المشاركة الأصلية كتبت بواسطة عبدالله سلمان (المشاركة 1183203)

يا ماااااااااااال العافية ايوالله يا لولو

تمااام التمام .. لا هنتي خيتو

...

منور عالي .. منوره اختي جميلة .. صباح الأنوار

المشاركة الأصلية كتبت بواسطة خطيئه (المشاركة 1183255)

صباح الورد ههههه حبيت القافيه

يسعد صباحك وجوك

المشاركة الأصلية كتبت بواسطة عبدالله سلمان (المشاركة 1183178)

آمين وإياك يارب .. الله يجزاك خير على هالدعوات ولك بالمثل إن شاء الله

والله ما ألومك .. وإني غالباً أتعاطف مع النساء هنا لأن في الغالب لا لها حيل ولا قوة مثل الرجل .. متى ماضاقت فيه ألبد أو ركب سيارته هاجر سافر راح جاء محد يقول له وين أنت رايح ويقدر يدافع عن نفسه

ما فيه شيء يستمر على نفس الحال يا أختي ... أهم شيء أهم شيء إنك تحافظين على نفسك ولا تنهارين ... إنتي أقوى .. صدقيني أقوى وبمراحل .. لأن لو الشخص اللي أمامك قوي كان ما فرّغ غضبه عليك وآذاك .. في المقابل ما زلتي متماسكة .. ولا أظن هالشيء اللي يمر معك الآن جديد .. ولكن أنتي الآن في لحظة ضعف وتفريغ سرعان ما تتجاوزينها إذا عرفتي وآمنتي بإن هالوضع ما راح يكسرك ولا راح تنتظرين من بعض الأوادم التغير وتربطين سعادتك فيهم وفي عطفهم ومساعدتهم

والله ما ألومك .. أنا رجل ومع ذلك أشكي جحود الأوفياء .. أهلي الطيبين .. لما ما فيه أحد يهتم ويسأل ... ولكن أحيانا أستوعب الأمور وأسيطر على تفكيري بإني مو محتاج أحد حتى لو كانوا طيبين .. المهم هو إني ما أطيح .. ما أنكسر .. أبحث عن أي شيء يسعدني ولو بالنت شوفة عينك مسنتر هنا غالب وقتي ... مع إنه فيه المئات بالخارج يحبون يجلسون معي أو أزورهم .. ولكن السؤال هل أنا مستعد ؟ هل أنا راح أتحسن لما أقابل بعض الأغبياء هنا أو هناك وأتحملهم ؟ أو ممكن أكتم نفسي زود أو أفقع وجه واحد غبي وأصير بنظر الناس لا زلت مراهق أو أراجع مركز شرطة ويقطوني بالحجز

كل الناس الأنانيين اللي حولك ممكن ينهارون وتتلاشى سيطرتهم وقوتهم عليك مع مرور الأيام .. أما إنتي واللي مثل وضعك تجاوزتوا البدايات النفسية الصعبة وهي أسوء ما يمر على الإنسان .. الآن عندك حصانة وإستيعاب أكبر .. فقط لا تضعفين وتمسكي بالصبر ... ولا تنتظرين من أحد أي شيء .. وكل شيء في يوم بيتغير .. ما أحدد مدة ولكن بيجي ذاك اليوم وأتمنى إنك تكونين فيه بكامل قوتك ومحافظة على نفسك


كل أذى تعرضتي له وألم .. مسجل ومكتوب ولا بيضيع شيء

كل من إرتكب فيك ذنب .. مكتوب ومسجل ولا بيضيع


ولو منتي قوية كان على قولتك .. إما هاربة وإما إنسانة شخصيتها مدمورة ولا تعرف تحط كلمتين على بعضهم .. واللي أشوفه إنسانة قوية الشخصية ولبقه وصبورة .. ولا أنسى آخر مرة شفتك تتكلمين فيها برمضان بالصندوق .. كنتي جدا مؤمنة ومتطامنة وصدرك واسع هالكون كله .. أذكر كتبتي تنصحين اللي بالصندوق .. وضيقتك هذي بتفضفضين فيها وبترجعين أقوى

..