يارب جملنا بالصبر و كملنا بالرضا و دلنا على الخير .. ترانا حيارى تائهين

يارب اهدنا و ثبتنا و ردنا إليك ردا جميلا

ودي ابكي حتى ما يبقى دموع .. داخلي بركان يغلي ربي يصرفه عني و يكفيني شره

من اول قاعدة اسوي بحث عن عقار ويليبترون ، من زمان ودي اتناوله ، بس خوفوني منه انه يزيد القلق ، و الواحد مو ناقص و الحمدلله على كل حال

الأيام اللي راحت ما غير اصحى على كوابيس مفزعة ، و حتى لو نمت اتحسف يوم اقوم احس اني ما شبعت نوم اقول ليتني ارجع اغمض لكن هيهات النوم يكون طار


بس يوم قرأت من التجارب يقولون فقط الاسابيع الأولى ، لذلك احتاج مدعم له

ودي أمر على اقرب عيادة لكني اعوذ بالله مربطة عن كل ما ينفعني

فعلا مربطة عن كل ما ينفعني ، هذا ما توصلت له الفترة الاخيرة ، مين يصدق اني محتاجة اشري عباة جديدة ، اخر مرة فصلت عباة من ثلاث سنين ، و كل ما اقول لازم اروح شي يربطني رهاب فظيع

ما عمري وصلت لذي المرحلة ، امشي بهندام بالي ، العبي بهتت خلاص و ربي عيب ، يوم اخرج مع ندرة خروجي اتفشل من نفسي ، فوق ان مالي نفس و صابني زهد في كل شي لدرجة استوى في عيني القديم و الجديد الرهاب ربطني

يارب لو فيه أحد اذاني و ارسل من يربطني انك تجازيه و تعامله بعدلك و حسبنا الله و نعم الوكيل في كل ظالم مؤذ

وين الشاكر كان موجود و طس عساه يا رب بخير و الله يديم على اليمن الحبيب السلام و يلعن الحوثيين لعنة تبيدهم عن بكرة أبيهم

هلا بك ابو نجلا

تقبل الله

صحيح الشاكر اختفى ربي يطمنا و يحفظ المسلمين الموحدين و ينصرهم على اعدائهم


ابو نجلا شوف بالله و اقرا الأبيات ربي يديم نعمة الأمن و الأمان و الرحمة


http://d.up-00.com/2018/08/153499016816061.jpg

بسمه إن شاء الله ما أنتي مربطة و إن كان اللهم آمين يجيب دعواتك فيه و حسبك الله و نعم الوكيل

حتى أنا أظن صابتني عين و أظنها ماهي بعين وحدة إلا عيون

منهم واحد من قرايبنا زوج خالتي و الله أشك فيه شك كبير يكاد ينجزم و يتيقن هذا الشك

إذا جانا بس جياته قليله لأن صار بينه و بين عمي أخو أبوي مشكلة و دافع أبوي عن عمي اللي هو أخوه و صار ما بينهم كثير إحتكاك بس أوقات ينعزم خصوصا لا كان في عزيمه

إذا جانا بحط عيني على فنجاله و بيالته ثم آخذهم و أرميهم في طشت و أتوضى و أتروش منه

مع انه مصلي و محافظ على الصلوات في أوقاتها و صوام و يمكن قوام لليل بس إذا شاف شي أعجبه ما يذكر الله

لما كنت صغير كان أبوي شاري سيارة جديدة و سافرنا و سافر معنا ذا الأقشر و أهله يعني رفاقه
المهم صارت علينا عطالات كثيرة منها لما جينا الشرايع و مكة
و كانوا أخواتي يقولون و الله إنها عينه و الله إنها عينه و كانوا يقصدون ذا الأقشر لا بارك الله فيه

و بغى أبوي يبيع الموتر في مكه و يشتري موتر ثاني لكن ما الله كتب

و رجعنا و هي السالفة عطالات في عطالات

بس ما أدري ليش كان أبوي متمسك بالموتر ما باعه وقت ما صارت فيه هذي المشاكل
أكنها عين مسكة ماهي بعين فرقى :)

الويلبوترين طيب في حالتك يا بسمه صدقيني بإذن الله راح يطير الرهاب منك بس إعزمي و توكلي على الله و ما راح تندمين بإذن الله

ان شاء الله حطيته هالعلاج في بالي ربي ييسر

حسبي الله على اللي ما يذكر ربه على خلقه ، ابفهم وش ضرهم لو ذكروا ربهم ؟

و لكنه الحسد ، قاتل الله الحسدة و الحاسدين

تحس انهم يتعمدون يرشقون عيونهم في خلق الله تعمد الله حسيبهم و يجعل عينهم عليهم و شرهم يحيط بهم


شوف ما شاء الله تبارك الله هالاجاويد نهار العيد

http://mrkzgulfup.com/uploads/153499129890391.jpgمركز الخليج

يآلله

سبحان الله الصورة معبرة و الأبيات جت في الصميم

بعد في صورة قطو ينتظر الفطور

اللهم آمين يا رب

أول واحد شكله أعجبني بسم الله عليهم كلهم لا و بعد راكبه عليه ربطة الشماغ تقولين وراه مصيبه ههههههههههه

صادقة و الله العين ما تجي إلا من حسد الله يلعن العين و الحسد و اللي ينظرون و الحاسدين

اللهم آمين

انا اكثر واحد ضحكني الاخير باين انه واحد كاش ماشاء الله ، لا و ملبسينه مشلح مقصب شوف طرفه من فوق واضح هههه

اما الاول كانه كداد او مفحط ههه

صادقة و الله توني أنتبه

ههههههههههههه حلوه كاش

الأول يا إنه قاعد يفحط يا يسرق يا إنه قاعد يدور ضب في عز المربعانيه هههههههههههه

هلا ابو نجلاء خايفه من صورة توقيعك لااااا امزح ههههههه
مدري اجلس افكر بحالتي واوسوس الين مااخاف ويعورني بطني كل ماقرب موعد المراجعه يجيني خوف
واحتار بين اني اروح والا اكنسل واعيش حياتي

صباح الخير عليكم جميعا
يارب نسالك بهالصباح الفرج

اللهم آميييين
يااارب فرج لنا ولها
وآمن روعاتنا ورعاتها
واشفنا واشفيها

اسعد الله اوقاتكم بكل الخيرات يا غوالي


هلا وغلا ومرحبا مليون يردف مليون لولو

الاضحية يا غالية لازم يوزع منها للمحتاجين ثلث وثلث لاهل البيت وثلث للجيران هكذا وصى رسول الله عليه الصلاة والسلام


اخباااااااااااااااااركم جميعا


لولو ليش ما تغييرن الدكتورة دامك خايفة منها وترتاحين من القروشة

================================================

هلااااااا وغلاااااااااا عيوووووووووووون اشوف علاج ويلبترين اشوفه مناسب لك

مساء الخير

محمد والله ياليت اقدر اغيرها بس اقرب مستوصف عندنا رحنا له حتى ليته مستشفى والخدمه عندهم ونظامهم تعبان صراحه
والدكتوره احسها مو فاهمه كل اخواتي يقولون غيريها بس انا مافيني للمشاوير البعيده والمواعيد طفشت وطفشت اخواني معي سويت استشاره في موقع اسلام ويب وقالوا الحل هو انقاص الوزن الزايد واخذ حبوب جلوكافج تبع السكر وشرب البردقوش بس انا خايفه اخذ شي يضرني بدون مااتاكد
فيمكن اروح اسال الدكتوره لان حتى هي قالت لازم تنقصي وزنك وكمان تبعدي عن الضغوطات والقلق لانها هي اللي ترفع هرموناتك وتسبب لك مشاكل وقاعده حاليا احاول اسوي حميه وانقص وزني رغم اني مو دبه مره بس الشكوى لله

يا هلا لولو الحبوبة

ما تشوفين شر

وانا اخوك شد الهمة وانا لو اخوك كان خذيتك بالقوة لافضل مستشفى عشان العلاج الصح يتخصر كثير من الوقت

زي ما قلت لك قبل البردقوش والقسط الهندي زين مرااااااا

تشجعي كم لولو عندنا وحرام والله تعذبي نفسك

والهرومانت اهي سبب السمنة كمان ولخبطة امور كثير

وعلى فكرة ترا هو كورس و ينتهي وخلاص

وانصحك تقرين في اسلام ويب مب سهل الموقع

ما على قلبك شر يالحبوبة

ادري يامحمد ان الهرمونات هي السبب في زياده الوزن
وزني كان بالعيد ٥٦ وفجاه وصل ٥٨ والان نقص كيلو واحد
مع التخفيف وادري ان هي سبب الزعل اللي انا فيه الان
والتوتر والقلق والوسوسه انا ماكنت كذا مدري ايش صار لي فجاه صرت خوافه وافكر كثييييير الين مااخاف واقلق
قريت كثير في اسلام ويب زي حالتي مفيد وممتاز هالموقع وكتبت استشاره بس مشكلته انه يطول على بال مايردو عليك
الله يعافينا ويشفينا ويعيننا

اللهم امين يا لولو ما تشوفين شر وان شاء الله قادم الايام تبشرينا بشفاك


-------------------------------------------------------------------------


محتاج دعواتكم يشهد الله امر بضيق في الصدر شديد وانقباض وقلق وتوتر

الله يشفيك ياااارب ويفك ضيقتك ماقدامك الا العافيه
اصبر والله معااااك

مساء الخيرات ع الحلوين و الحلوات

مساء معطر و مفلل بالورود و الأزهار

هلا أبو عبدالرحمن الغالي الحبيب الله يشفيك و يقوينك و ينصرك و يسعدك يا رب دوووووم ما تضيق إلا تنفرج

هلا لولو ما تشوفين باس يالغاليه

كان عندنا عيد الليلة عشا سلمت عليهم و أنا مدنق راسي ع الجوال ما ودي أسولف مع أحد أشوف كل واحد ماسك له واحد و يبربرون إلا أنا صامت
تعشيت من المفطح و تركتهم و رحت الغرفة و جيتكم

https://www.youtube.com/watch?v=1F7yHsBk-Hs

يا أهل العنقريزي بالله ترجموا لي هذا المقطع ودي أعرف وش يقولون

تروني بزعل منكم :(


https://www.youtube.com/watch?v=zOvsyamoEDg

شاطي الراحة وينك عندك إنجليزي بالله تعال ترجم

لميا الحزينه

هديل

نوايا حسنة منى

انا اليوم مدري وش فيني كنه مبخوخ علي فليت 😑

اخوي ابو نجلاء هذا مو انقليزي هذا الماني

هلا بهديل عسى ما شر

الله يعينك و يصبرك

عسى من بخ عليك الفليت بسم يسم قلبه ما عليك بآس يالغاليه

آها ألماني يا حسافة أعجبني المقطع و ودي لو كان بإنجليزي و تترجمونه بس يلا الدنيا بدها هيك

طيب ما أحد عنده ألماني و يترجم

"المجد لأولئك الذين يطحنهم العالم كل يوم ويقفون على ناصية الحلم ويقاومونه بالسخرية والضحك ، ينظرون في عينيّ العالم مباشرة ويضحكون".

إذا كنت لا تستطيع التعامل معي في اسوء حالاتي : فإنك بالتأكيد لا تستحق أفضل حالاتي .

سيكون كل شيء جميل ربما ليس اليوم لكن يوماً ما .

اللهم جبراً يعيد لقلوبنا الحياة والأمل، وحباً ينشر السكينة والطمأنينة في صدرونا.

"اللهم أياماً كما أحبّ، وحالاً إلى ماهو أفضل، وهماً يزاح عن صدري، وفرحةً ليس لها نهاية، اللهم أمانينا."

اللهُم دربًا لا تضيق به الحياة ،وقلبًا لا يزول منهُ الامل.

وأنتَ تعودُ إلى البيت، بيتكَ، فكِّر بغيركَ
لا تنس شعب الخيامْ
وأنت تنام وتُحصي الكواكبَ، فكِّر بغيركَ
ثمّةَ مَنْ لم يجد حيّزاً للمنام

ههههههههههه سلامة بطنك و الله

مبين هذا القلق بيسوي كذا عمايلوا ماهي مستغربة منو بلى بشكلو

الله يعينك و يصبرك و يشفيك و الجميع يا رب

أغير الصورة

حتى مزوووون تقولي مرعوبه من صورة التوقيع و من بعدها ما شفناها

بس و الله الصورة تمثلني كثير ههههههههههههه حياتي رعب في رعب :)

بعدين شوفي الثوب حقو مسكين مشرد يترحم عليه و الله هههههههههههههه

يااااااارب آمين
نسالك يارب السكينه والاطمنئان وتزيح عنا همومنا يارب

الله يسلمك
اللي يزيد حالتي سوء اني كل فتره اسمع اخبار سيئه تخليني اتوتر اكثر واتاثر بها مع انها ماتخصني

ياعالي لاتغير الصوره ترا امززززح

انا اليوم احس بزعل مو اليوم من امس وانا احس اني ماابغى اتكلم كل فتره تجيني هالحاله

لكن اشكي لمين اشكي لربي

يآلله و الله مالهم داعي يهملونك يالولو الشكوى لله بس

أحس إنك نشميه و ما عليك منهم

مواصفاتك مرغوبة كزوجة :) لأنك راح تهتمين بالبيت و تشيلين القش ربي يبارك بعمرك يالولوتنا

ربي لا تكسر لنا قلباً ولا تصعب علينا أمراً .

﴿ فَاسْتَجَابَ لَهُ رَبُّهُ ﴾
اللهم هذا الشعور اللهم هذه الراحة🌱.

ويبارك فيك يابونجلاء

وين الزواج يابونجلاء خلاص فاتني كبرت انا
وماحد ياخذ للي مثل عمري خصوصا بعد مامرضت
امس كانت عندنا قريبه لنا تدور عروس لابنها وتسال اختي
ماتعرفين وحده حلوه وبيضاء الاغلب صارو يبحثو عن الجمال
وانا نصحتها قلت ابحثي لابنك عن الاخلاق لان الجمال زائل
كمان انا كاسره خاطري امي كيف اتركها لحالها وحيده صعبه

حساسة جدا

إذا شفتي شي أقلقك حاولي تتلهين بشيء أنتي راغبته و أنتي و مودك في لحظتها

انا افكر ادور لي مكان اتدرب فيه او ادخل نادي برضه الرياضه تحسن من النفسيه وتعدل المزاج بس كلها افكار مدري متى تتنفذ عندي

عادي تلقين واحد يبغى الستر و بس و عند هذولا العمر ما فرق معهم

قضية الجمال صدقتي الجمال جمال الروح و القلب و الله يكفينا من خضراء الدمن

عن أمك الغاليه طيب عادي تسكن عند أحد خواتها و ليكن أنتي مثلا أو كل شهر عند وحده

الله يعين و الله الحياة صعبة بس تتسهل مع الكريم اللطيف الرحيم سبحانه جل و علا و عز

هههههههههههه أحس إنك مهمله مثلي أحط مواعيد و أفكار و كلها في مهب الريح

تجيني لحظات خلاص أنا بتوظف و أتزوج و شوي يزورني الضيف الثقيل لا بارك الله فيه الإكتئاب و أكنسل

يا رب الأجر و العافية