خالة والله وصرت خالة يابتهال |
كم عمرك أنت يانمر ؟

هلا والله ياابتهال مشتاقه لكم ....تامرين امر ياعسل من يوم يصفر البرحي ولمي القهوه وانا التمر وابو نجلاء يصب والا محمد ماهي مشكله ...
ماشاء الله عليك اذا فادت استمر بالعكس الوسخ بكيفه اهم شي العافيه
والله قعدت اسبوعين ادهن بزيت وسدر وشعوذه لها اول ماله اخر وسورة البقره ثلاث شهور اقراها يوميا وكل مايخطر على بالكم لكن بدون نتيجه مدري الجني اللي فيني مازهق حتى هلحين اقرا كل يوم جزء ومع ذلك والله امس من الضيقه فكرت بالموت بس الحمد لله اليوم احسن يمكن علشان اخذت ليركا

😂 شكله عالي ذرب

😳😂 شكلي اصغركم 😂

نجمة الفلك 😂 لو سمحتي حاجز المطبخ انا لي الطبخ لسا اعتبر شيف جديد

طيب لاتزعل انت قطع البصل والثوم وانا اطبخ ويصير شراكه يعني انت شيف جديد وانا مخضرمه تستفيد مني شكلك كبر عيالي يالله عاد قلي ياخاله ههههههه مثل ابتهال مع انه صغيره ماهي كبري يمكن كبر ولدي هي...

😩😂 وش ذا التحكم اوف يعني ابتهال مثلي اجل ليش اقلها خاله انتي الخاله الوحيده هنا الله يسعدك يا خاله والله ويخلي لك عيالك ، بس جد الحين لو نفسي اسوي خبز وش احتاج مقادير؟ دقيق وبكن باودر وزيت وبيض بس؟

طريقة عمل الخبز العربي المكوّنات كيلوغرام من الدقيق. ملعقتان كبيرتان خميرة. ملعقة كبيرة سكر. رشة صغيرة من الملح. كمية من الماء الدافئ للعجن حسب الحاجة.
شفت جبته لك يالله ابري اخبز ووزع علينا نتعشي لاتتاخر ...

لا مو سالفة قوقل ههههه اقصد ناخذ الخبرات منكم

شفتي عزيزه 😂
نمر الله يسعدك ترا متعوده على كلمة خاله مو لان عندي عيال اخ او اخت لا باقي ما تزوجو لان شكلي بالعبايه كاني خاله ومبسوووطه على وضع جدا 😂

يا هلا وغلا ومية هلا الا مليون وان زاد لا باس
حياك الله يا نجمة وسلامتك من الضيقه معليش استمري بالرقيه وابد القران علاج
والله لا يخلينا لا منك ولا من تمرك والله يا نجمه احس الجلسه معاك ترد الروح 🥰

الا يا نجمة حاولي تاخذين ليركا وقت الحاجه لأنها من العلاج المهدئه وتتعودين عليها

الطبخ 😒 اخخخ يا طبخ ما احبه ولا يحبني مره 🙂 يا زين الخفايف والمويه والتمر الحمدلله نعمه 😂

ياعمري انت كبيره باخلاقك وانت كا النخله الشامخه العاليه عطائها حلو حتى لو ما لقت من يبادلها العطاء تظل عاليه شامخه ومعطائه

😂😂 اسحب كلامي المطبخ لج كله يا خاله ورينا ابداعك

عمري 24 😂اهم شيء اني اكبر من ابتهال خليها تقلي خالو هههههه ابي احس بالهيبه

نجمه شكل الجن الي بداخلنا مبسوط مايبي يطلع هههههه
انا اذكر يوم ادهن جسمي ريحه الغرفه زيت زيتون تحس كن جسمك سلطه ولا حمص
انا اكثر شي انغث منه الملابس تتوسخ واللحاف واصلا كثير مايعجبهم بس يبون عشان يطلعون الي فيهم

زين نجمه انتي طباخه ماشالله مو مثل بعض الناس 😒😂😜

عاد لاتفتحون موضوع الطبخ والاكل احاول مااكل كثير قاعد اخفف هالايام

افا ياسرعك غيرت رايك ... خلاص اجل ابقوم اسوي قرصان لانه اليوم فيه نسمة برد شوي ....واذا خلص ارسلته بالبريد لكل واحد
ردددوا ياليل مااطولك ههههه

عايشه وين؟ هههه الجو رطوبه الف نبي شيء بارد 😂 مدري عاد انتي وابداعك

والله الجني اللي فيني متربع وحالف مية يمين مايطلع طلعت روحه لافاد فيه زيت ولا شعوذه ولا قرايه حسبي الله عليه
وبعدين بعض الناس اللي تقصدهم توه صغيره يجي الرجل ويخليها تعلم غصب مع ان التالين عايشين على المطاعم
وفعلا موضوع الطبخ يجوع وانا مثلك لي شهر اخفف ونقصت شوي قلت ابستمر لين اسوي عملية الركبه الله يعين بعد رمضان

لا بيفيد ان شاء الله بس يبيله تزويد جرعه الرقيه
بنسبه لليريكا ماودك تتركينه نجمه احسه شوي دوا مقيد ثانيا اذا مشكلتك النوم مثلي حاولي تاخذي منوم انا اخذ الان ترازدون للنوم اذا ماخذته مانام اسهر للصبح
ريمرون منوم قوي بس يفتح شهيه بشكل كبير ويزود دهون ثلاثيه وكلسترول يعني الواحد موب ناقص فماينفع وعندك بعد تربتزول يقولون انا جربته بس ماحسيت منوم قوي
وفيه سيركيول ٢٥ للنوم فشوفي حداهم
عاد الركبه مهمه والوزن الزايد يأثر عليها كل ماكان الوزن طبيعي خف الحمل عالركبه

الله اكبر الله اكبر دخل وقت صلاة العشاء بارك الله فيكم جميعا

وا تسبديه 🙂

اجل ابشر اسميك خالي نمر ولا يهمك 😂
انا عمري ٣٣ سنه في شهر ٢ هجري اكمل ٣٤ سنه ولله الحمد☺️

لا خلاص انتي خاله 😂 العمر كله يارب انا توي داخل 24 فريش ههههه

نعم؟ 🙄

نجمه حبيبتي ما فيه شي اقوى من كلام الله استمري على الرقيه وما يمنع العلاج النفسي كمساعد اما اذا تقدرين واكيد انت قدها صدقيني الاكتئاب ماراح يطول معاك فتره وتروح انا جاني قبل سنتين اكتئاب حااااد جدا ما انام استمر معاي سنه ولا اكل شحوب فالوجه النفس ضيق جدا تقولين بلكه على صدري اشوف الدنيا ابيض واسود ما اضحك ولا اسولف والحمدالله طلعت منها من غير حبة الدواء
عاد الحمدلله على كل حال الهلع شي فظييييع شي ما ينوصف شي يشيب الراس ترا الهلع يجمع لك الواسوس الاكتئاب والرهاب كلها تجيك غير الألم الي تحسينه في جسمك الجزء الايسر عندي ما احس فيه ابدا من الألم والحمدلله على كل حال الحمد لله الذي احبني وابتلاني الحمد لله في السراء والضراء الحمد لله حتى يبلغ الحمد منتهاه

اما الطبخ يا نجمه تقولين ابد اذا تزوجت بتتعلم ليه ما خذته من مجاعه ولا ماخذني من مكتب استقدام🙂 يبي ياكل من الموجود الجاهز من النعم التي لا تعد ولا تحصى ولا ياكل هوا انا ابد طبخ ما نيييييب طابخه لو تنطبق السماء على الأرض مره ما فيه ترا شوي وبصيح 😂😂😂😂

الله يعطيك طولت العمر على طاعته ومرضاته يقر عينك بكل ما تتمنى واكثر

الله يسعدك يارب ، حاليا توك مخلص صلاه ورايق مافي احلى من ذا شعور والله ناقص الحين عصير ليمون 😂 مسكه غلط

نمر بعطيك نبذه صغيره لاني احس مستغرب تقول وش في ابتهال على عالي 😂 شوف اول شي عالي هو أبو نجلاء احب امزح معاه وهو صدره شمالي ما يخالف يتقبل ويتحمل
ولا هو عالي اسم على مسمى احترمه واقدره وبحسبة اخوي ايه والله
وعالي في كل شي عالي مثقف وكل شي فيه واطلب تجد ما شاء الله عليه وكريم وحبييييب مره

ياجماعه احس بملل ممكن احد يرقصلي ويونسني

اوه او بونجلاء تكلمت معاه مره ونعم الرجل ماشاء الله ههههه يعني مثب الوالد لكم والقدوه ماشاء الله وينه ولا ماله في اليوميات 😂

لا بالعكس هو ولي العهد يحل محل محمد البدراني في اليوميات واكثر لان القائد الي هو محمد حضوره قليل 😒

محمد رجال مشغول 😂 ماتلوميه الله يعينكم علي انا موجود هههه لين ما اتوظف او يبدأ رمضان عهه بستلم القياده

لا بالعكس الله يحييك ويبقيك

الله يخليك ، تصدقي😂 كنت اتابع مقاطع زراعه تحمست ازرع شكله بكره نشتري شتلات ونطقطق نسحب على الطبخ له ناسه