لاحول ولاقوه الابالله انا قتلكم من اول هذا عقوبه او جريمه ياامي يااصداف ايش اللعب هذا حرام عليهم. والحين يعني كيف ايش الحل معاكي يعني راح يحاول ولاخلاص حفظو المعامله والحل يااررربي نحن امس قالولنارقم المعامله ناقصه وكلام فاضي والله لعب في الاعصاب انتي عارفه يااصداف لازمم تشوفو واسطه بشرطه ولاكده يستقعدو لخطيبك والله يستر

لا ياشيخه اعوذ بالله من حفظ المعاملة
قالوله كمل ورقك طيب وماعطوه حق التحاليل وحنشوف ايش اخرتها معاهم
وصحبتي دوبها تقولي اخسريكي منهم وكملي الورق لو في مشكلة بالعمر كان وقفوها من البداية الامارة
ايوا حيجي معاه اللوا ويشوف كيف وضعهم المتعجرفين دول
وكمان صحبتي نتهتني انه مافي خطاب لتصديق شهادة الميلاد فقلتله يسويها
وربي ييسر يارب

الامدلسية انتي باي مدينة ؟؟
شرطة المدينة كذا ناش اشتكو منها حسبي الله عليهم
قوليلي انتو متراجعتو اليوم ؟

انامن. جده يااصداف بس ايش الاوراق الي يكملهاالحين اقولك لو طلعت المعامله من الشرطه خلاص بترتاحي اناكمان يااصداف اناالطرف الاجنبي وزوجي هو السعودي ولسه مااجاء لمن يجي اقولكم ايش صار تصدقي انا بديت انسى الموضوع وصرت عايشه حياتي لانو لوجلست افكرفيهااراح اتعب ولايجيني شيء بسببهم مززززاجات اتخيلي وحده تقولي انهاطلعتلها الموافقه وكل شيء المحكمه مو راضيه تنحكلهم يقولواوارق التحليل عدعليها6 شهور ومانقدر ننزوجكم لازم تسوى من اول وجديد وتمرعلى الشرطه مدري كلامهاصح ولا

المراجعه في المحافظة انا كنت اروح او هو كل يوم واحد فينا يروح يشوف

الاماره ماعندي فكره صراحة لانو لسه مابدأنا فيها اقلك ايش يصير لو رحت هناك اسأل

هو اهم مافي الموضوع الشرطة لان المحافظة والاماره ترا مرتبين احسهم اما الشرطة شغل الهبالات

اصداف حبيبتي ليش ماتخلي خطيبك يجي جدة ويقدم من هنا الله يعينو ع المشوار ولا صحبتي خطيبها في ابها ويجي هنا يقدم عشان ماتطول لو في نفس المدينة

شكرا اروبا الله يسعدك يارب
الاندلسية ربي ييسرلك ماتطول وتضيق الا تفرج باذن الله
هذا وانا كنت احسب شرطة جدة يمشو طلع عندهم عكاسة كمان
والله يا الاندلسية صحبتي قالتلي كمان ستة شهور بس هيا عدا عليها سنة ومشوها
وكذا وحدة بتمشي امورها بس في بعضهم يدققو
الله ييسر ويفرجها وحسبي الله ونعم الوكيل

الله يسعدك ويوفقكم شكرا :)

اروبا قللو لازم يكمل ورقه من مدينة كفيله واجراءات البحث والتحري لازم تكون من هناك
مدري قال هوا بيشوف لو يجي يكمل ورقه من جدة
بس ايش يحرك المعاملة من المدينة لجدة
وهل حيرضو ولا لا
الله ييسر بس

شكرا ليكي وراااح احتاجك كتير بس خليني ابدا في المعاملة ادعيلي انه تتسهل أموري واقدم المعاملة يارب
والله يوفقك ماتقصري :)

جاني سؤال ع الطاير هل لمن اكون موظفة في قطاع خاص لازم اقولهم في الاحوال ولا عادي
يعني الاحوال لمن اخذ برنت اني موظفة واسم الوظيفة هل لازم تكون حكومية ولاحتى قطاع خاص برضوا ينسحب برنت اني موظفة مو ربة منزل
الله يسعدكم ويوفقكم وتتسهل اموركم :)

جذور انا كان متكوب طالبة ووديتو احسب عادي قالولي انتي موظفة قطاع خاص لازم تغيريه

ورحت غيرت ممن الاحوال من طالبة لموظفة اهليه بس لازم خطاب موجة للاحوال المدنية بتغيير مهنة ومصدق من الغرفه التجاريه وتاخدي موعد من النت وفي نفس الوقت يسووه ليكي

واي سؤال انا بالخدمة

صحبتك 6 شهور في الشرطة؟؟؟؟؟
ترا الشرطة والله يبغالهم احد يشتكي عليهم هما مالهم صلاح اهم شي اوراقك كامله حسبي الله عليهم

ايوا عدا عليها ستة شهور بس مشوها بالاماارة ومشي حالها وعقدت الحمدلله
كانت هرجة طويلة تجديد اقامة مرة ومرات يضيعو المعاملة
والثانية عدى يجي تسعة شهور والحمدلله ماشية اوراقها
اقلك الحكاية مزاجات
نشتكي على مين عند مين بالله
اقول لك خطيبي يقول لي واحد جنبي كان عمر خطيبتو نفس عمرك ومشاه بس ياعله كل مرة يخليه يسوي ورقة لحال
اروبا مين قلك وقتها انتي موظفة

ماتلاحطو كل ماعقدت وحدة سحبت عالمنتدى هههههههههههههه
ربي يسعدهم ويتمملنا يارب

ههههه يب من جد الا انا للحين متابعه معكم ههه
ادعولي عقدي هالاسبوع والله يسهلكم يارب
راح اتابعكم باذن الله

انا حظل متواصله باذن الله لاخذ الاجر ونفيد اللي يسأل انا يااصداف لاني جايبة خطاب تعريف بالمهنة والراتب فعشان كدا قالولي لازم تغيري المهنة بس في الشرطة طبعا هدا الكلام

روح انثى الله يتتملك على خير ويوفقك ويوفق الكل ويبعد عنك شر الناس وعيونهم :)

الله يستر والله خوفتوني انا من المدينة و اوراقي المفروض تخرج هادي اليومين من الشرطة

الله يسهلها يارب عليا وعليكم و يسخرلنا عباده الطيبين

إلوسا لاتخافي خلاص عديتي دام بتخرج من المدينة يعني بس الشغلة تحويل ورق في تحويل ورق

روج انثى ربي يسعدك يارب ويفرحك لين ما ترقصي هندي من الفرحة

الوسا طالما خلصتيها يبقى الحمدلله هانت بس يحولووها ودي سهله باذن الله

امين يارب تسلمون حبايبي والله يفرح قلوبكم جميعاً ويفرجها عليكم

طلعت نتيجه التحاليل انا سليمه وخطيبي عنده فيروس بي
هوا شيء مو خطير لانه خامل تتوقعوا تجي الموافقه ولا لأ ؟؟؟ :"(

كم عمرك توته؟؟

بنات الاماره لازم الواحد يرحلهم ولا يتابع بالنت ؟؟؟؟؟؟؟؟؟

تصديق شهادة الميلاد هل يحتاج خطاب من عندهم ولا بدون ؟

دوبو خطيبي كمان راجع قال له ختم المؤسسة موركافي لادم ترجع تختمه من الغرفة التجارية
وقال له خطيبي وشهادة الميلاد مصدقة قال له لا مو مطلوب منك اللي مطلوب منك قلت لك عليه
حسبي الله ونعم الوكيل فيه ، طبعا نبهت عليه انه لازم يحطها بالملف لان لو من غير مواليد السعودية لازم يكون العمر 25
فصبر جميل والله المستعان

تصديق شهادة الميلاد مايحتاج ورقة بس يروح يصدقها من الشؤون الصحيه

طيب بس الشرطي الابله قال لوومايحتاج انا بقول له يسويها حتى لو يضيفها لملفنا من جدة مو من المدينة !


اغلب البنات كانو يراجعوها من الموقع حسب اللي شفته بس ان شاء الله يفيدوك اكثر اللي عدو مرحلة الامارة

عمري 27 وخطيبي 33

اتوقع مالهم يدخل هما يدققو على الصغار اكتر واكيد في ريبورت يبين ينفع تتزوجو وماحيأثر موضوع الفايروس

الله يسهل لنا ويوفقنا جميعا يارب
اخواتي دحين اول شي لازم ولي امري يكتب خطاب بس ايش اكتب فيه وفين اوديه معليش دوبي بقدم معاملة وايش اسوي قبل هل اول شي الخطاب ولا الفحص
استحملوني ادري اسالتي هبلة بس والله بحثت لقيت الردود السابقة كلها نقاش
الله يسعدكم ويوفقكم يارب

اها يعني لو مااعطيتهم تعريف بالراتب ولا شي ماراح يدروا ولا ايش رايك
هل الافضل اجيب البرنت واقول انه موظفة

الله يعينك يااصداف قسم بالله قسم الشرطه هذول يبغالهم شكوى اتخيلي اليوم راح زوجي للاماره واعطوه نفس الرقم وقالهم قالولي الرقم غلط قالويستهبلو ليش غطط مو غلط ولاشي شكلهم يبغو يصرفوك المهم راح. واعطاهم الرقم قالو هذا الرقم مو عندنا ع طول زوجي دخل ع الظابط ولامدري فين واشتكى عليهم وقالهم اجي اعطيهم الرقم يقولو ناقص واضرب مشروارللاماره يقولو صح واجي ثاني يقولو الرقم مو عندنا الظابط قام وراح عندهم وخاصمهم وعطوه رقم قالو راجعنا. يوم الاثنين وشكلهم حولو المعامله للبحث لاني شفت الورقه الي اعطوه مكتوب فيها رقم معامله جديده وجهه الاحاله البحث والله يستر لايحطونا في راسهم معفنين

جذور انا قدمت باسمي بصراحه عشان اصير اروح اسأل بنفسي واخلص اموري بنفسي ومااتعب ابوية فالموضوع راجعلك وهيا اول خطوة الخطاب للمحافظة وبعدها يبدأ الشغل
والخطاب يكون فيه معلوماتك (ميلادك وعمرك وشغلك )

وعن خطيبك ميلادة وعمرو وشغلو وكفيلو وراتبو

وتوقعي عليه وترفقي معاه هوية مقدم الطلب انتي او ابوكي

وانا رأيي الشخطي انك ماتكذبي وتقدمي اوراقك طبيعية تخافي يبحثو في التأمينات ويلاقوكي مخبية عنهم شغلك يعملو قصة انا مااعرف كيف طريقة بحثهم بس هدا رأيي وانتي ماتعملي شي غلط فليش تخبي

الاندلسية الله ييسرلك ويفتح لك ابواب الفرج من عنده يارب وتمشي امورك يارب
جذور الورد كل حاجة مطلوبة منك حيعطوكي خطاب عشانها التحاليل و العمدة و البرنت اللي من الاحوال
قدمي اول شي من الامارة وهم يحولوك عالشرطة وربي ييسرلك
هوا في خيارين يا اما بنفسك يا اما بولي امرك انا قدمتها باسم ولي امري وندمت
انصحك تقدميها باسمك ولا تتردي باي سؤال يخطر ببالك

الوسا بما انك من المدينة كيف طلبوه شهادة الميلاد مصدقة ولا متى حطها لما حط البصمات ؟

😥 ما طلب شهادة الميلاد من ضمن الاوراق

السلام عليكم ورحمة الله

حبيت أسالكم أخواتي ايش الشرطة تسوي لمن المعاملة تتحول لهم ؟ هما ياخذون البصمات على حد علمي ويتأكدون ان الخاطب ماعليه مخالفات في هذا البلد. ايش كمان ؟

وهل الشرطة تختلف عن البحث الجنائي ولا هيا نفس الشي ؟

لا والله يا الوسا الظاهر انه يا يستهبل يا يماطل
الموظف هذا اكثر من واحد يشتكي منه