![]() |
الله يبارك فيك دانة
بديت احس اني مخطوبه ودي ارقص 32R.2ERD |
صباح الخير مبروك قمر يثرب ودانه وعقبال بقيه البنات
حبيت استفسر منكم في جنسيات ممنوعه من الزواج من سعوديه طمنوني لانو المتقدم لي عراقي |
الله يبارك فيك كادي
الحقيقة لا علم لي لكني قرأت هنا ان احدى الاخوات مخطوبة لعراقي ولا اعرف على ما انتهى موضوعها ! الله يسهل امورنا و اموركم وصباحك قيمر :) |
يسعد صباحك قمر مشكوره حبيبتي وربي يسعدك ويتمم لك علي خير وعقبالي والبنات كلهاا يارب
حبيت اسالك قدايش اخذت معاملتك وهل واجهتي صعوبه |
معاملتي اخذت 5 اشهر بالضبط
من بداية التقديم حتى الموافقة ولم اواجه صعوبات الحمدلله |
اقتباس:
تسلمي على الورد ياكل الورد انتي يابعد عمري انتي الله يعلم بغلاتك ربي لايحرمني من وجودك وأكبر هديه لي هو معرفتك وتذكرك لي دايم وهذا من طيب اصلك يالغاليه وياليت لواقدر اتواصل معاك شخصيا خارج نطاق المنتدى .. أحبك في لله ربي يسعدك دنيا وأخره يارب... ..WD,E |
اقتباس:
اقتباس:
الله يسهل لك باقي امورك يارب وبنسبه للمواليد خارج البلد لازم تروح المعامله لداخليه ومبروك مقدما eqdx342 |
اقتباس:
ههههههههههههههههههههه دوبك تحسي انك مخطوبه ليش أنتي مومخطوبه من اول اجل مقدمه معاملة زواج على اي اساس ! ارقصي وهيصي يابنت .الله يديم الفرحه بقلبك يارب.. هذا انا برقص لك هههههههه ewrdwpjfc |
ياحياتي مبروووووووووووووك
وعقبالي وعقبال كل الموجودين دعواتكم |
امين يالووولووو يارب يسهلها
خلاااص مليت من الانتظار |
يا رب سهل امري فين وصلتي في معاملتك ؟
|
الحمدلله خلصت من الشرطة والبحث والسبت الي فات اتحولت من الشرطة لمحافظة جدة
وبكرة ان شاءالله بكلمهم بشوف ايش بعد المحافظة |
وانتي امل فين واصلة؟؟
|
هلا حبيبتي انا تحولت خلاص كاملة للأمارة من البحث
بس باقي ما ردوا علينا على اساس تتحول للداخلية الموظفة قالت لي اتصل هاليومين ويا رب تتسهل لان انا وانتي نفس الشي باقيلنا انتي خطيبك مو مولود هنا صح ؟ |
لا ياقلبي من مواليد السعودية
|
اتصلت عليهم الحين قالت كلمينا الاثنين او الثلاثاء ان شاءالله خير
|
إن شاء الله تبشرينا بالموافقة ياااا رب
32R.2ERD |
ربنا يسمع منك ان شاءالله
ويارب تتسهل معاملتك وتخلص هذا الشهر |
يا رب وجميع البنات ييسرلهم كل خير
|
اللهم امين تتيسر وتتسهل وكولنا ده
الشهر نبشر بعض يارب |
طرح رائع جداً أيهـا الفاضل الحوارني مع إنه عدد الصفحـات كثير جداً ،، بما أنني أُقيم بهـا كأجنبية والكثير من العـائلة تزوج البعض نجح والبعض فشل للأسف وووولي عودة مطولة ... تحية وتقدير لكَ ...ورافقتكَ السعـادة أينما كنت .. |
بنات مقهوره ودخلت افضفض لكم تخيلو بعد ماتحولت المعامله من المدينه الي انا ساكنه فيها على جده وقالو بعدها انا اتحولت على الاماره في الاخر بعد مراجعه كم مره للاماره وكل مره نسأل يقولو لسه ماوصلت واليوم قالولنا ماجانا شي راجعو الشرطه ولمن راح خطيبي للشرطه طلعت المعامله عندهم بعد ماجلسو ساعه يدورولها وبعد مالقيوها قالوله روح جيب نسخه جديدة من شهادة الميلاد مصدقة بتاريخ جديد والحين رايح يصدقها من اول وجديد العن اووم السخافه والاستهتار الي عندهم مو عارفه بعده ايش حيطلبو والمشكله شهادة الميلاد عندهم ومصدقة والي قاهرني انهم يكذبو كل ماكلمتهم يقولو المعامله خلاص في الاماره لهم ثلاثه اسابيع على هذا الكلام
حسبي الله ونعم الوكيل الله يخارجنا منهم على خير |
[QUOTE=يارب سهل امري;848587]بنات مقهوره ودخلت افضفض لكم تخيلو بعد ماتحولت المعامله من المدينه الي انا ساكنه فيها على جده وقالو بعدها انا اتحولت على الاماره في الاخر بعد مراجعه كم مره للاماره وكل مره نسأل يقولو لسه ماوصلت واليوم قالولنا ماجانا شي راجعو الشرطه ولمن راح خطيبي للشرطه طلعت المعامله عندهم بعد ماجلسو ساعه يدورولها وبعد مالقيوها قالوله روح جيب نسخه جديدة من شهادة الميلاد مصدقة بتاريخ جديد والحين رايح يصدقها من اول وجديد العن اووم السخافه والاستهتار الي عندهم مو عارفه بعده ايش حيطلبو والمشكله شهادة الميلاد عندهم ومصدقة والي قاهرني انهم يكذبو كل ماكلمتهم يقولو المعامله خلاص في الاماره لهم ثلاثه اسابيع على هذا الكلام
حسبي الله ونعم الوكيل الله يخارجنا منهم على خير[/QUO اصبري حبيبتي صدقيني مافي معاناة قدى انا صبرت تقريبا 9 سنين عشان المواافقه والحمد الله اتزوجت وترا المنتدى دا وجهو وجه خير للجميع كتير بناات اتزوجو ,,,,,,,,,تراهم يجو في العين الحمراااااااااااا يااما وياما ضيعو معاملتى وهما حاطينها بدرج واهمال وتنطنيش اذا انتى سعوديه خلى ابوكي او اخوكي يااخش عليهم بعين قويه واذا خطيبك السعودي يدخل عليهم بعين قويه دى معاملات ناااس واورااق نااس مهمه بمزاجهم يتلاعبو فيها حسبي الله ونعم الوكيل فيهم والله عيشونا ايااااام سوووده عسى ربي يجعل اياامهم سووووده ويسلط عليهم الي يعصلجلهم حيااتهم زى ماعلصجو معاملاتنا اصبري ولا تتسااهلو معااهم دى معامله وجايتهم من الامارة حتترسل للاماره ترا هما اهمااال وتلاعب بس ماافي شئ اسمو ضاااااااااع |
يسعدك ربي فواكه على ردك وانا الطرف السعودي وخلاص رجعلهم خطيبي مره ثانيه وجابلهم شهادة الميلاد وقالوله تعال الاسبوع الجاي راجع الاتصالات ونشوف بعدها ايش اخرتها معاهم المشكله اني مش موجوده في جده حالياً ولاكان رحت انا واحد من اهلي بس نقول ان شاءالله خير بس انا الي نزفزني كذبهم وانهم ماقالو ان المعامله موجوده عندهم ومو عارفه على اي اساس اعطونا رقم نراجع فيه بالاماره من جد مافي نظام مااعرف متى يتطورو ويخلو المعاملات تصير كلها عن طريق الكمبيوتر بدل مايضيعوا معاملات الناس
|
السلام عليكم
رجعتلكم تاني انا كتبت قصتي قبل كدا وحعيدها على السريع انا كنت مخطوبه على ولد خالتي وانا سعوديه وهوا يماني واترفضت المعامله مرتين لانه عنده انيميا منجليه حامل للمرض والمره التانيه اكتشفوا انه عنده انيميا الفول وانا دحين عمري 27 وانخطبت ليماني عمره 32 والوالد طلب منه يسوي التحاليل قبل لا نسوي حفله الخطوبه وفعلا سوا التحاليل طلع عنده اشتباه فايروس B في الكبد خامل وقاله الدكتور مافيه اي خطوره ابدا ولسه حيسوي تحليل تاني عشان يتأكد ايش تعرفوا عن دا المرض وتتوقعوا المعامله تمشي ولا لا الله يسهل اموري واموركم . . |
وعليكم السلام اهلين توته ،، الله يوفقك يارب ويكتبلك الي فيه خير
وان شاءالله الاخوات هنا راح يجاوبوكي على اسئلتك،، انا للاسف ماعندي خلفيه في هذه الامور |
اقتباس:
والتوفيق للجميع ان شاءالله في انتظار الردود (: |
ياحياتي ياتوته يارب يسهلها عليكي وعليا وعلى كل البنوتات
اول قبل كل شي اتاكدو من المرض وخليه يحلل ولاتخافي يارب خير والاحسن اكتبي بقوقل عن المرض وشوفي اضراره وايش السبب وهل ينتقل وكل ده الكلام افضل لك وطمنينا |
السلام عليكم
أنا لسا دوبي مقدمة المعاملة يوم السبت قدمناها ويوم الاثنين وصلني رسالة انه اتحولت للشرطة . ايش الخطوة الجية اخلي خطيبي واخويا يراجعو ولا استنى رسالة يطلبو فيها انه نراجعهم ؟؟ وشكرا مقدما |
اقتباس:
ولو حيتم الزواج وربي اراد كيف تحمي نفسك واطفالك من انتقال المرض ، عشان كدا ضروري تعرفي كل دا ، في حقن على ثلاث جرعات تعطى لهذا المرض للحماية مابغا اخوفك بس ضروري تعملو تحاليل وتراجعو دكتور ، والله يكتب لك الخير |
اقتباس:
اختي لازم ياخذ رقم المعاملة من الشرطة الي اتحولت للامارة لازم يكون لها رقم صادر لا تخليه يروح الامارة بدون الرقم ياخذ الرقم من الاتصالات الادارية بالشرطة... مافي رقم معناته لسه المعاملة في الشرطة ما اتحولت |
اقتباس:
ايوه عارفه هما اول اعطوني رقم الصادر وقالو خلاص اتحولت وجلسنا اسبوعين وزياده نراجع في الاماره وفي الاخير طلعت لسه ماتحولت وشغل استهبال ولمن احد يجي يسألهم ماتاخدي منهم لاحق ولاباطل يردو عليكي بنفس شينه واخلاق خايسه الله يعين بس ويخارجنا منهم |
اقتباس:
ربنا يسهلها |
اقتباس:
اقتباس:
ربنا يسهل هوا باقيله يسوي تحليل تاني عشان يتأكد من النسبه تسلموا على الرد (: |
السلام عليكم
بنات عندي استفسار ياليت احد يقدر يفيدني الحين بعد ما تتحول المعاملة من الشرطة للامارة هل في الامارة يطلبو ولي الامر وشهود وحدة اعرفها قالت في الامارة طلبو ولي امرها وخطيبها وشاهدين و وقعو على اوراق قبل ما تتحول للمحكمة وهاذا كان في جدة هل هذا صحيح؟ وكم المدة الي تجلس فيها المعاملة بالامارة وتطلع الموافقة وتتحول للمحكمة؟ |
اقتباس:
اقتباس:
ايوة صحيح وهذي تعتبر الموافقه المبدئيه :) انا طلبو مني حظور خطيبي واثنين شهود سعودين وولي الامر اذا موجود يحضر واذا لأ خلاص المخطوبه تكفي. انارحت بنفسي لان الوالد كان تعبان فـ أخذت اخوي وطبعااذا الأب عايش الاخ مايعتبرونه ولي أمرللبنت والحمدلله مشيت لانه اهم شي حضور الخاطب والمخطوبه والشهود.. ..تاخذ أسبوع في امارة مكه الااذا راحت لداخليه في الرياض تاخذوقت شوي في حالة الخاطب غيرمولود في البلد .. |
اقتباس:
ربي يوفقك ويسعدك |
اخواني و اخواتي
سؤال انا ابغى ابدأ تقديم اجراءات زواج اول كان اول خطوه اقدم خطاب في المحافظه حاليا بعد ما نقلو الاجراءات كلها لشرطه جده هل احتاج اقدم اول شي في المحافظه وهما يحولوني على شرطه جده ولا على طول اروح اقدم الخطاب في شرطه جده ؟!! << كسلان يرجع يقرأ الصفحات القديمه ^^ |
هلا فيك أخوي صالح بنسبه لسؤالك راح تلقى الاجابه عليه في الصفحات السابقه كثير جاوبو عليه معليه لازم تبحث مافي شي بساهل.. بتوفيق ^_^ |
والله الموضوع مره صفحاتو كثير
عموما اختصرت الموضوع ورحت بنفسي وخلصت اموري في المحافظه والحمدلله واتحولت على شرطه جده خلاص |
الساعة الآن 01:36 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا