بريستيك /لاميكتال/زانكس
 

فايزر صراحة شركة قوية، هم اللي صنعوا زاناكس. عن نفسي صار لي أسبوعين ونص آخذه بشكل يومي، ثلاث حبات مثل ما وصف لي الدكتور90حبة: حبتين عقب الغدا وحبة قبل النوم ، ومعاه بعد آخذ بريستيك ولاميكتال . والله المزاج صاير فوق، والرهاب اختفى كلياً. حدي مرتاح مع التركيبة الدوائية


يا اخوان بخصوص الزانكس طويل المفعول xr هل موجود في البحرين او السعودية ؟؟؟

ماشاءالله ربي يتمم عليك العافيه اخوي

لو كنت انا طبيبا لما صرفت لأي مريض علاج زاناكس إلا كحل أخير لأنه علاج شديد الادمان وأعراضه الانسحابية قاسية

ايه و الله انتبه
تراه ادماني
الأعضاء اللي اخذوه اتعبوا يوم جو يتدرجون في تركه و حذروا منه

الله حسيبهم كيف يصرفون لواحد صغير في بداية حياته زناكس
اجل وش بتسوي بعدين

انشاءالله راح انتبه له قبل أنا أخذت الي أقوى منه ريفوتريل لمدة سنتين ونص وقدرت اتركه الي حدني على زانكس هالفترة الضغوطات زايدة علي قلت احتاج لمهدئ

والله اضطريت هالفترة اخذ زانكس الضغوطات زايدة علي وهو فعلا شديد الادمان والأعراض الانسحابية لي ادوية البنزوديازيبين جربتها فعلا قاسية لكن اقدر اطلع منها بكل سهولة

الاهم نفسيتك مرتاحه على الخلطه هذي

ايه الحمدالله

والله زانكس مو طبيعي اليوم في الدوام صرت اسولف وآخذ واعطي والثقة مليون و المزاج رايق حده حتى الي معاي في الدوام مستغربين مني انا بطبيعتي كله ساكت واخاف من المسائيل الي فوقي بس هالفتره مع الزانكس الثقه مليون صرت اقعد وياهم وآخذ واعطي في الكلام معاهم

افضل نوع من زانكس هو زانكس البلجيكي اما باقي الأنواع مضروبة ماتوصل لي فعالية الزانكس البلجيكي

اسم الشركة

من تصنيع شركة Viatris شركة تابعة إلى Pfizer

يا اخوان نصيحة من شخص مجرب والله ادوية البنزو مو علاج ندمت إني تعرفت عليها تأثر على عمل مضادات الاكتئاب بتأثير سلبي تصير ادوية الاكتئاب ما منها فايدة يصير كل اعتمادك على المهدئ والله غلطان إني رجعت لها والله إني ماكنت بحاجتها كنت مرتاح على بريستيك ولامكتال وسيروكويل كله من الدكتور طلب مني أوقف لامكتال وسيروكويل و البريستيك ندمت اشد الندم إني وقفتها صارحة هالدكتور جدا مستهتر يصرف أدوية مهدئة بالهبل ولا يعترف بمضادات الاكتئاب ماعنده إلا المهدئات حسبي الله ونعم الوكيل عليه من دخلت عليه يقولي أنت مافيك اضطراب الشخصية الحدية مافي اضطراب بهذا الاسم أنت تشخيصك نوبات هلع ورهاب اجتماعي اترك الأدوية الي تأخذها أنت علاجك ريفوتريل وزانكس ولا تروح لدكتور غيري تابع معاي والله الحين عرفت ان يستقلني يبيني أصير شخص مدمن كل شهر اروح له عشان اصرف الأدوية أنا سبق واخوي حذرني من هذا الطبيب ومن الأدوية الي يصرفها بس انا إنسان متهور واحمق استاهل الي يصير لي المشكلة من المرض الي أعاني منه احيانا أتعرض إلى نوبات تفقدني فيها الاستبصار نوعاً ما واكون شخص متقلب وحاليا رجعت لي طبيعتي لكن هالشي مايستمر بعد شهر او شهرين ترجع لي نوبة أكون مندفع وفاقد الاستبصار حاليا يرجع لي أدويتي بريستيك ولامكتال وسيروكويل وانشاءالله ينفعون

والله يا شهيد الحب على راسي جزاك الله خيرا على تنبهي أنت وعيون متفائلة وكل من نصحني في هذا المنتدى


اول مره أشوف طبيب يسألني وش تبي من علاج زانكس او ريفوتريل او فاليوم
وين أنا داخل على دكتور او بياع حسبي الله عليه 😅😅

عندي ملف في مطمئنة والله ودي أتابع مع البروفيسور طارق الحبيب بس المشكلة اغلب الوقت ما يكون متواجد في البحرين

وأكبر خطأ ارتكتبه إني صرت اعتمد على المهدئ إذا كنت أعاني من ضغوطات

الطبيب اول مره دخلت عليه سنة 2019 كنت أعاني من رهاب اجتماعي وهلع وخوف من سياقة السيارة وكان في اعراض لي اضطراب الشخصية الحدية لكن ما ذكرتها لي طبيب يمكن بسبب صغر سني بذاك الوقت كان عمري 18 سنة وكنت رايح لي طبيب مع اخوي طبعا دخلت عليه قالي شنو فيك وذكرت له الي فيني 10 دقايق طلع الروشتة وصف لي فاليوم 5 مل وقالي تعال بعد أسبوعين واخوي يوم شاف روشة حذرني من الدواء قالي تراه مهدئ مع الاستمرار عليه بسبب لك ادمان وصرت اخذ فاليوم حبة مانفع رفعت إلى حبتين نفعني شوي مرت الأسبوعين وكان موعدي مع الدكتور رحت مع اخوي وسألني الدكتور هل تحسنت قلت له في تحسن لكن مو ذاك الزود والدكتور سأل الشخص الي جنبه مادري طبيب مادري اخصائي ما عرف وش سالفته سمعته يشاوره يقوله اصرف له وذاك قاله ايه وطبعا صرف لي دواء ريفوتريل 2مل قالي كل يوم حبة واخوي شاف الدواء الموصوف لي قالي ذي الدواء يصرفونه لي الأشخاص مسلوبين الإرادة او لي المرضى المنومين بالداخل طبعا وقتها كنت جدا تعبان من الرهاب الاجتماعي ونوبات الهلع فأخذت اول يوم حبة على طول نومتني وصحيت بعدها القلق والرهاب اختفت تماما وحسيت براحة نفسية ماحسيت فيها من كان عمري 15 سنة واستمريت عليه من سنة 2019 إلى سنة2022 كنت اخذه بشكل يومي وفي سنة 2023 حصلت وظيفة وقفت الريفوتريل بالتدرج لمدة أسبوعين الانه كان في فحص دم لي البحث عن السموم و الأدوية المقيدة الحمدالله عملت تحليل وما ضهر في دمي الريفوتريل وكانت الأعراض الانسحابية شديدة جدا لي درجة ما تونصف وصارت عندي تأتأة في الكلام ما كانت عندي قبل ودخلت فترة تدريب عسكرية لمدة 9شهور و الحمدلله الله وفقني وتخرجت لكن ما زال عندي واشتد علي وقت الي توظفت رجعت لنفس الدكتور قلت له أبي علاج ما أبي مهدئ وانا حاليا عسكري واحيانا يصير فحص فجائي ما ابي يطلع شي في دمي إني اخذ مهدئ وسألني قالي شنو تبي ؟ معقوله ذي كلام دكتور وقلت له أنا من نفسي ابي سبرالكس وكتب لي سبرالكس استمريت عليه وبعد شهرين بدأ مفعوله وكان مفعوله بالتدريج كل اسبوع افضل من الأسبوع السابق استمريت عليه سنة ونص تقريبا وبعد جم شهر توفى ابوي وانتكست اول مره يصير معاي اكتئاب رحت لي دكتور بنفس العيادة قلت له عن الأعراض اللي أعاني منها وصف لي ريميرون 15 مع سبرالكس 20 مل والحمدلله تحسنت حالتي