أنثى الجدي أموري زينة إذا زانت أموركم
قاعد أتمشى رجليّه كعابي يالحارة 😂 |
اقتباس:
لاتروح ماتصلح الهوشات الا بك هع |
أعذروني خايف منكم بتجسس عليكم فقط و سامحوني 😂
|
اقتباس:
وش مطلعك تالي هالليول هههه اقعد ياخيي خل نسولف شوي الفيديو حقي شفته او لاااااا ؟؟؟ |
الله يحييك اختي الغالية انثى الجدي يشهد الله اني اتشرف بك و بشرواك ربي يديم اخوتنا العمر كله
فيه التواصل من خلال الرسائل الخاصة عبر الإدارة و الله يحييك و يبقيك |
اقتباس:
باخذ تلفونك هناك <<< ان شالله اني ماجبت العيد بس هههه |
صبحكم الله بالخير جميعا
بشروني عنكم وعن مزاجكم وصحتكم . ابو نجلا شلونك عساك بخير . ابو نجلا اليوم كان موعدي وسألت الدكتور عن التحفيز المغناطيسي قال لسا مو موجود بكل دول العالم ماعدا في كندا ولسا في طور الابحاث اصلا والمراكز اللي موجوده عندنا بالخليج بدائيه جدا ولا منها استفاده تذكر اصلا . ياليتك تراجعه وتشوف ياخي تحليله عميق ولكل تساؤل ومشكله عنده حل منطقي ومقنع . شف نفس هاليومين ان زانت النفسيه والا خذ موعد ترى البرد حاي والكشتات والوناسه لاتفوتها وانا اختك . بنطلع البر نصارخ لين الله يشوف لنا دبره 😬 |
هههههههه و الله لو أتهاوش أنا راح أطلع سكاكين و عجرات أعرف نفسي مع نفسي 😂
أنتي تبغين روحك لا تتهاوشين معي نصيحة 🤔😂 طلعتي يهذا الوقت أبغى أشوف لي قطو حتى هو هارب مني 😂 يلا بدوره و إذا لقيته جيتكم و إذا ما لقيته عاد أعذروه و أعذروني 🤔😂 |
اما بالنسبة للعرس لا أخفيك صايرة كمان حساسة ما عاد اتحمل مشاكل الزواج و الاختلاف و انعدام الأمان، انا منفصلة من قديم فوق عشر سنوات بعد تجربة سيئة دامت عدة أشهر و ما انكتب لها النجاح، الحين لو يمر موقف واحد من ذيك المواقف السيئة ما راح اقدر اتحمل لدرجةيوم يطري علي احد المواقف السابقة أقول أنا كيف صبرت مع أنها عدة أشهر
لذلك السلامة غنيمة |
الله يحييك حبيبتي ما عندك مشكلة بالعكس
هلا بك قطرات ارحبي منور المجلس |
اقتباس:
لاخلاص هونت الموهم بس ماتختفي وتكون معنا طيب خذ وقتك ان حصلته ورنا صورة له :) |
اقتباس:
انا بعد منفصلة من تسع سنين تقريبا وظل زواجي ثلاث سنوات ماتفقنا فيها لكن ماقدر اتزوج مرة ثانية لكذا سبب اهمها اني ما اتحمل الاختلاف ولا الزعل والنكد ماعاد عندي طاقة صبر كثر اول والثقة صفر الثقة انعدمت من زمان بكل علاقاتي الانسانية بتعب كثيييير لو تزوجت ومجرد تخيل التعب يخليني اصرف النظر كليا عن الموضوع راحة البال اعظم نعمة بعد الي مريت فيه الله يعظم اجرنا يارب |
إي شفت المقطع النمر الوردي يا حبني له عاد المقطع فيه هياكل و عفاريت و جن و هذا شي عجبني و ضحكت 😂
|
قطرااات اهلا وسهلا وييين الناس ياجميلة
صباح الخيرات :) |
لولو 😂 ما أدري وش الله قردني ع السرقات و الله منحد عليها
|
اقتباس:
ياست مننننك قلت وش فيه مو معي !! قلت يابنت خليه على راحته الموسيقى ابو نجلا مو حقة النمر المكررة لا اقصد هذيك حقة جو الرعب هههههههه وربي رووووعة جميلة احس يوم اسمعها كني طفلة | |
ابو نجلا نسيت شي مهمممممم مهم مهم مهم
Interrupted girl حاولت استجمع قواي واشوف شفته لين النص ووقفت يا اخي الفلم عادي مافي ذاك الشي صراحة !! |
الله يعوضك حبيبتي خير و يبدلنا خيرا مما وجدنا و فقدنا
فعلا اهم شي راحة البال تحت كل الظروف مو الحالة الاجتماعية الوحدة خير من شريك السوء |
اقتباس:
اي والله العزوبية اريح من زواج الهم والغم |
تدرين دايم اتخيل نفسي اذا مد الله في عمري اني عايشة في مزرعة مع بنت يتيمة ربيتها من الولادة و كبرت معايا و حولي صديقاتي المنقذات في نفس عمري و بيننا تتجول القطط و باقي الحيوانات المنقذة
بصراحة شخصية اخواتي في الله المنقذات تحمس اني اعيش معهن و اتمنى ذلك. لان من ينقذ روح ضعيفة لا تنطق اوشكت على الهلاك جدير بالثقة و الأمان حتى دايم اقول لهن ودي كلنا نعيش حول بعض حتى لو فقدت قط من قططي اقول اكيد راح عند فلانة و اكيد تبي تطعمه مع قططها و تحن عليه مو بعض جيران الندامة اللي يقومون بايذائهم عاملهم الله بما يستحقون |
اقتباس:
صباحك فل يا قطورة على قولة أنثى القدي :) أنا بخير دامك يالنشميه بخير الله يعين تدرين أنا ودي أشيل راسي كلو و أركب راس على مزاجي لأن راسي و مخي ما يناسبني أبد له زيارة الدكتور علي السلامة بس حاليا ما يمديني عليه و المغناطيس ودنا به و الله ييسره 😂 و الله ياليت عايشين بإنفتاح و كلٍ يطلع مع خويته 😋😂 ما قلت هذا الكلام الا من قو السجنة اللي عايش فيها 😭 يا عذاب الأسير و قيده و الله شي الشتا و الديم و السحاب تقولين نغمة و طرب الله يمتعنا فيه جميعا طفشنا من الحر بس الجو كل ما له يزين صح أول سهيل و الصفري رطوبة بالشرقيه بس هذا أوله و آخره تباشير ربي يسعدك مدد بلا عدد يالمهضومه قطورة يلا بتطلع الشمس ألحينو لازم أستكن عنها 😂 إشوفكم في الليل يا أحبابي إلى اللقاء 😘 |
اقتباس:
فعلا شعور جميل تعيشين مع ناس تشبهك وتتشارك معك اهم اولوياتك اتصور لو واقعنا كذا كان خفت وطاة المرض كثير وبوجود هالمخلوقات الجميلة الي ماينشبع منها اكيد بتسوي فرق بالشعور والحياة بعدين تعالي جيرانكم يعذبونهم !! اعوذ بالله قولي لا :( |
وش انفتاحه
الا الانغلاق و الشر بعينه و اعلمه لا أعوذ بالله الحمدلله على نعمة الدين و الحياء و الغيرة و الحمدلله مثل ما ربي وضع الفطرة وضع التصريف لها بالحلال وين اجل الانغلاق بالموضوع |
ههههههههه اكشن
الحمد لله علا السلامة عيونة ههه |
هلا بسومة
و الله أنا لحقت على فترة نلتم فيها أمي و خالاتي مع أبوي و عمي كانت حياة حلوة عقبها جونا بخبر كلٍ يغطي وجهه 😭😭😭 ليش كذا يا عالم 😭😭😭 |
ايه حسبي الله ونعم الوكيل فيهم كسروا قلبي العام زي ذي الاشهر بالضبط على منتصف محرم بداية البراد
جن مجموعة نساء الا شياطين في صورة نساء من الجيران يهددن يقولن إني سبب تكاثر القطط في الحارة لاننا انا و اخوي الصغير نضع جردل ماء جنب الحاوية اللي امام المسجد و قليل من الحبوب الجافة الخاصة بالقطط و بعدها سلطن العمال و قاموا يضعون السم في جردل الماء و رشوا الطعام حسيبهم الله و اهلكوا العشرات اذا ما كان المئات لان جنب الحاوية حديقة مهجورة و بنفس الوقت قدام المسجد يتجمعن فيها المرضعات و رضعهن و كان من ضمنهم بعض قططي اللي معتادين على تسلق السور يروحون و يجون المشكلة ما اكتشفت انهم قاعدين يتسممون غير بعد شهر و زيادة و حنا مستمرين بتعبئة الجردل بالماء و وضع الحبوب مع اني كنت استغرب من تناقصهم و موتهم الجماعي على باب بيتنا، اعتقدت انه فيروس مع البرد لين تسمموا ثنتين من حقاتي وحدة منهن مرضع بس الحمدلله كانت فاطمة بناتها الثنتين من فترة بسيطة و يوم وديتهن العيادة قالوا تسمم و ماتت الام تخيلي بعد خمس ايام تنازع و الثانية ماتت بعد يومين اسأل الله ان ياخذ حقهن و حق كل ضعيف ممن ظلمه عاجلا غير آجل إلى الآن زي الجمرة تكويني كل ما ذكرت و حسبهم الله و نعم الوكيل |
المشكلة ان ذي الحاوية في برحة جنبها حديقة مهجورة و امامها المسجد و من الجنب الثاني سكة عريضة
يعني ماهي حول بيوت حتى يتضررون الله ينتقم منهم و لكنه الحسد اسأل الله مثل ما بلوهم و ازهقوا أرواحهم بأبشع ميتة و بلوني و قهروني في الضعوف ان ربي يبلاهم في اعز ما يملكون و حسبهم الله و نعم الوكيل |
اقتباس:
اوجعتني القصة ماتخيلت هالقساوة بالحريم ابد على الحيوانات الله ينتقم منهم بس مايجوز اصلا في الف طريقة وطريقة يبعدونهم بس مو بهالاسلوب حسبي الله عليهم ونعم الوكيل الحين شلون تشرب مويتها؟؟ |
اقتباس:
الله يجبر بخاطرك وينتقم منهم يارب ويكافيك شرهم ويرد كيدهم بنحرهم يارب بعض الاحياء اهلها قراوى جاهلين ماودك تجاورينهم ابد الحي كله تعافينه منهم |
لالا خلاص احرموهم من وقتها ما عاد حطينا خارج بيتنا لا قطرة ماء و لا حبة من طعام احرموهم الله يحرمهم
هؤلاء مجرمين مو بعيدة يكررونها و ما نبي نستوثم فيهم زيادة اصلا خلاص لو شفت الحديقة المهجورة و البرحة و حول الحاوية صارت أطلال تسكنها الأشباح ما عاد شفت فيها قط يدبي كود الحاويات البعيد فيه شفت الله يسلمهم من المجرمين اللي ما يخافون الله ربي يسلط عليهم امثالهم و يسلط عليهم الكفرة و الزناة و المجرمين و اخس خلقه و أوطاهم اللي ما يرقبون فيهم إلا و لا ذمة |
بالعكس حي راقي و متعلمين و وظايف مرموقة الا قسوة قلوب بسبب البعد عن ربهم الله ينتقم منهم و يجعلهم يشوفون اللي اقترفته أيديهم في انفسهم و يسلط عليهم شغالاتهم و سواقينهم يارب قريب إنك على كل شيء قدير
اقلك اول سنة اخصص يوم عرفة كله للدعاء عليهم الله ينتقم منهم |
انت لو شفت اللي ينازعن باليومين و الخمس ايام تتمنين وقتها تشوفينهم و النار تشويهم جزء جزء على مدى أشهر مو ايام
لكن الله مو عاجز انه ينتقم للضعوف اللي ما ينطقون و ياخذ حقهم في القريب العاجل انه على كل شيء قدير اللهم آمين |
اقتباس:
امين اللهم استجب وارنا فيهم مايسنحقون يارب ياكريم سلامة قلبك وبالك عيونة حبيبتي الله يطمن قلبك ويغمره بنوره ورحمته يارب |
على فكرة من قوة ما اتعب من رؤية كائن حي يتعذب من الالم صرت اتقبل فكرة القتل الرحيم
انا لو شفت هالقطيوات بهالوضع وكان معي ابرة تقتلهم بسرعة ما اتردد ، ماخليهم يعانون كذا الله يعفي عني يارب |
لا بالعكس تعمقت في القراءة عن إبرة القتل لو تدرين عن الإحساس اللي يحسوه و بشهادة الأطباء أنفسهم انهم المفروض يسمونها ابرة عذاب مو رحمة
هذي الابرة تحرق انسجتهم الداخلية ببطء عبارة عن سم يسري في اوصالهم وينها و وين الرحمة الله ينتقم من اللي اخترعها |
تدرين عيون ببيتنا 12 قطه
|
ماشاء الله تبارك الله ربي يحفظهن و يكتب اجركم ام زوز
انا اشهد انهم رحمة محاطة بنا بس اهم شي احتساب الاجر في ايوائهم و يكونون شفعاء لنا و لكل راحم يوم العرض عليه امس البنات نزلوا مقطع في الواتس عن طبيبة روسية تقريبا في التسعين من عمرها ما زالت على رأس العمل و تعمل عمليات معقدة تقول انا اتوقع اني الان على ما انا عليه من صحة بسبب اطعامي للقطط و الكلاب الضالة كل صباح، شوفي كيف استنتجت ذا الشي و هي غير مسلمة و تقول لو اني ميتة من التعب لدرجة الاحتضار لازم اقوم اطعمهم تخيلي و وحدة من صديقاتي في حارتهم شايب يماني في التسعين مع ان ظهره محدودب و بصعوبة يمشي و نظره ضعيف تشوفه يمشي ببطء كل فجر قبل الصلاة بوقت يوزع لقطط الشارع بواقي الاكل اللي جمعها من المطاعم و هي سبحان الله استنتجت و قالت أظن ان ربي مد في عمره و صحته بسبب فعل الخير هذا مع ان صديقتي هذا ما لها في الانقاذ اصلا الرسول صلى الله عليه وسلم قال : " افضل الصدقة اطعام الطعام و سقيا الماء و قال : في كل كبد رطبة اجر ما حدد الاولى هي كبد انسان او حيوان رد على اللي يقولون البشر أولى سبحان الله شريعتنا اصلا ما حددت مين الاولى و يقولون البشر اولى، كيف ذلك و بغي سقت كلب دخلت الجنة وش اكبر من الجنة و مع ذلك بغي اصلا بالعقل ان الاولى الاشد ضعف و ذي الحاجة الملهوف و ما في اشد احتياج و ضعف من حيوان لا يعقل و لا ينطق على الاقل البشر يعقلون و ينطقون و يشتكون و يطلبون و لهم بواكي يدافعون و يترافعون في المحاكم و يساعدون ما هم مثل هؤلاء الضعوف المنسيون |
شوفي ذي المسنة المصرية ام توحة اسأل الله ان يحسن خاتمتها و يرزقها الفردوس الأعلى مع انها عايشة في درج بيت حتى مو شقة ، تأوي القطط المشردة و ماشاء الله مربية يتيم لقيط مجهول الاب حبيبي من عمره اربع أشهر لين صار عمره عشر سنوات
شوفي سبحان الله الراحمون ما يفرقون بين كبد انسان و كبد حيوان رحمتهم تشمل الكل https://youtu.be/0iFTCEW3X3Q |
السلام عليكم ورحمة الله وبركاته...أصبحنا وأصبح الملك لله رب العالمين اللهم إني أسألك خير هذا اليوم فتحه ونصره ونوره وبركته وهداه وأعوذ بك من شر ما فيه وشر مابعده ... تحياتي للجنرال البدراني والكولونيل أبو نجلا و ظل مئة راجل عفوا أقصد ظل إمرأة وتحيأتي لجميع القلوب الطيبه
|
و هذي كذلك امراة مسنة مات زوجها و كل اولادها شباب ثلاثة في الزلزال و لقت نفسها بالشارع و انقذت القطط المشلولة اللي داعستها السيارات ربي يبارك فيها و يرزقها الفردوس الأعلى
سيدة القطط https://youtu.be/C3gBiMoIQEQ |
الساعة الآن 05:23 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا