اللهم في يوم الجمعة لا تحرمنا من أمنية تُفرح قلوبنا ،
وتوبة تجلي همومنا ، وتوفيقاً ينير دُروبنا ،
وسعادة تذهب أحزاننا ، وبركة تُلازم عمرنا،
وعملاً يرضيك عنا ،
ادعوك أن تُصلح حالنا وتُسعد حياتنا وتحقق ما في بالنا
ونسألك الفردوس الأعلى من الجنة بلا حساب ولا سابق عذاب

صباحكم خير وبركة حبايبي 💕🌹

الله يسعد قلبك يابو نجلا
طريق جوده يذكرني اذا رحت الرياض ماداني الخطوط الطويله بس اني احب المحطات اوقف بكل محطه اشتري حب وبساكيت وحلاو وشاهي وما اوصل الرياض الا بطني منتفخ ولايعه كبدي .. حلو الطريق بالشتاء .
ماشاء الله عليك شحن العقل بالكلمات الايجابيه له مردود رائع على الجسم في البدايه ماتلاحظ شي بس بعدين مع الوقت تلاقي نفسك تغيرت كثير .
بقولك شي حصل معاي ايام الهلع السنه اللي فاتت وقبل الهلع يجيني كثير خفقان بالقلب واقول قلة نوم او ارهاق وطبعا بعد ماجاني الاضطراب النفسي زاد الخفقان وضغطي جول الوقت مرتفع وكنت اقول انا متأكده ان فيني شي بالقلب المهم بد ما اخذت برنتلكس اللي لاحظته ان القلب هجد ووقفت كونكور والضغط انتظم سبحان الله ماشاء الله .
الاكيد ان المخ والنفسيه تلخبط كل وظائف الجسم وتعفسه فوق تحت والمضحك ان كل هذا دارسته بس يوم جت الحاله علي انا ضيعت كل اللي درسته وصرت اوسوس .
المخ اعقد واعظم واكبر معجزات الله سبحانه ان زان زانت الدنيا كلها صحتك نفسيتك اداءك بالحياه وان شان العقل شانت الدنيا باللي فيها .
الله يكتب لنا ولك السعاده وراحة البال والمخ المتعافي يارب .
انا احس ان البرنتلكس كان احسن قرار اخذته بحياتي بصراحه صايره مع الدواء لو تجيني دوخه او ضيقه اطنش بجد بدون خوف ولا قلق .
ابو نجلا ابيك تقرا كتاب او تشوف يوتيوب عن المرحله الملكيه شي عجيب .
بعطيك اختصار للموضوع المرحله الملكيه اذا وصلتها بحياتك زانت كل الحياه بعينك اولها تحب نفسك وتدلعها وثانيها تطنش الناس وكلامهم وارائهم فيك يعني اخر همك الناس واذا وصلت لهالمرحله بقناعه راح تتغير حياتك كثير انا تقريبا وصلت لثلاث ارباع الطريق .
انا حقيقة لايهمني الناس ولا المظاهر ولا ابكي على ماضي ولا اتحسر على شي فقدته ولاني ندمانه اني ماتزوجت بالعكس قاعده الاحظ حكمه بكل شي ماصار لي بحياتي وكنت اتمناه.. مثلا انا وحده ماحب اي قيود او احد يحكمني ابدا واتخيل لو تزوجت بعل قلب الرجال وبيعل قلبي ولاحظت نفسي انزعج من البزران العب معهم شوي بعدين ودي اصفقهم ولا اخب الارتباط والتقيد بوقت للنوم او الصحيه و و و اشياء كثيره حمدت ربي وعرفت حكمته انه منعها عني .
وصدقني وطيعني ان الله مامنع عنك شي الا فيه خيره لك وماتدري انت توك بعز شبابك يمكن ربي مأجل لك الخير بعمة الحريم ويمكن ربي يرتب لك حياتك الان وانت ماتدري .. دائما تأكد ان الخيره جايتك بالطريق .
و اولا واخيرا المكتوب لازم نشوفه .
انا ادري ان وقت النوبه شي صعب بالذات مع الافكار الانتحاريه لكن انت قوي وذكي جدا وتحب الحياه وراح تعدي بحول الله ثم الدواء .
سألت الدكتور عن الافكار الانتحاريه قال المكتئبين نوعين نوع يحب الحياه لكن مايستمتع بأي شي بسبب الاكتئاب و نوع يكره الحياه جدا النوع الاول ماينتحر ابدا لأنه يشعر انه فيه اشياء لسا ماسواها وماحصل عليها ولسا يبي يستمتع واصلا يخاف من الموت واللي يشعر فيه وقت النوبه مجرد افكار لكنها ترعبه فكرة الانتحار .
الخوف على النوع الثاني اللي اصلا انقطعت كل صله له بالحياه يكره نفسه يكره الناس يكره شكله ويكره اهله وماعنده امل بشي ابد .
الا صحيح بشرنا عن ركبتك شلونها عساك اشوا ؟

الله يطمن قلبك ويكثر من امثالك يكفي إحساسك وردك الطويل عشاني أنا لي شهر حاليا تحسنت عشرة ايام وعادت النوبات من أربع ايام مثل بداية العلاج

أجل ليش صرتوا ماتتواجدون
دايما فاضي التجمع😑

حاشاكم عن التكبر بس وينكم ماتشاركون دايما التجمع فاضي

" كل شيء نراه ماهو إلا ظل يلقيه شيء لا نراه"

هلا بك ام زوز
تدرين اني حساسه جدا بالردود بالذات لو الموضوع مايعنيني او ماعندي خبره فيه احس اني داخله غلط 😊😊😊
ايه عادي حبيبتي انا اول ما استخدمت الدواء وجتني الاعراض الجانبيه وبدت تخف تحسنت كثير وبعد العيد رجعت كل الاعراض وقعدت اسأل كل الاخوان هنا بالمنتدى لأن جاني احباط اسأل نفسي وش فيني طيب ليه تحسنت وانتكست الحين وكلهم طمنوني انه تذبذب عادي وبالفعل بعد كم يوم رجعت اهدأ واتحسن بس ببطيء شديد .
ابيك تسوين استرخاء دائما الاسترخاء ينشط عمل المخ واهم شي توقفين التفكير لو خمس دقايق وفيه طرق كثير منها التنفس البطني تلاقينه في يوتيوب ومنها العد بطريقه عكسيه مثلا تعدين من ١٠٠ الى ١ هالطرق مره سهله بس ماتعرفين وش تسوي بالمخ لأنك تلهين العقل عن القلق ويبدا بعملية العد وراح تلاحظين الهدوء بعدها .
فيه نقطه مهمه جدا ابي اقولك عليها ان العلاج السلوكي كثير منا يقول سويته وما استفدت تدرين ليه ؟ العلاج السلوكي يعتمد على شيئين اولها التكرار وثانيا شحن المخ بالافكار الايجابيه بالتالي من جلسه او حلستين او ثلاث طبيعي مايحس المريض بتحسن لانه ماوصل لبرمجة مخ كافيه يعني لاتيأسي لما تعملين استرخاء وترجع لك النوبه كرري يوميا وكرري عمليات العد وكل مابدأ مخك بنوبه وخوف سوي طريقة الالهاء العقلي سواء بالعد او تشتيت الافكار .. بالتكرار راح تعرفي تتعاملي مع النوبات لين تختفي .
حبيبتي ام زوز مفعول الدواء مش سحري ابدا هو شي قاعد يرتب عمل النواقل العصبيه وافراز الهرمونات وشغله بطيء جدا يجي دور الشخصيه نفسها اساعد الدواء وهو يساعدني ومثل ماذكرت لك بعض الطرق الفعاله .
تطمني لن يصيبك الا المكتوب واذكري ان التفائل يجلب الخيرات انتي بس ثقي بالله وانطلقي بالحياة

سألني : أي الفصول أحلى ؟ فقلت : إذا كان مزاجك حلواً فكل الفصول حلوه !

صادق ابو علي انا كانت اجمل الفصول عندي الشتاء وجاني النوبات العام في الشتاء وتساوت عندي الفصول .
لكن الشتاء الجاي بحول الله و قوته ترجع السعاده لي ولكم اجمعين

اللهم آمين

يسعد مساك ظلو بكل خير و يضفي عليه البركات و الرحمات و اللطف

و إياك يسعدك


الحمدلله خف الإكتئاب عندي و الا وقت قوته ما تلقيني أحرّك الموتر خير شر و إذا حركت الموتر تجيني أفكار لما تمرني تريلة من جنبي إني أخش فيها و أموت
بس الحين الحمدلله خف و يا رب أرجع طبيعي لا هوس لا إكتئاب ما دمرني إلا هم ذولي الثنين

أنتي قصتك مع الفصفص قصة عشق هههههههه

إي و الله حلو الشتا خاصة لا غيّمت السماء و قاعد يصب صب ديم و الوقت صبح و ظهر يا محلاه تقولين مقطوعة موسيقيه رهيبة
بس الله يكفينا البرد الشين اللي يقص العظم و الغرقة اللي تغرق الشوارع و تتعطل معها السيارات و تغرق



وقت ما يخف الإكتئاب عندي أكثر من الكلمات الإيجابيه و الإيحاء الإيجابي و أترس عقلي بهم لكي يسعفني وقت قوة الإكتئاب

تصدقين أقولك شي و تضحكين مرات أبوس يدي و أحبها تقولين مجنون هههههههههه لأني عندي كره للذات و لذلك جبت هذي الخطة :)

ما شا الله عليك و الله قاعدين نستفيد منك و من تخصصك كثير إستفدنا منك هذا يدل على حبك لنشر الخير و الفايدة تصلحين مبشرة بس مبشرة للصحة النفسيه لا يروح تفكيرك بعيد :)

آه يالعقل ما ظل بي عقل تخربطت السلوك و إنفصل كم سلك و إحترق يلا على الله العوض يا رب

اللهم آمين و إياك و الجميع يا رب

الله يقويك و يدلك على الخير و التوفيق

الحمدلله على نعمة العلاج

راح أقراه أضفته في المفضلة يعطيك العافية

صدقتي بسم الله ما شا الله


أشكرك يا بعدهم لكن و الله بعض المرات أحس إن ما في أغبى مني بالكون

بس يمدحون الإيحاء الإيجابي و قانون الجذب أنا ما في أذكى مني أنا عبقرينو أنا برين الذكي

كلامه لا غبار عليه و تقسيم في محله


يا جعل من رباك الجنة

الحمدلله طيب صحيح في آلام لكن خفت و بعض المرات تزعجني خاصة في الصعود و النزول من الدرج بس ما طقيت خبر أهم شي المشي الحمدلله مشيتي طبيعيه جدا و لو أمشي مشي طويل عادي ما فيه مشكلة
عند الثني الحمدلله أثنيها بالكامل و أجلس جلسة القرفصاء عادي و أتربع
صحيح فيها إحتكاك من الدرجة الأولى بس ما تضر و موعدي في شهر 6 عربي و إن شاء الله يشيلون منها الحدايد

يجيني ندم بعض المرات الشيطان يوزني يقول ليش هربت لو قعدت ع السرير مربط ما كان حصل لك الكسر اللي موذيك و الا كان طعت أبوك و أشتكيتهم

أولا لو هذي تفتح عمل الشيطان
ثاني شي أقول قدر الله و ما شا فعل
ثالثا أقول لو كملت في هروبي كان الحين مشلول و مقعد ع السرير طول العمر لأن لو ما انكسرت و تميت في الهرب كنت محضر تحت عجلات تريلة و الا صادمتني سيارة بسرعة 140 لأن الشارع مو سهل السيارات و التريلات فيه كنهم طيارات

أنا ما طقيت خبر فيها
أهم شي عقلي و قلبي يتحمل الظروف و الطواري هذا همي أولا و آخيرا

عقلي ثم قلبي

يارب في #ساعه_استجابه أنت أكبر من الحظ ، وأكبر من هذا التعجيز، وأكبر من هذا التعقيد، وأكبر من هذه البعثرة، إختر لنا ولا تخيرنا، وأكفنا من شتات العقل وحزن القلب وحيرة النفس وأرزقنا طاقة بها نعيش، ونتحمل، ونرضى ، ونتأقلم ، ونتقبل، ونتجاهل ، ونسعى ، ونصبر فعليك توكلنا وأنت خير وكيل و أعظم مسؤول يا رب

https://b.top4top.net/p_1001k5rrf1.jpeg



عليكم السلام و رحمة الله و بركاته

مساء الخيرات يا عبدو عمر

بالتوفيق للجميع دائماً


و الله مشغولين و الا نايمين يا أم روز

طيب حتى لو أنتي بالحالك إملي المكان بتعابير خواطر قصص دعوات صور مقاطع تغريدات شعر أي شي خربشي خربطي كلنا لك أذان صاغية و عيون قارئة و أفواه فاغرة :)

صدقت مية المية يا برنس لله درك

الله يشفينا و يقوينا و ينصرنا و يسعدنا أجمعين يا رب اللهم آمين

محمدوه

هلا بوه كيف حالوه إن شاء الله طيبوه :)

وش مسوي اليوم

علوم مسابيحك

أنثى الجدي وش بلاك ساكته

كيف أدويتك كيف يومك

هلا بك ديني الإسلام

هلا بكم جميع

يا رب

https://c.top4top.net/p_1001e0ep81.jpeg

https://d.top4top.net/p_1001tv7d32.jpg

بعد هالرد الجميل حقك علي اني ادعي لك ربي يسعدك ويشفيك ويبعد عنك كل شر ويطمنك دنيا واخره وييسرلك كل عسير ويشرح صدرك وييسر أمرك ويكتب لك ايام جميله وأحداث تبكين من جمالها 💜

ابونجلا مألحقت على قصة ركبتك وش السبب وبإذن الله ماتشوف شر

حزين الله يعين بس

أخ يا راسي يا دنيا العنا و الشقا

السلام عليكم

صبحكم الله بالخيرات

هلاااا ارحب ابونجلاء ي غاااالى

ما تشوف شر يا بعدي والله يبعد الحزن عنك

سلاااااااااامي للجميع

كيفكم جميعا


اشتقت لكم

اهداااااااااااااء للجميع

https://www.youtube.com/watch?v=oKJMtPtNX_I

اااااااااااااااه يا عااااااااااااالى لو ظروووووفنا متراهمة



https://www.youtube.com/watch?v=issdFa2FE4g

اهداااااااااااااااااء الى الفخمة وصاحبة الجلالة ظل امراة


https://www.youtube.com/watch?v=JSkX5SzRX5E

اهداااااااااااء الى الاسطوري ابونجلاء

https://www.youtube.com/watch?v=bURrHxqAK74

و الله يا بنت الحلال القصة و ما فيها

إن مستشفى الأمل قرر تنويمي و تم ربطي على السرير و أعطوني حقنه

ففكيت الرباط من إيدي الثنتين بطريقتي و أتخفى عن طاقم التمريض و انحشت و على نحشتي صاح ممرض على أخوياه فطاردوني هم - التمريض - و الأمن

أنا انحشت و طلعت من مبنى المستشفى و هم وراي و أمامي شارع دولي سريع و أنا أركض الا طحت قبل لا أقطع الشارع طبعا الشارع مليان سيارات و تريلات

الطيحة جت على سرعة و كل وزني كان على الركبه
فانكسرت الركبه و قبضوا علي الأمن و طاقم التمريض و أنا أجرّ رجلي المكسورة و هم يجرّوني للتنويم

تنومت ثلاث أيام في مستشفى الأمل و شافوا حالتي صعبة فقرروا إجراء أشعة مقطعية للركبة فطلعت مكسورة

ركبوني سيارة الإسعاف و على مستشفى الملك سعود ( مستشفى المركزي _ البرج الطبي ) فقرروا إجراء عملية لمفصل الركبة ( الصابونة - الرضفة - الباتيلا )

أمضيت أسبوع في المستشفى منوم و هم يآخذون مني عينات تحاليل لين قضى الأسبوع بعدها دخلوني لغرفة العمليات بنج كامل و سوو لي العملية

رجلي كانت بالجبس من منتصف الفخذ لين كعب رجلي ما أثنيها و ضلت شهرين بهالوضع

المهم قعدت منوم ثلاث أسابيع بالمستشفى مستشفى المركزي و لما كتبوا لي خروج

بعدها تنومت بمستشفى الصحة النفسية ( الأمل ) شهر

هذا الكلام كله كان في شهر شعبان و رجب الفايتين

و عطوني موعد لشهر ٦ الجاي و إن شا الله يشيلون مني الحدايد

هذا بإختصار و الله يشفينا و يقوينا و ينصرنا و يسعدنا

يا جماعة الخير

لي ثلاثة ايااام

حااااولت اخااااااااااااالط المجتمع بس احس اني غريب عنهم لا جوهم جوي ولا اسلوب ولا معنى ولا هدف لحياتهم

قلت يا رجاااااال ارجع لاحلا مجتمع في العاااااااااااااااااااالم يوميات المكتئبين يا لبى قلووووووووووبكم وبس اشهد انكم مطانيخ وعياااااااال شيوخ علومكم ترفع الراس

ولا يهمكم المرض والله انتم ناس ذوووووووووق

يا جعلك الفردوس العليا يا رب

تسلمين و ربي يكتب أجرك و يستجيب لدعواتك لنا عاجلا غير آجل

تسلم يا بعدهم أنت يالذووووق كلو

و الله ثم و الله و أنا أخوك اني مثلك أحس إنا بعالم غريب عن جو المحيطين بأرض الواقع لا أفهمهم و لا هم يفهموني ما غير وش أقول بس عاد بالصدر شي ما يعلمه الا ربي

قبل شوي رحت للبر الجو زين بعدها تعشيت روبيان جمبري بعدها تمشيت بالممشى ٤ أشواط بعدها جيتكم و ها أنا ذا عندك يا بو عبدالرحمن 😘🌹❤



يا صوديق

واحد كافي ساده سكر وسط 😅

و أنا بالبر معي هالكوب اسبريسوا دبل و غرشة مويه 😋

https://d.top4top.net/p_1001yspu51.jpg

كنود 😉

https://e.top4top.net/p_1001strkl2.jpg

يآلله

أستوقفتني هذه الدعوة 🤔🙄😖😔😭

على راسي والله يا علو

تحب البر وما الومك ابدا

الخلوة بعيد عن الناس تجلب الراحة

الله يسعدك سعادة ابديه دنيا واخره يا العضيد

يسلمو على هالشيلة و الإهداء يا بعدهم

Nice

تثلم و الله يا بو حميد

البر هالأيام ما يتخلى بث إبعد عن المدينة و الناث الا اللي يودك و علومه تنومثك و مثل جوك و ما ينقدك على شي و مزوحي هنا يا ثلام ثلم

و بعد على شبة ضو و ريح الحطب الزين يا ثلام ثلم

و بعدها إبلع علاجك المنومات و نام و لا يصحيك الا الشمث يا ثلام ثلم

و أنا أثولف لك و أنا تحت المكيف يا ثلام ثلم 😂

على فكرة محمد بن سلمان الله يطول بعمره و يحفظ معازيبنا بيروح الكويت اليوم

شفت خبر الفلبيني اللي ذبح الباكستاني و مديره السعودي في شركة الكهرباء بجزيرة فرسان

قصته محيرة

ضرسي قام علي و أبلع لي بروفينال ٦٠٠ و الحين أنتظر مفعوله

اللهم آمين و إياك يا السند

ام زوز ياحبيبتي امين امين امين وياك ولك مثل مادعيتي عسى ربي ييسر لك امرك ويفرحك بعافيتك والشفاء التام ..
وش يبي الانسان غير هالاخوه والدعوه الصادقه من شخص ما اعرفه ولايعرفني الا بهالمنتدى اجتمعنا وكلن يتمنى للثاني الخير والعافيه .
ما اجملك يا ام زوز صدقيني كل مادعيتي به لك منه نصيب لأن قوانين الكون كلها تقول مثل ماترسل يعود اليك .
انتظر بشايرك بالعافيه والسعاده وماعلى الله بعيد .

سبحان الله و بحمده سبحان الله العظيم

ههههههه الله يسعدك يا بونجلاء

شفت عنوان بسبق ان محمد بن سلمان بيزور الكويت عشان ازمة قطر ويا رب يا كريم تنحل ونرتاح وترجع الاخوة ويكفينا شر كل حاسد

اما الفليني قريت العنوان ولا اعرف تفاصيله بس ما احب اقرء عن الحوادث الله يجيرنا من اخر الدنيا وبلاويها

الله يكتب الخير لبلادنا الغالية بعد فترة في اعلان للميزانية يا رب يعطونا مكافاة نسدد بها الديون هههههه

ولا ادعي لي علو ابيع لي كم مسباح ترا الوضع متازم وملاعين الجدف مستشفى الامل ما عندهم علاجي مخلص يقولون اشتره على حسابك

تقول نكد عليهم العلاج سعره 700 ريال اشتري طلي بها ولا اسدد بعض من الديون المتراكمه ههه شفت الوضوع يا ابو دلامه اسكب لي قليل من النبيذ المعتق في قدح من الفخار والا قتلتك شر قتله

هلا وسهلا عالي العالي ابو نجلا
لفت نظري كلامك لما قلت بردك انك وقت نوبة الاكتئاب تكون غبي ولي تعقيب انت ماتكون غبي لكن مخ الانسان بحالة الاكتئاب او النوبه يكون مجهد جدا جدا جدا مشتت ضعيف عاجز مايفكر صح ولا يشعر صح ولا يتفاعل صح عشان كذا ما الومك وقت نوبة الاكتئاب اشعر بكلماتك فوضى و توهان ووجع لكن انا احكم عليك بوقت الهدوء انت من اذكى اللي شفتهم هنا سريع بديهه جدا لماح تنتقي مفرداتك بذكاء ماشاء الله .
طبعا هنا ما اجاملك ابدا لأن كلنا محتاجين الحقيقه والحقيقه انك ذكي .
لاحظتك تحب البر لحالك عسى ياوليدي مايدخل بك جني بهالليول ثمن نبحل بك من اكتئاب لزيران يالله وش يفكنا عاد .
مني انا تولة دهن عود من الزين ومن البدراني كيلو عود ازرق وقت طيحة الزار 🤓🤓🤓🤓🤓
الله يسعدك يابو نجلا كل ماشفتك مستانس ارتاح اقول كنت اشوف ابو نجلا من اصعب الحالات ودامه يمر بحالات استقرار معناها شعوري بالأمل حقيقي وممكن كل انسان يوصل بالأمل بعد الله والشي الثاني انك تستخدم برنتلكس مثلي واحب دواي اكثر انه بجد يجيب نتيجه حتى لو بطيئه .
الله يسعد قلبك ويعطيك الى ان يرضيك عافيه ورزق وسعاده تامه يارب

حي الله البدراني اخونا الغالي الطيب
تصدق شعور انك ماتنتمي للناس يمر علي كثير تدري ليه لان لا سوالفهم ولا مواضيعهم حولك ابد .. مره سألني الدكتور قال لو خيروك تشترين بيت من تفضلين يكونو جيرانك ؟ قلت ابي اول جار مستشفى وباقي الجيران اخصائيين واطباء نفسيين ضحك الدكتور قلت ليش تضحك قال تبحثين عن الامان لكن لو تشافيتي ماراح تختارين هالنوعيه من الجيران وبعدين فكرت بكلامه طلع صح عشان كذا لما انت تقعد مع الناس منت حولهم ابد كنك تقول انا وين وانتو وين محد يفهمك ومحد يشعر بك بس لو قعدت مع ناس مثلك راح ترتاح .
قناعتي ان مهما طالت الشده بتزول يامحمد لكن متى وكيف مدري .
الله لايطول بك شده ويشفيك ويسعد قلبك ويرزقك مفاتيح الفرج عاجلا غير اجل يارب