![]() |
ان شاء الله ربي يسهل
هوياااام انا مادي الا فجاه قالولي لازم نروح المحكمه ونقبت صله قرابه عشان يسهلو المعامله |
اقتباس:
اي احنا اخدنا صور للجوازات جواز امي وخالتي في ملف المعامله ع يطابقو الاسماء بس قالو لا احسن صك القرابه طيب كيف طلعو الصك اللي تقولي عنهم غريبه اكيد لهم احد او واسطه صك القرابه بالدرجه الاولئ اللي اعرفه يعني بنت خالته ولد خالك زي كدا انتي وهويام روحو للاماره اطلبو امر لاستخراج الصك من المحكمه وشغلتها بسيطه جدا بنفس الوقت ومعاكم الشهؤد وهوياتهم مو لازم اقارب عادي احنا اخدنا 2من جيرانا وربي يسرلكم يااارب |
اقتباس:
لانو اللي اعرفو حتي بالقرار الجديد اذا كان في قرابة يكون العمر 25 والله اعلم لانو كتير قالولنا بعد مااتحفظت معاملتي اذا في قرابة جيبو صك قرابة بس للاسف مافي قرابة وع فكرة بكرا حتسالك الموظفة دا السؤال وحتكتب الجواب ع الورقة اللي حتوقعي عليها وبسالك انتو ارفقتوا مع الاستثناء صك القرابة??? والسؤال التاني الرجال اللي كلمك وضح ليكي انو باين انو استثناء او معاملة عادية ولالا ??? |
اقتباس:
وبتديكي اوراق اخلاء مسؤلية توقعي واوراق عايديه مافيها شي وبيدوكي اوراق وخطيبك يبصم وبرنت الاحوال وتحاليل وتمشي مافيي شي يخوف وفي وحده اسمها منال او مرام والله مو فاكر هيا اللي بتجلس تسالك بس خليكي واثقة وخدي معك هويتك الاصل لانهم ممكن يطلبوها موضوعك جدا عايدي بالتوقيق ان شاء الله |
اقتباس:
|
كيف ارسل خاص ماعرفت الي برسلهم رقم المعقب
|
اقتباس:
|
تسلمووووووو حبيباتي كل اللي تجاوبوا معايا الله يسعدكم.....شكرا
|
اقتباس:
|
اقتباس:
والله مدري ماوضح شي وبسال خطيبي اذا كان صك القرابه مرفق مع الاستثناء |
اقتباس:
اقتباس:
الرجال اللي كلمني ماقلي انه يجي معاكي خطيبك حتى لما سالته ابويا يجي قلي ليش انتي اللي بتتزوجي ولا ابوكي وعادي ماما تجي معايا يدخلوها ؟ |
اقتباس:
ايوه صح تجيبي معاكي هويه امك او اقامتها وهويه ام خطيبك او اقامتها عشان يثبت انا افتكر جبت الصوره منها ومافي شي لو جتي الاصل احتياط |
طيب ياجماعه بكره اروح اخد هويتي بس
وبيسالوني ليش تتزوجي اجنبي والكلام دا مابيسالوني شي تاني عن المعامله او شي تاني اختف يسالو عن اشياء انا اكون مااعرفها ؟ |
اقتباس:
بس عشان يجهزوا الملف اللي هو المعامله اللي تترسل للامارة احكيكي اللي سار معايا انا مستغربة كيف مامريتي عليه قبل ماتنحفظ معاملتك لانو انا مريت بهدا قبل ماتنحفظ معاملتي المهم اذا كان خطيبك من مدينة وانتي مدينة حيسير معاكي نفس اللي سار معايا اما لو هو في نفس مدينتك يمكن حتفرق ودحين حتفهمي اول ماجيت سالتني انتي السعودية قولتلها ايوة طلبت بطاقة احوالي وماسكتها في يدها ومدري طلبت مني حاجة قولتلها لا دي برا مع بابا دحين اتصلبو يعطيني هي قالتلي من جدة قولتلها ايوة بس خطيبي من مكة قامت قالتلي اهااا اذا خطيبك من مكة جيبي كل الاوراق هنا ومعاها الملف الاخضر العلاقي قولتلها ماعندي ملف اخضر علاقي قامت عصبت قالتلي ماقريتي الشروط قبل ماتجي شكلو كتير زيي اتصلت ع بابا اعطاني كل شي وطلبت منو ملف اللي هي البرنت والتحاليل ومشهد العمدة وصور الهويات وراح خطيبي يبغي يجيب ملف اخضر من المكتبة بس كان فيه واحد الله يعطيه العافيه سمع بابا وخطيبي وقالو لا تروح في واحد راح يجيب كم واحد واعطانا وبعدها جلست تسالني كم عمرك وفي قرابة ومدري ايش وهي تكتب اسمي ع تلاتة اوراق وخلتني اوقع عليها على كل ورقة توقيع تحت اسمي تحسسك تنازل عن ممتلكاتك وبعدها جلست تخرم كل الاورااااق مع الاوراااق اللي وقعت عليها وحطتهم في الملف وحطت ورقة من برا لصقتها ع الملف وكتبت عليها اسم بابا لانها سالتني باسم مين المعاملة قولتلها باسم بابا وقالتلي هدا الملف حيطلع مكة ويرجع تاني هنا يعني خطيبي مااستفاااااد شي داك اليوم يمكن لانو مو من جدة مرررره ماليا نفس اعيدها مرة تانية الخطوة دي لانو اخدت 4 شهوووور مابين طلعت مكة ونزلت تاني الييييين اتغيييرت القرارات واول ماوصلت المعاملة الامارة حفظت بسسب العمر حسبي الله عليييييهم كانو التاخيييير دا مننا بس الحمدلله على كل حاااال ايوة وماما.كانت معايا بس مادخلت قاعدة تستناني في الانتظار حق النساء وان شاء الله اكون افدتك الله يفرجها عليا وعليكم يااااارب ويتمملنا موضوعنا بالموافقة النهائية وعقدنا على سنة الله و رسوله |
ايوووة نسيت من ضمن الاوراق والاسئلة
في ورقة عبتها سالتني فيها عن خطيبي اسمو كااامل وعنوانو بحاذفيرو يعني حتي اسم الشارع ورقم جوالو وحطتها برضو في الملف طبعا انا جالسه احاول اتذكر لانو الكلام دا مره من زمان سار معايا في شهر 1 محرام وماارسلو المعاملة للامارة الا في نهاية شهر 5 وهي اصلا وصلت من مكة عليهم في شهر 4 وجلست في الامارة شهر تقريبا واتحفظت في نهاية 6 حسبي الله ونعم الوكيل على كل من يماطل في معاملاتنا وياخرها ويهمل فيها الله يفرجها علينا جميعا ياااارب بعد ماتكملو الملف في الشرطة بهدلوهم اتصالات ومراجعات عشان يحركوها بسرعة ويرسلوها للامارة نصييييحة مني |
الساعة الآن 12:23 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا