|
يوميات المكتئبين تعال نسولف
السلام عليكم ورحمة الله وبركات
خلونا ندردش مع بعضنا اليوم الجمعة كل واحد يقول وش بتسوى اليوم وش ناوي عليه كيف يوم اليوم انا قمت الساعة تسعة تقريبا افطرت ثم تناولت علاجات حقت الصبح ثم جلست عندن التلفزيون ملل شاهي ودخان انواع التحطيم ضيقة وهم حتى اذان صلاة الجمعة قمت وغيرت ملابسي والبس ثوبي واتعطر واروح اصلي الجمعة بعد الصلاة كان في واحد بالقرب من شوي عمره من عمري تقريبا ومعه ولد صغير جاء واحد وسلم عليه وقال ما شاء هذا اخوك قال لا هذا ولدي صراحة شوي وتنزل دمعة الي في عمري متزوج وعنده عيال وان كل يوم شاهي ودخان وحالتي حاله تعوذت من الشيطان وقلت الحمدالله على كل حال توني راجع من المسجد وصلحت لي كافي وشغلت التلفزيون على الجزيرة الله المستعان روتين وتعب بس الحمدالله على كل حال اليوم ناوي اقر سورة الكهف |
اليوم صحيت من بدري رغم كنت سهرانة أمس قلت عشان أنام بدري اليوم وراي دوام بكره الصباح
أخذت الدوا حقي و شربت كمية موية و فتحت على نفساني يالله صباح خير أفرفر فيه وبعدين صحيت أمي عشان أفطرها و أطمئن أخذت أدويتها وحطيت لنفسي جدول لليوم بأروح السوبر ماركت اللي سبت فيه جوالي أمس بكل غباء و باروح لمحل المفاتيح أنسخ لأختي مفتاح و بعدها بأروح الصيدلية أجيب أدوية لأمي وبرجع البيت أرتب أوراقي و سجلاتي و ألأعب شوية بلايستيشن مع الأطفال أون لاين هههههههه و بأشوف ملابس الأسبوع تنكوي كلها مره وحده و بأختمها أسوي العشى أتمم على البيت و أقرأ أذكاري و أحصن نفسي و أنام بدري بإذن الله . كأنها نشرة أخبار لي ^.^ ربي يسعدك شفيق مساحة حقًا نحتاجها خاصة للي ماحد يسمع له أحس محتاجة أي أحد يسمع أتفه الأمور عني بس بدون شفقة و مجاملة من باب محبة و احتواء فقط لا غير |
اقتباس:
هلا اختي الفاضلة الله يشفي امك وش افطرتي هههههههه ملقوف سبحان الحريم كلهم سواء يا حبهم للسوق الله بس حلو اختي برنامجك حلو فيه طلع وفيه اشياء تخل الواحد ينسى شوي الهم تصدقون اني احب الصغار احس انهم توهم ما وسختهم الدنيا لا تنسين قراءة سورة الكهف ا |
فطرت الخلطة اللي أحبها جبنة بيضا مع طماطم و زيت زيتون و عليها ملعقة مش و طحينة ههههههههه
سر حلاوة هالخلطة الفلفل اللي فيها و الملوحة كمان زيتون و خيار و خس أحلى مافي هذا الصحن إن أمي تحبه أستمتع لما أغمس فيه معاها ^.^ والله ياخوي ما أخرج للسوق إلا للضرورة أنا ما أحب الخروج من البيت خير شر و للعلم أحب أخرج أروح الأماكن اللي فيها اطفال كثير أحب أحتك فيهم ألعب معهم و أراقبهم مين فينا مايحب الأطفال و إن شاء الله مارح أنسى سورة الكهف .. |
انا صحيت الساعه 9 ...عملت حملة تنظيف للبيت ...وفطرت واخذت علاجي
بالنسبة لحالتي الصحية اشكو من ضيق تنفس متعب من 3 ايام مدري من كثر التدخين والا من اعراض القلق امس عملت فحوصات كاملة للصدر مافي شيء يذكر الطبيب قالي عامل نفسي .. اكتئاب مافي ...النشاط هابط شوي ..النوم 6 ساعات |
هلا اخوي الغالي مصراتي لك وحشة
نفس حالتي قمت التاسعة يمكن من كثر الدخان حاول تخفف انا مثلك اشرب واجد الله يقسم لنا تركه جدول اليوم ما كتبته وش ناوي تسوى اليوم |
حمدالله على السلامة أخوي المصراتي نورت المنتدى
افتقدناك ياخوي عسى ماشر .. |
السلام عليكم جميعا و مساكم الله بالخير, بالنسبة لي انا قمت الساعة وحدة ظهرا لاني لم استطع النوم ليلة امس حتى الساعة الثامنة صباح اليوم حتى نمت, طبعا صحيت اخذت دواء القرحة و عملولي الاهل شاي و من ثم قهوة و اكيد الدخان 24 ساعة متواصل مع الشاي و القهوة طبعا انا لا افطر من مدة خمس سنوات التغى عندي الفطور لا ادري لماذا, طبعا بالنسبة لبرنامجي فهو منذ خمس سنوات كالاتي بسيط جدا شاي قهوة دخان حتى وقت الغداء ثم شاي و افكسور بعد الغداء, ثم دخان لوقت المساء ( و دخان طول الوقت حتى اني انهض من النوم عدة مرات كل ليلة ادخن سيجارة في كل مرة او اثنتين ثم اعاود النوم فأنا ادخن حوالي 4 باكيتات يوميا لدرجة ان طبيب صديق لي ذات مرة مازحني قائلا ان لم تمت منتحر فستموت من كثرة التدخين ههههههههههه و هو صادق لكن ما العمل الله المستعان) فأذا جائني احد من الاصدقاء او الاقارب لعبنا شدة ( تركس) و ان لم يأتيني احد قعدت على النت او على التلفزيون مع الملل و الضجر المعتاد ثم علاجات الاكتئاب المسائية ثم العشاء ثم علاجات الضغط و القلب ثم انام عندما يكتب لي رب العالمين النعاس لا يوجد وقت محدد, اخي شفيق بالنسبة لوضعك انك ترى من هم في سنك متزوجين و عندهم اولاد فتتحسر و تحبس دمعك فأخوك ابو مصعب سيواسيك فأنا عمري 34 عام و كل اقاربي و اصدقائي الذين في عمري و الذين يصغروني سنا تزوجوا و رزقوا باولاد و انا الشاب الوحيد في عائلتي و عائلة خوالي من بقي دون زواج و الحمدلله الذي لا يحمد على مكروه سواه, و انا من خمس سنوات لليوم لم اغادر المنزل الا تحت تهديد السلاح ههههههههههههه اي تحت الضغط الشديد من الاصدقاء و الاهل كل بضعة اشهر, ارجو ان لا اكون قد اكئابتكم فوق ما انتوا مكتئبين ههههههههههههههه, لكن هذا هو الواقع و الروتين اليومي من خمسة سنوات و الله المستعان, بالمناسبة اخي شفيق انت كم عمرك و كم عمر اي واحد من الاخوة و الاخوات في هذا الموضوع طبعا الذي لا يمانع بذكر عمره, و اسف للاطالة و شفانا الله و اياكم و كل مرضى المسلمين, اخوكم ابو مصعب.
|
وأنا قعدت الصبح ما كليت شيئ على طول شربت ماء ورحت أدخن وأدخن هههههه
أمي سوت الغداء مكبوس دجاج وأنا أكره الدجاج فطلبت من المطعم مكبوس لحم وجبة على كيف مخك ههههه ناوي إشتري لعبة إله الحرب الجديدة لكي أستمتع مزاجي لا بأس به |
اقتباس:
ابومصعب اعتقد سابق اني اكثر واحد يدخن في العالم هههههههههههه حتى عرفتك انت مثل انا ادخن حوالي 3 علب يوميا والله المستعان ليش اخوي ما تفطر وتنظم وقتك قدر المستطاع لازم كل يوم نسولف مع بعضنا انا عمري 31 سنة وما تزوجت انا مثلك ما اخرج من البيت الا للعمل وغيابي كثير عن العمل وخايف اني افصل تصدق ابومصعب ان اكثر شي دمرني اهي دواء سيركويل استخدمته سنتين كنت وزني 65 حتى وصل 100 كنت انام طوال اليوم لا اعرف لماذا لم اغير العلاج لكن مقسوم على وحاليا غيرت وسبب لي انتكاسه شديد اليوم تقريبا اكمل شهر من الانتكاسة لازم تعزمنا اخوي على منسف |
اقتباس:
مو من السجاير لان حصلت معي نوبة هلع ضيق شديد في التنفس لدرجة احس روحي رح تطلع وروحت المستشفي للطواريء واخذت اكسجين وحقن فاليوم النوبة حصلت لي وانا اقود السيارة ..ومن يومها صار دماغي يراقب عملية التنفس وصرت اخاف اركب السيارة هذا الموضوع جديد عليا صار من ثلاث ايام لخبط جدول حياتي بس الحمدالله مافي اكتئاب انا حابس نفسي في البيت حتي يتحسن التنفس قرات مقالات كثير وبحاول اعرف ماذا يحدث داخل الرئة ويصير ضيق تنفس في حالة انها عامل نفسي وصلت الي الاتي وهذا اجتهاد شخصي يمكن صح ويمكن غلط.. يحصل تهيج في الرئتين وهذا التهيج يسبب تضخم مؤقت لحجم الرئة مما يجعل حركة الرئة داخل القفص الصدري ضيقة يصاحب هذا التهيج تهايج اخر في الحجاب الحاجز يسبب ضغط اضافي علي الرئتين فتصبح عملية التنفس متعبة ومع زيادة ضربات القلب والشعور بالخوف يزداد الطلب علي الاكسجين وهنا تبدا مرحلة ناقوس الخطر والدخول في نوبة هلع متعبة جدا حل المشكلة كالاتي ...عدم التفكير في حركة التنفس واشغال العقل في امور اخري يجب نزع عملية المراقبة والتفكير في عملية التنفس شرب ماء نعناع دافيء شرب سجاير بعطر النعناع الخفيفة |
اقتباس:
شكل الدخان صديق المرضى حرام عليك ما فيه مثل طبخ البيت والمرة الجاية نبي مطبق زبيدي جعله بالعافية بس ما كتبت بالتفصيل وش سويت ممكن نقلدك |
اكمل يوم تغديت ثم شاهي ودخان شاهي ودخان
اذن للعصر رحت المسجد صليت ثم رجعت البيت قريت نص سورة البقرة ورجعت لكم واستمر اتصفح المنتدي ثم بصلي المغرب في المسجد ثم اكمل سورة البقرة ثم صلاة العشاء ثم بتعشى واكل علاجي حق الليل وفي مباراة اليوم بين النصر ونجران يمكن اشوفها بس اخاف اسهر وعندي دوام ثم وقت النوم ادهن نفسي بزيت مقرئ وشرب كاس موية مقري فيه ثم اشغل المسجل على القران هذا اليوم الجمعة كان معك مراسلك من الخيمة محمد موسكو الجزيرة |
نننننننههههههههههههع
|
ولد بيبة ريف دمشق الجزيرة هع
اضغط هنا للاستمرارww0dwd |
هههههههههههه
مصراتي وش رايك نكون فريق استخباراتي انت من ليبا وانا من السعودية وابوصعب من الاردن وبوحسن من الكويت المفروض يغيرون اسم المنتدي الى الجامعة العربية النفسية كان معكم محمد من قلب الحدث |
اقتباس:
انا في اللمسات الاخيرة للشفاء باذن الله الحين رجعت فتحت محل صيانة وبرمجة موبايلات |
مصراتي اجل عندك محل
لازم تعطي كل عضو موبايل اخر موديل |
وين باقي الاعضاء يكتبون يومياتهم
|
اقتباس:
|
هاي علامات السؤال الي طلعت بالمشاركة كان مكتوب محلها (هوت ميل) بالانجليزي يبدو انه ممنوع بالموقع ذكر مواقع اخرى مشان يوصلك ايميلي صح.
|
يشهد الله يشهد الله علي يا بومصعب اني حبيتك في الله
والله العظيم ادري انكم نشامي ورجال من ظهر رجال وان كفو كفو والاردن الكل يشهد لهم انه رجال نشامي واخلاق ومضياف بس حبيت امزج معك وهذا بوسة فوق راسك الغالي حاول ابومصعب تغير جو لو تمشى نص ساعة بعدين عرفت ان مصراتي عنده محل اتصالات وش رايك نهجم عليه اما يعطينا كل واحد موبايل او نحسده |
اقتباس:
أنا الحمد لله بخير الصراحة السجاير لا تفارقني يا جماعة التدخين فعلا مضر بس فيه لذة إذا كان التدخين ممتعا فعليكم بالتدخين هههههه أنا أحب أكل البيت لكن أكره الدجاج مادانيه عشان أشكل طلبت من المطعم الحمد لله ذكر الله على بالي من أول ما قعدت الظاهر اليوم ما راح نجيب لعبة قود أف وور إله الحرب إن شاء الله غدا نلعبه هيا العبوا هيا العبوا وانسوا همومكم هيا العبوا هيا العبوا وانسوا أحزانكم هيا العبوا هيا العبوا أنا ناصح لكم ههههههه |
اقتباس:
الله يرزقك و يوسعها عليك و يبارك لك يارب .. |
أنا خرجت من الساعة 3 العصر وانتهيت من كل مشاويري على خمسة وشوي
اشتريت صينية فخار من حلويات سعد الدين فيها بسبوسة بالكراميل قلت أجربها مع أمي بس ما حبيتها طلعت ناشفة هي جديدة وسكرها مضبوط بس ناشفة المهم عجبت ماما بالعافية و كملت سجلاتي الناقصة و فروض كوي الملابس انتهت باقي أجهز لوجبة العشى اللي انضم الغدا معه لاحظت كل ما طلعت من البيت مهما كان الجو حار أحب أفتح شبابيك السيارة أحس محتاجة هواء غير هوا المكيفات أشعر بالراحة لما أسوي هالشي أستمتع بفتحة الشباك بشكل مبالغ فيه بالسيارة كأني طفلة ناقص أطلع راسي ههههههههه الحمدلله أشعر بتحسن نعمة من الله عزوجل |
نمت 11 قمت 8 تريّقت قلبت على القنوات واتصفحت النت , صليت الجمعة تغديت طلعت بالسيارة لفيت كم لفة وبركنت جدام البحر كان الجو حلوا والماء ازرق هادئ (حصة تعبير )
رجعت البيت الساعة 6 وانا على قعدتي من ذاك الوقت وها انذا امام لاب توبي العزيز يواسي بعضنا بعضا |
يومك خفيف ما شاء الله يا كيف الحال حتى وقت نومك صحي ربي يمتعك بالعافية
|
اقتباس:
اما قصة فتح الدريشة هههههههههههههه وش تبغين تحسبين نفسك في باريس حر موت الله يتم عليك الصحة والعافية ويخلي لك والدتك الغالية |
اقتباس:
|
صليت المغرب وجلست في المسجد كملت سورة البقرة ثم صليت العشاء وجيت الحين عند النت
احس باكتئاب شديد واحباط مدري ليه كل ما قريت قران وتذكرت ايام الرقية عند المشايخ واصدقاء الي تعرف عليهم وبعدين تركتهم وتجهت للطب النفس اصاب بالاكتئاب والاحباط يارب رحمتك |
اقتباس:
للاسف انا مثلك يصيبني احباط واكتئاب اذا قريت القران يمكن لاني ما القى ضالتي بقرايتي للقران وضالتي وقتها يكون اني محتاج للطمانينة اللي ما احس بها بصراحة . الله يكون بالعون . |
اقتباس:
لكن حاليا مصاب بتبلد المشاعر كاني اقر من الجرايد راحت السعادة ايام الرقية والقران كنت تعبان عضوي يعني استفراغ والم في الرقبة والحلق وقولون وحرارة في الجسم قال واحد تروح بالحبوب النفسية وانا مخفه فعلا راح الامراض بس راحه السعادة بالطاعة وراح قراءة القران قسم بالله ودي اصيح |
يا جماعة ربنا أحن منه مافي رحيم بعباده مافي ضيقة تدوم ولا حال
و قراءة القرآن لابد يكون فيها تدبر و تأني و خشوع ما نمر على الآيات مرور الكرام ابكي ياشفيق وتنفس البكا يغسل القلب و يجلو الهم لكن اجعل دموعك في سجودك بين يدي الله صدقني مارح يخذلك ولا يردك وانت طالبه |
اقتباس:
مو كل شي غالي والله بسعد الدين الحاجات الغالية ما أقربها ههههههه أحس طعمها مو حلو ههههههههه والله الجو حلو عندنا بأبحر وقت العصرية الهوا يهفهف تعال جهة خليج سلمان و شوف اذا بتسك الدريشة ولا لأ ^.^ |
الله المستعان بروح انام
|
اقتباس:
عارف لما شفت الورقة بكيت بكاء بحرقة تذكرت آخر مرة كنت عنده فيها وانا خرجة يقول لي ساعديني عشان أساعدك كانت آخر آيات اعطاني هي قوية للغاية فما استمريت قطعت كله الجلسات على الرقية و اتجهت لأعالج نفسي بنفسي أتقرب من ربي وأتمسك به محسنة الظن فيه بكل قوة إلى أن انتشلت نفسي من دائرة المرض الحمدلله و كل أعراض العين و الحسد و السحر خفت بشكل ملحوظ اتغيرت حياتي للأفضل حينما قويت علاقتي بالله وهذه بحد ذاتها مجاهدة .. الآن أبحث عن رقم لصديقة وحده بس ماعندي مسحت كل ارقامهم و غيرت رقمي ترى الحال من بعضه ياخوي الله المستعان |
مرحبا بالنشامى كيف حالكم
أنا توني صاحي بعد نومة 20 ساعة متواصلة والله يغفر الذنب الصلوات كلها من ظهر أمس إلى مغرب اليوم كلها صليتها جمع مع المغرب وش أسوي بنومي المخربط بالنسبة لنومي الطويل 20 ساعة بسبب إني راجع من سفر و تعبت و التعب ما جاني إلا بعد ما شربت الباور هورس علما إني قاطع مشروبات الطاقة من فترة لكن وش أسوي بالخوي ماودي أكسفه المهم جتني رجفة باليد اليمين بسبب الباور هورس علما إنها مشروبات طاقة ووالله ثم والله إني كنت قبل ما أشربه نشيط و عقب ما شربته جاني التعب الله ياخذها مشروبات بالنسبة للدخان الله يلعنه ودي أقطعه يااخوان والله العظيم هو اللي جابني الدمار لو عمري ما دخنت ولا أعرف المدخنين كان ما فيني إلا العافية و القوة لكن وش أسوي يااخوان والله تعبت كل يوم بكت راحت فلوسي لا و عاطل يعني حشفا و سوء كيله ودي أقطع الدخان وودي أقطع المدخنين إللي ما منهم إلا شقا العمر بس المشكلة إن بعضهم من أقرباي وين أروح عنهم ما ودي أقطع أقرباي اللهم إنا نسألك الهدى و التقى و العفاف و الغنى و زدنا علما و فقها و يقينا و ثباتا و أشفنا و أرزقنا حلاوة الصبر مع الشكر |
نص ساعة كمان وبنام وراي دوام من بدري
أحلامًا سعيدة و نومًا هنيئًا للجميع |
صارت الساعة 12 صباحا وما نمت يبغالي أغصب على نفسي
نومي مره تلخبط مع الاجازة اللي راحت : ( |
انا اقوم الساعة الحادية عشرة صباحا افطر اخذ الدواء اخرج لمراقبة اشغال شقة اختي ..الى الظهر ..اصلي الظهر ارجع الى البيت عاااللابتوب الى الثالثة ..اتغذى ثم انام الى العصر او الخامسة ..لكن في الغالب اذهب للمسجد للصلاة..بعدها ارجع الى الشقة..ثم اذهب لصديق لي اجلس معه الى المغرب ..ثم اذهب لبيت امي او الكتاب ..اصل العشاء ثم ارجع للبيت ..عاللابتوب ..اخذ الدواء بعدها اشاهد فلما او مسلسلا الى الثانية وانام..برنامج ممل
|
| الساعة الآن 11:39 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا