|
بالعكس ماشاء الله تبارك الله حروفك بلسم و كلماتك شهد و نصايحك ضماد
يمكن من قل النوم النظر اوقات يصير فيه تشويش بسيط سلامة عويناتك من كل شر حبيبتي |
يا ليتنا حول بعض نواسي بعض و نتداوى
بعض العرب لا صد ما عنه منشود و بعض العرب لا صد صده خسارة |
صباحكم اول يوم بالسنة الله يسعدني ويسعدكم ويشفيني ويشفيكم ويكتب لي ولكم اجمل الايام والله يجعلنا نسجد باكين من السعادة
|
فعلا صدق من قال : لقاء الأخوان جلاء للاحزان
و المرء كثير بإخوانه اجمل حدث حصل لي في بداية هذا العام الجديد معرفتك عنودة و معرفة انثى الجدي و ام زوز و باقي الأخوات و الاخوان القدامى |
آمين ام زوز
ربي يتقبل منك حبيبتي فديتكن انا و فديت لطافتكن وحدة وحدة |
صح اللسانك عيون متفائله والله اايخليك لا تاكلين ادويه ما فيك إلا العافية اتديرين بالك على الضعوف القطاوه أسأل الله ايثقل ميزأن حسناتك ابرعايتك لهم
|
بارك الله فيكم عيون متفائله وأم الزوز
|
صح كلامك عيون متفائله عيوني اتعبت من الشاشه . في انسانه أفتقد ها وهي قطرات الندى الله إيبها لنا بالسلامه
|
السلام عليكم صباح الخير على الجميع كيف حالكم اخواني الكرام بالتوفيق للجميع دائماً |
آمين يارب
جزاك الله خير على هذي الدعوات الغالية بغلاوتك و يهديهم يارب لأن واحد منهم له شهرين مستشر على الضعفاء منهم مصمم الا يطردهم من البيت، و بالفعل يغيبون يوم كامل برا ثم يحدهم الجوع و يجون ياكلون و مجرد يشوفهم يستشر و ينقلب نوبة وحدة و الا يطردهم و انا وقتها امنعه عنهم و اقفل عليه غرفة لين يهدأ و هم يأكلون و يشربون و يرتاحون شوي او اذا كان ظهر اخليهم يقيلون في براد التكييف ثم اذا غابت الشمس افتح بابه و يهجم عليهم ثم حبايبي ينقزون من الجدر خايفين و يزبنون في الشارع المشكلة ان له كم يوم مترصد لواحد ما يعرف الشارع ضعيف في حاله و اصلا انقذته رضيع عمره ايام و فتح عويناته في البيت ما قط خرج و يوم جاء ذا المقرود يهجم عليه خلاه يقفز الجدر غصب عنه و زبن في الشارع ثلاث ايام بغت تجيه ضربة شمس ما يعرف يتصرف، بالقوة طبيت فيه ميت جوع و يلهث من العطش غير رعب الشارع و انا من وقتها ما عاد قادرة اتحمل المستشر ذا و فكرت اعطيه احدى المنقذات بس كمان حرام ابستوثم في اللي عندها يروح يهجم عليهم عشان يشردهم المشكلة يكون هادي رايق بس يشوف احد منهم كان الله شاله و حط بداله ينقلب واحد ثاني و يوم يهجم عليهم يصير لا يسمع و لا يشوف كل همه يطردهم برا البيت لو جرحوه و قطعوه أثناء القتال قهرني قهر انا يوم اوصلت لتولج الضعوف اللي اصلا ما يعرفون الشارع و فيهم سذاجة الدنيا ما يحسنون التصرف هنا صار الوضع ما ينسكت عليه المشكلة اني احبه الغبي ، انقذته هو و اخته العام زي ذا الوقت مع امهم كانوا صغار أقل من شهرين محتارين وين يروحون وسط المطر اللي كان مغرقهم و كبروا هو و اخته عندي، حتى اخته جننها يضربها و تستنجد فيني ضعيفة قهرني رغم اني احبه اكثر من امه و اخته الهاديات لانه يحب يتلصق فيني ضعيف أجبرني احبه مسكين لكنه مجرم ما يبي احد في البيت غيره و يوم اعصب عليه و اهاوشه يدري ان فيه شي غلط يقوم يرمي نفسه علي زي اللي يستعطفني اللئيم لين اروح ملح و ارضى عنه الدلخ |
و عليكم السلام
حياك اخونا عبدو عمر |
المشكلة لا يمكن تدريبهم زي الكلاب لان الكلاب اذكى قابلة للتدريب عشان كذا تدرب على الصيد و الحراسة
مستوى ذكاء الكلب نفس مستوى ذكاء طفل ما بين السنة و السنتين و القطط الدلوخ ما بين أربع إلى ست أشهر لذلك صعب تدريبهم |
انا ما أحب أقضي وقتي في كلام فاضي...أحب اقرأ كتب لكن ساعات ايحوشني ملل من الكتب ...ما أحب الغيبه و النميمه ....وما احب الكذب إلا إذا كان بهدف الإصلاح.... ما أحب الخبث وبلاغة الشف اللي هدفها جمع المعلومات عن شخص ثم بثها... فيه بعض الناس يجمعون أخبار الآخرين تقول استخبارات سي آي إيه والا كي جي بي والا معرف إيش وبعد ما يجمعون أخبار الناس ايضيفون لها منعندهم ملح وفلفل وبعدين ينقلبون وكالات أنباء وايبثون. ..النوعيه هاذي لا اطيقها الله يكفيني شرهم عشان جذي أفضل اقعد ابروحي واذا قعدت مع الناس ما أبطل حلقي واذا أحد فيهم سألني سؤال اهبده برد جاف إليه ينحاش الله يكفيني شرهم حسبي الله ونعم الوكيل
|
ماشاء الله تبارك الله ان دل يدل على ايمانك و رجاحة عقلك عنودة
حتى انا كذلك احب الناس اللي قعدتهم مثمرة يذكرونك بأية او حديث و يقربونك من ربك و الجنة و اختنق من التافهين السطحيين لأنهم مضيعة للوقت و ذنوب تتراكم أقبلي مني ذي الحروف اللي طرت على بالي سبق قرأتها قديم أهديها لك و لانثى الجدي و ام زوز و غيومة و لمو و لولو و ظلولة و كل البنات الطعمات اللي شرفت بالتعرف عليهن هنا هلا باللي لفاني دون ميعاد زوله لفى علي .. صدفة أحس بحروفه علاج و ضماد و أحس إني من زمان أعرفه و انا اقول حروفكن لفت علي صدفة قبل ازوالكن، و فعلا أحس إني من زمان اعرفكن ربي يديم أخوتنا للأبد يارب |
السلام عليكم ورحمة الله وبركاته عبده عمر ...صاجه عيون متفائله ما شاء الله عليك اتعافرين مع القطاوه الله يعطيني وياكي الصحه والعافيه ... أنا مره كنت قاعده مع امي الله يرحمها على البحر وحاطه مرق وعيش أبي آكل هجم علينا قطو تقول أسد وهجم على المرق شفته وانحشت و لحقني كنت نحيسه المفروض أعطيه شويه وردينا البيت بسبب القطو ههههههههههه ما شاء الله عليك مادري إشلون اتعافرين مع القطاوه واتصيدينهم واتعالجينهم بارك الله فيك بس دير بالك من السباكين البياطره
|
الله يرحم والدتك و والدي و أموات المسلمين و يجعلهم من أصحاب الفردوس الأعلى
القطو خواف ما يهجم غير لا صار ذابحه الجوع ضعيف او في حالة الأم إذا تعرض احد لصغارها و هذا شكله ميت جوع عشان كذا تجرأ و هجم و خصوصا ان طعام الشارع و النفايات و انت بكرامة يسبب لهم ديدان في الامعاء تذبحهم جوع على جوع لأنها تتغذى على غذائهم اما بالنسبة للمعافرة لو تشوفين المخوش اللي فيني تقولين اني من ضمن قائمة المطلوبين أحس إني حرشفت : ) على قول القايل : لا بد للشهد من أبر النحل حتى تعبيرهم عن الحب سبحان الله عض و مخوش |
بارك الله فيك عيون متفائله ابيات شعر جميله من روح جميله ... بارك الله في جمعنا الطيب أسأل إنه ايديم المحبه بينا بما يرضيه سبحانه اللهم آآآمين
|
أما بالنسبة للسباكين مدعي البيطرة يا كثر ما طبيت فيهم الله حسيبهم خصوصا بعد ما الرهاب قيدني و كانوا يشوفونهم بالحوش زيارات منزلية الله ياخذ حق الضعوف يوم اذوهم و موتوا البعض منهم اسأل الله أن يقطع دابرهم و يحمي الضعوف الباقيين منهم
|
ههههههههههه قائمة المطلوبين للفردوس الأعلى بإذن الله بعد عمر طويل مبارك بطاعته ... الله ايبارك في عمرك عيون متفائله وايطيله في طاعته
|
و انت الاجمل قلبي
اللهم آمين و انا يوم اقول ليتنا حول بعض نتداوى قصدت الدواء المعنوي من حيث نتعاون على الطاعة و نواسي بعضنا و نشد أعضاد بعضنا يعني أخوان دين و دنيا من باب : يا الطبيب المداوي ما نفعني دواك و الدواء عند غيرك خابره يا طبيب هذا الدواء المعنوي اللي قصدت اللي ينفع بأمر الله لكن المشكلة ما هي مسافة او سفر دام القلوب جنب القلوب و تكلل هذا القرب المعنوي دعوات الوفاء في ظهر الغيب ربي يتقبلها من الجميع و يارب كما جمعتنا في هذا المكان اجمعنا في فسيح الجنان اللهم آمين |
استغفر الله داق علي واحد يبيني اروح الاقيه عشان شغل متعلق في المنزل...أمس ما نمت إلا ثلاث ساعات الله المستعان لأزم اتوكل على الله وأدق سلف واحرك...من جذي امسميه نفسي عنيد حياتي بالضبط نفس الرياييل...موناقص إلا أروح ديوانيات... لكن الحمد لله احب حياتي أسأل الله ايديم نعمه علي اللهم آمين ...استأذن منك حبيبتي عيون متفائله والجمع الطيب كله والقاكم على خير ان شاء الله ... بعد أذن الظهر عندنا ....معنى السلامه حبايبي
|
اقتباس:
|
السلام غليكم جميعا ...وجعلها الله سنة خير على الجميع بان يمن الله علينا بالشفاء قادر على كل شي ...ابسالكم الله يسعدكم من قرأ كتاب لاتحزن لعايض القرني من زمان جايني هديه ولا قريته وهل له تاثير على تحسين النفسية وسلوك الحياة اليومي ...
|
وعليك السلام
الكتاب ما قريته سمعت انه مفيد مليان درر انصحك بتدبر القرأن و قراءة تفاسيره شي عجيب على النفس |
السلام عليكم ورحمة الله وبركاته ... أختي نجمه قرأت كتاب لا تحزن لعايض القرني من زمان وعندي الكتاب مفيد وفيه كلام حكيم وحلو خوش كتاب ... مثل ما قال عبدو عمر أفضل الكتب قراءة القرآن بتدبر. .أسأل الله أن يرزقنا حسن تدبر القرأن. ..
|
تحيه إلى أم الهريرات حبيبة قلبي والجميع ... فديتك. .. رحت قابلت مشرف عمال امسوي شغل في بيتي ...أنا الحمد لله البس عباة اسلاميه بس كله مدحوسه وعباتي تراب ... قليل ما أكشخ... أكشخ اذا اضطريت ... المشكلة أكثر الناس تحكم بالظاهر يحترمون نصاب يأكل ماله بالحرام ويضربون له تعظيم سلام... والشريف الطيب يحتقرونه لأنه مدحوس ... زمن مدحوس
|
السلام عليكم
مسيتم بالخير يأروع و أغلى اخوة أنا متابعكم و أضحك و أدعي و أحزن لا تخافون بس خلوني بالإحتياط حتى يجي وقتي و أدش و أسجل هدف على فريقي 😂 أمس رجعت أختي من جامعة الدمام الا و تقول عالي عجل ودني عندي إختبار حاسب و تقولي هذا موقعهم توريني الخريطة و كنها على جمر المهم وديتها و الشيخ اللي يتكلم بالخريطة الله يعفي عنا و عنه ضيعنا عشان الموقع مو محدّث بس وديتها و قالت تعالي بعد ساعتين أوك المهم قلت يا ربي وين أروح لقيت بوفيه و إستراحة قريبه من الموقع حلوة خذيت لي شاهي و مويه و تكيت . شوي طلعت على رصيف البوفيه أتتن الا ويجيني واحد قال وش أنت تعجبت من سواله قلت له تعرفني وش عليك مني المهم استغرب و أنا زود استغربت المهم قال بعدها طيب مسلم لمسلم 😂 قلت ع العين و الراس طيب قال مصير الإنسان الموت و من هذا القبيل و أنا أمسكّها على الله يجزاك خير شافني كذا مو متقبله قال المهم انا استآذن و لنا لقاء بإذن الله و قفّى و أنا أطالع فيه الا و يركب موتره التاهو الأسود و يطالع فيني و شاف اني مالديت شوفي عنه 😂 المهم دخلت البوفيه و شوي الا طرت لي فكرة أروح الكورنيش دام البنت بطول رحت الكورنيش ورا الواجهه مكان فيه شجر و ظلال و أطالع في المراديه و البحر و استانست بس ياهي رطوبه غسلتني غسل متى يجي الشتا بس و أنا بالكورنيش شفت الغربان عجب و عجاب 😂 قلت ياليت معي عيشه لهم و أقط لهم شوي عشان يتهاوشون فيما بينهم و استانس بعدها رحت البوفيه و أطلب شاهي و مويه جاني اليماني قال الرجال يعطيك نصايح قلت ايه و قلت له مع نفسك و اليماني يفطس ضحك أنا ما قلتها بس أبي ألطّف الجو الا و بعدها تكلمني أختي و أنا مشغل شيلة الفجر الجديد أفتح شبابيك الأمل في الفجر الجديد نزلتها و ألبس ثوبي و شماغي و عقالي و أزور خوي لي بالمستشفى و أنا بالمستشفى أدعي لكل المرضى بالشفاء العاجل حتى لمّا أشطف عليه بالموتر بعض المرات أتذكرهم و أدعي لهم بأدعية الشفاء بصيغة الجمع |
تسلمين يالعنيد في الحق تسلمين سلام قد الكون
أنا بخير بشوفتكم و الله و يشهد علي ربي و كثير ارتاح لا سولفتوا و أنا معجب كثير بمشاركاتك و شخصيتك ربي يسعدك 🌹 أهلاً بك يا محمد الدوسري هلا بالجينرال و بعقيد القوم 🌹 لا تقولي تركت السيروكسات و الا باقي ما تركته عشان إذا تركته أجيب معي عجرتي لا سمح الله تهتاج علي 😂🤣 أمزح ربي يقويك و يسعدك هلا مزوووون 🌹 كم واو حاطة أنتي سامحيني إذا زودت و الا نقصت عندي الحساب دفش 😂 هلا بك و الله و حياك بين ناسك الغالين و أنتي الغاليه 🌹 أنثى الجدي الغاليه في مشاركتين أظنها ثنتين بغيت أدور لهم و أقتبسهم و أرد عليهم لكن ما عاد فيني بس أتذكر اني ضحكت ربي يسعدك 🌹 لميا الحزينه تأثرت لحالك و حزنك 😭😭😭 هلا بنجمة الفلك هلا بعبدو عمر و عيون متفائلة و نعناعة بتكبر و غيمة فرح و الجميع حتى الضيوف هدر الأكسجين يا مرحبا بك و حياك أقلط دوك صدر المجلس |
مشكورين على الرد اخواني الاعزاء وانا الحمد لله مابديت اتحسن ولو انه تحسن بطء الا بقراءة القران يوميا اقرا جزء او جزئين...نسال الله القبول والشفا للجميع
|
قاعد أطالع مسلسل رعود المزن و جا فاصل و جت حياة الفهد قلت يا يمه تعرفين هذي قالت أعرفها قبل ما تخلق أنت و أخوك 😂
حتى لما قلت إسمها جبت الإسم بالغلط قلت صباح الأحمد هههههههههههه تقولي مسرحية قماشه شافته قبل لا أجيبك أنت و أخوك اللي أكبر منك 😂 |
هلا بك نجمة الفلك عساك ع القوة يا رب
لولو نسيت ما أهلي فيك يالغاليه آسف 😊🌹 |
رحت قبل العصر لمستشفى الأمل و أدخل ع المدير و قلت له قصتي مع علاج البرنتلكس عطيته إسمي و رقم جوالي و قال حاضر العلاج مو متوفر لكن إما جبناه و الا دليناك على مستشفيات بالمنطقة و يوفرونه لك
أدعوا الله انهم يوفرونه طفشت من سعره الغالي أنا آخذ لي بكت ٢٠ ملج و آخذ لي حبتين باليوم إلى ثلاث حبات ٦٠ ملج و العلاج يخلص في أسبوعين المرة الماضيه تسلفت بعد ما قطعته و تدهورت حالتي بكرة راح يكلمني أدعوا بالله محتاج دعواتكم انهم يوفرونه |
الله اعجبتني كنية ام الهريرات يا سلام كيفت عليها
ليتني اجي كم من اكمام ابي هريرة رضي الله عنه إللي كانت الهريرات تنخش داخل كمه جعلك على القوة عنودة ماشاء الله حلو الاعتماد على النفس تدرين من يومي بما اني البكر عند امي الله يحفظها معتمدة علي في كل شي و الحمدلله |
كل عام وأنتم بخير ،،،، جعلها الله سنة خير وبركه ..
|
هلا بكم جميعا
هلا بك ابو نجلا أرحب يوم تقولين لفظة مدحوس عنودة حنا نقولها بعد و اكتشفت أن لها مرادفات كثيرة عامية غير الفصحى من العامية ايضا فيه ناس يقولون مدحوش و فيه من يقول مدعوس جاية من داعوس و دواعيس و كذلك مخشوش و مركون و منزوي و غيرها لله درها اللغة العربية لغة القرآن الكريم لغة أهل الجنة ما شفت لغة بغناها و سحرها |
هلا بك ابو علي و انت بخير و صحة و سلامة يا رب
آمين ربي يتقبل منك هلا بك نجمة ايه سبق قرأت الكتاب فيه أمل و تفاؤل مفيد فعلا المفروض المسلم ما يحزن دام يملك أعظم نعمة و هي الاسلام بينما الملايين حيارى في الظلمات يتخبطون بدون دين ، ربي يزيدها و يثبتنا عليها حتى نلقاه ماشاءالله حلوة العباءة الإسلامية عنودة ربي يزيدنا وياك حشمة و ستر و نساء المسلمين |
|
الله يا زين الشمس الغاربة ماشاءالله
سبحان الله ربي يطببك في علاجه ابو نجلا و يعافيك و يسعدك و يحقق امانيك |
السلام عليكم ورحمة الله وبركاته. ..هلا ببونجلا ...هلا بالطش والرش والبيض المفقش ... شوف بتحط علي بتقول عني مدحوسه وبتقول إللي بتقول عادي عسل على قلبي ...لكن بتيب سيرة أبونا وشيخنا الشيخ صباح الله يحفظه ويحفظ لنا أسرة الصباح شيوخنا اسأل الله يبارك لنافيهم مااااااااارضى .... ترى بتصير داحس والغبرا بيني وبينك كلش ولا شيوخنا نفديهم بأرواحنا هم بعد الله سبحانه وتعالى فخرنا وعزنا... لا إتصير بومتيح مدور الطلايب
|
و عليكم السلام و رحمة الله و بركاته
هلا بك عنودة ارحبي يا الله انت حيها الله يحفظه الشيخ صباح و يحفظ اخوانه و شيوخنا و جميع المسلمين هو مزوح ابو نجلا ما يقصد ، و يا سلام على الدرر و الامثال اللي تقولينها بو متيح مدور الطلايب ، ابو نجلا لا تدور الطلايب ترى هذي عنودة ربي يسلمها ما نرضى ربي يسعد قلوبكم جميعا |
| الساعة الآن 02:03 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا