هل من احد هنا احس بالوحدة الم بالاعصاب
|
اقتباس:
هلا بالأمير أبو هذال يا مرحبا بك مدد بلا عدد فرحتني و الله بشوفتك و ما تشوف شر يالغالي لا باس بشرنا عساك أحسن الحين تروح و تجي و الا كيف و كيف الحين مزاجك العفو يالغالي مالنا داعي لو ما سألنا عن الغالين و أنت عزيز و غالي عسى الله يشفيك و يجبرك و يقويك و ينصرك و يسعدك يا بعدهم نعم الحمدلله على كل حال و يآلله بالصبر الجميل |
اقتباس:
كلنا معك يالغالية ما تشوفين شر و لا باس عليك و الله يشفيك |
هلا بالشاكر يالله حيه
علومك يالغالي |
|
يمدحون القهوة العربية مع تويكس و سنكرس
انت مو انت و أنت جوعان المزاج لا بآس مو مبنشر الحمدلله يعني يمشيني لليل حتى أنام :) https://www.youtube.com/watch?v=EvwoZ_2A3ZQ |
|
|
أحدٍ يلاقي راحته وين ماراح
واحدٍ عجز يرتاح في وسط بيته واحدٍ حياته كلها افراح بافراح واحدٍ من همومه حياته مقيته لو كل جرح يعالجه طب جراح ماعاش جرحٍ داخلي ماحكيته ياللي تبي تصلح عاديمين الاصلاح حاولت قبلك والنتيجه مميته صبرت وارجي ضيقة الصدر تنزاح واللي رجيته عادني مالقيته راحت سنيني بين مسرى ومرواح لين انخذلت بكل شيٍ هقيته |
اقتباس:
داخلا نفساني واشم الرائحة دخان حتى دخلت هنا عاد فهمت من وين جاية رائحة هههههه ^ |
عندي سؤال محيرني جدا
من هو اسعد عضو بنفساني ؟ ومن هو اتعس عضو بنفساني ؟ |
اسعد الله صباحكم بكل الخيرات
هلا بالجميع نفرا نفرا |
هلااااااااااااا وغلاااااااااااااااا ظلول والله برد اليومين هذي
هلاااااااااااااااااا وغلااااااااااا ابونجلاء ارحب وشلونك مع الادوية والمزاج طمني عن التاهيل الشامل شملكم الاعانة |
|
|
اقتباس:
الله يخلف بس والله الاكتئاب خانقني وحاسه اني وضعي ماراح يتغير جربت كل شيء وماش انا خلاص غسلت يدي من الشفاء هو كذا الاكتئاب فتره يخف وفتره يرجع مززززمن وماله علاج طبعاً انا ظروفي صعبببه ومالها حل غير اني ارتكب جريمة قتل باللي مسبب لي هالحاله واعتقد راح ارتاح |
هلاااااااااااا وردة انا اشوف انه ما فيه اسعد واحد واتعس واحد
كل واحد منا يعتقد انه اتعس خلق الله من شدة الاكتئاب لذلك المفروض الواحد يحمد الله على كل حال لان هناك منهو اشد منا معاناة الحمدالله على كل حال ------------------------------------ هلااااااااااا نعناعة صدقتي يخف ويرجع يلاعبنا ملاعبة شرس جدا جدا =============================================== وتلومني فيك https://www.youtube.com/watch?v=bpSQQTc54-0 |
هـلا وغـلا ابـو نـجـلا
سـبـب الانـتـكـاسـه تـوقـفـت عـن الـعـلاج اسـبـوع كـامـل رغـمـاً عـنـي رحـت للامـل وانـا فـي حـالـه سـيـئـه وعـنـدي مـلـف مـن عـشـر سـنـيـن فـي قـسـم الادمـان قـلـت لـمـوظـف الاسـتـقـبـال انـا تـعـبـان وابـي اتـنـوم قـال مـافـيـه ولا سـريـر تـعـال الـصـبـاح بـدري ونـدخـلـك عـلـى الـعـيـاده قـلـت زيـن طـلـعـت وانـا مـتـضـايـق ولا ادري ويـن اروح الـمـهـم شـغـلـت سـيـارتـي ومـشـيـت عـلـى اسـاس انـي بـرجـع الـبـيـت وانـا فـي الـسـيـاره حـسـيـت انـي فـعـلاً مـحـتـاج للـتـنـويـم وحـالـتـي كـل مـالـهـا تـتـدهـور رحـت عـلـى طـول لـطـواري الـعـسـكـري بـالـريـاض دخـلـت وقـلـت يـاجـمـاعـة الـخـيـر انـا مـلـيـت خـلاص شـوي وابـنـتـحـر والـعـيـاذ بـاللـه قـعـدوا يـهـدونـي ودخـلـونـي بـسـرعـه سـوولـي فـحـص مـبـدئـي وطـلـع كـل شـي سـلـيـم وكـان مـعـي كـيـس فـيـهـا ادويـتـي وشـافـوهـا الـمـهـم رفـضـوا انـهـم يـطـلـعـونـي دام انـه فـيـه افـكـار انـتـحـاريـه طـلـعـونـي للـدور الـثـانـي قـسـم الـتـنـويـم بـرفـقـة مـمـرض ودخـلـونـي فـي غـرفـه لـحـالـي وقـالـي الـمـمـرض بـجـيـك الـدكـتـور عـشـان يـشـوفـك انـتـظـرت شـوي وجـا الـدكـتـور الاول وقـعـد يـتـكـلـم مـعـي بـخـصـوص الامـراض والاعـراض وطـريـقـة تـنـاول الادويـه ( وان الـمـريـض اذا تـنـاول الـدواء الـمـنـاسـب بـالـجـرعـه الـصـحـيـحـه وفـي نـفـس الـوقـت وبـالـمـده الـمـحـدده يـرجـع طـبـيـعـي مـثـل اول ) قـلـت صـحـيـح يـادكـتـور الـمـهـم قـال بـنـاخـذ مـنـك ( دم ) و( بول ) كـرَّم اللـه الـقـارئـيـن ونـشـوف اذا عـنـدك بـكـتـيـريـا او زيـاده فـي الامـلاح او الـخ خـذوا مـنـي الـتـحـالـيـل الـمـذكـوره و ودوهـا للـمـخـتـبـر انـتـظـرت سـاعـه تـقـريـبـاً وجـانـي الـدكـتـور الـثـانـي طـبـيـب طـواري وقـعـدت اشـرح لـه حـالـتـي بـالـتـفـصـيـل وكـان جـداً حـبـوب ومـتـجـاوب مـعـي وقـالـي شـفـت الـفـحـص الـمـبـدئـي والـتـحـالـيـل وكـلـهـا سـلـيـمـه وللـه الـحـمـد قـال ابـنـقـل حـالـتـك لـطـبـيـب نـفـسـي وبـجـيـك قـلـت طـيـب طـلـع وانـتـظـرت سـاعـتـيـن وجـانـي الـدكـتـور الـثـالـث طـبـيـب نـفـسـي وقـعـد يـهـديـنـي ويـتـكـلـم مـعـي بـخـصـوص الامـراض وان هـذا الـشـي مُـقـدَّر ومـكـتـوب وكـل مـشـكـلـه ولـهـا حـل بـالاخـيـر قـالـي تـتـوقـع انـك بـتـتـنـوَّم قـلـت اكـيـد يـادكـتـور قـالـي انـا والـدكـاتـره اللـي قـبـلـي شـايـفـيـن ان حـالـتـك مـا تـسـتـدعـي للـتـنـويـم انـت عـنـدك قـلـق وهـلـع وهـذي كـلـهـا تُـعـالـج فـي الـعـيـادات الـخـارجـيـه وبـالـنـسـبـه للـعـلاج قـالـي ( الـسـيـروكـسـات او الـسـيـبـرالـيـكـس ) عـطـنـي تـقـيـيـم لـكـلا الـدوائـيـن مـن 10 قـلـت الـسـيـروكـسـات اعـطـيـه 7 من 10 لأنـه سـبـب لـي ضـيـقـه وكـوابـيـس والـسـيـبـرالـيـكـس اعـطـيـه 8 من 10 بـس سـبـب لـي وسـاوس وزادت مـع الـسـيـبـرالـكـس قـال خـلاص اسـتـمـر عـلـى الـسـيـبـرالـيـكـس وبـكـلـم الـفـريـق الـطـبـي عـشـان رفـع الـجـرعـه طـلـع ودخـل عـلـي بـعـد ربـع سـاعـه قـال خـلاص يـابـدر ارفـع الـجـرعـه الـى 20 ملغ او اذا تـحـب 15 ملغ لـفـتـره وبـعـدهـا ارفـعـهـا 20 ملغ وتـقـدر تـطـلـع بـس نـسـويـلـك مـوافـقـة خـروج وخـذ ورقـة تـحـويـل للـطـب الـنـفـسـي مـن طـب الاسـره وجـيـبـه لـنـا عـشـان نـعـطـيـك مـوعـد قـلـت طـيـب طـلـع الـدكـتـور قـعـدت عـشـر دقـايـق وجـاتـنـي الـمـمـرضـه وقـالـت خـلاص الـدكـتـور وافـق عـلـى الـخـروج عـطـونـي كـيـس الادويـه لأنـه كـان مـعـهـم وطـلـعـت شـغـلـت سـيـارتـي ورحـت للـبـيـت جـلـسـت عـنـدهـم 6 سـاعات من 9:30 الليل الى 3:30 الفجر وامـي اللـه يـخـلـيـهـا لـي كـل نـص سـاعـه تـتـصـل واطـمـنـهـا كـل شـوي انـي بـخـيـر رفـعـت الـجـرعـه مـن نـفـس الـيـوم 15 ملغ حـبـه ونص ولـي الآن 21 يوم عـلـيـهـا الـحـمـدللـه تـحـسـنـت شـوي قـدرت اطـلـع واروح واجـي والـشـهـيـه انـفـتـحـت للاكـل احـسـن مـن اول بـس بـاقـي الـقـلـق والـوسـاوس. |
مساء الخير على الجميع
|
اقتباس:
ماتشوف شر ابو هذال الله يشافيك انشاءالله نصيحه لاتقطع العلاج فجاه بترد عليك عكسيه عسى الله ينفع بالادويه اللي كتبها لك الدكتور ويشافيك |
اقتباس:
هـلا وغـلا بـالـغـالـي عـبـق الـذكـريـات الـشـر مـايـجـيـك آمـيـن ولـك بـالـمـثـل نـصـيـحـتـك مـحـل اهـتـمـام وتـاج عـلـى الـراس والـحـمـدللـه الامـور شـبـه مـسـتـقـره |
اقتباس:
ادعي ربك ربي يكون معاك |
معانات نفسية كبيرة اعيشها الان وبعد غد عندي امتحان واحاول الابتعاد قدر الامكان من البشر ما احب احكي مع حد او يجادلني احد سواء بالبيت او برا
|
اقتباس:
|
الحمد لله على كل حال اخي محمد البدراني
|
اقتباس:
الصورة أعجبتك هاه ربي يسعدك يالوردة ضحكتيني :) أجل عرفتي مصدر الرائحة من وين :) و الله ما في إلا قوة حرق أحرق باليوم بكتين و نص ثلاث بكتات حتى أصدقائي خوياي يقولون يا عالي تراك تحرق أقول لهم وش أسوي جروح مالها إلا زقاير تكويها و تداويها |
اقتباس:
لا و الله للأسف ما شملتنا الإعانة الحمدلله على كل حال الأدوية زينة الحمدلله و المزاج يوم له و يوم عليه الله يشفينا في القريب العاجل و يجبر كسرنا و خاطرنا و ضعفنا و يقوينا كيف جوكم يا أهل الرياض يقولون عندكم ثلوج :) حنا عندنا دفا الحمدلله جو خورافي بس تصدق بالنهار وقت الدفا أشغل المكيف اقتباس:
الله يعينك و يشفيك يا نعناعة بتكبر |
اقتباس:
ما تشوف شر يا بعدهم و لا باس عليك و الله أقلقتني عليك الله يعينك و يشفيك و يقويك طيب ما دام مستشفى الأمل اللي بالرياض ما في و لا سرير عادي المفروض يدخلونك و يعطونك طراحة و بطانية و مخدة مو مهم السرير هذا عندنا مستشفى الأمل يدخلك لو ما في و لا سرير يعطيك طراحة و بطانية و تنام بالأرض المهم عندهم تتنوم و تتعالج دام جتك أفكار إنتحارية فلازم من التنويم و يا كثرهم أهل الرياض اللي يجون مستشفى الأمل اللي بالدمام يجونه حتى من أهل الشمال و الجنوب أنا لي ست دخولات تنويم تقول بيتي الثاني أعوذ بالله وش نسوي و إن شاء الله ما عاد أدخله و يا رب تشفينا في القريب العاجل الحمدلله حالتي نوعا ما مستقرة مع إن في تذبذبات في المزاج بعض الأحيان بس صابرين الله يطرح لك البركة في السيبرالكس زين زود لك الجرعة و الباقي القلق و الوساوس إن شاء الله مع الوقت تروح يا رب ألف ألف لا باس عليك يالغالي اقتباس:
مسائك فل يا فلة شفت موضوعك اللي منزله عسى سلامات يالغالي آه من الحرمان عسى الله يفك الحرمان منا و من كل مسلم اقتباس:
اللهم لا سهل إلا ما جعلته سهلا و أنت تجعل الحزن سهلا |
هلا بالغاليه قطرااااااااااااااات الندا وش مسويه بهالدنيا
كيف مزاجك كيفك يومك |
|
صحيت من النوم و أفطرت لي فلافل و صليت و دعيت ربي لي و لكم يا أغلى ناس
الحين على حمضيات و زقاير و زعلان على نفسي عاطل عن العمل مع مرتبة الشرف لا أبوها عطالة و عجز و مزاج و عقل و مشاعر و هروب من الواقع أهرب يا أبو نجلا أهرب من الواقع و لا تكترث للفايتات . إيه هيّن :( متى أشوف لنفسي متى أحبها و لا يصيبني ندم يا كثر ما منيت نفسي بالأمنيات و خابت الأمنيات مالي حظ فيها أخوياي كلهم مستانسين بأعمارهم إلا أنا كل له بدنياه حلو الذكريات .. وانا حياتي ذكرياتٍ مؤلمه غيري تهنا واهتنا قبل الممات .. وانا خفايا الروح الله يعلمه صدري وسيع وضيّقته الضايقات .. كل ما بنيت احلام جا من يهدمه ومن شاف حالي والدموع الجاريات .. اشفق علي وقال الله يرحمه عايش بها الدنيا ولا لي امنيات .. اضحك مع العالم وهمي أكتمه |
اقتباس:
أمنيتي ترجع سنة 2015 كنت حيل مبسوطه وكئيبه سعيده يعني متصالحه رغم ان اموري مثل ماهي مجرد تغيير بسيط الا ان مشاعري تغيرت صرت كئيبه حزينه فيني غضب وافكار سلبيه اتمنى هالسنه تتغير مشاعري يارببب تتغير راضيه ارجع لكأبتي الاولى ع الاقل مشاعر الرضى حلوه اما مشاعري الحين مقاومه وهذي بحد ذاتها متعبببببه يارب رحمتك |
يالعقاب اللي على المشراف وسع لي تراني
ضايق من عام الأول و أدهله قبلك و أدله https://b.top4top.net/p_1096eznih1.jpg :: و الله ما ندري كيف حن قايلين غارة من هناك و غارة من هنا غير خفوا علينا اللوم يا مسلمين نعرف وش علينا و نعرف وش لنا ودنا إنا على هقواتكم كل حين من بداية معرفتنا لـيوم الفنا لكن ظروفنا اردتنا وحن طيبين جعل بقعا تجيها كيف قالت بنا https://www.youtube.com/watch?v=ziEuMdvw7UA |
الطير اللي يعجبني بعد الصقر هو العقاب ملك الطيور السمائية و الحيوان اللي أحسه يشدني هو واحد من أخوياي حيوان هههههههههههه بس حيوانيته ذيب :)
|
هلا وغلا بعالي ي بعد حالي والله يالعشير ماادري شاقولك
تصدق كل اللي يعرفوني يسموني المهمل المتخاذل البارد ساحب على كل شي عايف الدنيا وعلى البشر اللي فيها انسان مايعرف مصلحته ولا يعرف يتصرف جايب العيد مالقيت اللي يفهمني ولا انا فاهم احد دايم احس بروحي تصدق يوم انقطع عن المنتدى تهاوشت مع واحد من اخوياي كنا 6 في دوانيه واحد كان يحارشني قال انت حرمه ماتطلع من بيتكم قلت ابوك الحرمه عصب قام قرب عندي يرفع صوته قلت له قصر صوتك ورجع مكانك مسكني من عند رقبتي يختقني قلت له هد هد ماهد كانت بيدي ولاعه فجرتها براسه وقمت لسبته بالعقال بردت الغبنه اللي فيني تخيل عمره 30 عقله كذا مايدري ليه انا اقعد بالبيت جعله المرض عشان يعرف ان الله حق غبني اقتنعت ان محد يعذرك لا مجتمع ولا اخوياك ينهشون لحمك نهش |
ما تشوفين شر يا نعناعة بتكبر و لا باس عليك
الله يعينك و يشفيك دمعة شقا و أحوالنا ماهي أحوال |
اقتباس:
تهاوشت و لا علمتني أفزع لك يا بعدهم صدقني لو اني معك و الله ليغدي بالسيل كل شي إلا خويي الروح بالروح اللي أعزه و يعزني هههههههههههه حلوه إنك فجرت الولاعه براسه كفو خله يمسك حده و لا يغلط صادق المجتمع ما يرحم و يعتبرون المريض النفسي لا شيء صفر مكعب ع الشمال و هم لو فتشوا عن بذرة الروح راح يلقون العجب العجاب من النقاء و الصفاء و المحبة و المودة لكن الظروف غدرت بهم ليتني و الله جاركم و أخاويك يا خالد أحس انك قريب مني و متجانسين و مناسبين و الحال من بعضه الله يعينك و يشفيك و يقويك يالغالي خالد |
|
اقتباس:
هي هالراس والله لبى الخوي مايخلي خويه ههههههه والله ودي كل المضافه بحاره وحده ونسميها ال نفساني |
مازلتّ أهُرب مِن شعوراً يحاول قتليّ عدة مرات أهُرب ولاأعلم أن كُنت سوف أنجوا أم لا.
|
الساعة الآن 05:43 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا