كيف ممنوع تحطي ارقام
|
جاتني فكره اذا عندك حساب في تويتر ضيفيني ومن هناك نتفاهم
|
مرحبا بنوتات كيفكم
ان شاء الله بخير وان شاء الله اموركم تمشي بسهوله ويسر احنا للحين ماقدمنا شي راح ارجع اقول باختصار هو مولود بالسعوديه ومقيم فيها قريت كثير بالموضوع وقلتله ع اللي قريته بسالكم عن العمده مين هو او كيف اوصل له؟؟ ولو قدمنا اي جهه حكوميه بالعاده تطول ففيها المعامله ولو قدمت انا المعامله مو ولي الامر اقدر انا اللي اروح واجي واراجع منن غيره او خطيبي ؟؟ مع العلم انا بالرياض وهو بعد وبالنسبه للاخت يارب سهل امري ربي يسهل عليكي واستفدت كثير من ردك السابق بس ممكن اعرف كم صار لك من لما قدمتي المعامله الله يسهل عليناا ويكتبلنا اللي فيه الخير |
اهلين اختي هدى منوره الموضوع والله يكتبلك التيسير في معاملتك انتي وباقي البنات ،،
وبالنسبه لاسئلتك بجاوب عليها ان شاءالله بحدود تجربتي .. شوفي حبيبتي بما ان خطيبك مولود في السعودية وانتي وياه ساكنين في مدينة وحدة هذا الشي راح يساعدك كثير ان شاءالله في تقصير مدة المعاملة لأن الموظفه قالتلي اذا انتي وخطيبك ساكنين في مدينة وحدة تاخذ المعاملة بس شهرين .. وبالنسبة للعمدة هذا يكون موجود في الحي الي انتم ساكنين فيه اكيد ابوكي يعرف محل تواجده .. والمعامله تطول اكثر شي في الشرطة ،، بالنسبة ليا اخذت وقت طويل عندهم .. وبالنسبه لسؤالك هذا "لو قدمت انا المعامله مو ولي الامر اقدر انا اللي اروح واجي واراجع منن غيره او خطيبي ؟؟" تقدري تراجعي المعاملة انتي او خطيبك بدون ولي امرك .. واخيراً بالنسبه لمعاملتي هذا رابع شهر لها ويارب يكون الاخير... `111`1` |
العمدة حقنا الله يسامحه جالس يمشي امور القبايل بس
لما يروحله اخويا يطنشه ويطلعله عله لما يتصل عليه اخويا يقول له انا من قبيلة كدا يمشي معاه ويقولو متى يفتح لكن لما يعرف انه حضري يسحب والاخلاق تقفل اليوم اخويا بياخد واحد من اصحابه ويروحله هل فعلا حيفتح اللسته ويشوف من سكان الحي والله اوراقي واقفه على العمدة |
يارب سهل أمري أنا ما أعطوني خطاب للعمدة بس للاحوال والتحليل اما العمدة معاية ورقة مكتوب فيها شروط زواج سعودية من غير سعودي
واخويا وراها للعمدة وقلوو جيب شهود وبدا يماطل |
اقتباس:
|
اقتباس:
من جد دحين كل هذا وفي النهاية في ورقة للعمدة ليه مايعطونا هيا من البداية طيب دحين ايش اسوي اجيب الورقة ولا كيف شكلو طلبو هذه الورقة للتعقيد لانه نحن اللي متوسطلنا لوا وقالوله ابشر امورك كلها تمام بس عبو الورق وتمشو عموما الله ييسر يارب |
اقتباس:
|
الله يوووووووووفقكم يااارب
يارب سهل امري // عسسسسولةة هذا التويتر حقي رغم اني ما استخدمه هع بس عشان نقدر نتواصل ?miss_LoOody ضللته ^ |
اقتباس:
|
حسابي tahani
|
Dعطيكي .العافيه حبوبه
والله يسهل امورنا |
السلام عليكم
الف مبروووووووووووووك لكل اللي عقدو والله يعين الباقين ويتمم ع خير انا كنت متابعه بس ع الصامت لانو المعامله تعبتني نفسيا بس الحمدلله عقدنا وخلصنا وبقولكم كيف بدينا وانتهينا انا من جده وزوجي من الرياض وانا اللي قدمت المعامله اولا .. قدمت معروض في الاماره بعدها تحولت ع الشرطه وعبيت اوراق وسألتني شوية اسأله عاديه واخذت اوراقي وزوجي قالوله انت مالك شي عندنا روح قدم من الرياض (طبعا مافي شي اسمه هو يقدم لحاله وانا لحالي) المهم رحنا سوينا التحليل وانا عطيتهم تحليلي واخذوه وزوجي تحليله قعد معاه وجلست المعامله فتره من الزمن من الشرطه الى البحث ثم الشرطه وبعدها حولوها ع شرطة الرياض عشان يسوو بحث وتحري عنه وجلست طبعا فتره من الزمن وخلصوا وحولوها ع شرطة جده ومن ثم ع محافظة جده ومن ثم ع الاماره ومن الاماره ع المحكمه وبعده عطونا موعد بعد 25 يوم بالضبط ولله الحمد خلصنا وارتحنا بعدما عانينا قرابة السنه واليكم بعض النقاط المهمه عشان ماتطول معاملاتكم ..اولا..حاولو تقدموا مع بعض من نفس المنطقه عشان ماتتشتت اوراقكم ويضيعوها ويرسلوها من مكان لمكان ثانيا انتبهوا لورقة التحليل لان اقل شي 6 شهور واكثر من كذا مايقبلوها لان ورق التحليل تبعنا كان مر عليه 9 شهور بس الرجال كان متفهم شوي ومشاها وعدت ع خير ووووبس هذا كل اللي اعرفه وترا زوجي اللي كان يراجع ويتابع المعامله وولي الامر ماحظر الا وقت العقد والشهود اثنين اخوي وصاحب زوجي وورقة العمده هذي ماعندي خلفيه عنها لاني موظفه وسلاااامتكم |
الحمدلله انفكت عقدة العمدة ويارب مانرجعله تاني جبنا الورقة
وراح اخويا يوديها قالو خلي المخطوبة تجي لقسم النساء وتعطيهم الورق ، اللي عندهم خبرة وفي جدة ياليت يفيدوني ايش حيصير هل اروح عادي بكرة ولا لازم موعد وهل الوضع يخوف لاني حروح لحالي مع اخويا |
اقتباس:
موفقه يارب |
ياحلوات دحين وقت العقد في المحكمه ايش يطلبو ايش الاوراق الي يطلبوها عشان يتم العقد
|
اقتباس:
ماروحت اليوم بروح بكرة اخويا تعب اليوم بسالك موعد عشان ايه اراجع ايه ، مو المفروض تتحول لمدينة خطيبي عشان يكمل ورقه ؟ |
اقتباس:
|
الحمدلله يا بنات تم عقد قراني بالمحكمة
واي سؤال انا بالخدمة :) |
اقتباس:
|
السلام عليكم ورحمة الله وبركاته
انا كنت متابعتكم بس ع صمت . الف مبروك للى جاتهم الموافقه والله يسهل على الباقين. انا عندي استفسار بسيط انا من جده ومعاملتي في الشرطه صارلها شهرين تقريبا وابغى اعرف ممكن طلعت من هناك ولا لسه وإذا طلعت راح يخبرونا ولا |
اقتباس:
وايش هيا الاوراق المطلوبة وقت العقد؟ |
اقتباس:
روحي راجعي او احد من اهلك انتبهي لازم تراجعي دائما عشان لاتضيع المعاملة او اذا في شي تعرفوه او ناقصه اوراق لاتهملي معاملتك ويارب خير |
اقتباس:
مبروووووووووووك ياقلبي الله يتمم لك على خير من جد كل ماسمع خبر مرا انبسط كاني انا الله يسعدك وعقبالي وعقبال البنات يسهلها يارب وييسرها من عنده ابغى اسالك وقت العقد ايش الطلبات غير الشهووود ايش الاوراق او الاثباتات الي يطلبوها |
اقتباس:
إيواه راجعتهم قبل شهرين وكملت الاوراق الناقصه بس الحين ماني عارفه اش صار عليها لأنه خطيبي يراجعهم دائما . واخويه يدق ع خطيبي بس مايرد وماني عارفه اش صار عليها بس الحين ابغى اعرف اش الخطوه اللى بعدها لان ماعندي علم طلعت المامله ولا لسه . |
السلام عليكم
صباح الخير جميعا اعجبني وشدني الموضوع جدا جدا.. استفدت منه كثيرا.. جزاكم الله كل خير.. انا كنت حابب أسأل: حمدلله معاملتي بدءت عن طريق اهل خطيبتي (الطرف السعودي) قدمو على المعاملة في محافظة جدة وراحت للشرطه وخلصنا الاوراق هناك بعدين حولوها على مكه (لاني من مكه) واخدت في التحويل (شهر ونص) "حمدلله على كل حال".. عموما بعد كده خلصت اوراقي في مكه ولله الحمد.. وبعدها كده خلصت الاوراق والبصمات والبحث ورجعت تاني على شرطه جده اخدت برضو حق (اسبوعين ونص) "حمدلله" التعامل في مكه راقي جدا جدا جدا الله يوفقهم.. ومن شرطة جدة اتحولت على محافظة جده مكان ما بدأنا المعاملة.. راجعنا المحافظه وطلبو انو نحضر انا وولي امر المخطوبة واثنين من الشهود.. ورحنا ووقعنا على استمارة.. بعد كده اتحولت على امارة منطقة مكة المكرمه.. كل شي تمام وحسب الخطه ونفس كلامكم هنا في المنتدى.. لكن! اللي استغربت منو انو انا من مواليد السعودية بس حولو معاملتي على وزارة الداخلية في الرياض!!!! وعلى حد علمي وبقرائتي لتجاربكم انو اللي من مواليد السعودية لا تحول معاملته الرياض!! تتوفعو ايش السبب؟؟ طيب غير كده كم يوم عشان توصل المعاملة لوزارة الداخلية؟ وكم يوم تجلس هناك؟ وكم يوم عشان ترجع؟ وكيف استفسر عنها؟ احد عنده رقم الوزراة في الرياض؟ استغربت من الاجراء دا.. لكن حمدلله.. كل تأخيرة وفيها خيره ان شاء الله عموما الله يكتب اللي فيه الخير ويتمم على الجميع بالخير يارب. صباحكم جميل جميعا :) |
دعواتكم دحين رايحة الشرطة واني خايفة وارجف
اخ تفائلو بالخير ؛ لما حطيت اوراقك حطيت شهادة الميلاد مصدقة ولا لا ؟ |
اقتباس:
ايوه طبعا شهادة الميلاد مصدقة وبتاريخ حديث واصلا الشرطة ما يستلموها الا اذا كانت مصدقة |
اقتباس:
يارب الله يسمع منك ، جميعا يارب ، طيب غريبة حولوها الرياض ، الله ييسرلك انت كمان وتبشرنا أنك عقدت على خير |
تعرفو الشرطة متى يخلص دوانهم طلعت الاوراق بسيارة اخويا الثاني وبستناه دحين جي
شويا وابكي ليا اسبوع بس تتأجل الروحة |
دوبي جيت من اللفلفة الرهيبة رحت الشرطة قالتلي لازم تروحي تعدلي المهنة من طالبة لربة منزل
رحت للاحوال قالولي لازم تجيبي شهود واعطوني يجي اربعة خطابات واخويا طلع ناسي الهوية حقته في السيارة الثانية عند البيت ورجعنا ، قالتلي على النموددج حق العمدة ما اعطوني هوا حقت الشرطة فقلتلها بالغصيبة طلع دي الورقة قالتلي طيب بس عدلي المهنة الله ييسر امري وامركم يارب |
اكتشفت ان الشغلة مزاجات ، وحدة من البنات في مكة راحت تعدل البرنت عدلته وهيا واقفه ولا شهود ولانماذج ولاشي
لكن الله المستعان |
اقتباس:
والله يسهل للجميع |
نصيحة للي حيقدمو وهما طالبات ، شئ اتمنيت اعرفه من اول لكن الحمدلله
قبل ماتجيبي ورقة العمدة ادخلي موقع الجامعة واطبعي نموذج تعريف انك طالبة وروحي للعمدة يكتبلك المشهد بانك طالبة عشان مايصير نفس اللي صار معايا ، اتعارض برنت الاحوال اللي مكتوب فيه طالبة ، مع مشهد العمدة اللي مكتوب فيه اني ربة منزل بس بالاخير حخليها ربة منزل لاني خلاص هذا اخر شهر ليا بالدوام |
السلام عليكم أخواتي!
أبارك للي جتهم الموافقة واسال الله ان يبارك في زواجهم ويرزقهم الذرية الصالحة. بعد ماقدمنا من منطقة عسير وقالوا انه لازم يكون عربي واستفسرت من وزارة الداخلية وقالوا هذا الكلام مو صحيح مع ذلك الامارة متمسكة بموقفها وبالفعل والدي كلم جارنا كان يشتغل في الأمارة وقال ما أنصحك تقدم من هنا لأنهم معقدين وقال انه بالفعل هنا يشترطون ان الخاطب يكون عربي. فالطريق مسدود من أمارة عسير. بعدها قدم الخاطب من المدينة وأخذو أوراقنا وقبلوها مقدما عشان يعطونا رقم معاملة لكن الشي اللي ناقص هوا اثبات من العمدة اني ساكنة في المدينة وأنا ماني ساكنة في المدينة فاتوقفت على هذا الأساس. الآن والدي والخاطب بيرحون الرياض يقدون من وزارة الداخلية واحنا الشئ اللي نبغاه بس انهم يعطونا رقم معاملة عشان الخاطب صديقه يعرف ناس في وزارة الداخليه وبعض الاماكن الثانية لكن بدون رقم معاملة غالبا مابيقدر يسوي شئ! فأنا ما أعرف ينفع أحد يقدم من وزارة الداخلية؟ وهل البنات اللي قدمو أعطوكم رقم معاملة بغض النظر اذا كانت الشروط متوفرة أو لا؟ لأن أنا الشرط اللي مو مكتمل عندي هوا شرط العمر لأني مابلغت 25 سنة. |
اقتباس:
وعليكم السلام ،. اهلين طهر شوفي ياعسل اذا انتي كملتي 21 سنة على حسب ماقرأت تقدري تقدمي على المعامله لانه هذا هو العمر الي محددينه في الشروط الله يكتبلك التوفيق ويسهل طريقك `111`1` |
اقتباس:
بالنسبة لكلامك صحيح بس هذا لو كان الخاطب قريب ليا من الدرجة الأولى يعني مثلا ولد خالي أو ولد عمي. |
اقتباس:
|
طابت جمعتكم
الاسبوع الي فات كلمت محافظة جدة قالو ان معاملتي اتحولت للامارة وارسلت رسالة برقم الصادر على الامارة ارسلولي رقم المعاملة في الامارة الي اراجع فيه ،،، سؤالي يكفي اتابع عن طريق الجوال او النت ولا لازم ارووح للامارة؟؟؟ وكمان كم تجلس المعاملة عندهم اكثر شي ؟؟ |
الساعة الآن 08:07 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا