ايوه الله الحياه صعبه وتكون اصعب لما تفقد سندك واللي يعطيك القوه في حياتك بعد الله
الله يعيننا على هالدنيا ويساعدنا ويكتب لنا ايام سعيده يارب

عن اذنك عالي
بحاول انام
تصبح على خير

خذي راحتك نوم العوافي يا رب

تمسين و تصبحين و أنتي بألف ألف خير

مو مهمله كسوله
الرياضه اسويها اسبوع او يومين بعدها اكنسل
بخصوص الوظيفه غاسله يدي منها واساسا ماعاد لي رغبه اتوظف او اشتغل في مكان جاني احباط من زمان
الله يشيل هالاكتئاب وماعاد يزورك

امممممممم قاعد أفكر ليش كارهه أخواتك عشان كذا هم ما يساعدونك و لا يواسونك ياللي بالطقاق اللي يطقك الله يسامحهم بس

زين تسوين رياضه و لو بالأسبوع مرة و الله أنا الممشى تركته ما أدري وش بلاني بعد الضغط البشم تركته الله يآخذ ذا الحزن و الإكتئاب مني و من كل روح مسلمة و يسلط عليهم جنود الفرح و الإبتسامة و الصمود

إنقتل و دموعه بعينه قتيلة
و القبور اللي وسط صدره حفرها

عايش بين التندم و الفشيلة
ما يبي كشف القلوب الله سترها

https://www.youtube.com/watch?v=75lwhG0BkJs

و جمعتك يالغالي أبو عبدالرحمن

اللهم آمين يا ربنا يا ذي الجلال و الإكرام

هلا ابو نجلاء حبيب قلبى يا غالي والله يعطيك الف عافيه على راسي

اخبارك و علومك

الله يفرجها علينا وعليك و على الجميع ان شاء الله

اللهم آمين أخي البدراني..... الله يصرف عنا الهم والغم في هذه الجمعة..... اللهم شافي كل مريض يا رب.....

الحال من بعضه يا اصحاب البلاء المشترك..... كثر ما أحط افكار وخطط جميلة بالليل ثاني يوم الظهر أو حتي العصر اشوف حرارة الشمس اقول النوم ابرك ونوم يسحب نوم..... للأسف الجو الحار في الخليج يشجع علي الكسل والخمول بعكس اوروبا الناس علي طول بره البيت وقرب الطبيعة والأشجار..... اللهم ارحمنا برحمتك يا رب.....

اللهم آمين

تسلم يا غالي و لك مثلها و أزود

و الله مرة هيك و هيك بس العواطف تعبانه حيل عايش بـ ـخواء عاطفي بسبب الحزن

ياخوي ضايق و لا أدري وش مضيقني
و أنا أذكر اني زبون الهم و الضيقه

ما تضيق إلا تنفرج بإذن اللي ما يعجزه شيء في الأرض و لا في السماء و الله يشفينا جميعا

اللهم آمين حمّال الخير و الإحسان

الله يعوضنا خير ما فقدناه و يجبر خواطرنا و كسرنا

صادق و الله يا حمّال

الله يرحمنا برحمته

هلا وغلا عااالي كلنا نفس الوضع بس انا ادري وش السبب

حزن على الماضي كيف فرطت في الرقية وكيف وكيف وحاليا حزين على تبلد المشاعر

------------------------------------------------------------------------------------------


هلا وغلا بالامير ابوصالح صبحك الله بالخيرات اي والله مشاريع واذا جاء التنفيذ تنكسل كل شي


الحمدالله من قبل ومن بعد

اللهم شافي وعافي الاخ البدراني وابعد عنه وعنا وعن كل مريض القلق والتوتر والرهاب والاكتئاب يا رب.....

صدقت يا ولد العم..... نفكر وكأننا في اوروبا حيث الطبيعة والجو الجميل ثم نصطدم بواقعنا المرير في الخليج حيث الشوارع المكدسة بالسيارات والحرارة العالية وهذه الأمور كلها تساعد الأمراض علينا ولا تساعدنا علي الأمراض..... لا حول ولا قوة الا بالله العلي العظيم..... اللهم ارحمنا برحمتك يا رب.....

صباح الخير

لااابونجلاء مااكرهم بس زعلانه منهم وماخذه بخاطري
وانقهر لما اشوف الاخوات مع بعض دايم الا احنا
لذلك اخذت قرار اني لما نروح لهم اسوي مثلهم واقعد رجل على رجل
ولاراح اسوي شي لهم
حتى اني من امس ماتكلمت معاهم ولارديت على اسئلتهم طنشتهم

صحيح الجو هذي الايام مايساعد ان الواحد يخرج يتفسح
او يعمل رياضه الله يجيرنا من حر جهنم

جمعه طيبه
اللهم صل وسلم على رسول الله وعلى آله وصحبه اجمعين
اكثروا من الصلاة عليه

اللهم صلي علي محمد وآل محمد واصحاب محمد عليهم السلام

من العايدين والفايزين يا محمد .. وكل الإخوة والأخوات .. كل عام وانتم بخير


..

وانت طيب و بصحة و سلامة يا غالي كلك ذووق ربي يسعدك دوم ان شاء لله

وين ايامك ابو سلمان

اهلا بعودتك عبدالله وانا اقول اشبي اليوم مروقه واحس فرحانه ههههههه ان شاء الله بس مايجي الليل وانتكس
يااااارب يرجعون البقيه وتكتمل الفرحه
........
محمد بشر كيف صرت دحين ان شاء الله راحت الضيقه؟

هلاااااااااااا لولو

والله الصمت افضل واحسن

نحتسب الاجر والله العظيم الى جاني ويصيري شي مب طبيعي شي يدفع للانتحار

اطلب الله كل يوم الموت

القصة كاملة اختصرها بانه عقوبة إلهية

استهدي بالله يامحمد
الله مايجي منه الا كل خير
انت مو ترقى نفسك اكيد االي يصير لك من الرقيه
هذي البدايه تتعب بس بعدين ترتاح انت لاتقطعها استمر عليها
لان الشيطان يتعبك عشان تتركها بس انت استمر
كلللللله باجره يامحمد اي الم ووجع لك اجر فيه
ويكفر ذنوب فيه احسن من كذا ؟
هذي من رحمة الله مو من عقابه
يااااارب يفك ضيقتك ياااااارب في هاللحظه

وين ابو نجلاء
عيون
قطرات
غيمه
وينكممم؟

هلا لولو موجود يا بعد راسي من قبل شوي صاحي من صحيت زارتني الأفكار السوداويه و الخمول و المود طلب المخده

شوي إلا أهدى و أروح الصالة و لقيت قهوة أترسها ببطني و شوي شوي الحمدلله الوضع لا بآس به مقدور عليه

آخ يالمزاج

الله يهون عليك يا بو عبدالرحمن و يشفيك و يقويك و ينصرك و يسعدك

لا حول و لا قوة إلا بالله و حسبك الله و نعم الوكيل و النصير

كلنا ندعي لك الله يشفيك شفاءا عاجلا تامّا كاملا شفاءا لا يغادر سقما

إلزم دعوة ذي النون يونس و هو في بطن الحوت و إلزم دعاء الكرب

الله يعين


مرآآآآآآآآآآآآآآحب يا حبيب المجلس و المنتدى عبود سلمان :)

عدّ محلك صدر المجلس يا بو سلمان

فنجالك عندنا لا تقول وش جابه عندكم ههههههههههههه

:)

https://www.youtube.com/watch?v=SMK9vlDEoOM

صبحكم الله بالخير يال نفساني

صبحك الله بالنور والسرور يا أخي

يا صباح الفل يا فلة أنت يا بو فايز

وش تبيني أناديك أبو فايز و الا أبو الوليد

أبو عبدالرحمن ما ترى بآس حبيب قلبي يا رب أزمة و تعدي

تسثر من بسكوت أبو ملح قصدي من الليركا

لا تقول إن الليركا منقطع

الله يعينك

هلا بحر الجنوب

هلا بكم يالغالين

البارحة يوم الخلايق نياما"



البارحـــه يـــوم الخلايق نيــامــا..... بيحت من كثر البكا كل مكنون

قمت اتوجد و انثر الماء على ما..... من موق عين دمعها كان مخزون

و لى ونة من سمعها ما يناما......... كني صويب بين الاضلاع مطعون

و إلا كما ونة كسير السلاما........ خلوه ربعه للمعادين مديــــــــون

في ساعة قل الرجا و المحاما...... في ما يطلع يومهم عنه يقفــــون

و إلا كما ونت راعبية حماما......... غاد ذكرها و القوانيص يرمـــون

تسمع لها بين الجرايد حطاما....... من نوحها تدعي المواليف يبكون

و إلا خلوج سابية للهياما............ على حوار ضايع في ضحى الكون

و إلا حوار نشقوله شماما............. و هي تطالع يوم جروه بعيـــــــون

يردون مثله و الظوامي سياما........ ترزموا معها و قامو يحنــــــــــون

و إلا رضيع جرعوه الفطاما.......... توفت امه قبل اربعينه يتمـــــــــون

عليك ياشارب لكاس الحماما...... صرف بتقدير من الله مــــــــــأذون

جاه القضاء من بعد شهر الصياما..... صافي الجبين بثاني العيد مدفون

كسوه من بيض الخرق ثوب خاما..... و قاموا عليه من الترايب يهلــــون

راحوا بها حروة صلاة الاماما...... عند الدفن قاموا لها الله يدعـــــــون

برضاه و الجنة وحسن الختام.......... و دموع عيني فوق خدي يهلــــــون

حطوه في قبر غطاه الهداما..... في مهمة من عرب الامات مسكون

ياحفرة يسقي ثراك الغماما..... مزن من الرحمة عليها يصبون

جعل البخري والنفل والخزاما..... ينبت على قبر به العذب مدفون

مرحوم ياللي ما مشى بالملاما..... جيران بيته راح ما منه يشكون

ياوسع عذري و ان هجرت المناما..... و رافقت من عقب العقل كل مجنون

اخذت انا وياه سبعة اعواما..... مع مثلهن في كيف مالها لون

والله كنه يا عرب صرف عاما..... ياعونة الله صرف الايام و شلون

و اكبر همومي من بزور يتاما..... و ان شفتهم قدام وجهي يصيحون

و ان قلت لا تبكون قالوا علاما..... نبكي و يبكي مثلنا كل محزون

لا قلت وش تبكون؟ قالوا يتاما..... قلت اليتيم اياي و انتم تسجون

قمت اتشكا عند ربع اعدا ماما..... و جوني على فرقا خليلي يعزون

قالوا تجوز و انس لامه بلاما..... ترى العذارى عن بعضهم يسلون

قلت انها لي وفت بالولاما..... و لو جمعتم نصفهن ما يسدون

ما ظنتي تلقون مثله حراما..... ايضا و لا فيهن على السر مامون

و اخاف انا من عاديات الذماما..... اللي على ضيم الدهر ما يتاقون

أو خبلة ما عقلها بالتماما..... تضحك و هي تلدغ على الكبد بالهون

توذي عيالي بالنهر و الكلاما..... و انا تجرعني المر بصحون

والله لولا هالصغار اليتاما..... وخايف عليهم من الدجه يضيعون

لقول كل البيض عقبه حراما..... و اصبر كما يصبر على الحبس مسجون

عليه مني كل يوم سلامـــــــــا..... عدة حجيج البيت و اللي يطوفون

و صلوا على سيد جميع الاناما..... على النبي يللي حضرتوا تصلون



اللهم صل و سلم على خير البشر عليه أفضل الصلاة و أتم التسليم


الله يرحم نمر بن عدوان و يرحم اللي مثل شخصيته
قبل كم يوم سوى حادث




السلام عليكم و رحمة الله و بركاته

أسعد الله جميع اوقاتكم و سلامة قلوبكم و خواطركم اخواني الكرام و اخواتي الكريمات ربي يجعلكم دوم بخير و في خير و إلى خير

[


هلا وغلا لبيه يالمنادي يعالي يبعد حالي بلي تبيه نادني انت معزبنا :)

ماتشوف شر يامحمد الله يريح بالك ي الجنرال

وعليكم السلام ورحمه الله وبركاته

ويسعد الله اوقاتك ويسلم قلبك

الله يرحمه برحمته والمسلمين اجمعين

ههههههههههه وين معزبكم :)

ترى فلست ما يصير المعزب يفلس هههههههههههههه

يا بعد قلبي و راسي أنت يا خالد

وين قطرات الندا :(

هلا بك بسمه هههههههههه أكيد قبل أمس هو اللي مات و الا أنتي اللي سقتي و صدمتي :) إعترفي الله يحميك و يحرسك

اللهم صل و سلم على خاتم الأنبياء و المرسلين محمد و على آله و صحبه و من أقتفى أثره ليوم الدين

و عليكم السلام و رحمة الله و بركاته

هلا أمل حياة كيف حالك و أحوالك