاني شعبي هههه |
ههههههههههه ربي يسعدك يا أندريه
عشقي فلسطين عشقي للأبد ياليتني أحد أبنائها ما عليك من العلم أنا كنت زمان أول عضوية لي في المنتدى كان إسمي ألم غامر و حاط علم الهند يعني لا تحكم على الأعلام يجيك واحد حاط علم السويد و هو سوداني :) العلم هو رمز الشوق للدولة فقط لا غير :) إيه نعم سعودي سعوط المجانين ههههههههه و أحب العالم بأسره من أقصاه لأقصاه ما عدا حكومة و جرذان و صراصير إيران و الصهاينه و من حمل الحقد و الغل و الحرب على الإسلام و المسلمين و العرب و العروبة :) إيه تلقاني عند الأغنية الشعبي لأنها تحكي واقعي الأليم و العود فيها نبرة حزينه و تلقاني عند غير ذا الجو حسب الجو و المود و الخاطر اعد ساعات الليالي والايام اعدها ما فات منها دقيقه اعدها يوم المريحين نيّام مشغول قلبي دايم ٍ فيه ضيقه انا وقلبي من عنا الحب بآوهام مطاوع ٍ قلبي دموعي غريقه قبلي كثير من الهوى طاح ما قام مجنون ليلى قبلنا نشف ريقه اهل المحبه حالهم جلد وعظام اسال مجرّب كان تبغا الحقيقه عسى عذولي بالهوى حكم الاعدام ويحمّلونه فوق ما لا يطيقه |
صباحك فل يا فل يا أندريه
الله يشفيك و يقويك و ينصرك و يسعدك الفصام مشكلته مشكلة لكن أنا أشوفه أهون من الإكتئاب المدمر تعيش بأفلام رعب و أكشن و كراتين ما يحتاج تلفزيون و مسجل الفصام عندك :) وش هو الموقع إللي طلبت منه السيردولكت أنا أخبر روشته كوم بس عندهم كثير أدوية ناقصه هلا خالد عبق الذكريات صباح الفل يا قمر يا مالك شبيه أبد هلا حمال الأذيه الله يشفي جميع المرضى يا رب و تبشرهم بخير ما أُخذ منهم و يعوضهم ما فات و إنسكر بالجبر و الطمأنينه هلا لولو الله يعينك و يقويك وش هي الأدوية اللي عطتك اياها الدكتورة هلا بعودتك عيون متفائلة بسمة فرحنا بك و بعودتك بشرينا من صحتك و صحة أخوانك و أمك هلا عبدو عمر وش فطورك اليوم مع الترجمة الله يخليك بلاش تطلسم و تتكهن و تتشعوذ أوك لازم الترجمة :) هلا بأبو عبدالرحمن أبشرك بخير يالغالي الفخم قبل أمس رحت المستشفى و رحت لمشرف العيادات و دخلت ع الدكتور اللي سوا لي العمليه أول ما شفته ما عرفته أول مرة أشوفه قال أنا إللي سويت لك العمليه المهم سويت الإشاعة و قال كل شي تمام العظم إلتم لكن نبغاه يتقوى أكثر و عطاني موعد في شهر 6 يعني بعد 6 شهور قلت له عندي عرج لما أصعد و أنزل من الدرج قال هذا من عضلة الفخذ لازم تسوي تمارين قلت في نفسي أنا فاضي لك و تمارينكم ، قلت له عن الإحتكاك قال عندي إحتكاك من الدرجة الأولى المهم إستسلمت للأمر الواقع و الحمدلله على كل حال |
هلا بك ملامح شفاء
هلا بك هديل مقطعك نحبهم و لكن كثير حلو و مفيد |
إلى زوجتي الغائبة إللي ما أدري وينها
أهي في القبر أم قضيتها قضية سفر و ستعود لوطني و حنيني المشحون بالشجن عليها و الدمعات بنص الليل من الآهات مهدودة الحيل يا محبوب وينك وين يا أيوب جفو دموع العين غيابك طال يا روح الروح و الموال مليان جروح https://www.youtube.com/watch?v=w-nGvu-TE1k |
صباحك فل يا فل يا أندريه
الله يشفيك و يقويك و ينصرك و يسعدك الفصام مشكلته مشكلة لكن أنا أشوفه أهون من الإكتئاب المدمر تعيش بأفلام رعب و أكشن و كراتين ما يحتاج تلفزيون و مسجل الفصام عندك :) وش هو الموقع إللي طلبت منه السيردولكت أنا أخبر روشته كوم بس عندهم كثير أدوية ناقصه ..... صباح الورد حبيبي امين وياك وكل من في القروب والله شف كل واحد يشوف مصيبته هي اكبر المصايب لكن انا اشوف الاكتئاب اهون من الفصام الاكتئاب ممكن يشفى منه الشخص لكن الفصام لا مرض مزمن حتى لو الواحد اخذ علاج وحس انه طبيعي لازم يستمر عليه الى الابد ولا يرجع المرض ثانيا الفصام مرض عقلي والمرض العقلي لا يعني انك مجنون لكن يؤثر على القدرات المعرفيه بشكل كبير واحيانا تفعل اشياء مجنونه فعلا لكن لا تعتبر مجنون بشكل عام الفصام يعزلك عزل تام عن الناس وسنة البشرالاجتماع وهذا نهايته الموت لان محد يقدر يعيش لوحده انا عن نفسي اغلب وقتي في غرفتي على اللاب توب جماعتي مقاطعهم من سنين واذا شفت احد بالصدفه افشل في الحوار معه فتلقاني اسلم وامشي وانا ما صدقت اخلص منه وهو كذلك اهلي كذلك مع اني في البيت ما اشوفهم الا قليل الفصام يعيشك احساس انك غريب وفاشل وحقير العلاج ما طلبته من موقع اخوي كان في مصر وجاب لي معه كم علبه |
الله يشفيك أندريه ما تشوف شر حبيبي و الله يعوضك خير
و إن شاء الله تلقى من السيردولكت كل خير أعيذك بكلمات الله التامة من كل شيطان و هامة و من كل عينٍ لامة أعيذك بكلمات الله التامة من شر ما خلق |
غفر الله لنا ولكم ما بين الجمعة إلى الجمعة
و رزقنا وإياكم من فضله و جعلنا من المفلحين جمعة طيبة مباركة أحبتي 💗🌷 |
|
اقتباس:
يسعدلي صباحك الجميل بجمال هالورد ونقاؤه ربي يسلمك من كل شر ويحفظك يا غالي 💗 |
^& يسعدلي صباحك كبياض الياسمين و روعته
تسلمين و اللهم آمين يا رب ^& |
يالله حي ابو نجلا وطلعت من الشر الحمدلله ان الركبه تحسنت وان شاء الله من زود لزود .
يووووه يابو نجلا اتذكرك قبل رمضان كيف وضعك متأزم من ركبتك شفت كيف ربي كريم ؟ وشفت كيف كلام امي صح ؟ العافيه شوي شوي انت بس تفائل وبيجي من الله مايسر خاطرك بحوله وقوته . يشهد الله اني سعيده عشانك بطريق التعافي والأمل . ودي اتهاوش معك ياخي ليش ماودك تسوي تمرين لعضلة الفخذ ؟ انت تدري ان تمرين الثاي اللي هو العضله الكبيره بالفخذ غير انه يشدها ويقويها هي اصلا تكون ضامره ومرتخيه والتمرين يبعث فيها الحياه والدوره الدمويه ؟ ماني افهم منك بهالشي بس بقولك عن شي ولد اختي تخيل نفسه طرزان يومه صغير وربط ثوبه على رقبته وطلع فوق الشجره يبي يطير وينط الا هو على وجهه وذراعه وينكسر الذراع من النص وسووله عمليه واسياخ وبعد فتره جبر العظم ومرت سنين وكبر الولد ويجي يسوي نفسه شمشون الجبار ويطلع فوق سور البيت ومعاه شاهي يبي يتقهوى فوق السور ويتكي على لمبة السور اثرها مرتخيه ويدبج على الرصيف على نفس اليد اللي انكسرت ويسوون له عمليه ثانيه وثالثه وتحسن شوي ومرت السنين وتخرج من الثانوي وسافر يدرس في بريطانيا وكل مابرد الجو تصول عليه يده ومايقدر يحركها راحت له امه وقالت لازم مستشفى قال الدكتور لاعمليه ولا شي اليد بعد الكسر ضمرت فيها العضلات وصارت ضعيفه ماتتحمل البرد ولا المجهود وسووله برنامج تمارين وعلاج طبيعي كم شهر والحمدلله الحين كنه حصان . يوووه كتبت كثير كل قصة حياة العايله هههههههه المهم وانا اختك احرص على التمارين ترى بتزين الحياه اذا صرت تطامر . ابيك بس تتذكر اليأس اللي كنت فيه ووين كنت ووين صرت صح ؟ يأسك كان مؤلم لكن الحين الراحه مبينه على مواضيعك الحمدلله . الله يكتب لك في الايام المباركه السعاده والعافيه وراحة البال ويغير حالك الى اجمل حال انه ولي ذلك والقادر عليه ويشفي كل مريض ويشرح صدر كل مهموم يارب |
ابو نجلاء كلنا لك ذيك الاخت
وندعي لك دايما تغذى بروتين وكالسيوم عشان العظم وبترجع احسن من اول ماتشوف الغابه كيف تجدد نفسها بعد الحريق والاشجار تورق من جديد بعد الزوابع والامطار وكذلك كل شي فيك راح يلتئم افضل من اول |
هلاااااااااااااااااااا وغلاااااااااااا
ملاااامح اخبااااااااارك وين ايااااااامك يا بطل وش مسوى بالدنيا بشرني عن حااااالك واحوالك ================================================= هلااااااااا وغلااااااااااا عاااااااااااااااااالى ارحب الحمدالله على سلامتك سلامة كراعينك ومفاصلك لبى قلبك ----------------------------------------------------------------------------------------------------------- هلااااااا لولو ارحبي كيفك وكيف امورك مع الاضاحي نااااوي تضحون او لا ----------------------------------------------------------------------------- جمعتك طيبة ظلول وش الصورة هذي تسرقين من مسابيحي وتحطونها صور رمزية ههههه بلاش حركات علي بابا |
وسعوا صدوركم. والله الدنيا ماتستاهل.
شوفوا هذي تمثلني اذا جتني الحاله ادور بالصاله هههه https://mobile.twitter.com/alsaif9/s...867970/video/1 |
اقتباس:
الله عليك يا بوصالح ما اجملك بالفعل نحن بين يدي الرحمن يقلبنا كيف شاء اللهم ثبتنا د عصااااااااام الانصاري ما شاء الله واصله سمعته عندنا ويمدحونه الله يوفقه الافيكسور جباااار برستيك ممتاز جربته يا بوصالح بس عيبه يرفع الضغط فانت لازم تشيك على الضغط كل فترة لوكستانيل كانت ااااااااااااااايام حلوة معه علاج لطيب ويعطيك مزاج حلو ورايق اااااااه بس لو ما يفقد مفعوله ربي يسعدك يا بوصالح سعدت جدا بتواجدك معنا في اليوميات |
هلا وسهلا البدراني شلونك بشرنا عنك
كل عام وانت واحبابك بخير الله يعيده علينا وعليكم بخير وعافيه يارب |
هذي تبكي ماتبي اخوها يكبر ههههه. ياليتنا اطفال ما نكبر
https://m.youtube.com/watch?v=VVT6il6S4G8 |
السلام عليكم صباح الخيرات على الجميع أبو نجلا ..الفطور عندنا بسيط جدا قهوة بالحليب مع الخبر او الهلالية او كعك ..هههههههه بالتوفيق دائما |
ابو نجلا
التمارين والعلاج الطبيعي ضروريه جدا وبتفيدك بتسويها غصب تفهم والا ماتفهم😤 والا ترى بجيب عصا جدتي 😤😡 |
ودي اصير شاعره واسوي ديوان وامسيات شعريه
بس محد بيحضر اكلم نفسي كالعاده قدام المرايه داخلي شاعره محبوسه مدري كيف اطلعها وفي البيت مايقدرون المواهب اشك اني تبعهم شكلي مو تبعهم هههه |
السلام عليكم
مساء الخير محمد احنا كل سنه نضحى الحمدلله ونسوي غداء ثاني يوم يجتمعون عليه اخواتي المتزوجات ابونجلاء ادويه خاصه بالهرمونات بس تتعب 😔 |
غيمه اكتبي شعرك هنا واحنا نقراه ونقولك راينا
بنصير شعراء على غفله ونقيمك هههههه |
ابونجلاء العلاج الطبيعي بتتحسن معاه مره
امي كان فيها غضروف ماتحسن الا بالعلاج الطبيعي بعدين ايش فيها اذا سويت تمارين مانت شايف شيبان الغرب كيف كانهم شباب ماشاء الله هذا كله لانهم متعودين على الرياضه كل يوم |
لولو. سلامتك والله
انا سمعت ان البردقوش ينظم الهرمونات وممتاز حاولي تجربين اشياء طبيعيه اذا الادوية تتعبك واستشيري الدكتوره افضل |
اقتباس:
بعدين هنا ما اعرف يختفي الكلام وتتشتت الحروف لولو الله يسعد قلبك ويشرح صدرك 🌹 |
بارك الله فيك أخي البدراني علي مجهودك الطيب مع إخوانك وأخواتك المرضي..... عدل كلامك الافكسور يرفع الضغط وخصوصا لما رفعنا الجرعة من ٢٢٥ الي ٣٠٠ مج ولكن من دون أي فائدة..... لكساتونيل قد يفقد فاعليته مع بعض المرضي وليس الكل..... ثاني أسبوع واحنا نعالج مع البرنتلكس والبريستيك..... اللهم شافي كل مريض يا رب.....
|
ان شاء الله اخوي ابو صالح تستفيد من العلاج ونحن بالخدمة وتحت امرك يالامير
|
مساء الخير
اليوم بديت بسيردولكت 4 مج ما احسست بأي تأثير او اعراض يمكن عشان الجرعة صغيرة القادم اجمل باذن الله |
اقتباس:
دوبي قرات عن البردوقوش واشتريت علبه تجي باكياس زي الشاي وحطيت لي بكوب واقول ان شاء الله ينفع ولايضر انا طفشت من الدكتوره والمستشفى وزعلانه على حالي من هالادويه اللي ماعرف ايش نهايه اكلي لها اليوم بطلت حبوب وصفتها لي حقت وزن احس مالها داعي اقتباس:
ترا تموت موهبتك زيي كنت احب اكتب قصص وخواطر بسيطه وقصيره بس مانميت هالموهبه وماتت وصرت على اعرف اتكلم ولا اكتب ^ |
اندريه الله يكتب لك الخير بهالدواء ويجعله سبب لعافيتك وسعادتك ان شاء الله ويغنينا ويغنيك عن الادويه برحمته وفضله وكرمه
|
اقتباس:
انا نفسي تفاجئني بأشياء 😂 هذا يا لولو يسمونه توارد خواطر بالنسبه للبردقوش معروف انه ينظم الهرمونات بس مايصلح تاخذينه مع الدوا مع بعض واسألي الدكتوره وحاولي ماتكثرين ادويه اذا الحاله ماتستدعي وخاصه اذا توفر بديل طبيعي. واشربي مويه كثير. انا اختي استخدمته زمان ونفعها اقتباس:
لا والله الجد انا موهبتي الشعريه انتهت وردة وذبلت اوراقها من زمان و ماتبقى منها سوى اشواك تسبب الصداع بعدين انتي يازينك من قال ماتعرفين تكتبين او تتكلمين يختي يكفيك بس قلبك الرقيق تذكريني بأختي الصغيره الله يسعدك يارب ويشفيك عاجلا غير آجل. |
مانمت ماجاني نوم 😑
بأبربر واسولف لين يجيني النوم ودي احب راس اللي اخترع البنادول جعله في الجنه يارب لاني مدمنه بنادول يسكن الالام ويفك ازمات مره كنا مسافرين برا واول ماوصلنا انا تعبت من زين الحظ واخواتي بيطلعون يتمشون مسوين خطه وانا تعبااااانه ما اقدر اتحرك توهقوا بي ولايقدرون يخلوني لحالي راحت اختي للصيدليه وجابت بنادول بنادولهم والله غيرر اول ما بلعته راح كل التعب بسرعه وفتحت عيوني وصرت كني حصان انشط منهم حتى تعبتهم لاني تمشيت بكل الاماكن ورحت لكل شي كنت امشي بسرعه. واطامر كني بيب بيب ذاك الطير بافلام الكرتون وهم تعبوا من المشي وانا لا رحمتهم اختي قالت وش هالبنادول انتي ماكنتي تعبانه ! الظاهر كان فيه كافيين عالي مدري نشطني فرط حركه هههه. تعبتهم وبس الزبده بنادولهم مفعوله سريع جاز لي غير اللي عندنا بايخ وشكرا لمن اخترع البنادول ما اتخيل حياتي من غيره مخترع البنادول فيليكس هوفمان الله يجزاه خير والله اجودي ❤. |
|
صباح الخير
ذبحني التفكير طول الليل مانمت ..... حبيبتي غيمه هي الدكتوره ماتعرف ايش تعطيني وصفت لي ادويه مالها داعي وغاليه كمان حسيتها بس تبغاني اشتري من صيدليتهم في ادويه مهمه لحالتي لما قرايت واستشرت عبر النت ماوصفتها لي واللي يقهر اني مااخذت نسخه من التحاليل اتاكد منها وماني ناويه ارجع لها ثاني لان احسها مو فاهمه باختصار طفشتني .... زين اني افكرك باختك الصغيره انا اصغر اخواتي كمان شفتي كيف الصدف شكلي اختك وانا ماادري 🤣 موهبتك ذبلت؟؟ نميها اسقيها من جديد ترجع احسن من اول بس لاتهمليها نصيحه بعدين حتى لو فيها اشواك احنا راضين تلذينا 😛 |
اقتباس:
اقتباس:
حلوه فرط حركه باين من اسلوبك بالكتابه انك كثيره الحركه ماشاء الله هههههه بس تاكدي االي اكلتيه بنادول والا شي ثاني انا مثلك لما نسافر اصدع مررره خصوصا لو كنت مااخذه كفايتي من النوم من كثر عشقك للبنادول جايبه صوره اللي اخترعه ههههههه خلاص علقيه في غرفتكي $$$ |
اقتباس:
شايف حمودي من كتر ما هنن سبحاتك حلوات لطشت لطوشة ههههه 😁 صرت سارقة السبحات واعمل حركات lahza صباحك سكر 🤗 |
غيمة حبي شو رأيك نحط مخترع البنادول تمثال الحرية بنفساني ههههههههههه
يسعدك يا قمري ان شاءالله تكوني نمتي وارتحتي طمنينا عليكي وصباحك ورد 😘 صباح الحب والسعادة حبايبي الغاليين على قلبي لوليتا قطرات أبو نجلا وعيون وشلة الأُنس كلها 🌹😘😍 |
| الساعة الآن 07:02 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا