|
لولو
وش الحل نصير اراجوزات انا وانتي ههههه عشان تفك الضيقه على هالمنتدى |
اقتباس:
ايه بكسر صوابينك وركبك وكلك اذا ماسمعت كلامي وسويت علاج طبيعي 😤 اقتباس:
وهذا سر الخلطه 😂 |
ابو علي جدي المعتق بريحة الطين. وش اخبارك
دوك فنجال قهوه ☕ |
الحين كلكم تحت
ومحد يتكلم الا انا ههههههه اذا غلطت بشي علموني تراي مانمت. |
آسف إني كدرت خطركم و ضيقت بالكم
الغوالي هديل لولو عبدو عمر صالح صباحكم جنة يا رب المشكلة هي بالحزن يا هديل و هدة الحيل و تذكرت ماضيّ و مآسيّ القديمة و الحاضرة و الطرف الكبير فيها أبوي العنيف القاسي المتجبر علي و على تصرفاتي و إستحقاره لي و آخرتها يقول لا تستحقر نفسك يالهذي الوقاحة بس تربيني بعنف و قسوة و إستقصاء و إستحقار بعدين تقولي لا تستحقر نفسك طلبته يزوجني أول مرة كانت بسبب الشهوة الجامحة و قال توك صغير و إنكبت فيني الشعور و إنفجر طلبته مرة ثانيه و ثالثة حبا في الضنا و قال فلوسك ما تكفيك و الحين أعاني الأمرين لما أشوف الأطفال و أمهاتهم و آبائهم يجيني قصف من القهر وش يفرقني عنهم سوى إني بلا مال أعوذ بالله من القهر و الفقر المفروض أبوي و مو المفروض الا أكيد أبوي كان يعرف إني حالة خاصة بين أولاده لكن مهمّلني و راح أحاكمه عند ربي على ما صرت عليه بسببه إهماله في إكتئابي الغير نمطي في سن المراهقة كان يشوفني مريض و لا عالجني حتى ضاعت علي فرص الحياة التي أعاني منها الآن و لا كونت نفسي زين و إهتزت شخصيتي حتى فقدت الثقة بل كان الفرعون المتجبر الذي قتل مشاعري و أحوالي و أيامي التي كان المفروض أن أعيشها في سلام و ليس في صراع مالقيت الحضن الدافي لا منه و لا من أمي المريضة المكتئبة الله يشافيها و يعافيها و عشت في جفاء أيما جفاء و فقدت روح العاطفة منهم حتى عشت في عذاب الله يشفينا جميع و يقوينا و ينصرنا و يسعدنا عبدو عمر هذا العيد ماني معيد أبد خلهم في حريقة |
|
|
اللهم آمين حمال الأذية
الله يشفي الجميع يا رب في القريب العاجل تسلمين هديل و الله أفرح لا شفتك بربري على كيفك حوسي و لخبطي و حطي سر خلطتك بإنتظارك :) |
على إذنكم شوي بشوف لي فلم و أرجع لكم
|
ابو نجلاء يا اخوي العزيز اولا طلبتك لا تفكر وتسترجع المااااضي انساااه
لاتصير حبيس لذكريات الماضي. هالشي اكبر غلط وحط ببالك لو يتخلون كل الناس عنك ثق ثقة تامه ان ربي سبحانه اللي بيده كل شي .. معك وبيدبر امرك احسن من اي احد وبيعوضك عن كل شي .. لا تفقد الامل والثقه بالله بس فيه اشياء ربي يأخرها لحكمه. واختيار ربي هو الانسب حط ببالك هالشي بس حنا جاهلين يمكن وقتها لو ابوك مزوجك كان ماترتاح او تفشل او تتعذب بأمور ماتطيقها ليه ضامن ومتاكد ان الاشياء اللي فاتتك. كانت بتسبب لك السعاده ؟ ؟ عسى ان تكرهوا شيء وهو خير لكم وابوك الله يهديه يظل ابوك لازم تتخلص من هالمشاعر تجاهه عشان نفسك عشان ترتاح انت بس واحتسب الاجر عند الله استشعر هالشي وكل شيء له حل لاتفكر ان فيه شي خلاص ضاع او فات عليك زي الزواج والذريه والوظيفه. لا تقلق وتشغل بالك ابدا الارزاق هذي مكتوبه فوض امرك لربك مع بذل الاسباب وشخصيتك ما انهزت ليه تقول كذا هذي نظرتك انت فقط ا حنا مانشوفها كذا حنا نشوف العكس تماما وليه تستحقر نفسك وشخصيتك من احسن مايكون اشوفك ذكي وشجاع ومبدع وراعي فزعه وغير اناني.. وتحب الخير لغيرك وقلبك ابيض وعندك اصرار وعزيمه.. وقوه داخليه.. ما تتصورها لو اتكلم ما اخلص عشان اذكر مميزاتك فلا تحتقر روحك والله ماعرفت قدر نفسك ابد ينطبق عليك لقب اسد آل نفساني هههه هذا وانت ابوك قاسي عليك اجل قسوته طلعت هالشخصيه الحلوه الفريده والمميزه دائما اذا حصلت لك امور سيئة بحياتك شف الايجابيات من وراها ولو مافيه ايجابيات ظاهره صدقني راح تكتشفها بعدين لان اي شي ربي يكتبه فيه خير بس حنا نجهل هالشي عود نفسك تشوف نصف الكوب الممتلىء وتجاهل النصف الفارغ. وتجاهل السلبيات في كل امورك |
على إذنكم بنسدح تعبت ألقاكم على خير بإذن الله
|
راجع لك هديل يا بعد راسي تسلمين الله يوفقك
حاليا بنسدح ألقاك على خير يا بعد راسي |
عن اذنكم مانمت من امس
جدي الحكيم ابو علي لاتنسى ابو نجلاء لاغنى عن نصايحك |
اقتباس:
اقتباس:
انا معك في كل شي اتشكل واتراقوزت على كيفك $$$ بس انتي اشري هههههه |
اقتباس:
المثل يقول تجري الرياح بما لاتشتهي السفن يمكن ربي حط ابوك السبب في انك ماتتزوج لسبب مايعلمه الا الله يمكن ربي منعك منه وقتها لان زواجك ذيك الفتره مافيه خير لك زي ماقالت غيمه ايش دراك انك بتكون مبسوط وقتها وفرحان لاتخاف بيجي يوم وتتزوج بنت حلال وربي بيرزقك المال والعيال بس انت اصبر وانتظر فرج ربي انا مثلك احيانا افكر بزمان وكل شي صار واتحسر وازعل بس ارجع اقول استغفر الله حكمة ربي هذا شي ربي كاتبه لي وفيه اشياء حصلت لي زمان وانقهرت عليها بس دحين صرت لما افتكرها اقول الحمدلله انها ماتحققت وان ربي انقذني منها الله مايعجزه شي وقادر يكشف الضر بس يبغالنا شويه صبر واقتناع بحالنا ارجع ابو نجلاء الله نعرفه ولاتفكر باللي راح خلاااااص راح انظر دايما لقدام زي العساكر لما يمشون سيده ?1 |
السلام عليكم
صباحكم سكينه يارب اقتباس:
اعرض عن هذي الافكار لانها تكبر مع الوقت |
ابو نجلا لاتيأس حتى لو نزل مزاجك شوي عادي انا حصلت معاي وطنشت وش بسوي ماني اقوى من الله .
بقولك شي ابيك تشوف فيديد لشخص اسمه واين داير وشوف كيف تغيرت حياته ١٨٠ درجه بقولك نبذه عنه هو توفى بعمر التسعين لكن انولد من اب سكير صايع وام ضعيفه جدا بامريكا وامه ماقدرت تزفر له سبل العيش قاما حطته في ملجأ ولك ان تتخيل عيشة الملجأ من ٩٠ سنه جوع وت٩رش وحاله كسيفه المهم كبير الولد ودرس وصار يسافر من ولايه لولايه يدور رزقه وكان يكره ابوه كره العمى لأنه يتذكر وهو صغير كيف يضرب امه ويرمي الولد بالشارع بعز البرد وصار يشوف ابوه انه سبب شقاءه بالحياه وكان يائس من النجاح وعانى من اكتئاب حاد .. مابي احرق عليك قصته ابيك تشوف محاضراته وكيف نجح نجاح باهر وصار من اغنى اغنياء امريكا بعد سن الاربعين وكيف تزوج وانجب وكيف جاه مرض السرطان ..... الخ المهم شي عجيب حياة هالانسان نجاح وسعاده رهيبه لدرجة انه عنده تسعه اطفال مدري ٨ مو متأكده والطفل الاخير انجبه بعمر ٨٠ .. تكفى شوفه ابو نجلا وقول لي رأيك . اللي ابيك تفهمه ان طول مافيك روح وتتنفس وعرق ينبض لاتيأس ابدا . اسمعه واين داير تلقى محاضراته على اليوتيوب . |
صح ابو نجلا انا دخلت ظورات كثير في قانون الحذب والتأمل وتطوير الذات لكن طلعت بعدة نتايج منها : ان كل ماترسله يعود اليك وان حياتك عباره عن مرايه مثل ما انت تشوف نفسك بالمرايه هو اللي راح يكون واقعك .
وهذا طبعا كله يرجع الى حسن الظن بالله ان ظنيت خير لقيته وان ظنيت شر لقيته .. معادله جدا سهله وصعبه بنفس الوقت نقدر نقولها بالكلام بس الشعور احيانا يتخلف ويكون صعب . وصلت لطريقه بعد حيره وتفكير اني اول ما ايأس او احزن على كول اقطع افكاري السلبيه واتذكر رب العزه والجلال اللي بيدي حياتي ومماتي و رزقي وسعادتي واموري كلها واقعد اقول اذا كان كاتب لي الخير بشوفه وان كان كاتب لي الاسى بشوفه ولكن ما يأتي من الله الا الخير واقفل الموضوع بمخي ولاحظت اني افكاري تهدأ لأني حقيقة وثقت بربي ولأني اضعف من اني اقدر اغير قدري .. سلمت امري لله هو المولى ونعم النصير . لقيت حياتي صارت اسهل وصار فيها رضى اكثر وراحة بال الحمدلله . طبعا ماقولك تغير بيوم وليله الانسان والمخ من اعجب مخلوقات الله وافضل علماء العالم واطباء العالم مافهمو الا ربع طريقة عمل المخ بس انا دربت نفسي على اني اسلم كل شي لرب هالمخ هو اللي يدبر امري وكان تدبيره سبحانه اجمل التدابير . انت يابو نجلا الحزن مسيطر عليك وساكن بقلبك و روحك وهذا اللي مخلي اليأس يسري بمشاعرك وعقلك لكن ثق وتأكد انه سبحانه قادر يغير الحال بكلمة كن فيكون بغمضة عين . ابيك كل مادخل اليأس لقلبك قول سلمت امري لك يارب ووقف الافكار غير مكانك اطلع كل اكله تحبها جيب ورقه وقلم واكتب كل مشاعرك بس لاتقعد تستسلم دايم اقطع حبل افكارك السلبيه في البدايه راح تتشوش لكن في النهايه مخك راح يرتب نفسه ويميل لخلق الافكار الايجابيه حتى لو طبق عليك الحزن قول عادي انا امر بنوبة حزن مقرفه وبطلع منها و طز مثل ماتجي تجي . مدري عرفت اوصل لك الفكره والا لا لكن اعرف انك تفهمني صح . الله يكتب لك اجمل الاقدار ويوفقك |
لوليتا حبيبتي الله يعوضك خير وسعاده يارب
|
اسم الله عليكم وحواليكم شو صاير معكم
قل اعوذ برب الفلق ما كنتوا حلوين ومستأنسين اعوذ بالله من الشيطان الرجيم عين وصابتكم 😔 سوف أهبكم هذا الدعاء.. يارب لي أحباب لايـسكـنون قـربـي ولكن يسكنون قلبي. فيارب أنت أعلم بنفسي منى وأنت أعلم بمكناتهم عندي. اللهم اكتب لهم من خير الدنيا والآخرة مالا يخطر لهم على بال. وأنزل عليهم لطفك أينما ذهبوا .. ويسر لهم الخير كلما طلبوا.. اللهم اجعلهم من أسعد السعداء .. وأتمم عليهم النعمه والهناء .. والصحة والشفاء .. واغفر لهم ولوالديهم . وكل عزيز لديهم واحفظهم من كل سوء ومكروه .. وارزقهم من خير الدنيا والآخرة .. وارضى عنهم رضا ليس بعده إلا الجنه آمين يارب العالمين صباحكم شفاء وعافية حبايبي 💗🌷 |
صباح الخير للجميع
صبحكم الله بكل خير وسرور ابو نجلا الف سلامة عليك ، الله يجعل ماجاك يشفع لك بالجنة من غير حساب ولا سابق عذاب يارب انا مثلك من ناحية ان امي الله يسامحها هي الي كسرتني ودمرتني من الداخل لكن احاول اتهنى بالي بقى من عمري سؤال: ماتحس انك ودك دايم تحكي عن الظروف الي اتعبتك بحيث ماتمل مهما حكيت مايجيك هالشعور ؟؟ بقية الاحباب شلونكم ماقد شفتو افلام تحكي عن وضعنا او قريبة من وضعنا ؟؟ والي شاف منكم كيف كان شعوره بعد نهاية الفلم ؟؟ |
للاسف يا اختي الكريمة ان معظم الأذي يأتي من الأقارب والأهل..... لا حول ولا قوة الا بالله العلي العظيم.....
|
الله يعينكم ويقويكم ويكتب لكم الاجر ابو نجلا وانثى الجدي .
الله راح يعوضكم خير الله فوق شايف وعارف ولايرضى بالظلم لمخلوق . ادعو بدعاء نوح عليه السلام ( رب اني مغلوب فانتصر ) هالدعاء ينفض قلبي نفض ويوقف شعر راسي منه والله |
اقتباس:
الإخصائي النفسي لما فضفضت له قال أنت تعاني من ضغوطات سلبيه أجل كيف بتحمل الضغوطات الإيجابيه يا ربي حنانيك بالمرضى النفسيين و بعبادك الصالحين سخر لهم كل محال بحياتهم عندي موعد بعد العيد معه هناك يا هديل ما يعرف بفعل و رد فعل و هذا معروف و لا تلوميني هذا الأقرع بن حابس التميمي ما قبّل أحد من أبنائه فقال الرسول اللهم صل و سلم عليه أوا أملك أن نزع الله من قلبك الرحمة و قال له من لا يَرحم لا يُرحم و قال ( حق الولد على والده أن يحسن اسمه ، ويعلمه الكتاب ، ويزوجه إن أدرك ) لاحظي و يزوجه إن أدرك أجل كيف اللي عانى من أبيه القسوة و التعنيف و الإستحقار و الإستهزاء بي بمقارنتي بفلان و علان و أني لا شيء و لا أسوى شيء قدامهم أيام المراهقة هذا غير نظراته و تكشيراته اللي تقهرني لو إنك محلي و هذا أبوك و هذي حياتك فاقدة للحنان و إختلت عواطفك و ملأ قلبك الجفاء و القسوة كان إنتحرتي لأنها ليست بحياة و الحياة سلام مع النفس و الروح و الا الصراع إذاً أتجاهل السلبيات إن شاء الله بس كيف إن كان التجاهل لا يأتي بنتيجة إيجابيه لي بالمستقبل بس ماشي راح أعيش لحظتي باللي هي به فقط و راح أسامح أبوي عشان ربي يسامحني ههههههههه أي أسد إلا قطو ليتني قطوة عند عيون متفائلة بسمه ألقى الحنان و العطف و لا البني أدميين الوحيش :) و الله يعطيك العافية و تسلمين ^& اقتباس:
العميد جدنا :) مشغول و المشغول لا يشغل أليس كذلك يالعميد ربي يسعدك و يسعدكم جميع شكله يفكر بالأضاحي الرجال عنده أربع حريم الله لا يحرمنا و متوهق فيهم :) اقتباس:
يا رب يجي هذا اليوم إللي أتزوج فيه و لكم بطاقات دعوة من دون إصطحاب الأطفال لأن بضل أنقهر لين أخلفهم و أفرح بهم و أعزمكم ثانيه مع أطفالكم و أطفالي :) فعلا الحمدلله على كل حال و إلى الأمام سر و إلى الخلف در :) الله يصبرك على فقد أبوك و بقولك مثل ما قلتي لي خليك عسكريه و إلى الأمام سر لا الخلف در :) اقتباس:
إبشري حمستني سيرته الذاتيه راح أتابعه واين داير إسمه كأنه داير واين يعني آي يا زول داير نبيذ :) بس بقولك رأيي لما أقابله و أسلم عليه أمزح بس ما يجي منك إلا الزين و المفيد يشهد الله كثير تعجبيني ما في يأس إن شاء الله بس أوقات أضعف و سامحوني و الله مو هذا أنا الضعيف لكن وش أسوي قد نخر السوس و النمل عثوا و عبثوا و رثعوا بنفسي و جسمي يبغالي وايت معبى سم من مكافحة الحشرات و يكافح معي و أنتم معي أهل لهذا الكفاح اقتباس:
أنا كومة حزن بس لما يخف أحب أكون بمكان عام مزدحم بالناس و أتونس بوجيه الناس و يجيني شعور ماني مصدق إن توي للحين حي :) و نعم بالله و حسبي الله و نعم الوكيل و كفى بالله وكيلا اقتباس:
اقتباس:
اللهم آمين يجعله شفيع لي يوم العرض عليه و يعفوا عنا جميعا ألف ألف لا بآس عليك و الله يشفيك و يقويك و ينصرك و يسعدك اقتباس:
أفلام زي إيش مثلا قصدك أفلام تحكي واقعنا أنا شفت لي أفلام عن المرض النفسي و كثير كثير مشابهه لحياتي أفلام أجنبيه روعه اقتباس:
اقتباس:
الله يجزاك خير يالـغالـيهـ قطرات الندا ربنا إنا مغلوبون فانتصر https://a.top4top.net/p_96109bpn1.jpg |
اقتباس:
و الله من قوّ ما شفت الله لا يوريك بآس و مكروه خلاص سامحته و راح أحب راسه و يده كل أخواني يسلمون على يده و راسه لما يجي من طلعة و أنا كذلك فكم أحبه حب و الله إن عيوني دمعت يا بو مريم لكن بعض المرات ما أقبله أنا الوحيد ليش إلا من قو ما كنت أحس به مغروس فيني الجفا غرس و إستقوى عوده لا تلومني تكفى الله يسامحك يابويه الغالي و الشكوى لله سبحانه ما سامحتك إلا رجوى من الله يسامحني |
الله يخليك ابو نجلا تسلم ..
ولك بالمثل .. انا بعد مثلك كون معاناتي لها سنيين طوييلة احب دايم انكلم عنها ولا امل ، واتمنى اني احصل ناس تسمع وتتفاعل لكن مالقى دايم للاسف الله يعيننا بس اي اقصد افلام زي Beautiful mind Split شفت اي واحد من هذولي ؟؟ |
إي شفتهم يا بعد راسي
أطلق فلم مؤلم و مضحك هو one flew over the cuckoo’s nest و فلم Girl, Interrupted و كثير أفلام تابعتها تحكي الواقع بالضبط فضفضي أنثى الجدي خذي راحتك المحل محلك يالغاليه و حياك في بيتك الأول و بين ناسك اللي يقدرونك و يشاركونك معاناتك |
اقتباساتك. كثيره عجزت ارد هههه
وانا تضايقت وتعبت مافيني حيل وما انام الا شوي واصحى قطو عند عيون هههههه . يازينها عيووووووووووووون متفائلة اشتقت لها وينها ياحبي لها الانسانه ذي شي كبير واقدرها مدري ليه لا انت ملك الغابه البطل المغوار نببك ترجع ابو نجلاء اللي يضحك وفرفوش ورامي الدنيا ورى ظهره ترى امس عقب كلامك حلمت حلم يخوف. مانمت زين |
|
وانا اذا مانمت ما حب اتكلم لاني ادري اجيب العيد ونا مدري
|
هلا هديل صح النوم
عيونك وش بلاها مبققه هههههههههه الله يسعدك |
عبدو عمر وش غداك
ليش ما تصور الخبز الهلاليه خلنا نشوفها |
لا ااا تسرح مع اوجاعك واحزانك. ارمها ورى ظهرك
وتذكر ربي قال . وماكان ربك نسيا |
يقول ابن القيم
الحزن يضعف القلب، و يوهن العزم ويضر الاراده ، ولا شيء احب الى الشيطان من حزن المؤمن... لذلك افرحوا.. واستبشروا.. وتفاءلوا.. وأحسنوا الظن بالله وثقوا بما عند الله وتوكلوا عليه.. وستجدون السعاده والرضا في كل حال... |
و الله مفهي ما أدري وش يقولون ليت وحدة تترجم بس عجبني الطبيعة و جوهم الرايق شكلهم يحكون عن الهنود الحمر سكان أمريكا الأصليين و معاناتهم يمكن ليش لا :)
تدرون اللي ماسك إمريكا البيض هم أصولهم من أوروبا لكنهم غزوا أمريكا و أحتلوها لما أكتشفوها و قتلوا سكانها الأصليين الهنود الحمر مع بايسوناتهم و كانوا يقتلون البايسون قبل الهندي لأنه يعتبر رمز لهم و قوة هديل عندك عنقريزي ترجمي و الا لميا الحزينه خليني أمسكها لميا الحزينه هايدي ساعة ما تدش أنشب لها تترجم https://www.youtube.com/watch?v=zOvsyamoEDg |
أبو عبدالرحمن وينك وش أخبارك
إن شاء الله أحسن |
اقتباس:
انا وحدة مني صبورة نوعا ما يعني يوم اشوف فلم يا يكون اكشن يشوق من اولها ولا اصكه علا طول ، يا كم فلم سويت هالحركة تمر ربع ساعة ونص ساعة ماشفت اكشن ولا حماس اقوم اصكه علا طوووول منهم girl interrupted برجع اشوفه الحين او خلال هالليلة اعطيك انطباعي يومك حمستني | |
اقتباس:
و الله على حسب يا أختي هديل هذا إضطراب ثنائي القطب كذا ينزل مزاجه و يعفس أوم الدونيا سلامة نومك و حلمك محشومة ما تقصرين ما أدري وش أقول هههههههههه لكن ما قصرتي بيض الله وجهك و جاد الله عليك و شرفتي و لا كلفتي :) أنا نومي تخدير بنج الحمدلله أبلع بذي الحبوب تنومني يالله لك الحمد و لا أحلم أبد ودي بحلم و لو رعب عشان أعيش جوه أحب الرعوبات و المكشنات :) إهداء https://www.youtube.com/watch?v=IRY93xEjSfw |
اقتباس:
أنتظر إنطباعك و زين حمستك دوم الحماس يا رب و موفقة لكل خير و الله يسعدك |
اقتباس:
|
| الساعة الآن 01:17 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا