حابه أسال الي اخذ ورقة تصديق من عمدة الحي اذا كانت موظفه اولا
عادي يكون اخوي واحد من الشهود ولا مايقبلونها؟؟
لان اخوي واحد من الشهود على الورقه واخاف يرفضونها لانه أخوي..!!

الي عندها فكره ياليت تفيدني ..

حسبي الله ونعم الوكيل فيهم


والله يااخت دانه مااعرف بس انا بابا جاب لي هي

انا يالغلا اخذت ورقة من العمدة وكان احد الشهود اخوي وعادي ماعلقوا عليها
واخذوها
بس مايقبلون شهادتة يوم كتبت اقرار بالموافقة من الزواج من الخارج طلبوا شهود ومااقبلوا شهادة اخوي
ربي ييسر امورك واموري وامور الموجودات بهالصفحة

احزان ربي يسعدك على الدعاء ربي يفرج علينا وعلى كل مهموم آمييييييييييييييييييييييييين يارب
حبيبتي دانه انا بابا جابها ليا
ملامح ناعمة طمنينا شو عملتي في الولادة الي في مكة << اتعقدت منهم :(

يارب يسر لنا امرنا وفرج همنا وغمنا


وانصرنا على من ظلمنا

اللهم آمين

انا يالفواحه لس حانقدم في مكه لس خطيبي ماقدم يعني لس حاسوي معامله جديده

انت حللتي في مكه وايش صار معاكي ليه عقدوكي وانت من وين؟

انا من مكة وعقدوني عشان انا مثلك حامله للصفة الوراثية ووحده وقهرتني اسمها خديجة :?:?:? مسكت اخويا تحسبه العريس تقله ليش ماأخذت سعودية احسن من الأجنبية الان تستاهل حتتعقد عليك الأمور << مقهورة
خطيبك حياخذ امر التحويل من الاماره ولا من الشرطه ؟؟
انا كان تحويلي من الشرطه وبعد ماطلعت النتيجة الشرطه قالو ماتتدخل للاماره والسبب اني حامله للصفة الوراثية ؟
وانصحك تاخذي حديد وفوليك اسيد عشان التحاليل تكون سليمه ^_^
و طمنيني شو يسير معاكي انا متابعة موضوعك وإن شاء الله نوصل لحل

عارفه يالفواحة انا كمان في واحده في مستشفى الولاده قالت لخطيبي

ليش تاخد اجنبيه احسن لك سعوديه ومره انقهرت منها

انا اول مره حللت قالت لي الدكتورة خدي حديد وتعالي بعد اسبوعين

اخدت ورجعت قالو لس خدي كمان

انت عارفه اصلا قعدوا ساعه يدورو لاسمي في الكمبيوتر مالقوه

في النهاية لقوه مع واحد تاني مو خطيبي

وكل واحده تنادي التانيه زي الي مضيعين

وبعدين قالت لي يبغالك تاخدي دوا

وقعدت اخد دوا حديد وعصيرات كل شي

وبعد شهر رحنا قالو معاملتكم حولناها للشرطه

خطيبي استغرب وقال مو قلتو نحلل كمان

كل واحد فيهم يقول مايدري وراح الشرطه لقى المعاملة راحت على الامارة وحفظت

وكانت النتائج على التحليل الاول

وقعد فتره مو لاقي حل

وبعدين مااعرف كيف دخل على امير وقال له القصه

قام الامير طلب تحليل تاني

اخد الورقه ورحنا في مستشفى خاصة قالو مافيكي شي

ورحنا على المحجر حللنا

كتبو في النتيجة سليمة مية في المية

ولامانع من اتمام الزواج

رجع خطيبي بيوديها مارضيو قالو لازم الولاده عشان نفصل

رحنا الولاده

وحسبي الله عليهم

قعدو شهرين يماطلو وفي النهاية كتبو نتيجة التحليل الاول

وهداك التحليل ضيعوه

وانرسلت على الشرطه والاماره وحفظت

حسبي الله عليهم

حللت في كل مستشفيات جده

كلهم قالو سليمه

حتى دكتورة المحجر قالت لخطيبي لاتصدقهم كدابين مافيها اي شي

الله ينتقم منهم

اخت فواحه انت كم لك سنه في المعامله؟

والله حاجة تقهر بس ربنا على الظالم
انا معاملتي الان حتكمل سنتين الحمد لله إن شاء الله خير
وإن شاء الله تقدرو تلاقو حل في مكة
اممم ليش خطيبك مايروحو مستشفى حكومي غير الولادة ويحللك وياخذ ورقه منهم انه انتي سليمه ويقول للاماره مشكلته ؟
لان الولاده دامك حللتي ورجعتي في نفس السنة تكون معلوماتك لسه موجوده فحيعطوكي نفس التحاليل حقتك
بس عند اي امير دخل خطيبك ؟؟

بنات طمنونا شو عملتو دانه احمد ومناهل واحزان ومس فرموزه وانكسار فرحة ونجوم لامعه وطهر يارب تنزاح همومكم وهمومنا

اللهم امين يااحزان وتتبدل احزان قلوبنا الى افراح يامن يقول للشئ كن فيكون انت حسبنا ونعم

الوكيل ..فارفع شكوانا اليك يالله وحقق امانينا ..بكلمة كن فيكون ..

ربي يعطيك الف عافية على هالدعاء اللي ازاح الهم عن قلوبنا

ااااااامين
انا لسه اموري معلقة انتظر اقدم استثناء او اقدم معاملة جديدة ادعولي بالتوفيق
ربي لاتجعل حاجاتنا عند احد سواك ولاتكلنا الى غيرك وكن لدعائنا مجيبا ومن ندائنا قريبا ولصوتنا سامعا ولاتقطع رجائنا عنك ولا توجهنا في حاجتنا هذه وغيرها الى سواك
00``00`

آمين آمين آمين

الله يفرجها علينا ياانكسار فرحة

رحنا مستشفى حكومي وحللت وطلع تمام وراح للاماره بس قالو لازم من الولاده

والامير الي راح عنده ماادري من هو ياليت كان في اساعدك

ناس يقولوله روح الديوان وناس يقولو لا

الله ييسرها من عنده

انت لك سنتين وانا ثلاثة الله ييسرها من عنده

كيفكم يابنات
بخصوص اللي سألوا عن وضعي الحمدالله على كل حال لسى على ماهو عليه

إن شاءالله خير حاليا كملت 6 سنوات تخيلوا من عمري 21 وانا اجري في دي المعاملة
حسبي الله ونعم الوكيل عاللي كان السبب






حاليا بنتعامل مع شخص بــ 70 الف وإن شاءالله خير
ادا طلع معايا شي خبرتكم