لا يكون بس هوا نفس الموظف لاني توي عرفت انو قبل اسبوع لما خطيبي قدم المعاملة كانت معاملة الموظف وحشة و بيحاول يسوي ملعنة و يطول المدة

الله يستر ياقلبي و يسخر لنا عباده الطيبين راح الكتير ومابقي الا القليل

شكرا اختي اروبا فعلا خليني امشي صح مادام اوراقي سليمة وصحيحة ومافيها شي غلط وعاد هما يستنوا الغلطة بس شكرا اختي اروبا الله يسعدك

الله يسعدك يااصداف ان شاء الله تتيسر انا بحاول اقدمها بنفسي بس اذا ولي امري يبغى هوا يقدمها ماراح اقدر اسوي شي الله يسهل ويعين يارب
وان شاء الله تفرج للجميع :)

الله ييسرها لكم ليش كدا المعاملة سيئة مو بشر نحنا بس ايش تقولي كل واحد يعمل باأصلو و تربيتوا
الله يسخر لكم ولنا الطيبين في طريقنا:)

بنات اللي مرو بمرحلة الأمارة مكتوب على المعامله داخلي ورقم الصادر حقها من المحافظة صرلها اسبوع وماتغيرت الحاله :(:(:(:( تعبت نفسيتي حسبي الله عليهم

والاجراء وتاريخ الاجراء فاضي طبعا ايش يعني

الله يسهل ليكي وان شاء الله احد يطمنك وتمشي معاملتك سهالة يارب

كلهم جنب بعض وياخدو البصمات بعد التحاليل والخطابات وشهادة الميلاد لو في وتوقعي اوراق عندهم انتي وخطيبك وبعدهت يرسلوها للمحافظة

اميييييييين ةالجميع ياااارب

والله شكلو لان ماسك معاملة اخت خطيبي كمان وجالسلهم ببروده يماطل
نقول الله يفرجها وحسبنا الله ونعم الوكيل

ايوا يا طهر يتاكدو ماعليه سوابق و كذا
وتتكمل الورق وتترسل للامارة
الله يسخرلك عباده الطيبين
الشرطة فيها قسم البحث الجنائي هناك تناخذ فيه البصمات


اروبا بشرينا ايش صار معاك

لسه والله مافي جديد
دعواتكم وحبلغكم بالجديد

ربي ييسرلكم ويتمم اموركم على خير
حبيباتي انا لسة حقدم المعاملة
انا الطرف السعودي وخطيبي غير سعودي ولكنه غير مقيم بالسعودية وليس من مواليدها
دخلت على موقع امارة منطقة مكة كوني من جده ولكن ما لقيت شروط الغير مقيم
لو عندكم فكرة قولولي اش اسوي ووين اروح
ترى مرة ماعرف شي

حبيبتي والله ماعندي فكره ياقلبي بس روحي المحافظة هما يقيدوكي وقدمي طلب هناك

بنات ايش الادارة العامة للحقوق الخاصة؟؟؟؟؟؟ بليز ردو عليا الله يريح بالكم ؟؟؟

اروبا معاملتك فين في الاماره ولاالداخليه
عموما في الاماره في قسم حق الحقوق الخاص هي قسم تابع كمان للزواج معاملتي انا قدمتها بداخليه جلست شهرفي الحقوق الخاصه وبعدين اتحولت للاماره مرت ع كده اداره منها اداره الحقوق الخاصه واداره القضايا والمطلبات الخاصه واداره النسخ واداه الصادر وجلست في الاماره15 يوم وبعدين طلعت وراحت. الحين في الشرطه فيه مساله عاديه واجراء روتني ياعمري. وهما عندهم كل يوم شيء جديد

طيب الله يوفق الجميع وقرأت في النت شي اسمو الوكالة المساعدة للحقوق ايش دا ؟؟

اندلسيه حبيبتي انتي معاملتك بالعكس عشانك قدمتي من الداخليه يمكن انا مشيت كالتالي محافظة شرطه ومباحث محافظة امارة

بعد الحقوق الخاصة يقولو تروح الوكالة المساعدة للحقوق ؟؟؟ اللي تعرف اي معلومات عنهم بليز تفيدني ؟؟

اروباحبيبتي حاولي تفهمني في الاماره تدور على الادارت حقوق خاصه او وكاله الحقوق تدور على كده اداره في الاماره نفسها وهذا. شيء مو لوحدي حتى الاخت ناي لو تفتكريها هيا قدمت من الاماره ودار على هذا الادارات اربع ادارت يعني شيء طبعي اجراء روتني ياعمري ومافي شيء يخوف في الاماره هيا المصيبه كلها في الشرطه يعني انتي حقك مساله وقت باذن الله اصبري عليها اسبوع وتطلع ويصدرها اما المحكمه او الشرطه ويبغلوكي

حبيبتي اندلسيه الله يفرج همك وييسر امرك وتتسهلك في لمح البصر يااااااااااااااااااااااااارب والكل يااااااااااااااااارب

فعلا يا اروبا نفس ماقالت الاندلسية هيا دحين بمرحلة بس تلف بالاقسام وبعدين تصدر عالمحكمة بعد اربع امارات على ماتذكر
وربي ييسرلك الباقي بسيط

بسالك خطوة المحافظة ايش فيها
يعني ايش يصير بالورق هناك

عزيزتي انا خطيبي غير مقيم ولكنه مولود فقط قدم معاملتي ولي امري وتابعتها ان بالتلفون والحمدلله جات الموافقه بعد سته اشهر تقريبا

والشروط
نفس الطلبات العاديه بالاضافه توضحي بالخطاب انه غير مقيم وبعدين بعد موافقه الاماره المبدئي تكملي انتي كل الطلبات الخاصه فيك وبعدين ترفع للداخليه واذا موافقين يطلبوا دخول الخاطب للسعوديه زياره حتى يكمل اوراقه او انهم يرسلوها للخارجيه لبلد الخاطب حتى يكمل كل الاوراق ويتم العقد بالخارج وهاذي الخطوه تاخذ تقريبا شهرين او ثلاثه

اتمنى اكون وضحت لك واي استفسار انا حاضره

يسعد مساكم
كيفكم وحشتووووووني والمعذرة منكم انشغلت في الاسواق وحوووسة الزواج
بس اليووووم فضيت شويه الي عندها اي سؤال يخص المعاملة تسأل وبحاول ارد عليها في حدود خبرتي والشي الي مر عليا
ماشاءالله الصفحات كثرت عشان كذا مارجعت اقرأ المشاركات الي فاتت
تحيااااتي

[QUOTE=ارووبا;875681]بنات ايش الادارة العامة للحقوق الخاصة؟؟؟؟؟؟ بليز ردو عليا الله يريح بالكم ؟؟؟[/QUOTE


على حسب علمي ان هذه الاداره تسوي بحث وتشوف اذا احد يطالبكم بحق خاص مثلاً بعد الشر جريمة قتل اوسرقه وغيره وبعد ماتخرج المعامله. من هذه الاداره تروح على مكتب الامير عشان يوقعها وخلاص هانت ماراح تطول بالكثير تجلس المعامله في الامارة اسبوعين وتصدر بعدها على. المحكمة ومن الحين اقولك الف مبرووك مقدما ً
وموفقة يارب

يسعدكم يااااااااااااااااارب جميعا ويسهل امركم ويحقق امانيكم عاجل غير اجل يااااااااااااااااارب

كيفكم بنات وحشتوني
اتمنيت ارجع للمنتدي والقاكم كلكم عقدتو وانتهيتو .. بس مو بعيد عن ربي مايجي رمضان اللا وكلنا امورنا ميسره ان شالله
انا معاملتي طلعت من الشرطه ورجعت للاماره واعتقد خلاص باقي بس تحديد موعد العقد ان شالله
اروبا معاملتك زي ماقالت اندلسيه حتلفلف علي مكاتبهم وبعدين ان شالله يعطوك موعد العقد

ناي ويارب سهل امري الله يسعدكم وادعولنا
انا معاملتي عند خطيبي بيكمل ورقه الشرطة
وحيسلم شهادة الميلاد مصدقة بالرغم انه ماطلبها الظابط
وحيجدد الجواز وربي يتقبلها منا يارب

كيفكم يابنات اخباركم يارررررررب يسهل كل البنات ناي يارب تفرحينا ابغ اسالك لمن وصل للشرطه اعطوكي رقم ثاني للمعامله
انا اعطوني رقم ثاثني مكتوي جهه الاحاله البحث وقال تعالو رجعونا هنا في الشرطه قوليلي بضبط ايش صار معاكي

أشكركم حبيباتي جزاكم الله خير
اختي هونتها عيت تهون شكرا عزيزتي بجد احتاج مساعدتك
انا رحت للامارة وقالت لي اكتب معروض وارفق معاه هويتي لو ممكن تساعديني في كتابته كيف صيغته ولمين موجه واش المعلومات الي اكتبها؟؟ بجد اسفة حتعبك معايا بس ماعندي فكرة ابدا
والشي الثاني اني مبتعثة بس لسة ما سافرت وسفرتي في عيد الفطر ان شاء الله ,, هل اذكر هذي النقطة في المعروض ولا لا؟ وكمان هل يمداني اسوي التحاليل والاجراءات الي تتطلب وجودي في جدة قبل لا اسافر وبعدين اكمل بالتلفون؟؟
معليش حتعبك معايا
بارك الله فيكم

ساره محمد ماابغ احبطك او احطمك انتي طالما مبتثعه ممنوع تتزوجي اجنبي يعني انتي من الفييه الممنوعه وهذا النظام واذا عرفو انك انتزوجتي راح يسحبو الابتعاث وكمان في عقوبه معليش ياساره ولكن هذاي الحقيقه المره واذا مو مصدقني شوفي الفيات المننوعه واقري في النت

الله يتمملك علي خير يارب يا اصداف
اندلسيه اعطوه الشرطه رقم تاني بي قالولو ع الاماره ترجع مو البحث . وسأل واحد قلو دا اخر رقم اصدار وبعده ان شالله ع المحكمه بس مو متأكد

عزيزتي ربنا يوفقك احنا هنا بالموقع نساعد بعض
بالنسبه للخطاب ماافتكره لان خطيبي اللي كتبه
اللي فاكرته انك توجهيه لامير المنطقه
وتشرحي فيه كل ظروفك وتكتبي اسمك وهويتك وهوية ولي امرك
وموافقة ولي امرك من هذا الزواج
وتوقيعك وتوقيع ولي امرك

وكملي اوراقك قبل البعثه وتابعيها
لانه زي ماقالت الاخت انتي من الفئه الممنوعه من زواج الاجانب

موفقه يارب

ويسعدك يارب ويسهل لك كل عسير
00``00`

بنات بسألكم صحيح في العقد يحتاج برنت من الاحوال ؟؟؟؟ حابه اعرف من دحين ؟؟ عشان اكون مستعدة ؟؟

شكرا يا قلبي هذي النقطة الي شايلة همها بس انا قصدي هل اذكر هالنقطة في المعروض ولا لا لأني لسة ما سافرت ولا بدأ ابتعاثي
وان شاء الله ربي يكتب الي فيه الخير

الله يسعدكم
شكرا حبيبتي ما قصرتي

سارة حبيبتي لو لقيتي جواب صحبتي نفس حالتك لسه ماسافرت بس قدمت خطاب وبدأت في المعاملة هل تلغيها ولا تكمل عادي ؟؟؟

لو عرفتي جواب امانة قوليلي

أروبا اللي أعرفه بس صك حصر الإرث إذر كان والدك متوفي
واذا موجود الله يطول بعمره خلاص الاجراء الطبيعي اتوقع الهوية وكدا
هذا اللي عرفته من البنات هنا
وان شاء الله يفيدوكي البنات اكثر

يسعدك اصدف وموفقه ومسهله عليكي وعلى الكل باذن الله يااااااااااااااااااارب قبل رمضان كلنا مملكين ياااااااااااااااااارب