|
اقتباس:
|
هلا وغلا بالجميع ابو نجلا ومبتلاه وشعاع و رنود والوردي وسامحوني كاني نسيت احد الكبر شين هههههه
سلامتك يابو نجلا من المزاج الشين والله انك صادق اذا شان المزاج شان اليوم كله انا ان شان مزاجي حتى اصير غبيه ما استوعب لكن الله يفرجها عليك تصدق اني متاكده ان عندك كلمة سر ان لقيتها راح تتحسن الامور كلها وبعدين ماعلمتني هل سويت مثل ماقلت لك بالكتابه والتفريغ ؟ اتوقع عندك رغبه كامنه في شي ماتحقق غير الزواج .. الله ينولك كل ماتتمنى ويبدل عسرك يسر ويرزقك السعاده وراحة البال . رنود حبيبتي البرنتلكس اسبوعين فقط ماله اي تأثير انا استخدمه واكتشفت بهالدواء ان كل ماطالت مدة استخدامه كل ما تحسنت الامور هو بطيء شوي صحيح لكن مفعوله رائع على الاكتئاب .. انا ما ابغاك تيأسين وتدخلين بافكارك ان اكتئابك مقاوم للادويه صدقيني مافيه شي ماله حل ابدا لكن احيانا عيونا ماتشوف الحل لو هو قريب منا . ياليتك ترجعي لبرنتلكس بجرعه تدريجيه واحكمي على الدواء بعد ثلاث شهور وتأكدي ان بعد كل ليل صبح ولعد كل ظلام نور صدقيني .. سلامتك حبيبتي |
اقتباس:
|
مرحبا بيك الاخت العزيزه عزيزه والاخت وردة الله يسعدكم ويجعلكم من كل هم فرج ومن كل ضيق مخرجا ويرزقكم من حيث لا تحتسبون
ما اجمل المغرب واهل المغرب ❤️ والله بالله بالطاجين اريد طاجين لامي 😊 |
يارب اسألك الفرج والشفاء لي ولكل من ضاقت عليه الدنيا وحسبي الله ونعم الوكيل .
|
حسبي الله ونعم الوكيل
|
أليس الله بكاف عبده
يا أيها النبي حسبك الله و من إتبعك من المؤمنين أي الله حسيبك و كافيك و كافي المؤمنين معك حسبي الله و نعم الوكيل حسبي الله و نعم الوكيل https://a.top4top.net/p_1176lklaw1.jpg ياليتني مجاهدا في سبيلك ضد أعداء الأمة الإسلامية فأقتل شهيدا ليتني ظفرت بصحبة الرسول فأقتل أمام ناظريه الشريفتين صلى الله عليك و سلم يا علم الهدى و الرحمة اللهم أعز الإسلام و المسلمين |
كنت أسمع هذي التلاوة
و أتأملها تأمل سبحان الله لما جا عند الوالدين أستغفرت ربي قلت يا ربي ما رأيت الدفء و الحنان منهم و أنا صغير يا ربي قد عقوني و أنا صغير يا رب إرحمني أنت خير من رحم الأباء لدينا عندهم مفهوم إن العقوق فقط يأتي من الأبناء و ما دروا أن هناك أيضا عقوق الأباء ضد الأبناء من سوء تربيه و غلظة و جفاء لا أدري ماذا أقول إلا عفا الله عني و عنهم بعض الأبناء يتجاوزون هذه المشكلة و المحنة أما أنا لم أستطع تجاوزها لعطافيتي الشديدة و نظرتي السوداوية الحزينة https://www.youtube.com/watch?v=dSH2ldQBPQI |
أشهد إن فجع الفواد المسفهلي
حربة مضرابها رحب و حيا يا حبيبي حط نفسك في محلي لو يسريك الغلا و يقول هيا https://www.youtube.com/watch?v=FvC4SoeXXss |
اقتباس:
|
اقتباس:
|
هلا بكم أخواتي الأعزاء
عزيزة الصامدة رغم المحن أمي قطورة الندى إبتهال القحطاني وردتنا المغربية رمضان جاي الله يعينكم ع المطابخ نريد طبخة يحبها قلوبكم سمبوسة و عيش السرايا و مهلبية و جلي و فيمتو و شوربة لحم و أهم شيء اللي نفك به ريقنا قشطة المراعي و تمر و الله فاقد أختي الغالية ياسمين ظل إمراءة و بعد آمال أمل الروح الله يكون بأهلنا في الجزاير وينكم يالنمور محمد الجنرال و شعاع الروح و عبق الذكريات و الجميع الجميع الجميع الوردي الله يسعدك يالغالي الأمير و الله فرحت بقدومك عطنا علومك بالتفصيل المريح يا باشا مشتاقين لعلومك عقبال الغايبين عن المضافة يجون منهم بدر هذال العنزي :( و شاطي الراحة |
قاعد أسمع الشيلة ذي و أضحك هههه
و المشاهدات أربعين مليون https://www.youtube.com/watch?v=7ezFr620TmI |
الله يشفيك أختي رنود لا بآس عليك بإذن الله الأمل يضفي على قلبك و ترتاحين
|
أهلا بأخوي الغالي كاسر الموج حياك و يا مية هلا
|
ليث المشاهد
أبو سليمان سيف الله المسلول خالد بن الوليد رضي الله عنه https://www.youtube.com/watch?v=VRcJCUXw3cI |
اقتباس:
|
وواثق ساردلي المنيو 😒
|
اخوي كاسر الموج كيف الحال وكيف ولدك بشرنا عنه
|
صدق عالي دائما كذا ندخل برسميات وسلام و شكر ومدح وثناء
وش رايك انا وياك نكسر الروتين ونتهاوش 😍 الله ودي اتهاوش ها وش قلت 🤔 |
يا أمتي كنا شعاع هداية
للناس في الدنيا لها أنوارُ كنا نسير فحيث سرنا أمة تحكي بنا الآمال و الأعمار كنا على الأيام صوت مؤذنٍ فرحت به الأنصار و الأسحارُ كنا هطيل الغيث ما سقيت بنا أرض فماتت بعدنا الأزهارُ كنا حماة العدل فإسأل ضدنا يخبرك أناّ أمة أبرارُ سل كل أرض قد وطئنا أرضها ستجيبك الأمجاد و الآثار سل سيف خالد عن مآثرنا التي غنى بها سعدٌ كذا عمّارُ سل عن معاركنا التي ما صاغها كذب و ما حملت بها أفكار سل عن حنين و سل عن اليرموك ما دوّى بها نذلٌ و لا خوار لكن عار العار مزق صمتنا فإلى متى يقضي علينا العار ما عدت أجزم أنّا من أمةٍ تاهت بها الأمجاد و الأقمار الذل خيم فانهضي يا أمتي إن الأسود تغير حيث تثارُ يا أمتي طال السبات فأيقظي معنى الرجولة إننا أحرار يا مسلمون و ضج في قلبي الأسى و تقاتلت في داخلي الأمرار يا مسلمون و في فؤادي حسرة لا يحتويها داخلي إضمار يا مسلمون و دمعتي قد فتقت صبري و جرحي نازفٌ موّارُ يا مسلمون و ما عساي أن أقول في عصر يسيرنا به التيارُ يا مسلمون و ألف بيتٍ في دمي ما صغته ستصيغه الأشعار لو كان فينا مؤمن متوثب ما ساد فينا الشر و الأشرار لو كان فينا من بقايا خالدٍ بعض الأسود لهابنا الكفارُ ياليل حدِّث عن بقايا أمة مملوكة يغتالها إستعمار تجري بها الأيام حبلى بالمنى في عالم أحلامه تنهار ياليل سوف تزول هذا وعدنا من ربنا و ستورق الأشجار يا رب إنا قد أتينا نشتكي ظلما و أنت الواحد القهار https://www.youtube.com/watch?v=VRcJCUXw3cI |
اقتباس:
و الله صادقة الرجال إلى طبخوا طبخوا شي شي خيال لأني أشوف مقاطعهم الله يهنيهم خلاص ما بقى شي على رمضان الله يبلغنا إياه يا رب أموت فيه و أنا صايم أمووت فيه يعني أحبه حبا جما هههه مو أفطس وش رايك بالتصريفة أقرب مخرج يلا مثل المصري اللي يقول الجنة فيها خمرجيه و حشاشين و نصابين سوو معه ... ما أبي أحرق الفلم عليك شوفي المقطع خخخ:) يا واد يا مؤمن على قولة عادل إمام اللهم قوي إيمانك :) https://www.youtube.com/watch?v=TQe2FQAUzvA |
اقتباس:
إعرضي المنيو حقك خلينا نشوف وش عندك من طبخات و أكلات عشان أعرضهم على أختي الصغيرة الوحيدة العزباء و الله مسكينة الله يكون بعونها برمضان أعرف إنها بتخليها كلها طلبات من المطاعم ما عاد فيها تطبخ إلا أخواتي الكبار و الله شغيلة و طبيخة و ذويقه بس كلهم متزوجين |
اقتباس:
و الله العفو و المعذرة يا أخوي كاسر الموج اقتباس:
تريني بأعلقك بكراعك بالمروحة و أشغل المروحة على واحد أنا ما أعرف أهاوش لأني إذا هاوشت تقولين بعير هرش يحب العض و يعض بس الحلو في الموضوع إني بدون أسنان ههههه لا لا بدون هواش يا بت روحي المطبخ و خذي الصحون القزاز و طيريها بالجو بإتجاه الجدار و السقف فرغي شحنتك و طاقتك بالصحون إلا بقول إبتهال كم عمرك أنا عمري 36 دهرا أنشهد إنها دهر و كم هم أخوانك و أخواتك أنا بالترتيب في النص اللي أكبر مني أربع أخووات و أخ و أصغر مني خمس أخوان و بنتين الحين ما بقى بالبيت إلا أنا و أخوي أصغر مني بكثير موظف و أختي آخر العنقود بعدين قولي لي كيف جاك المرض و كيف كانت عيشتك معه |
اقتباس:
|
عبادة بن الصامت رضي الله عنه مع المقوقس
كلام يخليك تسترخص و تزهد بالدنيا و تشتاق للأخرة و لقاء الله https://www.youtube.com/watch?v=L-3AWW4ZNig |
اقتباس:
|
اقتباس:
خليني أحشر نفسي وأجاوب أنا الثالثة في الترتيب أكبر مني أختين وأصغر مني أخت وأخوين الوالد متوفي والوالدة الله يطول بعمرها ويحفظها عمري37وشوي تزوجت من كان عندي 16سنة عندي بنت عمرها19لماقلت كده للدكتورة استغربت قالت لي اذا بنتك 19وانت كم عمرك الحين ماعلينا وعندي ثلاث أولاد 15و7و5سنين المرض صابني بعمر 15واشتد علي بعمر 17وزاد شدة وتدهور بعمر 23وساءت الحالة أكثر من خمس سنين للآن حسبنا الله ونعم الوكيل فترة شبابي كله كان مرض أتمنى شيخوختي ان كان في العمر بقية تكون أفضل |
اقتباس:
وبس هاذي قصتي وخير الكلام ما قل ودل 😂😂😂😂😂😂😂 |
اقتباس:
|
اقتباس:
بنات الجوالات غير كلهم بالخلاف :) أقارن أخواتي الكبار بالبنات الصغار فرق السماء عن الأرض الكبار تربوا على الطبخ و النفخ و الغسيل و التنظيف المتفحص و الترتيب لو أقول لبنات هذا الجيل سوي لي بيتزا ما عرفت أما التاليات فالحات بالترتيب و مدنقين ع الجوالات و اللابتوب ههههههه و الله شوفة عيني ههههههه أنا ما فكرت بالأكل لأني بآكل تمر و قشطة مراعي يمي يمي و موية بس و الله أحب الضيفان لأنهم إذا جو تجي الطبخات و الأكلات أنواع و أشكال |
بحط لكم رابط جدا اثر فيني
https://www.instagram.com/p/BvUWeigB...=17kkhwzd2ngi3 علاج ناس في العنايه المركزه حالتهم ميؤس منها فما بالك انا وانت الله يرحم الحال تصبحون على خير والى اللقاء |
[QUOTE=أبو نجلا;1363941]هههههههههههههه ههههههههههه هههههههههه يا بطني الله يسعدك يا شعاع الروح
عزيز و غالي يا شعاع الروح ههههههههههههههههه و الله الكحول جابت لي جرثومة المعدة كنت على المحلي و الوطني و إذا ما لقيته كولونيا ههه لين مليت منه و حولت على كنق روبرت و لا أكسره أشربه سك لين يطلع مع أذاني لين تالي صار من المحرمات اللهم على كورونا و سفانا و آيس بير و هنكن و بودوايزر و ما أنسى خمرة الزير سالم الواين المر و يا سلام سلم ع الجو و أنت تردح في مرقص رمادا ههههههههه لا بالله ما أرقص أبد بس أشوفهم يرقصون و أنا بمحلي البيرة ما تجيب جوي مثل الفودكا و الشيفاز و الرد ليبل لكن تالي تدمرت خلاص مالي فيه مو مالي فيه إلا نفسي فيه بس البطن عيا قال the end بعد المخدرات الله يلعن من وردها لعبت بالبطن لعب لعب بي وليفي لعب انشالله ما ترجع الى النشعة هههههه بارك لي تصدق طلعت لي شيبات بلحيتي ترى شوي بصك الأربعين الحين لازلت 36 و بكرة 37 و بعد بكرة و هلم جرا صامدين و مغاوير يالله بحسن الخاتمة انا صكيت الثلاثين تصدق شعاع الروح أحس إن نهايتي قربت من يوم أصلي على كرسي و الناس كلها تصلي بركبها حتى الشايب يثني ركبته و يسجد أقول شكل نهايتي قربت ههههه الحمدلله يعني إستخدامك للأدوية هي محددة و محصورة بالخط الأول و اللي ما جربتهم كثير هناك خط ثاني و ثالث و رابع لين ما يفرجها ربك أنا أؤيد الخبير السنيور عبدالله الشمري السيروكسات دامك ما جربته و خبرنا وش يصير معك و الله يشفيك شفاءا لا يغادر سقما انشالله راح اجربه ممكن بعد أسبوع المشكلة بعض الصيدليات هنا عندنا قامو يتفلسفون يطلبون وصفات من أطباء مع ان هذا الادوية تاخده بدون وصفة على طاري الأدوية الثلاثية الحلقات في دواء أستوقفني كثير و هو البروثيادين إذا الدكتور ما رفع جرعة البرنتلكس راح أستورده من مصر مالها إلا كذا جرب ويش وراك ادمغتنا صار مختبر تجارب هههه يا بخت الي ما مشى في هذا الخط ولا عرف الدواء النفسي إي اللارجكتيل و الزيبركسا كلهم مضادين ذهان لأن عندي أرق و عصبية ( هياج ) و أفكار ظنانية و إضطهاديه ليش ما تجرب مضادين إكتئاب في وقت واحد ترى يفيدون و هناك خط ثاني عبارة عن خلطات توليفة بعد هي تفيد جربت خلطات يعني مضاد اكتئاب مع مثبت مزاج ام دمج مضادين اكتئاب لسا ما جربت ممكن اجرب السروكسات مع البرستيك و الله لعب فيني الإضطراب الثنائي القطب ما أدري وش سر شبكة الإسم مع الإضطراب الوجداني أكيد هناك سر راح أبحث مع الباحث الخزرجي عن هذا الشي الله يشفيك شفاءا لا يغادر سقما[ /QUOTE] هلا والله بالغالي عالي أبو نجلا يسعد لي صباحك وصباح الموجودين بالمضافة شعاع الروح, أبو نجلا, محمد البدراني, قطرات الندا, كاسر الموج وبقية الأعضاء أقول الحمد لله بعدت عن هذا الدرب يا عالي الواحد يصير صايع في شبابه وبعد ما يكبر يكبر معاه عقله ويفتح على الدنيا زيادة هههههههههه وانا كنت امزح معك على سالفة الريد بول ونص البعير خخخخخخ السالفة يا عالي مش في الادوية الادوية ممكن تساعد المريض او على الأقل تخفف من حالة المريض المشكلة في الأطباء خصوصا اذا مريض يتعالج من سنوات في المستشفى ومش محصل على نتيجة المفروض يكون حالته استثنائية بشكل كامل والي يشوفه مو طبيب عادي يكون اخصائي في هذه الحالة او طبيب عنده خبره طويلة في هذا المجال وعنده دراية كامله بطبيعة الادوية وطبيعة المرض والحالات المعقدة الي طال به المرض وأحيانا يكون المريض غير محظوظ مع الادوية زي انا يكون جسمه حساس الى الادوية ما يتحمل اعراضه الجانبية فيضطر ان ما يكمل العلاج عاد تعال فهم في الدكتور الي تراجع عنده اذا قلت اليه سايد افكت يقول اليك واصل على العلاج زي واحد من الأطباءالي كنت اراجع معاهم . انا جربت SNRI كلهم واحد ورا الثاني ...SSRI جربت فقط البروزاك لمدة شهر ونص وقطعته ما منه فايدة وممكن اجرب السروكسات المطور CR .ثلاثة الحلقة كله سايد افكت مثل انفرانيل وتربتزل وريمارون ما قدر اتحملهم ساعات ما اواصل على العلاج زي ما قلتلك لان جسمي حساس على بعض الادوية بالتوففيق يا عالي وبتواصل معاك |
اقتباس:
و رجالا لقصعة و ثريد أنا مخلوق للهواش و الحرب مو للبطن ههههههه من زمان تركت الطبخ حتى الشاهي و القهوة عجزان أسويها و الله ما غير أروح الديوانية أقولهم عبوا لي الترامس قهوة و شاهي إي ليش وش أنتي مخلوقة له و ليش مآخذك صحيح مو الدنيا طبخ و تفنن بس على الأقل تطبخين لي اللي أبي و الله حظ اللي بتآخذني ما غير وجبة وحدة باليوم ههههههه بس هي شهيتها ثلاث وجبات طيب ما به خلاف أبرمجها على وجبة وحدة إن طاعتني و الا طالق :) إبتهال إسمعي ذي الشيلة ع الجرح إهداء خاث https://www.youtube.com/watch?v=nQSzE9qc-R8 |
اقتباس:
و الله ذكرتيني بجدتي الله يرحمها ماتت من شهر بعد معاناة مع المرض بالعناية المركزة تذكرتها من ساعة ما قلتي أبوك متوفي مرحوم يا جدة توفت من شهر الله يرحم أبوك و يتغمده برحمته و فضله و يحفظك و يحفظ لك عيالك الأربع الوردة و الأشبال الثلاثة بسم الله تبارك الله لا قوة إلا بالله بإذن الله ترين أحفادك و الله يطرح بعيالك البركة و يعينونك على المرض و الدنيا و يشفيك شفاءا لا يغادر سقما و الله إنك صامدة حق و حقيق رغم المحن مثلي داهمني المرض و أنا بسن المراهقة في المرحلة المتوسطة الدراسية أعتقد الآن تعضين أصابع الندم على فترة الشباب التي ذهبت مع الحرب الضروس مع الإكتئاب و القلق مثلي تماما و حاب أقول لا بأس بإذن الله يعوضك الله في القريب العاجل ما فات منك تصدقين صامدة عزيزة إني بعض المرات أتمنى أن لست برجل أسف على هذه الأمنية آسف ثم آسف أتمنى أني خلقت أنثى لأن الأنثى ما عليها عبء كما على الرجل و ما تحوفها المخاطر كما يحوف الرجل من مخاطر في هذا الزمن مستورة بحالها معززة مكرمة إي تتمنين الشيخوخة كناية عن قرب الأجل و ترتاحين من هذي الدنيا عارف شعورك تماما الله يسهل عليك كل حزن و ييسر لك كل عسير يا عزيزة الصامدة رغم المحن و الله ما أخفيك أختي عزيزة إن مرت علي أيام و لا في الأحلام سعادة غامرة جدا و متحسف عليها الآن كيف ذهبت أدراج الرياح هل ستعود يا ترى أم أن هذا كبعد المشرقين أتمنى أن يعود لنا ما يسر و يسر أحبابنا و يغيض أعدائنا و الشامتين و يسر كل متألم و مصاب يا رب عونك |
أظن يا صامدة النص هذا يروح فيها :(
أنا في النص و أنتي بالنص الله يحفظلك أخواتك الثلاث و أخوانك الثنين و يخليهم لك عز و سند و ظفر |
اقتباس:
إي خلاص ماني مسميك إلا الدكتورة إبتهال دامك سمية للدكتورة بس ما دام ما طلعتي عليها بسميك الدختورة إبتهال هههه بس إسمك جميل جدا خصوصا لما قلتي إنك صاحبة دعوات مؤثرة من إسمك نصيب تدرين عند بعض الأجانب كيف يسمون إن الأب يآخذ المصحف و يفتحه و أول ما توقع عيونه على كلمة يسمي بها يعني لو وقعت عيونه على الكافرين يسمي ولده الكافرين ما عنده مشكلة أهم شيء كلمة من المصحف لو عنده بنت و فتح عيونه على البقرة يسميها البقرة https://www.youtube.com/watch?v=PXrlG0YvGWk |
معك الرحمن يا إبتهال أشوفك على خير يالغالية
تصبحين بألف ألف خير |
شعاع الروح
هلا و الله بشعاع الروح يالله حي الرجال الله يسقي البرزة :) اقتباس:
تصدق جاني شوق ملعون للزبدية و الجزيرة كانك تعرفها حبوب أبيض كبتاجون ترفع بالمزاج و تعيش كنق بس الويل لا راح مفعولها بس الحين ما تلقاها الا نادر إلا ملعون الوالدين الشبو ذا جربته مرة صرت زي الكلب المغلوث و الأجسام مي سوا بعضهم يتقبله بعضهم لا الله يبعدنا عن المخدرات المخدرات حلوة لكن عواقبها وخيمة أولها دلع أوسطها ولع آخرها سجن و الا مصحة و الا جنون و الا موت قاعد أتفلسف عليك و أنصحك كنك واحد من مروجي المخدات هههه لاحظ قلت مخدات بدون راء يا زين المخدة صح هههههههه اقتباس:
انشالله راح اجربه ممكن بعد أسبوع المشكلة بعض الصيدليات هنا عندنا قامو يتفلسفون يطلبون وصفات من أطباء مع ان هذا الادوية تاخده بدون وصفة حتى عندكم :( الله يعينكم و الله إنها مصيبة المساكين اللي ما ودهم بالمستشفيات و لا العيادات النفسية خوف من وصمة عار من قبل الأهل و الزملاء و المجتمع ماذا سيفعلون أظنهم سوو كذا عشان يحصون المرضى في البلد لأن لما تزور عيادة أو مستشفى تسجل واحد نفر من ضمن الإحصائية و عليها يقيمون النسبة الله يعين اقتباس:
جربت خلطات يعني مضاد اكتئاب مع مثبت مزاج ام دمج مضادين اكتئاب لسا ما جربت ممكن اجرب السروكسات مع البرستيك جرب و إن شاء الله تلقى اللي يرفع مزاجك نعم مضادين إكتئاب بس تأكد إن أحدهم ليس من فصيلة الآخر اقتباس:
يا شيخ قرب أحب خشمك و الله إنك عزيز و غالي على قلبي كثير يا شعاع الروح اقتباس:
نعم المفروض يعامل المريض الزبون بكل إهتمام و رعاية لكن هنا نتكلم عن أطباء غربيين أخلاق و ذمة و ضمير عكس أطبائنا كنت مرة منوم و أشرح للدكتور ما أدري وش قلت له قال أقعد مكاني أحسن عاد نرفزني و مرة دكتور لما قلت له كل ما فيني قال طيب وش الدوا اللي تحسنت عليه بغيت أقوم ألطمه من القهر اللي فيني و لا علاج فادني اللهم السيمبالتا كلم الصيدلية بالتلفون قال السيمبالتا مش موجود زاد الغبينة غبينة أنا لو بشتغل و أكون نفسي صح راح أتعالج في مستشفى أهلي و آخذ لي مهديات وقت الضرورة فقط ........................... أوك وقت ما تكون جاهز تواصل معي و الله يرحمك برحمته الواسعة و يشفيك يا شعاع الروح و الله يا شعاع الروح الرحمة تجوز علي و عليك و على محمد البدراني و صامدة و علينا كلنا اللي هنا حالتنا حالة الله يرحمهم ماتوا هههههه ال ال ال غرغر غر إنني أغرق أنقذوني النجدة النجدة :) الله يسعدك شعاع الروح و يشفيك و يجبر خاطرك و يقويك و ينصرك إهداء https://www.youtube.com/watch?v=_57AogZcjHk |
رفع الأذان في نيوزيلندا في جامعة كانتبري لاحظ الصمت والذهول على وجه الطلبة اثناء سماع الأذان ..
https://www.youtube.com/watch?v=RxYKy0Z2Fb4 |
| الساعة الآن 05:25 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا