|
اقتباس:
|
أقسم بالله مزاجي لكم عليه بس من أشوف مشاركة أمي قطورة يجيني إبهار لمشاركتها و مواساتها لله درك يا أمي التي لم تلدها أمي
شويات أروح البقالة و أجي جو أخوياي قالوا إطلع معنا قلت لهم معكم الرحمن مزاجي متنح ما أبي أقابل خلقة أحد و راحوا أنا بروح البقالة و أجي لا تروحون و الا بلحقكم هههه :) وين الصامدة رغم المحن حبيت أقول يا صامدة أنتي في قلوبنا يالغالية مهما جار الزمن فيك راح تزين ما عليك لسنا بمخلدين بهالدنيا هلا بك نجمة الفلك وش مسويه يالغالية |
رحت تعشيت من مطعم طابا خذيت لي صاروخ شاورما و الحين قاعد أتقهوى
الله يحفظك يالنعمة من الزوال [QUOTE] هلاااااااا وسهلااااااا ابو نجلا اسفرت وانورت بشرنا عنك عساك اشوا من أشوف مشاركتك أكون بخير يا جعل ربي يسعدك و يزيدك علم و زكاة للعلم و الله إنك درة صاغها الرحمن من أحلى الدرر الله يرحمك يابو بكر سالم فعلا الإخصائي الماهر يبان من كتاباته و أسامة الجامع كل ما أقرى له بتويتر أحسه إنسان ذكي . مرة كان واضع تغريدة عن السهر و مضاره و النوم مبكرا و الإستيقاظ مبكرا و فوايده ثم وضع تغريدة كان وقتها آخر الليل فرديت على تغريدته بتغريدة تهكمية بأنك خالفت تغريدتك السابقة عن السهر و النوم و بأنك الحين سهران فرد علي يقول بأن بنته تعاني من صدرها و لها موعد بذي الساعة مع البخار عاد إعتذرت منه و قبل إعتذاري لله دره و ينفعنا بعلمه و بعلمك من ذكرتي السول ديتوكس و السيدونا على طول رحت لهم و إستفدت منهم و راح أبحث زيادة عنهم و كذلك و أنا مارّ ع االسيدونا و السول ديتوكس لقيت لي شي رهيب عن ( سلم هاوكنز ) و الله إنك صادقة ماضيّ مزعجني بزيادة عسى الله يعين 😖 و فعلا لليوم فقط لا للأمس و لا للمستقبل بل للحظة فقط صراحة الإيمان شيء مهم في حياة المكتئب و المحبط و اليائس . و لا بد أن يطرق أبواب الروحانية في حياته لكي يتجاوز و لو بعض الشيء و صراحة إكتشفت إن الإيمان بالغيب من أولى المهمات للسيطرة على الوضع سواءا للمكتئب أو لكل من يعاني الأمرين سواءا معاناه نفسية أو عضوية أو إجتماعية أو أو نحبك يآلله حبا جما لك الحمد على ما قضيت و قدرت و إكفنا الشر و أكتب لنا الخير ما شا الله عليك يا قطورة متفائلة إلا بقولك شي و الله ثم و الله ان الماضي ما اهتميت له بس هو اللي أوجع حاضري و حاضري الموجع بيصير ماضيّ بالمستقبل الموجع و كلها وجع على وجع و ما راح أتخلص منه 😖 أنا أعتقد إني أحب الوجع لأن لما كنت صغير أحب منظر الدم و بعد في شغله إني كنت أكره ذاتي هذا الشيء تربيت عليه كنت أخمش وجهي و أحط وجهي على عين الفرن وهي مولعة نار بنية أشوه وجهي و أمشي حافي في شدة الحر بالقايلة على الزفلت و لو تكون شجرة مظللة بجمبي أتركها و أقعد بالشمس و أخلي الشمس تصفقني بلهيبها صراحة يا قطرات ما أدري وش السر 🙄😖 هل في ناس تحب تتألم و تتطلع للألم و تحب نفسها تنجرح جسديا هل هناك في علم النفس يتطرق لهذي الأشياء وقت الطفولة اللي تعتبر هي مفصل مهم في حياته المقبلة إي و الله أساس الإنسان هي طفولته و منها تنطلق حياته يا إما سعادة يا إما شقاوة هههه يالسواقة أهم شي عرفتي كيف تسوقين عشان لا احتجتي شي الا الطارة عندك و لا منّة أحد من خلقه ودني جيبني أما ملابس للكلبة هههه يا بطني الله يسعدك و يهنيك أتمنى يكون معي كلب وفي و شرس في نفس الوقت اي بالله وطن لا نحميه لا نستحق العيش فيه :) و حب الوطن من الإيمان الله ينصر جنودنا المغاوير على الحد الجنوبي ع الحوثي الإيراني النجس و يكون لأهلنا في فلسطين عون و نصير صح النوم 😂 تدرين ويني قاعد قطورة هههه و كلبهم باسط ذراعيه بالوصيد قاعد ماد ارجولي عند مدخل باب البيت يعني في الشارع و أتقهوى 😂😂😂 صحيح فيه برد لكن مقبول مقبول ما جا منك يا بو ضاري 😂 الله يستر عليه أبو ضاري شخصية محبوبة لدى قلبي كثير 😂 الله يسعدك قطورة الغالية 🌹 |
بكرة أقابلكم
لأن حاليا بنام ودي أصحى بدري فمان لله |
هلا بك ماجد التميمي يالله حيه
|
|
هدا الليل و تظاهر لي ورى عوج الظلوع هموم
... ... كلماتها ع الجرح تدرون أخوياي لهم جو و أنا لي جو غريب كل ما أشغل لهم لو حنا بالموتر و أشغلهم على جوي يقولون عالي أنت مطلوب بثار و الا قرب موعد قصاصك هههه الله وش أسوي أنا كذا أطرب ع الحزين وش تبغون و الله ياليت يا قطورة عندي أخويا نفس شعوري و مزاجي المشكلة ان اخوياي ما يعانون و لا يحسون بي أبد فيه واحد بالحارة ضعيف حاله بشانه ما يحتك بأحد و أخوياه أتركوه لأنه إنلحس المسكين و ثيابه وسخة و مقطعة بعض المرات يجي عندي و نسولف و أشوفه بعض المرات يصلي و يقرا قرآن بالمسجد و لوحده ما يكلم أحد أبد إذا شافني قاعد لحالي جا و طلب دخان و قعد معي يسولف و الله أرتاح له و لسواليفه بس سبحان الله يبتعد عن الخلق كلهم و يجيني ضعيف مسكين كان وش زينه قبل ما يطيح بالمخدرات فتوة و ما أحد يقدر عليه لكن هي المخدرات تهلك الكفو و تدمره تدمير شنيع الله يلطف بحاله |
|
|
|
هلا وسهلا ابو نجلا
نعم حالتك لها اسم واضح جدا بالطب النفسي وهي الماسوشيه وهي تعذيب الذات والتلذذ بالالم مثل الساديه وهي حب تعذيب الشريك وايذائه جسديا ولها علاج نفسي مو دوائي .طبعا الحالتين غير متشابهتين بل متناقضه لكنها حالات نفسيه تصيب الانسان واول علاجها الاعتراف بها . سلم هاوكنز هذا عن الوعي والى اي مرحله يصل الانسان بتفكيره مثلا الوعي الجمعي هذا الشخص مرتبط بما يقول الجمع اللي حوله ويتأثر به ولا يخرج عنه والوعي القبلي والوعي الديني ... الخ هو سلم طويل يبدأ بارقام وانت تقيس نفسك ووعيك بأي مرحله مفيد جدا بتطوير الذات والخروج من وعي ادنى الى وهي عالي وطبعا لازم بحون الانسان مقتنع مو يجبر نفسه على التطور وهو داخليا مايشعر فيه . اسمح لي اخالفك الرأي يابو نجلا لما قلت الماضي ماتهتم له انت كل اللي فيك وتعاني منه الماضي اصلاو. انتةشخص حساس جدا وتنتظر الاحتواء من اهم الاشخاص بحياتك ولكن لم تحصل عليه ويمكن هالاشخاص يعطونك الاحتواء بطريقتهم لكنك تفهمه بطريقتك ومايرضيك او بمعنى اصح مايكفيك وهنا نرجع للمرحله الملكيه اللي هي المفروض انك تكتفي بذاتك لايهمك من احتواك او من اساء لك يعني تعيش مثل ما انت تبي سواء حبوك اللي حولك او ماحبوك ماتفرق معك طبعا بدون ايذاء لا منهم ولا منك . صدقني يابو نجلا لما تكتب وتفكفك حالتك اكتشفت ان حالتك مو لهالدرجه من الصعوبه لكنها تحتاج هدوء وصديق عميق ومعالج صديق مثلا عندك كومة خيوط متعقده في بعض على قد ماهي سهله بنفس الوقت صعبه ومعقده لو حاولت تفعد بهدوء تفكها حتى لو طولت راح تنجح اما لو كنت متوتر ومستعجل راح تقطع خيط اكيد وراح تعصب اكثر وترمي كومة الخيوط وتيأس . ابو نجلا انت عندك عمق بالتفكير والوعي لكن ارجع اقولك عندك وجع انت موجوع جدا من حوادث او ذكريات عجزت تتخلص منها بعطيك طريقه جدا بسيطه طبقها لمدة اسبوع ونشوف النتيجه .جيب دفتر جديد وقلم واقعد كل يوم بمكان هادي بدون مقاطعه واكتب كل شي يخطر في بالك زين شين مايهم اكتب كل الامك وكل ماتتذكر شي اكتبه بدون تنسيق وبدون تصنع وترتيب للكلمات حتى لو تبي تسب سب عبي صفحه صفحتين عشر حتى لو شي تافه اكتب وبعد ماتحس انك اكتفيت عيد قراءة اللي كتبته وبعدها شق للورقه لاجزاء صغيره جدا وارميها بالزباله وانت بكرامه وكرر هالشي كل يوم انبش داخلك واللي راح يصير معك في كل مره راح تتذكر شي حتى لو صغير وتافه وبعد اسبوع علمني النتيجه صدقني راح تحس بتغيير حتى لو بسيط . ابو نجلا لي رجعه للنقاش معك بصراحه انت انسان تفاعلي ومفيد يالنقاش ولا تصيب محدثك بالملل وتحاول تساعد نفسك وهذي افضل الاشياء . بعض البشر وانت تعطيه حلول يسد كل الطرق ويصيبك باليأس والملل . لي عظيم الشرف انك تكون ولدي لكن ضحكتني كلمتك انتي امي اللي ماولدتها امي هههههههههه الله يسعدك ويسخر لك خلقه ويريك معجزاته ويشفيك يارب |
اقتباس:
|
[QUOTE=أبو نجلا;1360937]رحت تعشيت من مطعم طابا خذيت لي صاروخ شاورما و الحين قاعد أتقهوى
الله يحفظك يالنعمة من الزوال اقتباس:
|
طيب جاء في بالي فكره وش رايكم دام الدنيا لاعبه فينا لعب ومعطينها وجه وش رايكم نلعب معها لعبة التطنيش لانها زودتها معنا والله 🤔🤨
|
اقتباس:
وخليك على الوعد اذا جيتي للرياض تزوريني وتنوريني واصبلك قهوة 😂 وممكن رقمك 😊❤️ |
اقتباس:
|
مساء الخير، شباب هل الادوية النفسية تخفض الضغط
المرتفع؟ |
وأخص بالذكر دواء سيبرالكس ١٠ ملغ
|
حبيبتي مبتلاه والله ان الذهب انتي لانك ماتعرفي ان روحك مرحه جدا حتى وانتي تسردي المك وخوفك كلماتك مرحه .. احييك بجد انك مو شخصيه نكديه تحاولين وتحاولين تعيشين عيشه طبيعيه بس بقولك شي ولاتعتبريه فلسفه قد ماتتفائلين قد ماتحاربين الهلع والاكتئاب والشفاء يكون اسرع انا اشوف ان اكبر اسباب الاكتئاب اليأس وانتي ماشاء الله عليك قويه واشوفك تحاربين وتحاولين وصدقيني الله مايضيع لك تعب ابد .
ابشري من عيوني اول ما اجي للرياض ابلغك وتراك انتي وابو نجلا عطيتوني اكبر من حجمي كثير انا وحده زيكم ومريت باللي مريتو فيه وكنت اضعف منكم بعد لكن سبحانه بفضله وكرمه تجاوزت الصعب والفتره والازمه وانتو بعد راح تتجاوزونها بكل قوه بحوله وقوته . اذا بروح الانسان اليقين القوي ماراح يضره شي ابد . قوليلي مبتلاه كيف وضعك الحين ماعطيتينا تحديث لنفسيتك وحالتك ان شاء الله تكوني احسن وتجاوزتي الصعب ؟ لاتخافي حتى لو تجيك بعض الاعراض ترا انا تجيني للان مع اني برمضان اكمل سنه على الدواء طنشي وراح تتلاشى شوي شوي . الله يسعد قلبك |
السلام عليكم مساء الخير على الجميع أحيانا لا نستطيع التعبير عن مشاكلنا.. لذلك نصبر في الصمت حتى نستطيع فهم مشاكلنا أفضل.. بالتوفيق للجميع دائما |
حسبي الله ونعم الوكيل
|
اقتباس:
تحديث لحالتي يالغاليه نبدها بالراس بسم الله نبدأ 😂 فيني شد في حال التوتر او عدم اخذ كفايه من النوم والراحه او شفت او سمعت شي ما أعجبني وازعجني هذا الراس الكتف مشدود الظهر في النص واسفل الظهر تقولين احد باقسني 👊 فيه بقس قوي منطقة الصدر الم فظيع ولله الحمد قلبي اخخخ يا قلبي والله يابنت الحلال لاني احب ولا عندي مشروع بس يرفرف تقولين له رجول ويركض يبي يطلع من بلعومي بعض الاحيان افتح فمي اقول تفضل اطلع وفكني 😂 نجي للمعده انواع الراب والاصوات والغازات وتقلصات بس ادب فالنعمه وفالقهوه الي حارمني منه سنين الهلع و الوسواس مريت في مرحلة مجاعه اقسم بالله صرت هيكل عظمي ايييه اللحين ننزل من الفخذ الى الساق تنممممل مع تحركات زي الحيه ويمر على ظهر ويجيني بعض الاحيان هذا الهبوط الي كاني اطيح من مكان عالي وعند النوم يجيني حراره في الجسم وخصوصا الظهر و كتتتتتمممممه فظيعه ولله الحمد والمنة كذا خلصنا وشاركت في منتدى الهلع وقلت تحديث لحالتي نجي للمرحله الي بعدها ياالغاليه وهي الاهم ابشرك عندي هرمون{ الطز} عالي جدا تدرين ليش لان الهلع وتوابعه من وسواس وهم وغم وبكاء وافكار سوداويه واختلال انيه خلاني كأن فيني اعاقه فيني شلل كامل وانا عضويا يالله لك الحمد وشكر كل شي سليم فيني تعطلت حياتي وتعطل كل شي فيني وسويت كل شي ما قصرت ابدا تجاه نفسي من رقيه من مشايخ من مستشفيات حكومي وخاص من طب شعبي من ادويه نفسيه جربت كل شي خلااااص تعبت قررت وعزمت اني اتخلص من كل مخاوفي ومن الافكار السلبيه وارضى رضاء تام واستسلم واتقبل بكل رحابة صدر للمكتوب واي شي امر فيه اتقبله واحمد الله واخليه ياخذ مجراه الين يروح من نفسه لان عندي يقين ان دوام الحال من المحال ولازم نكافح ونحارب ولا نستسلم لان جزاء ربي للصابرين والمبتلين بكل مر والم نمر فيه لنا جزاء عظيم فالدراين وما تضيق الا وتفرج وانا اختك وبعد اخت قطرات والي يشوفون كلامي كانت عندي زميله غاليه علي فالدوام كان فيها الكانسر الي يكفينا و اياكم ومن نحب هذا المرض عاش معاها ١٥ سنه تدرين ليش كانت معنوياتها وروحها الايجابيه وثقتها وايمانها بالله قوي وعالي جدا وهو في جسمها مرض مميت الين تمكن من الرئه عندها وتوفت لها سنه الله يجعل مثواها الجنة وموتى المسلمين عندك محاربة السرطان الكويتيه شيماء قالوا لها المستشفى الي في بريطانيا خلاص مالك علاج والمرض تمكن منك وعمرك ايام او شهور بالكثير وتموتين ويجيها تجلطات واشياء كثيره الله يرفع عنها ومع ذلك شوفيها لها ٤ سنوات عايشه والله يعطيها طولت العمر ويشفيها ويشفي مرضى المسلمين ليش لانها فيها كمية تفأول وايجابيه وايمان والرضى ما استسلمت للمرض المميت وانا ما انكر ولا اخفي عليكم ان فيني تعب لان الاعراض غصب اتعب منها و اتألم ولكن حيلة الله اقوى ولازم نرضى الا ان تفرج وفرج الله قريب 🌹 |
وكل اخواني في منتدى الهلع وانت اخت قطرات انت اول وحده ردت علي وواستني وهنا القروب الجميل الممتع لكم دور ودافع قوي اني ما اضعف او استسلم تهدوني وتفيدوني من قلب وتخففون علي الكثير ايه والله ولا استغني عنكم بعد الله 😢اللهم لك الحمد والشكر اولا واخرا على انه جل جلاله سخركم لي وساقني لكم 😢♥️♥️♥️♥️♥️
|
مبتلاه تصدقين ان كل الاعراض اللي ذكرتيها بالتحديث الجزء الاول مريت فيها ماعدا المعده والراب هههههههههه لكن انسدت نفسي عن الاكل تماما ونحفت ١٢ كيلو بس صاحبتي كانت اعراضها كلها بالمعده هي كمان مثلنا تعاني من الهلع والله اني مره طرت فيها الفجر للمستشفى .
اما تنميل الرجول هذي حدث ولا حرج بجد شي مزعج احس اني عاجزه عن الحركه فيني رعشه برجولي ماعرف اوصف الاعراض ولا الشعور الا انه كان مخيف بجد . الراس وما ادراك ما الراس ماخلاني الجأ للدواء الا هالراس شد و موج وعدم توازن وضيق مجهول المصدر هذا غير شعور اني بفقد السيطره شي مرعب . الحمدلله كلها عدت لكن لازلت اذا سمعت صوت عالي انزعج واحس بصعقه براسي واكره البزران وازعاجهم وحنتهم واكره اللي يتكلمون بنفس الوقت مع بعض . لكن بشكل عام ووووين احسن من اول بكثير يارب لك الحمد. طبعا اعراض الراس الغريبه لها سببين عضويين وسبب نفسي النفسي هو القلق والعضوي فيه قشره تغلف المخ جدا رقيقه من اعراض الهلع الجانبيه انها تسوي التهاب بهالقشره فيصير الشخص جدا حساس للاصوات وعدم اخذ كفاية النوم والانزعاج من خبر او الاضاءه العاليه والسبب الثاني فيه شي اسمه مراحل استرخاء المخ اللي هي الالفا والبيتا والثيتا فيصير مع القلق والهلع لخبطه في اداء هالمراحل يعني عمليه معقده بس لو تعرفين المراحل هذي راح تعرفي قصدي يغني ممكن تجي الثيتا قبل الالفا وهكذا وبس لكن تطمني كل الامور تمام هههههههه |
اقتباس:
|
اخواني واخواتي الافاضل عندي لكم سؤال
هل تقبل او تقبلين بالزواج من شخص ياخذ حبوب نفسيه؟ بقولكم سالفة هالسؤال انا وبكل فخر الكل يعرف اني اخذ حبوب نفسيه لاني ما اتعطى مخدرات ولا شي حرام و ولا عيب؛ كثير يقولون لازم تقطعينه بعدين اذا تزوجتي وش يقول عنك زوجك والمجتمع وش يقول عنك ونظرتهم لك تخيلو بس اني اترك الحبوب وشي مريحني وما منه ضرر اتركه علشان نظرة المجتمع وش رايكم انتو 🤔 |
انا عني طز فيهم وفي نظرتهم 😊 وانا اي شي من الله احبه وافتخر فيه
وبترك الحبوب في حالة صار فيه تقصير في علاقتي مع رب العالمين غيره لا والف لا وشكرا 😊 |
يا نبرة الأحزان ما عاد به صوت
تعبت نقاوة نبرتي من لحوني و يا رحلة الأحزان مرّي على الموت الموت من بعض العزائر يهوني تعبت أوصل ما كتبته على النوت و أشرح مشاعر ما تكنه ظنوني على الذي حبه مسيّس و منحوت في مملكة صدري و دونه حصوني شوفه يكفيني عن الشرب و القوت و بعده عن عيوني مدمر شجوني من زود حبه معتزل ناس و بيوت أخاف تلمح صورته في عيوني لمحت في بعده مقابر و تابوت و بيوت مهجوره عربها نسوني على شتات الهم ضايع و مكبوت متغيرٍ شكلي و طبعي و لوني فيني خمول عجيب و مزاجي طايح يالله إنك تعين |
ما أدري بس أبي أعرف وش يحسون فيه يعيدون الذكريات و يحفظون الذكريات بالصور و الفيديوهات
الله يلعنها من ذكريات الحمدلله آخر إهتماماتي هي الذكريات و بالعكس بل هي من غير إهتماماتي بتاتا البتة |
طفشان بقوة
جاي على مشاركاتكم بس خلوني أهدى و أتحسن |
انا بكامل الحزن على احن واطيب واجمل اخ فالعالم ايه والله اخ على اخوي 😭 مبتلى بالفصام ادعو له 💔
|
السلام عليكم صباح الخير. كيف حالكم يا إخواني... نسأل الله العلي القدير الشفاء العاجل لجميع المرضى ودوام الصحة والعافية بالتوفيق للجميع دائما |
يسعد الله مساكم يا أغلى الأحباب
اقتباس:
اقتباس:
اقتباس:
اقتباس:
طلعت هذي الأشياء من الإضطرابات النفسيه سببها صدمات فعلا :( اقتباس:
أختصرها و أطلع بالأصنصير أطيب لي و أحسن :) بس أهم شيء و الشيء اللي إستفدتهم و ما راح أنساهم اللي هي التقنيتين تقنية سيدونا و تقنية سول ديتوكس اقتباس:
اقتباس:
حساسيتي خلتني غريب أطوار و حساسيتي هي اللي أمرضتني و عقدتي هي في المزاج هي اللي أقعدتني عن المسير بهالحياة فعلا لازم نرحل للمرحلة الملكية و ما يهمك أحد لو كان ما كان اقتباس:
و الله ياليت يا قطورة في تأهيل للمرضى النفسيين و جمعيات خيرية لهم وش فرقنا عن المعاقين جسديا و حركيا ما فرقنا عنهم بشيء طيب ليش الإهمال بحقوقنا :( و الله العظيم ظلم ليش طيب يهملونا دام في دار للعجزة و المسنين و دار للأيتام لازم يكون هناك دار للمرضى النفسي و العقلي و مميزات لهم لكن الشكوى على الله و نعم بالله اقتباس:
أبروح المجلس و أخلي الإضاءة خافته اقتباس:
اللهم آمين يا رب يستجيب لدعواتك فيني و يا سعادتنا بأم أمثالك الله يحفظك |
اقتباس:
ما تفقدين غالي يالعزيزة الغالية و الله أنا مزاجي بقوة يا بنت الحلال سامحيني ع الغياب و الله مو مني إلا من المزاج و الطفش :( الله يحفظك |
[QUOTE=مبتلاه بالهلع;1360980]
اقتباس:
إضحكي و شققي وجهك من قوة الضحك عسى دوم الضحكات على محياك الله يحفظك يالأميرة |
اقتباس:
طنش و لا يهمك العواذل |
اقتباس:
مسائك سعد و خير و الله ما أدري و أنا أخوك بالإمكان تفتح موضوع لهذا الشيء و الله يشفيك و يحفظك نورت و يا هلا بك و مرحبا بين أخوانك و أخواتك |
اقتباس:
الله يحفظك أنتي و مبتلاه بالهلع و يحفظ كل مسلم يا رب و يهون ع المصابين و المعانين و المبتلين |
اقتباس:
كيفك لميا الغالية يا رب بخير كيف الوظيفة معك كيف الأدوية |
اقتباس:
حلو هرمون الطز ههههه الله يسعدك و يرحم زميلتك الغالية فعلا حيل الله أقوى و أكبر من كل شيء يآلله يا أكرم الأكرمين |
| الساعة الآن 07:21 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا