|
ام كلثوم سبب من اسباب السعاده في هذه الدنيا حتى وهي ميته
جد يا رفاق احيانا يمر يوم ما حسيت بطعم انبساط او راحه اسمع اغنيه احبها من اغاني ام كلثوم احس بسعاده وامل رحمك الله يا صوت الارض |
اقتباس:
صح ابدانك حبيب قلبي تصدق من يومني صغير من ساعه ماشفت مسلسل السوري دنيا وانا داري وعارف انها دنيا تعب وشقى😂😂🤓 [IMG]url=http://www.up-00.com/]http://c.up-00.com/2018/08/153473688103664.png[/ur[/IMG] |
اقتباس:
|
اقتباس:
|
اقتباس:
طيب حاولي ترتاحين وتنامي بس لاتاخذي حبوب عشان مايتعود راسك كل ماصدع يروح الوجع بالحبوب قدامك العافيه يارب اقتباس:
بس انتي ماشاء الله عندك اللي يوقفون معاكي ويساندونك من بعدهم انا صرت وحيده مالي الا الله ثم امي اشوف فيه فرق شااااااسع بين حياتي لما ابوي كان عايش وبين حياتي بعد مماته الله يرحمه ويغفر له يارب |
اقتباس:
الحمدلله انك موجود لاني لاحظت بعد اخر مره كتبت مشاركتك اختفيت فجاءه الله يعطيك الصحه ويتقبل منا ومنكم يارب |
صباح يوم التاسع من ذي الحجه
صباح الغناائم صباح يوم الصوم صباح يوم التسامح صباح يوم الدعاء صباح يوم المغفره صباح يوم العتق من النار صباح اليوم = سنه قبله وسنه بعده لا إله إلا الله وحده لا شريك له له الملك وله الحمد وهو على كل شيء قدير |
السلام عليكم
آه يا لوليتا الصيام قهر : ( ربي ما كتب .. دعواتكم هلا بكم جميعا يا من لا تغيبون عن البال و لا انساكم من دعائي ودي اذكركم فردا فردا بالاسم و لكن أخاف تخونني الذاكرة و أنسى اسم أهم شي ندعوا لبعضنا اليوم و لاحبابنا و جميع المسلمين الاحياء و الميتين و نكثف الدعاء من بعد صلاة الظهر لقبيل صلاة المغرب و ربي يحقق الأماني و يتقبل من الجميع و يكون العام القادم عام خير و بداية السعادة الموعودة في الدنيا و الآخرة اللهم آمين |
اقتباس:
انا توفى ابوي وعمري 18 وكان هو الوحيد رحمة الله عليه الي يحبني الحب الحقيقي الي معناه الخوف على مشاعري والحرص على مصلحتي كانت له وقفات ماحب اتذكرها عشان ما ابكي بقى لي ام واخ واحد ، محد اسندني بالمعنى الصحيح مرت سنين سودا مادري كيف طلعت منها انا مامرضت وقتها ولا جاني شي ثم رجعت سنين سودا ثانية هي الي انكسرت فيها ولازلت اعيشها للاسف والله خايفة من الجاي الله يعين بس |
عليكم السلام عيون ، صباح النوور
الله يتقبل منا جميعا ويجعل لك اجر النية عظيم يارب وين القطوطة الي بتوقيعك |
لوليتا حبيبتي عندك اللي اعظم من الكل عندك الله الجأي له ناجيه وازرعي بقلبك اليقين وراخ يكون معاك ويقويك صدقيني مو كلام انشائي ابدا هو الوحيد اللي عارف وشايف قلبك .. على فكره انا ايام وفاة امي وابوي ماكنت شايفه احد من الخلق صحيح خولي بس انا ماني مع الناس ولو تسأليني عن ايام العزا و اول سنه بعدهم كانت مثل الضباب ما اتذكر مين كان موجود ومين كان يحضنني . انا اول ماقال الدكتور عظم الله اجرك كل اللي اتذكره ان ظهري انكسر وفقرات عمودي الفقري زي السيخ نار يحرق فيها فقره فقره وقلبي كأن فيه فتحه بصدري وفيه يد قاسيه دخلت مع الفتحه وسحبت قلبي بعنف ورمته بالارض ودعست عليه . لكن كل شي عدى وانتي كمان راح تعدي ويجيك العوض الجميل اللي ينسيك كل وجع بهالدنيا انتي بس صدقي هالشي وامني فيه وراح تشوفينه بحول الله وقوته .
انثى الجدي لاتتوقعي الجاي شين ابد توقعي الخير وبيجيك الخير وكل اللي شفتيه من الم ترك بنت واعيه واسس فيك قوه وخبره و درع واقي لايكسر ابد . افتحي الابواب للفرح يا انثى وصدقيني الفرح موجود لكن احنا احيانا عيونا ماتشوف الا السواد . الله يرزقك اجمل الاقدار بايامك الجايه يارب |
اقتباس:
اقلها اكون حيادية لا اشوف بياض ولاسواد |
اقتباس:
فعلا العوائق والحواجز .. هي الطامة تربط الواحد واحد اكبر عيوبي ما اعرف اتصرف لحالي.. واشك كثير واحيانا افسر الامور بمفهوم خاطىء ماعاد افهم وش الصح ! لاني متربيه ومتعوده .. من وانا صغيره اتلقى توجيهات افعلي كذا او لاتسوين كذا .. هذا زين .. هذا شين لا هذا صح .. لا هذا غلط... ونقد في نقد ودايم اي شي اسويه.. حتى لو بسيط ! لازم يطلعون فيه اخطاء وعيوب شخصيتي صارت .. شخصية تابعه ولوامة صرت ما اعرف اتصرف من نفسي واشياء كثيره متوقفه بحياتي .. بسبب الخوف حاسه بتذبذب وما ودي اتكلم بامور اكبر تضايقني صرت احب احساس الضعف امام ربي وبس ولا ودي اضايق وانكد على احد خلونا نبتسم ونرضى بما قسمه الله .. وننسى مايكدرنا انتي ماشاء الله تخصصك علم نفس 👍 بس الاحظ اكثر المتخصصين بعلم النفس هم اللي معرضين للاضطرابات النفسيه مدري لان عندهم علم واطلاع زائد تدرين احيان كثيره .. الجهل ببعض الامور نعمه احيانا كثيرة ،، مابي اتعمق وافتح ابواب عن الاضطرابات النفسيه عشان ما اضيع بمتاااهات وترى اسلوبك مفهوم ، جدا سلس وبسيط بدون تعقيد وارفع لك القبعة ، احترام وتقدير يامبدعه 😘 الله يسعد قلبك💕 |
غيمه حبيبتي كثير الاحظ تقولين مابي اتكلم اكثر عشان ما اتضايق اكثر .. تدرين انه هذا احد واهم اسباب التشوش عندك والضيق ؟ لاتكتبين هنا بالمنتدى اذا كنتي متحفظه ابيك تجيبين ورقه وقلم وتكتبين كل شي يطرى على بالك سواء سلبي او ايجابي محزن او مفرح اكتبي الصدمات والالم كل شي كل شي مر بحياتك وبعد ماتخلصي اقري الورقه وبعدين شققيها قطع صغيره وارميها بالزباله وكرري هالشي ايام وايام لين ماتحسين انك نظفتي العمق .. هذي احد طرق التفريغ للعقل الباطن اسمها تقنية سيدونا رائعه بجد .. على فكره كل يوم تكتبين فيه راح تتذكري حدث بالعمق كنتي ناسيته من سنين لكنه هو رابض بالعقل ومسبب لك برمجه سلبيه بدون ماتدرين .
راح تلاقين بطريقك وانتي تكتبين بؤر صديديه قابعه بألم داخل الروح وهالطريقه تنظفها وترتاحين منها .. جربي الطريقه وعلميني وش يصير معاك |
قطرات اشياء كثيره كتبتيها اقراها وانا ادمع
لانها تلامس اشياء داخلي خاصه التحفيز النفسي تعطين دفعه معنويه وامل كبير الله يجزاك كل خير ولا يحرمك الاجر |
كل عام وانت بخير يا البدراني..... اللهم شافي كل مريض في هذا المنتدي وخارجه يا رب..... اللهم اكشف هذه الغمة عن هذه الأمة يا رب.....
|
يشهد الله غيمه مابيك تبكين ولا تحزني لكن ابي كل اللي موجعك يطلع فرغي كل احزانك احذفيها خارج جسدك وروحك وعقلك صدقيني حبيبتي اذا ظليتي محتفظه فيها بالداخل الحياه راح تكون صعبه عليك و موحشه .. صحيح اني انصحك وانا بنفسي مريت بحالات قلق واكتئاب لكن ما استسلمت ابد كنت ملي ثقه بالله سعيت وحاولت وعملت علاج سلوكي عند كذا اخصائي وتجاوزت نصف المرحله وفي الاخير اخذت دواء يعالج النصف المتبقي وهو الاعراض الجسديه وقبل كل هذا شعوري ويقيني بأن الله لن يتركني وحدي ابدا .
تأكدي ان السعاده حق من حقوقك لازم توصلين لها انا والله احزن لما اشوف بنت باجمل عمر تعاني . صحيح الظروف والمحيط يحكمون الشخص لكن اخلقي سعادتك اعملي صداقات اكتشفي شغفك وين . يمكن كلامي يضايقك لأن بتقولين مالي حول ولا قوه بقولك اوكي اتبعي ابسط الطرق وهي انك تفرغي كل شي بالورق بعدها برمجة العقل راح تتغير وتجذب لك اشياء ماكنتي تشوفيها قبل بتصيرين من جوا بيور ورؤيتك اوضح للاشياء وردات فعلك كمان بتكون غير . غيمه انا كنت عصبيه لدرجة ان جسمي كله يرجف واسناني تضغط على بعضها لاتفه سبب بعد مابديت العلاج السلوكي ابتديت اهدا ختى ارتفاع ضغط الدم ابتدا يستجيب ويكون بمعدلات طبيعيه عندي قناعه انه مافي اهم مني عندي ولا اهم من صحتي ومزاجي والشخص اللي ينكد علي ارميه من حساباتي حتى لو قريب اتعامل معاه بما يرضي الله لكن اقفل مشاعري يعني مايهزني لاكلامه ولا تصرفاته معاي . ابيك تبحثين عن قانون التعلق وفك التعلق وهو باختصار من تعلق بشي جعله الله سبب عذابه . اللي يتعلق بالمال يخسره واللي يتعلق بحبيب يهينه واللي يتعلق بولد يموت صحيح احنا بشر تحكمنا مشاعر لكن احط لهالمشاعر حدود بمعنى اي شي واي شخص يتعبني اشيله من حساباتي . انا كثر ماتعلقت بأبوي بغيت انجن يوم توفى قعدت سنه كامله ماصلي فرض فيني غضب وزعل الى ان جاني موقف يوم كنت مسافره برا السعوديه وتعرضت لعملية نصب سيئه وكنت بدخل بورطه كبيره من غير شعور قمت توضيت وفرشت شرشف الاوتيل حتى مامعي سجاده وصليت ودعيت ربي انه يطلعني من هالازمه بغمضة عين تغير كل شي وانتهى الموقف بخير . بعدها عرفت ان ابوي من الله والله خذاه لكن مالي بهالدنيا قوي غير الله هو اللي بيده فرحي وحزني وفرج همي . اقتنعت وارتحت ورجعت لصلاتي يارب لك الحمد . كثرت عليك الحكي سامحيني لكن انا اكبر منك سنا وحزينه انك بهالسن وتعانين .. انطلقي وقولي انا استعد للفرح والحياه وخلي بكره لبكره وامس انسيه تماما ولو طرالك غصب قولي طز . ربي يوفقك |
تقبل الله صيامكم وقيامكم وكل عام وانتم بخير
|
وانت بألف خير اخي اندريه
يسعد مساك ومساء الجميع ..واضحى مبارك ان شاءالله |
اقتباس:
غيمه انا احس فيك طاقه مكبوته او مكنونه يعني الا الان انتي ماعطيتها المجال تطلع منك وتبدعين فيهااا تراك منتي هينه والله منتي هينه صاحبه فكر صاحبه راي صاحبه حكمه عطي عطي مابداخلك وانطلقي للحياه |
أمس وديت أختي للسوق المهم قاعد أنتظرها برى رحت البوفيه و تعشيت و قعدت ع الرصيف أقلب الجوال المهم كلمتني أجيها المهم قطعت الخط و في سيارة وقفت لي و في سيارة شطفتني من جنبها متهور و بغى يصدمني و أنا على رجلي أبي السيارة المهم إنقهرت منه و قعدت أسبه و أنا أناظره وقف الزلابه و نزل القزازه سبيته بألعن سب فتح الباب و يعنني بيطلع شي من السيارة عجرة أو سكين قال أنت قدها و السيارة الآخرى يقول الرجال فيها أذكروا الله يااخوان حصل خير
أنا ما طقيت خبر لو أهاوشه بايعها بس خايف يركلني على ركبتي و آكلها خابور لأنها قاعدة تآلمني و تو الكسر أخضر ما أستقوت الصابونه المهم تركته و لما تركته قال ترى لا أصفقك على وجهك رحت مشيت و خليته و رحت للموتر و خذيت أختي و مرت السالفة بخير أنا اللي زاد قهري كان بيصدمني و ركبتي بتروح فيها ناس آخر زمن ودك العينات ذي تمحطها بالعقال لين تحترم الطريق و الناس ليت ركبتي ماهي مكسورة و الله لأوريه نجوم الظهر أستغفر الله بس |
مساء الخير و كل عام و أنتم بخير و عاد عيدكم بالخير و المسرااات و الفرح و الشفاء و القوة و النصر و الرضا و الطأنينه و السعاده ^&
|
السلام عليكم
كل عام و الجميع بخير و الأمة الاسلامية بخير و سلامة و قبول و نعيم الحمد لله على سلامتك أبو نجلا وسع صدرك دام جات سليمة الحمدلله اوقات الواحد يوم يشوف ذا التهور يتخيل إنهم يتعاطون ، لأنك بالفعل تراهم بايعين حياتهم و حياة الآخرين بعلبة بيبسي ، و هذا اللي خلاني إلى الان مترددة أسوق ما عندي احد من اخت او اخ او قريبة او صديقة يجسرني و يقوي قلبي ، و لا ظروف الطريق أصلا و المواقف أعلاه تساعد واحد من كفرات السيارة شفته منسم من كم يوم من الوقفة حز في خاطري كثير دعواتكم يقوى قلبي و يحل عني رهاب الخروج |
و بالنسبة للبسوس عندي واحد اسمه غالي يعاني من تلف في وظائف الكبد و الكلى و البنكرياس يوم سويت له التحاليل من اسبوعين لانه قبلها قعد حول اربع ايام طايح ما ياكل و وديته
الحين يبي يكمل اسبوعين على وضعه لا حي و لا ميت ما غير منسدح يقلب عويناته عايش على السوائل المغذية اللي اعطيها اياه كل ساعتين ثلاث و المشكلة و لا يشتهي الأكل ابد سبحان الله ذكرني بالوالد الله يرحمه قبل نكتشف سرطان الكبد كان ما يشتهي الاكل ابد لين توفى بعد ذي الاعراض بعدة أشهر الله يرحمه و يرحم موتى المسلمين |
اقتباس:
تذكرين الصندوق اللي في الأسلحة كل مرة أشطف عليه مرة شطفته و لقيت بدال القفل قفلين و آخر مرة ما عاد شفت الصندوق دروا أبناء اللذينا :) و الله حزنت على نفسي و الصندوق ليش كذا تشيلون حبيبي عن عيوني حلو ذكرتيني عن التحفيز المغناطيسي راح أطلبهم و إن ما لقيت عندهم بالله إسألي دكتورك عنه إذا كان موجود عندهم راح أروح لهم مركز السلامة راح أدخل على تويتر و أشوف التفاصيل و حفظت إسمه بجوالي هو و داير واين و راح أتابعهم دام داير واين أنجب في الثمانين راح أتفائل بعمري إن شاء الله و يا رب تحقق دعوات هالبنت النشميه يا رب و الله يرحم موتاكم و يسكنهم فسيج جناته أنتي و عيون متفائله و أنثى الجدي و أبو عبدالرحمن و لولو اقتباس:
ما شا الله بكالوريوس علم نفس الله ينفعنا بفوايدك و إشاراتك و الله إنك قويه ما شا الله عليك و هنيئا لك هذي القوة و هذا الأمل و التفاؤل و المعلومات الزاخرة بالفوايد اقتباس:
خلها تطلب عيوني و تسرقني عادي و أسفرها وين ما ودها أفديها بروحي اللهم لا تجعلنا لا ظالمين و لا مظلومين ( و أنصرنا على من عادانا و إجعل ثآرنا على ظلمنا و لا تسلط علينا من لا يرحمنا ) هذي دعوات الرسول اللهم صل و سلم عليه في دعاء مقدمته اللهم أقسم لي من خشيتك ما تحول به بيني و بين معصيتك حذاري تقول اللهم إجعلني مظلوما لا ظالما و الله يشفيك و يقويك و ينصرك و يسعدك حمال الأذيه اقتباس:
وش نسوي يا هديل كل إناء بما فيه ينضح تسلمين ربي لا يوريك مكروه بنفسك و بعزيز و حبيب على قلبك الله يقويك و ينصرك و يسعدك اقتباس:
ههههههههههه يا رب أرجع أحسن من علالي أووووه أثري أنا عالي ما دريت إلا الحين :) والله ناسي نفسي كثير الله أكبر على الحزن و يسلط عليه اقتباس:
هلا عبدو عمر يالله حيه تسأل كيف أعيادنا يصلون العيد ثم يرجعون يحدون و يسننون سيوفهم بالضعيفات الذبايح و يذبحونها و في أثناء الصلخ و الدحس و التقطيع يآكلون الكلاوي نيئه ثم يعطون النساء شيء من اللحم و الكبدة و الأمعاء و الكرش و يطبخون طبخه الفطور وهي ما تسمى بالمقلقل مليء بالمرق مع الشاهي أو البيبسي ثم ينامون إلى العصر ثم يبدا السلام و المعايدة ثم الإجتماع و عزيمه ( عيد اللحم ) عند فلان عشاء و اليوم الآخر عند فلان و هكذا حتى إنقضاء العيد بالتوفيق دائما :) اقتباس:
يا رب يحقق دعواتك يالنشميه اقتباس:
اقتباس:
اقتباس:
الله يسعدك يالغاليه قطرات الندا اقتباس:
و عاد عيدك بالخير و الطيبه و الرضا و الطمأنينه و كل عام و أنت بخير اقتباس:
اقتباس:
اقتباس:
تسلمين يالغاليه اقتباس:
اقتباس:
الله يشفيك و يقويك و ينصرك و يسعدك أنتي تفائلي خير هذا قبل كل شيء و السواقه طيبه أشوف حريم متنقبات و يسوقون يا كم شفت منهم كثير الله يستر عليهم أنتي كلمي اللي تعرفينها تسوق و تعلمك السواقه و بعدها راح تستمتعين شوفي قطرات الندا ما شاء الله عليها تسوق إذا تعلمتي أولويات السواقة سوقي بآخر الليل بالشوارع الغير مزدحمة و خطوة خطوة راح تكون السواقة في الأماكن السريعة و المزدحمة سهلة الله يقوي قلبك و يسخر لك كل خير و يشفيك يلا تشجعي و خلي أخوك معك البيت بحاجة لك |
اقتباس:
لا لا تكفين لا تشيلين النقطة من غالي و أصير سميه إمحق من سماوه أنا تريني كاره إسمي جاي عكس تماما ههههههههههه الله يشفيي غاليك يا رب ما يشوف باس اللهم أغفر للمؤمنين و المؤمنات و المسلمين و المسلمات الأحياء منهم و الأموات |
قريت المشاركات ومافيه ارد😵
سامحوني بالي مشغول وقاعده افكر باشياء اعوذ بالله |
لما اجي انام تجيني افكار تخليني اخاف اغمض عيوني وانام
اعوذ بالله ابونجلاء الحمدلله على السلامه كويس انك طنشته ومشيت لان اللي زيه مايتفاهم مالهم عقول والا مايمشون هالمشي ومايحسبون حساب حياة غيرهم |
حزين و اليوم عيد و الناس تعايد
أتذكر أعياد و أنا صغير قبل لا يحل العيد بشهر أتجهز له من شهر و فرحان وشفقان له و ولهان عسى الله يهون علينا أجمعين |
كل عام و أنتي بخير آنسه ياسمين
الله يسعدك دوووووم و يخليك لنا يالمهرة الغاليه الأصيله ^& |
هلا لوليتا ارحبي حبيبتي
ابو نجلا سلامتك ربي يطول عمرك في صحة و طاعة و تحقيق أمنيات انا سميته غالي من يوم أمه انجبته ، امه اسمها غلا عشان كذا سميته غالي سبحان الله الضعيف مقرود من يوم جابته أمه أولا امه اكبر منه بثمان شهور ، عمره سنة و امه سنة و ثمان شهور سبحان الله يوم اكمل غالي شهر من عمره كان ما زال يرضع و امه تمرض مرض فيروسي معدي في الامعاء و اضطر افطمه ضعيف و اعزله عنها بداية اكتشاف مرضها كانت ممتنعة عن الاكل و منسدحة على جنبها مستقبلة الحائط و ولدها غالي وراها يحاول يرضع منها و هي تبعده عنها مرتفعة حرارتها و الإسهال المدمم و الكرامة للجميع ذبحها ماهي قادرة حتى تفتح عويناتها . و هناك بالعيادة اكتشفوا إصابتها الفيروسية عزلت امه حول شهر اعالجها في غرفة مقفلة عليها كان حبيبي ينسدح على عتبة الباب برا مشتاق لها مو قادر ينساها مدة اسبوعين و سبحان الله اليوم اللي طابت فيه ماشاء الله بعد شهر و اخرجتها من الغرفة راحت تجري على ولدها تبي ترضعه و هو رافض مستنكر ، و تظل تجري وراه و تشده جهتها تحاول ترضعه مشتاقة ضعيفة و هو مستغرب يركض بعيد عنها و سبحان الله بعد فترة صار ملازمها زي ظلها لكن بدون رضاعة ، اي مكان تكون فيه يكون جنبها الحين مدري وش بتسوي ضعيفة و المسألة مسألة أيام انا عزلته في مكان ثاني عشان ما ينزعج من القطط ، و هي كل ما شافتني تركض ورايا و تناظرني زي اللي تسألني عنه و هذا اللي قطع قلبي ، فعلا امم امثالكم |
لولو الله يهون عليك نامي إسمعي نصيحتي عشان تجتمعين و تعايدين مع أخواتك
حاولي تذكرين الله عند النوم بنصيحة الرسول اللهم صل و سلم عليه لإبنته فاطمة رضي الله عنها و زوجها علي بن أبي طالب رضي الله عنه ورد في السنة من وصية النبي صلى الله عليه وسلم لفاطمة ـ رضي الله عنها ـ وزوجها علي بن أبي طالب رضي الله عنه، ما رواه البخاري ومسلم عن علي رضي الله عنه: أَنَّ فَاطِمَةَ عَلَيْهَا السَّلاَمُ، شَكَتْ مَا تَلْقَى مِنْ أَثَرِ الرَّحَى، فَأَتَى النَّبِيَّ صَلَّى اللهُ عَلَيْهِ وَسَلَّمَ سَبْيٌ، فَانْطَلَقَتْ فَلَمْ تَجِدْهُ، فَوَجَدَتْ عَائِشَةَ فَأَخْبَرَتْهَا، فَلَمَّا جَاءَ النَّبِيُّ صَلَّى اللهُ عَلَيْهِ وَسَلَّمَ أَخْبَرَتْهُ عَائِشَةُ بِمَجِيءِ فَاطِمَةَ، فَجَاءَ النَّبِيُّ صَلَّى اللهُ عَلَيْهِ وَسَلَّمَ إِلَيْنَا وَقَدْ أَخَذْنَا مَضَاجِعَنَا، فَذَهَبْتُ لِأَقُومَ، فَقَالَ: عَلَى مَكَانِكُمَا، فَقَعَدَ بَيْنَنَا حَتَّى وَجَدْتُ بَرْدَ قَدَمَيْهِ عَلَى صَدْرِي، وَقَالَ: أَلاَ أُعَلِّمُكُمَا خَيْرًا مِمَّا سَأَلْتُمَانِي، إِذَا أَخَذْتُمَا مَضَاجِعَكُمَا تُكَبِّرَا أَرْبَعًا وَثَلاَثِينَ، وَتُسَبِّحَا ثَلاَثًا وَثَلاَثِينَ، وَتَحْمَدَا ثَلاَثًا وَثَلاَثِينَ، فَهُوَ خَيْرٌ لَكُمَا مِنْ خَادِمٍ. |
هلا وسهلا فيكم جميعا وعيدكم مبارك عساكم من عواده .
ابو نجلا ليتني معك كان نحشتك باقرب اوبر 😂😂😂 تحسبني بقولك بفزع ؟ انا اخاف من ظلي ايه ادري انها لهجة السودانيين داير . اسم اللي قلت لك واين داير مو داير واين ترى له محاضرات رائعه ع اليوتيوب . ابشر موعدي القادم مع الدكتور في ٩_٩ بسأله عن التحفيز المغناطيسي . لاتقول الناس عيد وانا حزين بكره بتكشخ وتتزين وتحط دهن عود ودخون وتروح تصلي وتدعي ربك بالخير وترجع وتدب بهالمفاطيح لين الله يشوف لك ثم تحط راسك وتنام والحياه حلوه وسعيده 😀😀😀 |
ايوالله يابو نجلا علم نفس تخرجت عام ٩٢ وكان ودي اكمل ماجستير واتخصص بالادمان وسلوكيات المدمن لكن مالله كتب لكن مافات شي الخير جاي ان شاء الله
وعيدك مبارك وعساك من عايده |
اقتباس:
|
ما أفكر بالعيد أبد
أفكر بالحزن كيف أشيله الله يعين ما ودي أضيق خطركم سولفوا و بكون متابع لكم جيبوا شي يضحك قصصكم اللي تضحك عسى أطلع من مودي |
هلا بكم قطرات و اندريه و كل عام و جميع من في المضافة بخير و على راسنا الشيخ البدراني ربي يحفظكم جميع
ابو نجلا مرة كنت اقول لصديقاتي وش أغرب اعتقاد اعتقدتوه و أنتم أطفال ، كل وحدة ذكرت اعتقادها ، زي مثلا انا كنت،أعتقد ان في كل مدينة قمر ، لاننا كنا نروح المدينة و الطايف بكثرة و كنت يوم اشوف القمر فيها ، افكر ان اقمار كثيرة موجودة و كنت اعتقد ان فيه مدفع رمضان واحد لكل العالم تخيل كنت استمتع بسماع صوته و اطلع بلكونة البيت عشان اسمعه بوضوح قبل الاذان و فيه اعتقاد لوحدة من صديقاتي كل ما ذكرته أضحك ، تقول إنها يوم كانت تحضر الأفراح مع امها و هي صغيرة كانت تعتقد ان العريس و العروسة هم انفسهم في كل زواج ههههه تخيل قلت ليش ما يطفشون و هم ساحبينهم في كل فرح : ) من جد براءة سبحان الله |
حنا بالعيد نظامنا نتجمع بالمزرعه ابوي وعمامي وعيال عمامي نذبح الخرفان الا نسوي مجزره ههههه مجموع الخرفان اللي نذبح ما يقل عن 15خروف نصلخهاا ونقطعها والحريم يضبطن الكبده والحميس عاده تعودنا عليه من طلعت عالدنيا بالنسبه لي هذا العيد بعدها احط راسي نومه الا الليل وخلصنا
|
اقتباس:
|
طبعا حلاة العيد في الاجتماع ربي يجمعكم دوم على الخير
أنتم تسمونه حميس و حنا نسميه مقلقل نفس طريقة اعداد الوجبة لكن المسميات تختلف |
| الساعة الآن 02:38 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا