|
ابد اذا مانمت. اخربط وتختلط السوالف ببعضها ماينفهم علي
تشتت وتطاير بالافكار استأذنكم فيني صدااع قوي والعذر والسموحه منكم لا تنسون بكرا صيام يوم عرفه. الله يسعد قلوبكم ويفرج همومكم إذا أتعَبتكَ آلآمُ الدُنيا فَلا تحزَنْ .. ضع امنياتك في سجده.. ثم انسها .. لا تنتَظِرْ السّعَادةَ .. حَتّى تَبتَسِمْ ولَكِنْ ابتَسِمْ .. لِتَكُنْ سَعِيدا لِمَاذَا تطْلِقُ التَفكِيرْ ؟ .. واللهُ وليُّ التَدبِيرْ .. ثُمَّ لِمَاذا القَلقُ .. مِنَ المَجهُولْ وكلُّ شَيءٍ عندَهُ معلُومْ .. لِذَلِكْ إطمَئنْ فَأنتَ فِيْ عَينِ الحَفِيظْ وقلْ بِقلبِكَ قَبلَ لِسَانِكْ ْ، { فَوّضتُ أمرِيْ إلَى اللهْ } |
اقتباس:
صحيح ، وصلت لقناعة ان الشخص السعيد المحظوظ هو الي ينولد بين اهل يحبونه ويحمونه ويدعمون ثقته بنفسه وان من علامات سوء الحظ والنحس ان الواحد ينولد وسط اهل يحطمونه ويكسرونه العايلة هي الي تحدد مسار الشخص في الحياة والله اني اغبط الناس المشردين واليتامى الي مالهم اهل لانهم وان انحرمو من وجود اهل يساندونهم لكنهم بعد سلمو من وجود ناس تحطمهم وتكسرهم والله اني وصلت هالمرحلة تمنيت لو اني انولدت يتيمة او بدون اهل كان احسن واكرم لي من العيشة الي شفتها والحمد لله على كل حال .. اشكرك |
اقتباس:
الله يسعدك امين ، الصراحة وصلت مرحلة حتى ان ايماني ضعف وقمت اشك بامور واتسخط وامور ثانية ما اقدر اقولها الله يعفي عنا ويتوب عنا |
ضع أمرّك في ودائع الله
وقُل يارب سلمتُك أمريّ .. وكل ما أملك اللهُ وحده من يقدرّ على تخفيف حملك وحدهُ من سيصلح لك أمرّك |
أشوفك ما أنتي على بعضك هديل
تكفين نامي و ارتاحي و حنا بخير الحمدلله لا تشيلين هم يالغاليه أزمات و إن شاء الله تعدي على خير نتسلح بسلاح الإلهاء عن المرض و التجاهل و الصبر و أن لاشيء مستحيل على ذي الجبروت و الملكوت و الكبرياء و العظمة سبحانه و تعالى |
اقتباس:
أنا أتسخط رغم يقيني اللامحدود :( |
هذا هو الجذر من النباتات الطبيه تسمى جارودا سانجيفاني
لديها خاصيه غريبه من التحرك ضد تدفق المياه ربما قد يصف البعض هذه الظاهرة بسبب شكلها و لكنها مثيرة للإهتمام سبحان الله العظيم 1 https://www.youtube.com/watch?v=obwBIaZM7hY |
|
اقتباس:
كنت اظن ان الي نيته كويسة يتوفق بالراحة يرزقه ربي وتحبه الناس تفسيري للنية الزينة ان الواحد يحب الخير للناس وماينوي الشر لاحد ولايحقد على امور صغيرة ماتسوى والرزق ماني فاهمته انه لازم فلوس وفرص كبيرة وقوية المهم شي يمشي الواحد بحياته ومحبة الناس كلنا نعرف شلون لكن الي صار لي بحياتي سبب لي صدمة للحين اثارها مغروسة بكياني ومزلزلتني ما اقدر اجيب كل التفاصيل المهم ماعاد صار عندي ثقة اني اقدر اوصل لتوفيق الله اذا انا بهالطيب والخير وحب الخدمة للناس وحتى الحيوانات اعطف عليها يحصل لي كذا وماتفرج لي اجل وشو التوفيق وشو النية وووش هالظلام وش هالوجع ؟! اللهم لا اعتراض ادري بيجي من يقول الانبياء ابتلو وهالكلام كله عارفته مابي اسمعه لكن خلاص ما اقدر اتفائل ولا اثق ، سنين وانا حالي من سيى لاسوء والحمد لله دائما وابدا احاول احارب هالتفكير السلبي لا يغضب الله علي ، احتول دايم بداخلي اقول الحمد لله ولا اتمادى بهالتفكير المظلم |
سبحان الله و بحمده سبحان الله العظيم
كلمتان خفيفتان على اللسان ثقيلتان في الميزان حبيبتان إلى الرحمن |
انثى الجدي لاتعتذرين حبيبتي عادي تحصل كثير والله اني ما انتبه لبعض الردود من اخواني هنا .
انثى بقولك شي انا انولدت لاسره عظيمه بكل ماتحمل الكلمه من معنى اخذت اكبر النصيب من الحب والدلال والتفاهم والفرص الجميله بالحياه مثل التعليم وخياراتي واهدافي أب عظيم يعطيني قوه ويشكل سند لي وأم حنونه من جيل الطيبين اللي لو حتى تجيني زكمه وانا بغله وش كبري طول اللي ماتنام رايحه جايه علي تسمي علي وتشوف حرارتي وكلامها كله ياخلف امي وابوي وجدي .. اتذكر اذا جاء الشتاء وجابو لنا كرتون فقع والله ماتذوقه هي وابوي لين اكل منه تقول مايهناني ولا ينزل من حلقي وانتي ماكلتيه وفجأه يا انثى فقدتهم الثنين بنفس السنه كبرو بالسن وانا لسا كنت بالثلاثينات ومرضو وتوفو عليهم رحمة الله انهزيت من داخلي تغيرت بيوم وليله صارت حتى الزكمه تبكيني لاني اتذكر يدين امي لكن وش حيلتي ؟ مابيدي شي وجاني اكتئاب هالسنه وقلق حاد ونوبات هلع مع انهم متوفين من ١٤ سنه وقالي الدكتور الم فقدهم وموتهم ماتقبلتيه ابدا وتجمع هالشغور هنااااااك بالعقل بالاطن وطلع علي هالسنه لكني ما يأست دائما عندي مصباح اشوفه هناك بعيد منور ولله الحمد اللي عديت فيه ماكنت اظن اني بطلع منه ابد لكن طلعت بفضل العظيم الله سبحانه . صحيح انا معاك تجي لحظات يأس وشك وتساؤلات بينك وبين نفسك احيانا تخافين منها لكن تأكدي ان الله احيانا بذكرك ان الحياه قدامك بتتغير وبيعوضك ربي بشي ماكنتي تحلمين فيه فقط حطي في بالك وقلبك الأمل ادري انه شعور ويقين وصعب توصلين له لكن ترى مالك الا هو . خذي لك خط بالحياه وسايري اهلك وتدرعي ابيك تعرفين قانون التدرع هو مثل الاذكار بالاسلام راح تلاقي فيديو كثير عن التدرع باليوتيوب . تصيرين زي التمساح معد يوجعك اي شي من احد ولا اي كلمه ولاتصرف .اعملي التدرع وواجهي الحياه صدقيني راح تشوفينها غير .لاتيأسي ابد انتي لسا باجمل سنين العمر لاتضيع بالحسره والألم . حبيبتي صخيح الظروف البيئيه بالصغر تأثر على الانسان مدى الحياه لكن يقيني ان الانسان يقدر يتجاوزها انسي الماضي وارميه ورت ظهرك واعشقي نفسك وبدي نفسك على الجميع مش انانيه لكن لنفسك عليك حق . حسابات الله تختلف عن حسابات البشر احيانا نشعر اننا مظلومين وندعي على من ظلمنا ولاتستحاب دعوتنا تدرين ليه ؟ لأن الحقيقه اننا احنا الظالمين مو اي شخص اخر يمكن حتى نكون ظالمين لانفسنا . حبيبتي الله يكتب لك الخير ويفتح لك باب سعاده من حيث لاتحتسبي |
ابو نجلا شلونك ؟
عندي لك بشاره هيئة الدواء والغذاء اصدرت موافقتها على استخدام التحفيز المغناطيسي للدماغ في علاج الاكتئاب والحزن والشقيقه والان توصلو انه يعالج الوسواس القهري بشكل ممتاز وراخ يستخدم بمستشفياتنا قريبا . طبعا مو جلسات كهرباء لا شي ثاني بسيط ومريح اذا تبي تعرف عنه اكثر ادخل تويتر على الدكتور وجدي مختار وتلقى الموضوع بالتفصيل . ياويلك لو تقولي ياقطرات ماراح ينفع ترى بجي ادبج ركبتك الثانيه 😂😂😂 دائما خلي عندك امل من كان يتوقع قبل ٣٠ سنه عمليات الليزك بالعين اللي تعيد النظر ٦ على سته ؟ قريب راح تبشرني انك خطبت بنت الحلال وبتعرس وتعزم ال نفساني على عرسك وعقب سنه بنشوف ورعانك يطامرون عندنا قل يالله بس |
أخي الكريم أبو نجلا..... الله يعوضك خير إنشاءالله عما عانيت في هذه الدنيا الدنيئة..... ومن منا من لم يعاني من أقاربه وأهله إلا القلة القليلة..... وعسي ان تكرهوا شيئا وهو خيرا لكم وكم من متزوج لم يري طعم الراحة مع زوجة ظالمة وقاسية وهمها الدنيا وجمع المال والسفر ولو علي حساب راحة زوجها المسكين..... كونك مظلوم افضل من تكون ظالم.... اللهم اجعلني مظلوما لا ظالما يا رب.....
|
ابو نجلا وقطرااااات 😢😢😢😢
لا تقلبون المواجع ارجوكم الاسى والحزن متشبع في كلماتكم😞 قلبي والله مايتحمل ضربتين وهالشي يضايقنا كلنا كإخوة والله نتألم لألمكم .. وننجرح لجرحكم .. وصعب جدا ويعز علينا نقرأ وجعكم ومانقدر نسوي شي ومابيدنا شي الا ندعي لكم بجوف الليل لان ما أظن فيه كلمات بتواسي اكثر وترى للقرب من الله لذه وراحة وشعور الالتجاااء لله وحده .. والاستغناااااء .... عن النااااس والدنياااا شعور ما يوصف ماله مثيل .. يعني الواحد يوصل لمرحلة انه يشوف الدنيا صغيررررره وتافهه وماتسوى اي ضيق وزعل هذي هي السعاده الحقيقيه .. بالرضا والتسليم وحسن التوكل على الله |
قطرااات ذكرتيني برحيل ناس احبهم
ولامستي جرح كبير فيني 😞 بكيتوني وبس. |
اقتباس:
الله يجعلهم بالفردوس الاعلى يارب ويجبر كسرك ياكريم والله شي مو سهل الله لايفجعنا ، طيب في احد واساك ووقف معك بعد وفاتهم ؟ اقصد الين ماتتجاوزين الصدمة .. ؟؟ اول مرة اعرف عن التدرع بروح اشوف عنه |
اقتباس:
من جد والله نحتاج نمشي كلنا سيده ولانفكر نرجع وراء عاااالي انت لاتفكر بمواقف البايخه الللي صارت بينك وبين ابوك لان هذي الشيطان يكبرها بعقلك ويخليك تحقد وتنقهر وتحزن الشيطان يعجبه هالشي يحب يشوف البني ادم حزين ويدخل له من مداخيل زي هذي عشان يجره فانت استعذ بالله منه بيجي يوم وتتزوج صدقني بكره عرفه استغله بالدعاء والح فيه وكثر دعوات ربي مايخيب رجاء احد ان شاء الله والله كنت اتمنى احج هالسنه بس ربي ماكتب والا كان رحت ودعيت لكم مثل مادعيت في العمره وزين رجعت عالي $$$ اللي نعرفه لاتزعل نفسك بسبب افكار شيطان يحطها بعقلك |
السلام عليكم مساء الخير على الجميع كيف حالكم اخواني اخواتي بالتوفيق دائما |
يالله ياقطرات 😭
امك وابوكي بنفس السنه لاحول ولاقوة الا بالله انا شخص واحد تاثرت فكيف باثنين احيانا اشوف امي واتاملها واقول الله يخليها لي ماعرف ايش راح اسوي لو راحت لاسمح الله فعلا لما تفقدين احد الوالدين تتغير حياتك فوق وتحت وتحسين الدنيا انتهت عندك الله يرحمنا برحمته |
راسي مصدع ولا فاد البندول ابد
ربطته بالطرحه كني صعيديه خلونا نتفق لا نعيد فتح الجروح. انسوا الماضي الأليم |
اقتباس:
طيب يمكن السبب مااكلتي او مانمتي حاولي تنامين ايوه لاتفتحو جروحكم مره وجديدخلوها تلتئم |
وين محمد ماني شايفته 😵
|
اقتباس:
شكلي من كثر ما مدحت البندول طقيته عين من كثر ما ابلع منه ماعاد يفيد اظن جسمي تعود . بجيب اللي من برا افضل صداعي اظن من قلة النوم. نومي مترخبط وكوابيس |
اقتباس:
ادبجي ركبته وانا بدبج راسه بالمشعاب 😂 ويارب نشوفه معرس ومعه فروخه 🐣🐣 وراح نسوي له اكبر حفله هنا وانا بصير المطربه 🎤 🎶 بس هاه بفلووووس انا مافيه شي بلاش عندي 😑 |
انثى الجدي اللهم امين ويحفظ لك احبابك .
ايوا عندي اخت كبيره وما عندي اخوان واختي كنها امي الله يحفظها ويخليها وبناتها قدي الله لايحرمني منهم .. كمان عماني وعماتي وخالاتي كلهم معد صار همهم الا انا وخاطري ووش يريحني الله لايوريني غلاهم . الحمدلله على كل حال عدت لكن اصعب اللحظات هو الشوق لهم اللي يعصر القلب عصر تمر اغنيه تذكرني اشم عطر اتذكرهم الدخون والعود بطلته لأني من اشمه اتذكر ابوي وامي وبيتنا زمان اللي كان يعج بالناس والضيوف والعزايم وريحة الهيل وحمس القهوه . الان انا هنا وباللحظه ما ابغى ارجع ورى ابدا لهم مني برهم بالصدقه والدعاء وان كان ربي قدرني اعمل لهم اعمال خيريه ولقائنا هناك بالجنه ان شاء الله . غيمه حبيبتي هذي هي الحياه يوم تقوينها ويوم تقواك وهي ماشيه ماراح توقف لأحد عسى ربي يمسح على قلبك السلوان ويبدل شتاتك طمأنينه وراحة بال . لوليتا يسعدلي قلبك .. ايوالله بنفس السنه بينهم ٣ شهور فقط ممداني اقول من وجع ابوي الا لحقته امي لكن الحمدلله تركو وراهم بنت قويه واثقه بالله وقفت وهديت افكاري وابتديت من جديد لأني ماكنت ابغى اكمل وانا بهالشتات والالم .. لوليتا لكل شي حكمه حتى المصيبه والوجع والحكمه اللي شفتها اني صرت اقوى بدل هذيك البنت المدلله الباهته . ياااااارب احمدك واشكرك كثر ماعطيتني من صحه وعافيه ومال وستر وراحة بال وحب اقاربي وصديقاتي شكرا يا الله . لوليتا اتمنى لك مثل ما اتمنى لنفسي السعاده وراحة القلب والبال ويعوضك يارب خير عن مافقدتي في دنيتك قولي امين |
اقتباس:
وماشاء الله عندك معلومات واطلاع بالعلاجات النفسيه وماتبخلين بها هنا. الله ينفع بك ويكتب لك الاجر بكل حرف تكتبينه ❤ |
اقتباس:
خلاص من االليله بتحول لتمساحه هههه واتدرع 💪عشان ما اتأثر بشي خلاص كلنا خل نصنع دروع ذاتيه بداخلنا ونصير اقوياء 💪 ونواجه الدنيا بكل قوه وصلابه 💪 معلومة اعجبتني و مصطلحها معبر 👍 |
صباح الخير يالاحبه
|
انا فقدت احباب واجد ولا زلت وخايف مع الايام فقدي ل نفسي 💔😴
|
اللهم ارحم لمن استاقت لهم انفسنها وابدلهم بدار خير منها
|
تمر احيان اتجاهل مصير ل حلمي المكسور
واهيم بدنيتي وحدي اعيش حظوظ ملعونه اشوف اني عطا انسان خذا منه الظلام النور زرع فيني القهر لمحه لوضع احوال مجنونه متى حاولت اتناسى واجمع واقعي المنثور تجيني الف جنيه تعيد اهموم مدفونه كذا الدنيا تعودنا على حمل الاسى والجور تناشبنا على البسمه فرحه قلب مسجونه وشبنا قبل ما نكبر وشفنا من القصور قصور على سر الحياه اللي سقت لي جرحي وكونه تعبت امثل الادوار وتهت ولا ملكني دور سوى اني غريب وصرت غريب بنفس مطعونه ولا هي اللي عطتني خير ولا قد زينة شور ادريبها على الفطره واناجي خالقي عونه نهايتها على فكره متى ماصفق الجمهور على نضم الكلام اللي زرع افكار مشحونه |
هلا حبيبتي غيمه
لو اقولك وش تخصصي ايام الجامعه تضحكين تخصصي كان علم نفس وسلوكيات تخيلي !! يعني ابيك تعرفين ان كل انسان معرض للسقطات النفسيه حتى الاطباء نفسهم . انا ما اعرف من ايش تعانين لكني حاسه ان عندك رغبه عميقه ماتحققت ومحيطك ماساعدك تحققين هالشي لك ميول مختلفه جدا عن بيئتك وصعب عليك كسر الحاجز . ابيك تسوي فورمات لافكارك وابيك تقررين انك تتغيري لانسانه اخرى قويه انا يوم كنت بعمرك كنت اسعد البشر مابيك تضيعين حبيبتي هالسنين الحلوه بالالم اللي احس فيه بكلماتك . انا عمري ٥٠ سنه ولازلت انظر للامام بتفائل وان ربي بيرزقني شي جميل لكن مدري وشو . شوفي الكلام مره سهل واعرف التنفيذ جدا صعب على الشخص اللي يعاني لكن مع التكرار يتبرمج العقل الباطن على الايجابي ويطبقه على مشاعرك وتصرفاتك . تتذكري واحنا صغار كنا صعب نحفظ المواد بالمدرسه بس الاغاني نحفظها بسهوله جدا تدرين ليه ؟ اقولك : لسببين اولا ان الاغاني تتكرر على مسامعنا مو زي مادة الحفظ وثاني شي ان الاغنيه ما اجبرت عقلي يحفظها لكن مع التكرار حفظها اما الماده المدرسيه اجبرت عقلي يحفظها بالتالي رفض الحفظ ولو حفظ بيكون بصعوبه . هو كذا العقل عوديه على الجميل بدون اجبار وراح ينفذ ويجلب كل الاشياء الايجابيه اما اذا تبرمج على التعاسه من غير ماتشعرين راح يجذب لك كل اللي انتي لقنتيه . ماني عارفه اوصل الفكره اتمنى تكوني فهمتيني 😁😁😁 اسأل الله لك السعاده وراحة البال |
ابو نجلا ذكرتني بفيلم الرساله 😂😂😂
داير شنو يازول داير نبيذ ويحك يا وحشي سوف اكسر ركبتك الاخرى الى ان تتوب وترجع الى دين ابائنا . الله يوسع صدرك بالعافيه ضحكتني وانا ميته جوع . على طاري الجوع بفطر مكرونه بسم الله على قلبي وبطني |
صبااااااااااااااااااااااااااااااحوا جميلا لكل الاحبة
هلااااااا لولو موجود يا غالية بس كسل وخمول هلااااااااا حبيب قلبي خااااااااااااااالد بشر عنك هلااااااااااا بالجميع وكل عام وانتم بخير تقبل الله منا ومنكم صالح الاعمال |
هلاااااا وسهلااااااا البدراني
الله يتقبل منا ومنك في هالايام الفضيله وعساك من عواده هالسنه وكل سنه وانت بصحه وسعاده يارب |
اقتباس:
وكل عام وانت بخير وينعاد علينا وعليك يارب ابشرك على ماتحب وانت بشرني عنك ي كحيلان |
امس الفجر اتصلت علي واحد من الشباب ورحت له الشقه
كان معاه باقي الشباب يتابعون مسرحيه طارق العلي الجديده تابعتها معاهم وعسلت معاهم على الساعه 6:30 صبح نمت ونا مدري صحيت الساعه 5 العصر وقعدت مع الخوي للساعه 1 الفجر عقب رحت لمطعم فريج صويلح قريب من الشقه تسحرت مطبق زبيدي وطريت في بالي ي البدراني بصراحه دايم تطريه بلمنتدا تمنيتك معاي:( |
ياسرور انا في عالي الرجـم عـديـــت
وحـاولـت افـكـر وافتـكـر مـثـل غـيـري ودعــيــت نـــــاس خـالـفـونــي ونــاديـــت واقـفــوا وانـــا فــي مـاقـفـي مستـخـيــري بغـيـــت اعــدل مـايـل الـنـاس وازريــت ازريــت أعــدل مايـلـن فــي ضـــمـيـري مـاجـتــنــي الــدنــيــا عـــلــــى مـاتـمـنــيــت يـــوم إنقطع حبل الرجـــــاء من عــشــيــري وايـسـت مــن طــرد المقـفـيـن وأقـفـيـــــت نــزلـــت مـلــواحــى وبــرقــعــت طـــيـــري ولـيـا وجــب واجــب عـلــي إستـعـديـــــت مــانــي مـهـيــن ولا ذراعــــي قـصـيــري |
صح السانك يا عبق الذكريات..... صدقت اخي الكريم كل يوم يفاجئنا الدهر بفقد عزيز أو صديق وكأن الخالق عز شأنه لا يريد لنا التشبث بهذه الدنيا الدنيئة.....اللهم شافي كل مريض يا رب.....
|
صباح الخير والاحساس والطيبه صباح ما يليق الا باحبابه
|
| الساعة الآن 02:28 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا