![]() |
مسااااااء الخيرات
اخباااااااااااااااااااااااااركم الليوم الحمدالله كاني اخف من اول بس يا رب انه تستمر للافضل الحالة النفسية المعقدة |
|
هلا ابو نجلاء ...وشلونك انت وباقي الاعضاء ان شاء الله بخير وانا والله معي هلع وضيقه وشغاله بالمكملات وطالبه مكملات ثانيه اتمنى تفيدني ولا ارجع مره ثانيه لادوية الاكتئاب لانها ماناسبتني اعراضها الجانبيه اتعبتني من خمول وغثيان وتعرق .. النفسية اذا انحاست حاست حياتك الله يشفيكم ويشفينا ياررب
|
اخوي محمد الله يوسع صدرك بالعافيه يااارب وفعلا نفسيتنا معقده لاكن مانشكو الا لرب العباد ادرى بهم واجعله باجره يارب
|
هلااااااااااااااااااا نجمة يالله حيها اخبااااااااااااااارك
فعلا نفسيتنا معقدة ومدري وشلون صايرة تصدقي حتى نفسيتي مو فاااااااااااهمها مرااااااااااااا اكون كويس وعال العال ومراااااااااااات اكون تحت القاع مع انه نفس العلاج ما غيرته ولا جد علي ظروف ولا اي شي كذلك طول مدة المرض لها دور بس راااااااااح نصبر ونصبر ونصبر باذن الله يكتب الله لنا اجر الصابرين على الابتلاء ويكفر بها ذنوبنا |
|
تعبت من هذي الحياة ، أركض و أتعب ، و في الأخير يتضح لي أن كل هذا عبث ، ما فائدة هذه الحياة ؟ ما فائدة وجودي فيها؟cry1
|
هلااااااااااااا ابونجلاء
هلاااااااااا امل حياة صااااااااااااادقين صااااارت الحياة صعبة صعبة صعبة الحين الواحد بالله عليكم وش يسوي اذا جرب كل العلاجات وجرب العلاج السلوكي وجرب الرقية وفعل الهوايل والعمايل هذا القهر العمر يجري ويروح واحنا نتظر |
اقتباس:
برافو يا بو هذال ما يعوقك شيء :) واحد أرسلها لي و قاعد أفكر و أيست من الحل و قالي الجواب قلت له اللي حط اللغز يا عساه بنكبه تنكب عفشه ههههههههه :) ليش ما حط بعد أل التعريف و الدال في كلمة الدجاجة ( إنتر ) و تصير بهذا الشكل ( الد جاجة ) بين الد و جاجه إنتر عشان تسهل علينا بس مبين اللي حط اللغز راعي عمليات جراحية قوية و حط اللغز مستعجل من غير ما يتريث و جته حالة طارئة و حرجة و نسى ما يحط الإنتر و سوى العملية و نسى المقص و الشاش داخل جسم المريض بلى بشكلوا :) اقتباس:
تبغى الصراحة و الله اللي أشوفه ما به موية صحة و لا به زيت عافية :) أنا أحس كذا رحت فيها جسميا لا نشاط و لا قوة و المعنويات مدمورة من قو الصقعات و الصدمات هذا يخون هذاك يهجر هذاك يحش فينا هذاك يدعي علينا هذا يجحد و يغدر ما بالناس خير خلاص طابت النفس من الناس خلوني مع الجن و العفاريت و الله إن خوتهم ترفع الراس معهم في خير و الا شر معاونتهم أحسن و أفضل و لا قرادتي مع البشر .. أوف بس يلا على الله يزينها اقتباس:
تسلمين يا بعدهم فيس ورد جوري مع البنفسج اقتباس:
اقتباس:
مآجور ما تشوف شر يا بعدهم و الله نمت البارحة الساعة 10 ما صحيت إلا العصر قبل شووي ما يجيك إحساس يا بو عبدالرحمن ودك تنام نومة طويلة الأجل و الأمد و لا تصحى أبد إلا إذا كانت بتجيك المعجزات إذا جتك المعجزات عندها تصحيك المعجزات ياليت و الله حياة البشر كذا كان حنا بخير ياللي مآكلينها خابور صدقت في التعبير ( نفسية معقدة ) ما شفت بحياتي أعقد من كذا مزاج و روح و عقل الله يريح البال و يزين الخاطر حسبنا الله و نعم الوكيل اقتباس:
تصدقين تجيني مرات و الله من غير شعور أتمنى ان الناس كلهم عن بكرة أبيهم اللي على الكرة الأرضية مرضى عشان يحسون ببعضهم و يدارون بعضهم بعض ساعات أشوف العمال و الأجانب المغتربين مجتمعين و يسولفون و يقهقهون و يضحكون و تجيني غبنة على حالي كيف هم مغربين و فالّين أمها و ما عليهم قاصر و حالي اللي بوطني و ناسي و ربعي و حولي كل شيء متسهل و متوفر و متاح لكن للأسف حنا أهل المصايب المغتربين مو هم الله يشفينا الله يشفينا الله يشفينا اللهم إشف كل مريض و عافِ كل مبتلى أليس غريبا !!؟!! أن تمضي حياتنا و نحن نفكر بالأشياء التي نحب أن نفعلها و لكن لا نستطيع اقتباس:
كيف التوتو معك يا بو عبدالرحمن التوتو الإنترا :) قطرات الندا الغالية :( وينك تعالي شاركينا يومياتك كيف البرنتلكس معك كيف الخبر وين رحتوا وش عشاكم |
ما على قلبك شر يا أم رحاب
على الله يهونها و تهون يالغاليه صدقتي صرنا عالة لعنبوها عالة ما لها عايل :( |
الجود مبداه الندى والعز للبيت المكين
وايامنا تلقح ويالد خيرها مع شرها والامر لله وان بغاها ماتعدى كلمتين يجري مراويح السحايب والليال يفرها والذل وجه اهل الردى والعفو مبدا الطيبين واللي نفخ تال الرمادة في عيونه ذرها والرجل من قبل الدحم يتكي على الضلع المتين والا يعقل الطرقة اللي ماربح من برها الليل ياجزل القصيد الله يعين الصابرين ان ماقطعنا خبة سحب الذياب تمرها مثلي ومثلك فالمواقف والمساري والسنين اثنين خوتهم على برد الليال وحرها روح على صدر معودني على صرف الثمين واسمع بيوت قبل تكتب قيل لله درها اونس لوقتي خنجر فاقصى ضلوعي من يمين كنه ليا هست عيوني من غليل يجرها ادرك مياسمها على كبدي وتسري فالوتين واتبع سهرها في عيوني واتطعم مرها وافز واقف وادّرج قبل المطيح من الدفين واغشى ولاميزت عود من جديد يكرها لي غاية تتعب لها روس الرجال الخالدين وانا سمى اهل المسمى وان شعلت اسرها ماجوز لين الحق مداها يامعين انك تعين والا ان روحي نازع الارواح قام يغرها من عقبها ياللي مضى لك فالمجافي ليلتين الله وكيلك تكفي الدنيا ويكفي ضرها عيني حجاب احبابها والراحلين الراحلين اشوم عنها وانت ميز فالعلوم وزرها لحدت قبلك غالي من غالي من غاليين وقفّيت ماسيلت عبره والضلوع تجرها - خالد العتيبي |
|
ارحب ارحب بالغالي العزيز الساكن وسط قلبي
وش علاجك يا علو اخبرك وكيف الدكاترة معك بالله عليك وشلون الوالدة عساها بخير وتحسن ووووووووووووين خبرك قديم يا عااالي الالنترا بعتها على اخوي الكبير وعطاها السواق حقهم الحين معي جيب فورد ايدج اذا تعرفه لووووون ابيض رقم اللوحة ماني قاااايله ههههه وافكر اغيره بعد مليت منه خااااااطري برنج بس مشكلته خراباته واااااااااجدة وانا مالي في الصناعية والورش تخبر المرض هد ابو حيلنا ونكد على ام عيشتنا صدق من قال الصحة كنز وتاج على رؤس الاصحاء بس وين الى يقدر النعمة ووووووين كنا وكيف صرنا الله المستعان ااااااااااااامس يا عاااالي جالس مع شباب مصريين في استراحة بس طيبين حيل واخوة شرووووواك بس فيهم عيب ي حششون وينفخون بوجهي وانا اسطل تستطيل مب طبيعي بس هم الوحيدين الى ارتاح معهم |
أنا إن شا الله عندي فلم لازم أتابعه
|
يـاهـلااااا وغـلااااا
بـأخـوانـي واخـواتـي الـغـالـيـن الـحـمـدللـه يـا ابـو عـبـدالـرحـمـن الـيـوم مُـتـحـسِّـن مـا شـاء اللـه تـبـارك اللـه اللـه يـجـعـل ايـامـك كـلـهـا راحـه وسـعـاده. |
ابـو نـجـلااااا
لا تـفـكـر بـالـنـاس هـذا قـال وهـذا فـعـل فـكـر بـنـفـسـك وراحـتـك يـا الـغـالـي اللـه يـعـافـيـك ويـسـعـدك. |
اقتباس:
اقتباس:
فيس قلب محب اقتباس:
لكن ما كان يجيني النوم و رحت الطواري و شالوا الميرزاجن و دبلوا اللارجكتيل صار 200 ملغ و طلبتهم يرجعون لي البرنتلكس لأن فيني كآبة و تشاؤم و سوداوية الله وكيل كل مسلم قالوا ما نقدر نرجعه لك حنا طواري و ما نعدل وصفة طبيبك اللي مشرف عليك قلت طيب لا أبوكم لا أبو من جابكم مستشفى أبو كلب و النوم و الله ماني مرتاح فيه أنام و كأني مغصوب ع النوم غصب نوم كريه و دنيا كريهة الحين علاجي 200 لارجكتيل و زبركسا 5 ملغ بس ما همني العلاج أنا همني و أكثر ما يهمني الحمدلله كفالة البركة للأيتام 200 ريال كل شهر أنصحك و الله يا بو عبدالرحمن بهالصدقة لليتامى و الله إنها خير على خير اقتباس:
اقتباس:
الله يعطيك خيره و يكفيك شره ههههههههههههههه يا رقم اللوحة :) اقتباس:
خلك على الفورد ايدج أفضل لك بكثير من الرنج هذا اللي أشوفه و خذ عزم و موتر الله يعطيك خيره و يكفيك شره و مركب العافية يا رب اقتباس:
اقتباس:
شرواك الطيب يا أغلاهم يا بعدهم ههههههههه أما يحششون هههههههههههههه هههههههههه ههههههههههه يا ركبتي قصدي آه يا بطني ربي يسعدك و الله ضحكت تخيلت صورتك معهم الجلسة معك ما تنمل يا بو حميد لله درك يا حبيب القلب وين قيثارة الروح دجو القمر و خلود المستكفة فاقدينهم حيل هم بعد شاطي الراحة محمد الأمين يا خالد عبق الذكريات وينك يا بعدهم ما نشوفك عسى خير يا الله :( |
اقتباس:
دوم التحسن يا رب يا رب اللهم إنا آل نفساني برحمتك نستغيث فأصلح لنا شأننا كله و لا تكلنا لأنفسنا طرفة عين اقتباس:
كلامهم طعون على ما في الواحد طعون يطعنون قلبه لو كل شيء فينا .. عرفنا نقوله ما كان ربي حط بعيوننا دمع يسعدك ربي يا بو هذال كلامك مريح فعلا طزين بالعواذل |
اعـتـذر عـلـى الـمـداخـلـه
لـكـن انـا اخـوكم وان شـاء اللـه انـي امـون عـلـيـكـم ابـو عـبـدالـرحـمـن قـريـت لـك فـي احـد الـردود ( يحششون وينفخون بوجهي ) ههههههههههههههههههههههههه اقـسـم بـاللـه يـوم قـريـتـهـا زعـلـت شـوي حـسـبـتـهـا يـحـشـون يـعـنـي يـتـكـلـمـون ويـنـفـخـون يـعـنـي يـرفـعـون صـوتـهـم تـونـي واللـه اسـتـوعـبت مـن رد ابـو نـجـلاااا الاخـيـر ههههههههههههههههه اللـه يـكـون بـالـعـون الاسـتـيـعـاب صـايـر شـجـر. |
حـبـيـبـي واللـه يـا ابـو نـجـلااااا
تـوكـل عـلـى اللـه وعـيـش حـيـاااااتك هـذاااا مـن حـقـك وريـح بـااااالك |
الحشيش مافيه خير يا عيال و انشدوا المدمنين المتعافين
كبهم يا بو عبدالرحمن بتلقى خوة في غيرهم و أحسن منهم لا تقول ما راح تلقى الا بتلقى بإذن الله ثلاثة لازم تحرص عليهم و تتجنبهم أماكن أشخاص أدوات و الفهيم يفهم الله يشفي كل مريض و يعافي كل مبتلى و الله ما قلتها لك الا حرصا عليك و محبة فيك يا بعدهم الله يسلمك من كل شر ❤🌹 |
" اطلب من الله ألا يتضارب شعورين بداخلك ، أن تشتاق لأحدهم وتبتعد عنه، أو أن تكره وجوده وأنت تحبه "
|
لا شيء ياتي كما نتمنى دآئماً
ولكن نحن على ثقة بإن الله يخبئ لنا الأجمل اللهم إنا نسألك عفوك عما فات و حسن تدبيرك لما هو آت ! صباح المحبة والرضا ❤🌹 |
صـااااادق يـا ابـو نـجـلااااا
اللـه يـكـفـيـنـا شـرهـا واللـه يـعـافـيـنـا ويـحـفـظـنـا |
هلااااااااااااااا وغلااااااااااااااااااا بالجميع
ههههههههههههه ابوهذال ابونجلاء ان شاء الله راح اتفادى وقت جلستهم لانهم ما يجلسون الا تالي الليل اسعد الله اوووووووووووقاتكم بما تحبون جميعا |
يسعد قلبك و روحك و يريح و يطمن بالك يا بو عبدالرحمن و الله يا قاك
يسعدك ربي يا أغلى الحبايب أبو هذال أقسم بالله يا عيال جربنا الخراب و الدمار و ما شفنا وراه إلا الشقى و الغثا و قاعد أدفع فاتورة العذاب للحين و ما أدري إلى متى :( و لا زلت ألقى كمية إشتياق للخراب و الدمار و الجحيم لكن أجاهد نفسي بكل ما أوتيت من قوة للهروب و الفرار من أن أرجع و أقع في ما كنت عليه في الماضي السحيق دخلت برنامج na الخطوات الإثنا عشر لعلاج الإدمان و التعافي لأن الإدمان سلب مني الإرادة و إلى الآن أعاني الأمرين من سلب الإرادة بسبب ما كنت أتعاطاه من مواد مخدرة الحمدلله على كل حال و حسبي الله و نعم الوكيل و لا حول و لا قوة إلا بالله العلي العظيم آخ يا راسي اللهم إشفِ كل مريض و عافِ كل مبتلى يا كريم يا رحيم و إحفظ المسلمين مما يكاد و يمكر بهم و أنت خير الماكرين يا أعز الناس يا أغلى الحبايب يا أعز اللي مشى فوق الثرى يارموز الحب قلبي فيك ذايب كيف تتركني وحيدن بالعرى لوتحس بما جرالي وانت غايب ما اهتنيت الليل في طيب الكرى ويل روحي كل ما هبت هبايب من ديار الزين فكرى به سرى عفت خلاني وربعي والقرايب كاتم همي ولا أحدن بي درى الليال الماضيه والحظ طايب لاحت بفكرى ودمعي له جرى https://www.youtube.com/watch?v=yH9estypSag |
المخدرات حلوة و لكن عواقبها وخيمة جدا جدا جدا
|
|
أسعد الله مسائاتكم بكل خير يا أصدقائي الغالين
|
مشكلتي كل ما زاد حبي لأحد زادت هوشاتي معاه.🙄
|
انا اذا روقت خمس دقايق اسوي اشياء اتورط فيها سنتين 🙄😖
|
مراااحب 🌹
أبو هذال 🌹، نجمة الفلك🌹 أهداء الغوالي زهرة الياسمين 🌹 محمد البدراني 🌹 أم رحاب 🌹 أبو هذال 🌹 نجمة الفلك 🌹 قطرات الندا 🌹 https://www.youtube.com/watch?v=Y4OH1ZSujZ8&app=desktop إهداء لثنيناتكوم |
ليت مالي عين تدمع ولا قلبن رهيف
ودي ان الزين والشين في عيني سوا مومن ان الله تعالى وانا عبدن ضعيف ناوين بي خير لو كنت مدري وش نوا فاقد علاجن لروحي ليا جاها نزيف هو صحيح انسان لكن على هيئة دوا لعنبو من هلّ دمعه على فرقى وليف والله ان فرقى الرجاجيل ملعونة ثوا آهـ يا بابن مصفّح ويا سورن منيف ما وراك الا سنافي وعالي مستوى لو تٓـعٓرفُون انه انقى من الثوب النظيف ما كسرتوا خاطر الذيب يوم انه عوا طحت لاجله طيح الاوراق في فصل الخريف يوم طاحت جفّ ماها وطيّـرها الهوا https://www.youtube.com/watch?v=7HFS48yEoWI&app=desktop |
صباح الخير على الجميع
شلونكم عساكم بخير وراحة بال يارب . هلا وسهلا ابو نجلا ابشرك انا بخير وعافيه والبال زاين من زين الجو ماشاءالله . ماغير ادربي راسي بسيارتي اوصل صديقتي دوامها وارجع وافكر وش بنتعشى هذي اخباري والله . في ١٨ نوفمبر كان موعدي مع دكتوري قيم الوضع قالي ممتاز الحمدلله قلت له ابي استخدم الدواء سنتين قال لايكون صرتي اسيره للدواء وهذا اللي مانبغاه قلت لا والله بس لسا مانسيت اللي صار لي ويمكن لسا ما احس بأمان او ثقه اني اتركه قال مافي مشكله جرعتك صغيره تقدرين تكملين سنتين . وانا ناويه اكمل ان شاء الله. بشكل عام الامور هاديه يعني لا سعاده ولا حزن وهالشي مريحني انه مافيه اعراض جسديه الحمدلله . ابو نجلا ياختك زهقت من السواقه بالذات لما امسك خط طويل كيف تستحملون انتو ؟ تعورني رجلي وانا رايحه الخبر وازهق . وبس والله هذي اخباري انت بشرنا عنك وعن ركبتك عساها اشوا ؟ وعن مزاجك وامورك الله يكتب لك فيها الخير والخيره يارب |
صدقت يا بو نجلاء..... لأن الرهابي حاله مثل حال السبرنج اللي يكون مكبوس وقت الرهاب ومجرد يخف الرهاب يصعد السبرنج لأبعد نقطة كنوع من التعويض عن الكبت والمعاناة النفسية..... حاول انك ما تندفع كثر ما تقدر.....
|
اسعد الله صباحكم بكل الخيرات
هلا وغلا ابونجلاء علاجك احس مب كافي لحالتك لازم مضاد اكتئاب ولا بتشوف عيشة سودا اكثر ما هي مسودة بنا الدنيا يا خوي وش اسوي يا عالي والله ثم والله انك صدقت ان الاجانب وهم مغتربين ومطفرين فاااااااااااااالينها واحنا الله المستعان بالله عليكم بالوالدة وبرها وطاعتها ومساعدتها واشوف انكم تطبقون كلامها لانها بترتاح عندهم الله المستعان |
هلااااااااااااااااااا وغلااااااااااااا قطرااااااااااات اخبارك
|
|
دووووم الـضـحـكـه يـا ابـو عـبـدالـرحـمـن
|
اللـه يـعـيـن يـا ابـو نـجـلااااا
قـاعـديـن انـا وانـت نـدفـع ضـريـبـة مـضـاعـفـات الـتـعـاطـي اللـه لا يـعـيـدهـا مـن ايـام واثـقـيـن بـاللـه والـقـادم بـإذن اللـه اسـعـد و اجـمـل |
الساعة الآن 08:22 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا