![]() |
و عليكم السلام ورحمة الله وبركاته
هلا بك اختي و ربي يسعد صباحك و كل اوقاتك و هذي وحدة ايضا تعمل الخير و تقول القطط اوفى من اولادي https://youtu.be/ELo36dQmGSY |
|
لا تحزن على ما فات ، واستبشر بما هو آت
عطاء الله رحمة ، ومنعه حكمة فكن مع الله يكن معك في كل شيء و يحفظك أينما وكيفما كنت... صباحكم سعادة وطمأنينة أحبتي 💕🌹 |
اقتباس:
وشكرا لسلامك وتحياتك المقصودة والغير مقصودة 🤗😁 نهارك سعيد 🌹 |
السلام عليكم
كيفكم |
وعليكم السلام اللهم لك الحمد اخبارك انتي
|
اقتباس:
|
اقتباس:
|
تفيض الكأس عند امتلائها😪
البيت لايطاق مبزرره هواش في هواش واشياء تتطاير جعلهم للبريصي اللي يفرخ بآذانهم 😭 يالله صباح خير بنحاش لمكتبة جرير والا محل ابو ريالين 🏃🏻♀ |
صبااااااااااااح الخيرات ولمسرات
|
السلام عليكم ورحمة الله وبركاته ... اليوم اللهم لك الحمد أنجزت أشغالي والفضل لله سبحانه وتعالى ... كنت قلقه الصبح وخايفه اموري تتعسر ... لكني قلت لنفسي القلق والخوف هذا ماله مصدر حقيقي مصدره واحد ما فيه غيره ... الشيطان أعوذ بالله منه... أهو اللي يخوف ويحزن المؤمن ... طيب ليش الإنسان لما يقدم على عمل يقلق ويخاف ويفترض إن أموره راح تتعسر ... كل الإفتراضات السيئه اللي اتدور في عقل الإنسان قبل الاقدام على عمل مصدرها واحد ..الشيطان أعوذ بالله منه ... المهم توكلت على الله سبحانه وذهبت أنجز أعمالي وصليت قبل لا أذهب ركعتين الضحى ودعيت ربي إيسر أموره ... والله ثم والله اموري مو تيسرت بس سبحان الله... الله سخر لي الخلائق وأموري تمت و أعمالي أنجزت وأنا أتفرج سبحان الله ... رجعت البيت والدمعه في عيوني دموع الفرح والشكر لله... وارتميت على على الأرض وسجدت لله سبحانه شكر وحمد له سبحانه ... أسأل الله سبحانه ايديم نعمه علي وايزيدني نعم اللهم آمين ...صليت الظهر وسنة الظهر وركبت سيارتي وتوكلت على الله ورحت الافنيوز واهو من اجمل الأسواق في بلدي الكويت وتمشيت وتغديت وانبسطت واحتفلت ... والحين برجع البيت بحفظ الله ورعايته ... استغفر الله بلحق صلاة.العصر والأذكار ... أتمنى تكونون فهمتوني لأني كتبت باللهجة الكويتية... تحياتي ... اللهم اشرح صدري ويسر امري احفظني بحفظك اللهم آمين .
|
السلام عليكم مساء الخير جميعا
|
اقتباس:
يمكن بعض المواد لكن في مواد ثانية بظرف ثواني تقتل الي تخلي المخلوق بسرعة يموت هذي الي اقصد في مواد كذا انا متاكدة .. الله يعفي عنا ويتوب علينا |
وعليكم السلام ورحمة الله وبركاته ... أهلا أخ أندريه
|
اقتباس:
مررة اعجبني انك عرفت تتعامل مع هالقلق واشوف بعد لو تلاقي طرق ثانية معرفية او سلوكية يكون احسن بعد عشان لاقدر الله رجع لك تعرف شلون تتعامل معه اللهجة الكويتية اجمل لهجات الخليج عندي واكيد فاهمتك ، نورت :) |
مسا النورات اندريه حياك الله
كيف امورك |
ابي ذا الابرة اللي تحكوون عنها
عطونياها ابرة الموت السريع😭 |
رحت قطيت كيس الزباله ... ما أحب لما أشوف خدم الجيران بويهي بس ولا يهمني أمشي جدامهم مثل الملكه وأنا رافعه خشمي و أحيانا أخذهم على غفلة وأحذف كيس الزباله وأخرعهم ... أنا فخورة إني أخدم نفسي بنفسي الله لا يحوجني لخدم ... ممكن أيب خدم اللي بساعات ينظفون ويمشون ... بعدين سويت كوب شاي أعدل فيه المزاج ... والحمد لله على كل حال
|
|
أشعر بالحزن على نفسي وعلى من هم مثلي ضائعون تائهون في الحياه .. حتى ديني سلب مني اظن ان ذاتي القديمة قد توفت !
|
يا جماعة الخير أنا ديناصورية العمر ... يعني مو ليهناك مع استخدام النت أذكر أستاذنا في الجامعه المصري كان يقول لنا والله مش حتفلحوا لو مفلحتوش السنه دي السنه الجيه حيدخلوا الكمبيوتر ... يعني آنه من زمن ما قبل الكمبيوتر ... بعدين دخلت الانظمه القديمه للكمبيوتر ... بعدين خذت دوره في الدوز والوندوز ... والناس دشت الفيس بوك والتوتر وغيره وأنه على الكتب والمجلات ... بعدين شجعتني معالجه سلوكيه وقالت تعلمي بروحك وإذا ما عرفتي شي سئلي فني ... المهم رحت شركة الغانم واشتري آي بد ... ولما فتحت العلبه ادور كتاب تعليمات الإستخدام أثاري فيه ورقه صغيرونه تقول دش على الموقع كذا عشان تعرف تستخدم الآي بد ... لا حول ولا قوة إلا بالله ... الحين اشلون ادش النت وأنه ما أعرف للجهاز ... المهم ... أهم باعوني الجهاز وابتلشوا فيني إذا ما عرفت شي اروح اسألهم ... ساعات اطب عليهم 3 الفير عشان اسألهم لأن عندهم فروع تفتح 24 ساعه ... المهم طولتها و إهي قصيره أنا لحد الآن ما أعرفع استخدم اللايك والأشياء اللي تسونها بس ما عليه العلم بالتعلم
|
مرضى نفسيين لن يفهمنا احد ولن يفهمنا الا من عانى وتألم مثلنا .. !
|
|
السلام عليكم ورحمة الله وبركاته
أسعد الله جميع اوقاتكم بكل خير سلامة قلبك غيومة و لمو ربي يزيح عنكن حبيباتي و يحفظكم و يبدل وجعكم راحة و رضا و سرور ارحبي قلبي عنودة فديتك و فديت الكويت و اهلها الطيبين و لهجتكم و ذرابتكم في الكلام ربي يسلمكم من زمان كان يلفت نظري ذرابة الكويتية في الكلام سبحان الله شهد ينقط ماشاء الله تبارك الله و كنت أحب اتواصل معهن و انت مكسب للمجلس يا غالية ربي يحفظك و يبارك فيك و ما يهمك الواحد طول ما هو عايش يتعلم عفية عليك يا قمر |
و ربي يطول عمرك حبيبتي على صحة و طاعة
حبيبتي انثى الحلوة ترى قرأت عن ذي الابرة القاتلة اللي اجزم ان اللي اخترعها اعتى المجرمين تراها ما تموت غير من ربع الى نصف ساعة تقعد تحرق الانسجة الداخلية ببطء تشوفينه مخشب تفكرينه ميت و هي تحرقه من داخل ببطء انا بحثت عنها في مواقع اجنبية و سألت عنها أطباء عتيدين لين عفت |
لا حول ولا قوة إلا بالله ... غيمة فرح ولمياء الحزينه ... تعوذو من الشيطان ... انتوا توكم بعز شبابكم والأيام الحلوه يايتكم إن شاء الله ... والله إني شفت أيام سوده وإكتئاب الله لا يعودها من ايام ... هل حصلت دوى عدل أستفيد منه لا والله ما حصلت غير أعراض جانبيه ...الحمد لله الحين على باب الكريم... اللي يحصل دوى زين مريحة عليه بالعافية. .. واللي ما حصل الله سبحانه الشافي ... الله سبحانه يطعمني ويسقيني ويشفيني ... ومسأله ... إنه مرض ما منه شفا اللي يقولونه الدكاترة كلام فاضي مع احترامي أهو كلام الشركات ... ترى الدكتور النفسي ما يعرف أكثر من اللي تقوله له الشركات وابحاثها المشكوك في امرها.. انتوا شنو تبون من الدنيا ... تبون اتكملون دراستكم تقدرون ... تبون تشتغلون تقدر ون ... تبون تتزوجون تقدرون ... اشناقصكم موناقصكم شي أغلب أعضاء المنتدى ذكاهم فوق المتوسط اللهم لك الحمد وأغلب الناس اللي تشوفونهم يشتغلون ومتزوجين ذكاهم متوسط... أغلب الناس يتظاهرون انهم عارفين كل شي ولي نبشتهم لقيتهم لا يفقهون شيئا ... الحمد لله الذي فضلنا على كثير من عباده ... أنا عندي نصائح وكلام كثير ودي أقوله لليائسين من رحمة الله ترى اليأس يساوي الاكتئاب بمنتهى البساطة اول ما تنفض اليأس عن قلبك يروح الإكتئاب وكل ماهجم عليك اليأس ومصدره الشيطان أعوذ بالله منه انفضه عن قلبك قبل لا يتمكن من قلبك وبعدها يعشش الاكتئاب بقلبك ..الدنيا هذي مو دار قرأر دار القرار الجنه الله يصبرنا ويشفينا ويعافينا ويدخلنا في عباده الصالحين اللهم آمين
|
اقتباس:
اذكري ربي وقولي الي بخاطرك عسى ترتاحين شوي |
اقتباس:
ياعيني عليك اللهم اديم نعمتك عليها |
اقتباس:
ان شالله ترجعين لو شي من الرضا عن نفسك المهم تكلمي وقولي الي بخاطرك :) |
اقتباس:
لاااا ما اسمح لش ```` انا بعد كنت بجيل الثمانينات ايام التلفزيون والراديو فقط بس ماني ديناصورة ماني :( مع ذلك يوم جا الكمبيوتر شريته وتعلمت بنفسي والله لين حتى مشيت اموري بالعمل والدراسة كذا بس اعجبني انك تعلمين نفسك بنفسك ترى شي ايجابي قلة من الناس تملكه شوي شوي تعلمي وان صعب شي ابشري عيوني لك :) |
اقتباس:
وانا الي كنت فرحانة فيها لا حول ولا قوة الا بالله يارب اشمل مخلوقاتك برحمتك يارب ياكريم |
والله ياعيون متفائله إني احبكم في الله كل اللي في المنتدى إلا كم واحد نحيس وأنأ كنت اتابعكم من مده طويله .. والله إني أبيكم تشرفونا بزيارات للكويت .. تيون توسعون صدوركم عندنا بما يرضي الله بس خل الجو يتحسن ... الحين الجو زين بالليل لأن دلق سهيل لكن بالنهار لواهيب الحمد لله على نعمة التكيف ... أبي نسوي ملتقى برضى وإشراف القائمين على المنتدى حق آل نفساني وأول ديره لكويت وكل سنه إن شاء الله في ديره طبعا بإشراف القائمين على المنتدى ماكو تبادل أرقام تليفونات ولا ايميل كل واحد اي بإسمه المستعار .. والتكاليف الله ييسر ... يمكن نحصل جهه تمول ... وسمات الدخول سهالات....أهل السعوديه ... حيأكم الله في مكاني والجود من الموجود. .. عيون متفائله البدراني أبو نجله غيمة فرح أنثى الجدي وصبري الله يرده لنا بالسلامه ... حياكم الله عندي ... بس ماكو فنادق خمس نجوم وفسق .. مكان أن شاء الله حلو ونظيف وشرح ... لما ازهب أبلغ الإداره ... هذا إذا عرفت اتواصل مع الإداره ... بس بعون الله أقدر ... آنه باط جبدي الجهاز مدري التطبيق اطبع كلام وايبذله بكلام ثاني بس ماعليه العلم بالتعلم سلامتكم
|
نسيت لمياء الحزينه حياك الله في لكويت عندنا وإن شاء اله توسعين صدرك واتصيرين لمياء السعيده ان شاء الله بعون الله
|
مساااااااااااااكم الله بالخيرات والمسرات
ابو نجلاء لحظة تعال وين بتروح يا اغلا البشر ........ قربك امان بعدك خطر ......... وين بتروح لحظة تعال ................ انت وانا طول الزمن ما نفترق ..........بايت زمن لو الجروح كبر الجبال |
باقولكم اليوم قصتي
اليوم جاء اخوي للبيت اخوي متزوج وعنده عيال وموظف منصب عالي نائب وكيل وزراة قال يا حضك يا محمد فاضي وما عندك عيال ولا هموم ولا شغل مرتاح بدنياك يا زين الجلسة لوحدك قلت له وانا معصب خلاص تقاعد وطلق وتعال بالديوانية اجلس لحالك لين تموت من الفضاوي طلعت من الصالة ودخلت غرفتي ودموعي على خدي من القهر |
تعبت اجامل وضعنا والله والله الى متى يا دربنا
دمع ومشاريه وعنا انا وصلت المنتهى |
محاولة شعرية مني تقييمك
يا برئ حالي ي خالد ....... شكواي تهد الجبال دموعي من وليف خدااع ..غالي ذابحه غرور وتعالي اهداء الى ابو وليد |
أنا كثرت شاي واليوم شكله ماكو نوم وخرب علي برنامج باكر والأشغال إللي بسويها .... عادي آخذها إجازة باكر ... وبعد نسيت أهل المغرب العربي صامدة رغم المحن وعبدو عمر اعتقد هذا اسمه وبوعلي والله ما أدري من وين و أهل اليمن وفلسطين وسوريا ولبنان الكل بس فيه موضوع سمات الدخول .. واكيد ظل إمرأة أهي المشرفه بعون الله على كل شيئ... الكلام اللي قلته ما أعتبره أمنيه بل اعتبره هدف وإن شاء الله يتحقق بما يرضي الله سبحانه
|
البدراني اللي تحس فيه الحين مو المرض اللي تحس فيه سببه اإنسحاب الأدوية فتره وتعدي أن شاء الله بس دير بالك على نفسك في الفتره هذي ... أنا ماني طبيبه بس أدويتك فعلا وايد محتاجه تخفيف خصوصا إنك تقاعدت يعني خفت الضغوط ... أنا قرأت مره انك تأخذ 30 ابلفاي و200 لمكتال 50 أعتقد سروكسات وليركا ليش كل هذا واجه دكتورك وقوله بخفف الأدوية وا جهه بحزم على فكره الفصام ممكن يأتي نوبه وحده أو ثنتن ويشفى الإنسان لكن انسحاب ادويه الذهان أهو المشكله الحقيقيه لكن ما فيه شي صعب على الله ... الله سبحانه الشافي ... أنا من زمان ودي أقول الكلام هذا لكم.. شل الفائده أن الإنسان يأخذ دوا يخدره ويخدر مشاعره وخمول وكسل وعمات ...عين.. أنا كنت آخذ ادويه عشان أواجه الناس والمراجعين في الشغل لما مؤخرا صار لي مشاكل و اعرإض جانبيه ... اضطريتم أوقف الأدوية ورب ضارة نافعة طبعا غير الوسواس المهم ماكو ادويه يعني شنو ما اطلع ما أقضي حوايجي ... في البدايه كنت أحس نفسي سلحفاة قاعده تتمشى من غير الكفر ... بعدين قلت حق نفسي بطقاق انا ليش مهتمه بالناس أهم عبيد مثلي لا يملكون لى نفعا ولا ضرا الله سبحانه النافع الضار
|
هلا وغلا باختنا الغالية عنيدة في الحق
فعلا ادويتي كثير معك كل الحق وانا مب راضي كلمت الدكتور قال خلاص نبدا نخفف منها الحين ترك السيروكسات نهائيا ادويتي ابليفاي ولامكتال وليركا قال الدكتور اصبر كم شهر ثم باسحب لامكتال وتصير ادويتك ابليفاي وليركا فقط وانا فرحان |
الساعة الآن 07:58 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا