اعطوه رقم تاني وبعدين معاهم
في احد صارلو زيي

الرقم دا المفروض يكون رقم الصادر للمحكمة
اللي بيه تروحو للمحكمة عشان تاخدو موعد

طيب ماقالو اذا نروح للمحكمه او لا .. عطونا الرقم وسكتو
يتبخلو بالكلام دو اللي يشتغلو في الاماره

مكتب للزواج في جدة جالس يماطلو كل اسبوع يقولو هذا الاسبوع حنحولها
يخلوكي لما تملي وتيأسي بعدين يتحركو
حسبي الله ونعم الوكيل
اعطوني رقم وتحويلة اكلمهم بدل المشورة ويارب تتحول دا الاسبوع
ناي : أسأليهم انتي مايعطوكي شي بدون ماتدوري عليه

بعني لازم اسألهم ؟؟!! اجل حخليه يرجعلهم بكرا ان شالله ويسالهم
دعواتكم

معليش أختي بسألك لمن البنت تقدم من الداخلية من الأساس زي حالتي, إحنا قدمنا على الأمارة بس أمارتنا معقدين جدا وشروطهم تختلف عن بعض الأمارات الثانية ولمن سألنا قالو قدمو من وزرة الداخلية في الرياض أفضل. وقدمنا وصدرت لأمارتي هل عندك خلفية ايش يعني هذا الكلام ؟ وهل في ذي الحالة تحتاج معاملتنا إنها تتوقع من أمير المنطقة حتى لو كان الوزير وقع بالموافقة ؟

لولو الحمدلله طلع كلامك صح اليوم بشروني انو تحولت المعامله للمحكمه الحمدلله والله يسهلكم كلكم ويفرحكم مثل مافرحت اليوم ويارب يتمم امورنا على خير

لولو ايش الموافقة البدائية ، قصدك الموافقة البدائية من الامارة ان الامور تمام ويكملو امورهم خلاص ؟



الله ييسر امورنا جميعا

مبروك الله يسعدك يارب ويتمم أمورك كلها على خير
عقبال تبشرينا بعقد القران
ewrdwpjfc

فرحنالك والله عقبال التياسير للجميع باذن الله
ewrdwpjfc

بيدرا الف مبرووووك ياقلبي وانا مثلك بكرة بيروح وقالوا له انه بتتحول بكرة للمحكمه
دحين لما تتحول للمحكمه علطول يروح ولا مكتوب موعد معين
وبالمحكمه كم الفتره للعقد ؟؟
ومشكوورين

الف مبروك بيدرا الله يسعدك ويتمملك على خير
وعقبال باقي البنات

ابشركم الحمدلله انا موعدي في المحكمة يوم الاحد الجاي
عقبالكم يارب

بيدرا مبرووووك الف الف مبروك وعقبالنا كلنا يارب

يارب سهل امري الف الف الف مبروك
راح خطيبي السبت وقالو له يومين وتتحول للمحكمه
هل يومين ولا اكثر
دحين لما تتحول للمحكمه علطول يروح ولا بتاريخ معين منهم
وعلطول يطلب موعد للعقد وكذا
وبالمحكمه كم الفتره للعقد ؟؟
ومشكوورين

بيدرا ، يارب سهل أمري

ألف مبروك حبيباتي الله يتمملكم على خير

و عقبال الجميع يارب تفرح قلوبكم

الله يبارك فيكي وعقبالك ياقمر
شوفي من الامارة اذا تحولت تاخذ عشرة ايام وبعدها خلي خطيبك يراجع
واذا راح بيعطوله تاريخ للملكه بس اهم شي قبل مايروح اعطيه صورة لهوية ولي امرك انا خطيبي راحلهم اول مره قاله الموظف جيب صورة من هوية ولي امرها وانا اعطيك الموعد وفعلاً راحلهم امس وعطوله موعد الاسبوع الجاي
يعني في المحكمة المعاملة ماتطوول اذا مافي زحمه في المواعيد

الله يباررك فيكم ياقلبي انتي وياها والله يسهلكم ويبشركم يارب روح انثى انشاءالله يدونه موعد على طوول انا للحين مو عارفه اعطوه نوعد ولا لا بس ما اتوقع

امين ويسعدك يارب ويبارك فيكي ياعسل

اها مشكورة ان شاءالله بخلي الوالد يبلغه
ويااارب اللع يسهل علينا اجمعين يااارب
ونفرح كلنا ونبشركم هنا
تحيتي

بالتوفيق يارب للجميع

معليش حتعبكم معايا لما استعلم من موقع الاماره بالرقم اللي عطوني يجيني دا الكلام اش يعني ؟؟

الاجراء الجهة تاريخ الاجراء الرقم
دوائر حكومية 79764
قيد التنفيذ ديوان الإمارة 1434/07/16 34201057364
آخر حركة للمعاملة
من ادارة وحدة النسخ بادارة الحقوق
الى ادارة ادارة القضايا والمطالبات الخاصة

شكرا يالولو الله يسعدك يارب
اليوم الحمدلله اتحولت معاملتي للمدينة وقالو خليه يراجع عالاسبوع الجي
عشان يكمل ورقه ، بسالكم دحين مين اللي يطابق التحاليل لما خطيبي يكمل تحاليله
الشرطة ولا يرسلوها لمستشفى ولا كيف
لانه انا من جدة وخطيبي من المدينة

بليز اللي عندو خبر يجاوبني ع الكلام اللي فوق

الحمدلله تحولت للمحكمه خﻻص والسبت يوم تحديد العقد
فقط يأخذ معاه صوره من هويه ابوي ..؟
وﻻ يوجد شيء اخر
والله يسهل اموركم وامري يااارب

ألف مبروك يا سكرة الله يتمملك على خير

ياربي يسعدك روح انثى
والله يتمملك على خير

السلام عليكم

بصراحة مش عارفة من وين ابدأ لكن اكتب ودموعي في عيني وقلبي محروق والله

انخطبت ومالحقت افرح وحسبي الله على اللي كان السبب

انا خطيبي عربي وصارلو مقيم حوالي سنتين اختلف مع كفيل في شغلة تتعلق بسير العمل

وبالاخير قدم استقالته ولكن الكفيل رفض يعمل موافقة على نقل الكفالة مرمطنا 3 شهور

وبالاخير خروج نهائي انا الان مش عارفة ايش اعمل حتى لو راح ورجع بفيزا جديدة والله يعلم متى

معناتها نرفع المعاملة بعد مايكمل سنتين والمعاملة حتاخد سنة يعني اكثر من 3 سنوات

وياخوفي ينزلو قانون جديد معقد اكثر ، ابغى حل مايصير ترى قوانين ما انزل الله بها من سلطان

اللي عندها حل ياليت تفيدني واكون شااكرة لها

لين حبيبتي ماعندي خبر ان شالله يفيدك غيري
ادعي ربك يس حتتيسر ان شالله وبدعائك مهما صعبت ومهااحد قلك مستحيل حتتيسر وتسهل

بليز اللي عندو خبر يجاوبني

مشكورة ناي الله يسمع منك ويسهل امورنا يالله

[QUOTE=أنا لين;870618]السلام عليكم

بصراحة مش عارفة من وين ابدأ لكن اكتب ودموعي في عيني وقلبي محروق والله

انخطبت ومالحقت افرح وحسبي الله على اللي كان السبب

انا خطيبي عربي وصارلو مقيم حوالي سنتين اختلف مع كفيل في شغلة تتعلق بسير العمل

وبالاخير قدم استقالته ولكن الكفيل رفض يعمل موافقة على نقل الكفالة مرمطنا 3 شهور

وبالاخير خروج نهائي انا الان مش عارفة ايش اعمل حتى لو راح ورجع بفيزا جديدة والله يعلم متى

معناتها نرفع المعاملة بعد مايكمل سنتين والمعاملة حتاخد سنة يعني اكثر من 3 سنوات

وياخوفي ينزلو قانون جديد معقد اكثر ، ابغى حل مايصير ترى قوانين ما انزل الله بها من سلطان

اللي عندها حل ياليت تفيدني واكون شااكرة لها[QUOTE]

ياليت تفيدوني حبايبي الله يسعدكم لاتبخلو علينا بأي معلومة
وهل ينفع نقدم وهو خارج المملكة يعني مو مقيم او مقيم في الخليج ؟؟

ياجماعة الخير طبعا مافي احد جاوبني علي كلامي اللي فوق اللي سألت فيه اكترمن مره
اليوم فتحت وطلع من اداره الحقوق والمطالب الخاصه
الي الوكاله المساعده بالحقوق
اش يعني رجاءا احديجاوبني . يعني مو معقول ما احد مر عليه دا الكلام مستحيل

هذا في وزارة الداخلية؟؟

السلام عليكم
استفسار يا جماعة الخير
معاملتي اتحولت من امارة مكة الى المكمة في جدة يوم 25/7 يعني قبل 5 ايام..
كم يوم تاخد عشان توصل المحكمة لانو اليوم راجعتهم قالولي لسا ما وصلت؟؟؟

لا في امارة مكه

مبروك ياناي خلاص بعدها تتحول للمحكمه ااناقريت وحده قبلك كاتبه انهااتحولت معاملتهاللوكاله المساعده بالحقوق وبعدهااعطوها موعدللمحكمه
وانشاءالله انتي كمان
ادعولي اناكمان معاملتي في اماره مكه باداره القضاياوالمطالبات الخاصه قدمنامن الوزاره الداخليه وبعدشهراتحولت للاماره واناالطرف الاجنبي يارب يسهل
لاننانحن مقدمين تصحيح وضع لاننانحن متزوجين وعندنا ولد