بنات طلبو شهود في المحافظة هدا لمواليد المملكة ولا لغير مواليد المملكه ؟؟ ابغى اعرف هل هدا الاجراء للكل ؟؟ ولا كيف بليز
|
توته عادي ياقلبي لاتقلقي مو شرط القرابه التسهيل من ربنا ومنجد الزمي الدعاء
|
توتة حبيبي يارب تتسهلك دي المرة وتتيسرلك قولي امين
أندلسية ربي يسعدك يكفي كلنا حاسين ببعض أروبا أتذكر في الصفحات اللي قبل وحدة من البنات مني فاكرتها قالت أنه بس لغير المواليد |
دوبي وانا براجع الصفحات اللي مصورتها
شفت رد واحد من الاخوان كاتب انه طلبو حضوره في المحافظة هوا وولي امر المخطوبة والشهود ، وناس ماطلبوهم مدري روحو انتو وربي ييسرلكم |
ايش اسمو اللي كاتب خليني اسألو بلييز
|
ماهو موجود ماصار يدخل ومو باين اسمو عندي
برضو دانة كاتبة أنه طلبوها شهود وحضور الخاطب |
شكرا اصداف :)
|
ارووبا و أصداف وكل من يدعيلي ربنا يسمع منكم وربي يفرحنا كلنا ياااااارب
|
ارووبا انا من مواليد السعوديه وطلبو شاهدين وحضور ولي الامر والخاطب
لا وارسلو المعامله للداخليه .. انا من جد مستغربه . مو عارفه ليش |
الله يسعدكم جمعيا يارررررررب كلمم تنبسطو وتفروووحو ناااااي وينك مختفيه عن الساحه وكمان الشهود متى رحوا في الاماره شي غريب وربي
|
بنات في معقب كلمتو يخلص هالمعاملات واي شي حكومي بس مااعرف هل مسموح هنا احط رقمو
|
ناي حبيبتي انتي الطرف الأجنبي والعريس سعودي؟؟؟؟؟
|
المعقب ابو راكان قولولو من طرف ام يوسف 0501810333
|
وسألت على حكاية الارسال في حالة مواليد السعودية قالولي انوحاليا كلها تروح الرياض عشان الامير يوقعها فلو كان هناك لازم يرسلوها
|
اروبا هذا المعقب حق ايش يطلع معامالات ولاايش
|
ايوة ياقلبي انا جبت رقمو من منتدى المعقبين وكلمتو استفسر وماقصر الصراحة يرد بكل امانه وقلي اي شي تبغيه ممكن يخلصو في مواضيع الزواج بس كلو بفلوس طبعا
انا حبيت افيدكم وافيدو لأنو بصراحة رد على أسئلتي بكل امانة وقلي ايش الاجراءات واي معاملات حكومية |
بنات مين كانت معاملتها قريب ومارسلوها الرياض بليز تقلي
|
اندلسيه موجوده حبيبتي بس عشان خطيبي مسافر ماعندي خبر هو رجع اليوم الحمدالله
يب اوروبا انا الطرف الاجنبي بس ارسلو معاملتي للرياض بعد ماجو الشهود |
ستي الله يسهلك ويسهل للكل
يمكن الامير كان في الرياض عشان كدا رسلوها لانو لازم يوقع اعتقد لو موجود هنا مايرسلوها |
بنات في حضور الشهود انا ولي امري يجي ولا مايحتاج ؟؟
انا قالتلي انتي وخطيبك واثنين شهود وهويتك خليها مع خطيبك ماقالت ولي امرك ؟؟ بس انا ماصار عندي ثقة في كلامهم |
اقتباس:
بنات بليز ضروري ردو عليا ابوية مسافر عشان حكلمو يجي |
اكيد يااروبا هذا مايبغالها سوال لازم ولي امرك اتخيلي شكلك وانتي رايحه الاماره انتي وخطيبك وبس لازم ولي امرك عشان اكيد يوقعو ع اوراقك او اي شيء او يسالو لازم
|
انا راح ولي امري الزامي حضوره
|
انا قالتلي بالحرف انتي وخطيبيك ويكون معاه شاهدين سعوديين وهويتك سيبيها مع خطيبك وانتي تعالي قسم النساء
وانا الى الاان ماحد طلب ولي امري كلو اسوية بنفسي يمكن عشان المعاملة باسمي ؟؟ ناي حبيبتي اتوقع انتي اجباري لانك بنت والطرف الغير سعودي |
يمكن ويمكن عشان صك القرابه اللي بيننا فما يحتاج انا احضر بس ولي امري
الله يتمملك وتمللي ويتمم لجميعنا بالخير يارب |
اهلا كيفكم ياصبايا اش اخر التطورات معاكم
المهم اليوم دخلت ولاقيت انهم صدرو المعامله من الاماره الى شرطه مكه المكرمه ويارب يعدي احس هذا اسواء مرحله حسبي ربي عليهم |
ها اروبا ايش سويتي بشرينا
ربي ييسرلك الاندلسية وتبشرينا باذن الله |
اندلسيه مافهمت هما صدرو المعامله للشرطه او لا
خطيبي اليوم راجعهم ( الشرطه ) اخدو صوره من كرت العيله وقالو تعال بعد 10 ايام |
بنات ياحلوين وحده صحبتي معاملتها مكتوبة صدرت للأماره ؟ كدا كويس ؟؟
|
يب تراجعهم خلاص
|
ناي حبيبتي طيب تعرفي ايش ممكن يطلبو منها هناك وهل كدا ان شاءالله الامور ماشيه ؟؟ قلقانة وابغى اطمنها عسى الله يطمن بالنا كلنا
|
اروبا يعني رحتي بدون ولي امرك ؟؟
الله ييسر امورنا يارب |
ناي حبيبتي انا. اليوم دخلت موقع الاماره مكتوب صدرت المعامله لشرطه مكه المكرمه وبس وقلنانراجع السبت لانو لو رحنا بكره يقولو ماوصلنا وكده قلناالسبت احسن او الاحد عشان مايكون لهم حجه وانا والله ملخبطه مرره ولافاهمه ليش الخبطه هذاي والحين ليش اخذو كرت العايله يعني مو خلاص تعقيد حسبي الله عليهم انا بحاول انسى الموضوع واعيش حيياتي طبيعي قبل مانقدم ع المعامله هذاي. عشان لايجيني شد بالاعصاب بسببهم
|
الاندلسية ليه اخذوركرت العائلة وفين ؟؟؟ وهل اخذو كرت العائلة ولا صورة منه
ربي ييسرلك يارب ويفرجها عليك ويفرحك باذن الله |
اصداف انا مااخذو شيء لسه ماارجعناهم يوم السبت انا اقصد على ناااي اسالها ليش اخذو صوره كرت العايله. لانو تقريب انا وهيا نفس المعامله
وانتي اصداف ايش صار معاكي. والله يابنات عمري لااعرف شرطه ولابحث جنايي ولااماره ولاوزاره الداخليه اسمع فيها الحين الواحد عشام يتزوج صار يمر بهذا الاقسام كانو عامله اكبر جرررررررريمه في البشريه |
حبيبي قالو لخطيبي يجي بكرة بعد مراجعة المدير ويارب بكرة تتيسرلو
الله يسعدك يا الأندلسية لاتخذيها كدا ترا نص البنات اتزوجو كدا والموضوع صار متقبل وياحبيبتي الحياة اللي حتكوني مبسوطة فيها ماتجيكي بالساهل لازم تتعبي عشانها شوفي انا يتيمة وعماني مستادين يعرضوبي من العريس للعشرة عشان انسى موضوع هذه الزواجة لكن بحارب وبمشي اموري ، خذيها بتياسير تتيسر الله يسعدكم وييسر عليك انتي و ناي اكيد يطلبو كرت العائلة عشان الولي في المراحل الاخيرة وانا في حالتي حيطلبوني صك حصر الارث لاتشيلو هم اجراء طبيعي |
الله ييسرلك يا أصداف وييسرلنا كلنا والله قد ما أحاول الهي نفسي عن الموضوع ارجع افكر بس لمن اكتب هنا واتابعكم يجيني امل وأفرح لمن ندعي لبعض
ياااااارب نفرح كلنا وربي يكتبلنا حياة سعيدة |
الله يسهل للجميع حبايبي
عندي سرال للي عنده علم بالجواب ..؟ هل عادي البنت ماتروح المحكمه وتوكل والدها عبر خطاب تكتبه ..؟ لدي قريبه من 6 سنين سوت كذا بس هل للحين عادي او لآ ..؟ ومشكوووورين |
اوروبا بعد ماكتبو صدرت للاماره دارت علي كل الادارات بعدين اتحولت للشرطه
والشرطه ماجاتهم اللا بعد اسبوع طلبو كرت العيله وطابقو الاصل مع الصوره وبعدين اعطوه رقم وقالولو تابع بعد 10 ايام عند الاماره .. سالهم ليش كذا قالولو اجراء جديد لازم تجي للشرطه وبهدين ترجع اللي تسأل عن التوكيل اختي وكلت بابا قبل 3 سنين وانا كمان ان شالله حوكل ماحروح اندلسيه اي شي جديد ان شالله حقولك |
حبيباتي لا تتعقدو وتزعلو ان شالله كل تأخيره وكل اجراء فيه خير لنا
دعواتنا بس كلنا لبعض انو مايجي رمضان اللا واحنا مخلصين وكلنا ثقه في رب العالمين بتيسير امورنا ان شالله |
الساعة الآن 12:04 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا