الله يبارك فيك دانة
بديت احس اني مخطوبه
ودي ارقص

32R.2ERD

صباح الخير مبروك قمر يثرب ودانه وعقبال بقيه البنات
حبيت استفسر منكم في جنسيات ممنوعه من الزواج من سعوديه طمنوني لانو المتقدم لي عراقي

الله يبارك فيك كادي
الحقيقة لا علم لي لكني قرأت هنا ان احدى الاخوات مخطوبة لعراقي ولا اعرف على ما انتهى موضوعها !
الله يسهل امورنا و اموركم
وصباحك قيمر :)

يسعد صباحك قمر مشكوره حبيبتي وربي يسعدك ويتمم لك علي خير وعقبالي والبنات كلهاا يارب
حبيت اسالك قدايش اخذت معاملتك وهل واجهتي صعوبه

معاملتي اخذت 5 اشهر بالضبط
من بداية التقديم حتى الموافقة
ولم اواجه صعوبات الحمدلله

امين يالووولووو يارب يسهلها
خلاااص مليت من الانتظار

الحمدلله خلصت من الشرطة والبحث والسبت الي فات اتحولت من الشرطة لمحافظة جدة
وبكرة ان شاءالله بكلمهم بشوف ايش بعد المحافظة

وانتي امل فين واصلة؟؟

لا ياقلبي من مواليد السعودية

اتصلت عليهم الحين قالت كلمينا الاثنين او الثلاثاء ان شاءالله خير

ربنا يسمع منك ان شاءالله

ويارب تتسهل معاملتك وتخلص هذا الشهر

بنات مقهوره ودخلت افضفض لكم تخيلو بعد ماتحولت المعامله من المدينه الي انا ساكنه فيها على جده وقالو بعدها انا اتحولت على الاماره في الاخر بعد مراجعه كم مره للاماره وكل مره نسأل يقولو لسه ماوصلت واليوم قالولنا ماجانا شي راجعو الشرطه ولمن راح خطيبي للشرطه طلعت المعامله عندهم بعد ماجلسو ساعه يدورولها وبعد مالقيوها قالوله روح جيب نسخه جديدة من شهادة الميلاد مصدقة بتاريخ جديد والحين رايح يصدقها من اول وجديد العن اووم السخافه والاستهتار الي عندهم مو عارفه بعده ايش حيطلبو والمشكله شهادة الميلاد عندهم ومصدقة والي قاهرني انهم يكذبو كل ماكلمتهم يقولو المعامله خلاص في الاماره لهم ثلاثه اسابيع على هذا الكلام

حسبي الله ونعم الوكيل الله يخارجنا منهم على خير

[QUOTE=يارب سهل امري;848587]بنات مقهوره ودخلت افضفض لكم تخيلو بعد ماتحولت المعامله من المدينه الي انا ساكنه فيها على جده وقالو بعدها انا اتحولت على الاماره في الاخر بعد مراجعه كم مره للاماره وكل مره نسأل يقولو لسه ماوصلت واليوم قالولنا ماجانا شي راجعو الشرطه ولمن راح خطيبي للشرطه طلعت المعامله عندهم بعد ماجلسو ساعه يدورولها وبعد مالقيوها قالوله روح جيب نسخه جديدة من شهادة الميلاد مصدقة بتاريخ جديد والحين رايح يصدقها من اول وجديد العن اووم السخافه والاستهتار الي عندهم مو عارفه بعده ايش حيطلبو والمشكله شهادة الميلاد عندهم ومصدقة والي قاهرني انهم يكذبو كل ماكلمتهم يقولو المعامله خلاص في الاماره لهم ثلاثه اسابيع على هذا الكلام

حسبي الله ونعم الوكيل الله يخارجنا منهم على خير[/QUO اصبري حبيبتي صدقيني مافي معاناة قدى انا صبرت تقريبا 9 سنين عشان المواافقه والحمد الله اتزوجت وترا المنتدى دا وجهو وجه خير للجميع كتير بناات اتزوجو ,,,,,,,,,تراهم يجو في العين الحمراااااااااااا يااما وياما ضيعو معاملتى وهما حاطينها بدرج واهمال وتنطنيش اذا انتى سعوديه خلى ابوكي او اخوكي يااخش عليهم بعين قويه واذا خطيبك السعودي يدخل عليهم بعين قويه دى معاملات ناااس واورااق نااس مهمه بمزاجهم يتلاعبو فيها حسبي الله ونعم الوكيل فيهم والله عيشونا ايااااام سوووده عسى ربي يجعل اياامهم سووووده ويسلط عليهم الي يعصلجلهم حيااتهم زى ماعلصجو معاملاتنا اصبري ولا تتسااهلو معااهم دى معامله وجايتهم من الامارة حتترسل للاماره ترا هما اهمااال وتلاعب بس ماافي شئ اسمو ضاااااااااع

يسعدك ربي فواكه على ردك وانا الطرف السعودي وخلاص رجعلهم خطيبي مره ثانيه وجابلهم شهادة الميلاد وقالوله تعال الاسبوع الجاي راجع الاتصالات ونشوف بعدها ايش اخرتها معاهم المشكله اني مش موجوده في جده حالياً ولاكان رحت انا واحد من اهلي بس نقول ان شاءالله خير بس انا الي نزفزني كذبهم وانهم ماقالو ان المعامله موجوده عندهم ومو عارفه على اي اساس اعطونا رقم نراجع فيه بالاماره من جد مافي نظام مااعرف متى يتطورو ويخلو المعاملات تصير كلها عن طريق الكمبيوتر بدل مايضيعوا معاملات الناس

السلام عليكم
رجعتلكم تاني
انا كتبت قصتي قبل كدا وحعيدها على السريع
انا كنت مخطوبه على ولد خالتي وانا سعوديه وهوا يماني واترفضت المعامله مرتين لانه عنده انيميا منجليه حامل للمرض والمره التانيه اكتشفوا انه عنده انيميا الفول
وانا دحين عمري 27 وانخطبت ليماني عمره 32 والوالد طلب منه يسوي التحاليل قبل لا نسوي حفله الخطوبه
وفعلا سوا التحاليل طلع عنده اشتباه فايروس B في الكبد خامل وقاله الدكتور مافيه اي خطوره ابدا ولسه حيسوي تحليل تاني عشان يتأكد
ايش تعرفوا عن دا المرض وتتوقعوا المعامله تمشي ولا لا
الله يسهل اموري واموركم
.
.

وعليكم السلام اهلين توته ،، الله يوفقك يارب ويكتبلك الي فيه خير

وان شاءالله الاخوات هنا راح يجاوبوكي على اسئلتك،، انا للاسف ماعندي خلفيه في هذه الامور

امييييين يارب
والتوفيق للجميع ان شاءالله
في انتظار الردود
(:

السلام عليكم
أنا لسا دوبي مقدمة المعاملة يوم السبت قدمناها ويوم الاثنين وصلني رسالة انه اتحولت للشرطة .
ايش الخطوة الجية اخلي خطيبي واخويا يراجعو ولا استنى رسالة يطلبو فيها انه نراجعهم ؟؟
وشكرا مقدما

حبيبي الكبد الوبائي يعتبر مرض خطير عشان كدا لازم تسوو تحاليل دقيقةوتراجعو دكتور وتعرفو ايش سبب كونه حامل لهذا المرض ،
ولو حيتم الزواج وربي اراد كيف تحمي نفسك واطفالك من انتقال المرض ، عشان كدا ضروري تعرفي كل دا ، في حقن على ثلاث جرعات تعطى لهذا المرض للحماية
مابغا اخوفك بس ضروري تعملو تحاليل وتراجعو دكتور ، والله يكتب لك الخير

حتى انا نفس الشي رحت انا وخطيبي وقدمنا اوراقنا مع الفحص للشرطة ووقعت الاقرارات وراجع المعاملة الموظف وقله كامله وراجعنا بعد شهر تخيلي راجعه بعد شهر وساله اتحولت قال لا باقي البصمات راح البصمات بصم وقاله بعد اسبوعين راح بعد اسبوعين قله نفس الي قال لخطيبك جيب شهادة الميلاد مصدقه بتاريخ حديث جابها وقله راجعنا بعد اسبوع

اختي لازم ياخذ رقم المعاملة من الشرطة الي اتحولت للامارة لازم يكون لها رقم صادر لا تخليه يروح الامارة بدون الرقم ياخذ الرقم من الاتصالات الادارية بالشرطة... مافي رقم معناته لسه المعاملة في الشرطة ما اتحولت

ايوه عارفه هما اول اعطوني رقم الصادر وقالو خلاص اتحولت وجلسنا اسبوعين وزياده نراجع في الاماره وفي الاخير طلعت لسه ماتحولت وشغل استهبال ولمن احد يجي يسألهم ماتاخدي منهم لاحق ولاباطل يردو عليكي بنفس شينه واخلاق خايسه الله يعين بس ويخارجنا منهم

امييييين يااااااااااارب

ربنا يسهلها

سألت ناس عن هذا المرض وكذا وحده قالتلي انهناس يتعافوا منه وفي وحده خالها عنده وقاله الدكتور اهم شي ماتتزوج من اقاربك وفعلا اتجوز وعنده اطفال ما شاءالله
ربنا يسهل هوا باقيله يسوي تحليل تاني عشان يتأكد من النسبه
تسلموا على الرد

(:

السلام عليكم

بنات عندي استفسار ياليت احد يقدر يفيدني

الحين بعد ما تتحول المعاملة من الشرطة للامارة هل في الامارة يطلبو ولي الامر وشهود

وحدة اعرفها قالت في الامارة طلبو ولي امرها وخطيبها وشاهدين و وقعو على اوراق قبل ما تتحول للمحكمة وهاذا كان في جدة هل هذا صحيح؟

وكم المدة الي تجلس فيها المعاملة بالامارة وتطلع الموافقة وتتحول للمحكمة؟

جزاكي الله خير اخت دانه

ربي يوفقك ويسعدك

اخواني و اخواتي
سؤال
انا ابغى ابدأ تقديم اجراءات زواج
اول كان اول خطوه اقدم خطاب في المحافظه

حاليا بعد ما نقلو الاجراءات كلها لشرطه جده
هل احتاج اقدم اول شي في المحافظه وهما يحولوني على شرطه جده
ولا على طول اروح اقدم الخطاب في شرطه جده ؟!!

<< كسلان يرجع يقرأ الصفحات القديمه ^^

والله الموضوع مره صفحاتو كثير

عموما
اختصرت الموضوع ورحت بنفسي
وخلصت اموري في المحافظه والحمدلله واتحولت على شرطه جده خلاص