|
أختكم طالبة علم نفس تحتاج مساعده ممن لدية مشكلة الهلع ..(بموافقة الاداره )
السلام عليكم ورحمه الله وبركاته
أخوتي وأخواتي الاعزاء في هذا المنتدى النابض با التعاون والفائده اسمحولي اقدم لكم نفسي ... أو با الاصح انفسنا .. !! بداية نحن 8 طالبات في قسم علم النفس في جامعة الامام محمد بن سعود الاسلامية با الرياض لدينا مشروع يتكون من دراسة حالة تعاني من أي مشكلة نفسية بشرط أن تكون هذه الحاله واقعية وقع أختيارنا على مشكلة الهلع المطلوب هو : أن يتعاون معنا احد الاعضاء الكرام في طرح مشكلتة با التفصيل وأن يلتزم معنا في كل مانطرحه عليه من اسألة سنقدم عرض أمام 82 طالبة عن مشكلتة بدون ذكر الاسم .. سيتضمن العرض : 1- دراسة حالة يقوم بتعبئتها المريض أو نعبأها نحن بناء على اجاباته . 2- أهم الاعراض الرئيسية للمشكله التي يعاني منها , والمشاكل المصاحبه لها . 3- نقترح خطة علاجيه للحاله , ولكن لانطبقها عليه بشكل مباشر . 4- نرسل له العرض با الكامل . سيكون ذكر المشكلة بشكل خاص وليس على العاااام وسنتواصل ان شاء الله على مدى أسابيع ونتمنى أن يتم التعااااون معنا |
رينا يوفقكم
|
نتمنى تفاعل الاعضاء
و الله يوفقكم |
أخواني شخصياتكم ماراح تظهر بأي شكل ولا فيه تفاصيل دقيقه
مجرد وصف للمشكله ..واعراضها والباقي علينا .. أتمنى تفاعلكم |
انا اول واحد ايش المطلوب ... ونفع الله بعلمكم
|
الله يوفقكن ..انا في الخدمة وارجو ان تكون اعراضي مناسبة لبحثكن |
أانا على أتم الاستعداد
|
هذة مشكلتى لو هى المطلوبة
http://www.nafsany.cc/vb/showthread.php?t=83470 |
أشكر مشاركة الاخوه والاخوات وان شاء الله نكون عند حسن الظن . بداية نحترم رغبة الاداره في منع تبادل الايميلات او الفيس بوك وغيرها لذلك نقترح أن تكون الاسئلة على العام .. وهي مثل باقي المواضيع هنا في هذا المنتدى نبدأ على بركة الله بأسئلة خفيفة مع الاخ أبو فهد .. 1) كم عمرك ؟ 2) متى حدثت أول نوبة قبل كم من الان ؟ واذا أمكن تحديد المده بين كل نوبة والاخرى ؟ 3) هل زرت طبيب أو أخصائي نفسي من قبل ؟ |
الاخ ابو فهد اذا كنت مشغول أو قليل الدخول للمنتدى
فاسمح لنا بأختيار عضو آخر للمشاركة >> ,وليكن الاخ (ولافي ) |
السسلام عليكم اسمي meshari alahmadi عمري تقريبا 20 واحب اسساعد كم في البحوث وكذا وفلله
من سكان الرياض اول اصابه ليه بالنوبه كنت في امريكا قبل 5 شهور تقريبا شكرا |
طيب يا اختي (اشكر الله )
نشكر لك تعاااونك واذا كنتي موجوده الان ومستعده للتعاون فأنا أفضل البدء بدل انتضار الاعضاء لأيااام ...! وأتمنى ياغاليتي انك تلتزمين معانا باقي شوي من الاسئلى ماجاوبتها ...جاوبيها اذا أمكن تحديد المده بين كل نوبة والاخرى ؟ 3) هل زرت طبيب أو أخصائي نفسي من قبل ؟ وربي يعطيك العافيه |
اقتباس:
اعتذر اختي انا كنت ظننت ان الأمر حسم بالنسبة للاختيار وان الأخ ابو فهد متواصل معكن..على العموم الله يوفقكن مادامت الأخت اشكر الله قد سدت الفراغ جزاها الله خيرا..كما ارجو ان تلتمسوا لاخيكن ابوفهد العذر..الله اعلم ماالذي حبسه |
وانا مستعده علي اي سؤال وموضوعي موجود
واي سؤال انا حاضره لاني احس براحه لما اتكلم اذا تبون زود غير الاخت الفاضله والله يوفقكم |
مو مشكلة اخوي ولافي ..حصل خير
واختي مهمومه اشكر لطفك ..واذا احتجنا شئ بقولك اشكر كل من تفاعل معنا ..وان شاء الله اذا جهز الشغل راح احطه هنا كاااامل واكتب الانتقادات اللي راح تقولها الدكتوره لانها من النوع اللي ينتقد كل صغيره وكبيره ..والله يعين يارب |
اقتباس:
المهم ما علينا بالنسبه المده طال عمرك مالها اوقات محدده يمكن تجي الان ويمكن بعد شهر وكذا بالنسبه لزيارة طبيب لا ولله الحمد لم ازر طبيبا ولاكن عالجت نفسي بنفسي اي اساله ثانيه حاضرررين فضاوه ما وراي شششي وشكرا لك |
انا فى الخدمة اذا بتريدوا
|
اقتباس:
يمكن لانك ماحددت في الخيارات والاسم مبهم شوي لذلك اخطأت ..حقك علي طيب اذا أمكن تشرح لنا طريقتك في التخلص من المشكله ؟ |
بسم الله والصلات والسلام على رسول الله
تخلصي من المششكله ولله الحمد بالصبر والتقرب من الله وفي كل سجده ادعي وغير كذا افكر بايجابيه يوميا واسستحقر المرض واعيش بتحدياته وااعطي نفسي امل وعارف انو الي يسير فيني وقت النوبه كلام فاااااااضي تهيااااات زااايده واحاول اتحكم في تنفسي وقت النوبه لان لو تحكمت في النفس انتهت بوقتها وبسسس والله على كل شي قدير |
وغير كذا تمنا انك تقولي متا اوقاتك متواجده في المنتدى عشان نعرف متا ندخل هنا ونسساعدك في بحثك
|
الله يوفقكم يا رب ويستر عليكن ويرزقكم من حيث لا تحتسبين
|
اقتباس:
طيب ممكن تحدد لي المكان اللي حدثت فيه أول نوبه ؟ وهل بعدها صرت تخاف من هذا المكان او من الاماكن الشبيهه فيه ؟ يعني اذا حدثت في مكان ضيق هل اصبحت تخاف من جميع الاماكن الضيقه أما عن فترة الدخول والله ما اعرف احدد بس غالباً لما ارجع من الدوام تقريباً الساعه 2 الظهر |
اقتباس:
صرت اخاااف ارجع هناك وترجع لي فسحبت ترم من الجامعه وجلست عند اهلي الين ما اقضي عليها بتاتن البته وارجع انشششالله ونا مرفووع الراس هع ، |
اقتباس:
ايضاً ماذكرت كم مره تكررت معك النوبات ؟؟ |
اقتباس:
|
[QUOTE=أوفى البشر;840727]طيب ابغى توصف تفاصيل المكان .. وهل الاماكن الشبيهه به تسبب لك الخوف ؟؟
ايضاً ماذكرت كم مره تكررت معك النوبات ؟؟[/QUOT كانت شقه صغيره وبس لا والله ما تسبب لي اي خوف الاماكن الي مثلها |
تكررت معايا النوبات تقريبا 7-10 مرات خلال ما يقارب ال 4 -5 شهور
|
يبدو ان اللي عندك أخوي شيء بسيط وان شاء الله مايأثر على حياتك .
لان اللي فهتمه منك أن النوبة ماتسبب لك خوف من الاماكن سواء الاماكن المتسعه او المغلقة مثل كثير من الناس .. الان ياليت تعطينا وصف لشعورك وقت حدوث النوبة ؟ ايش الاعراض اللي تحس فيها با التفصيل .. |
اقتباس:
شعور جدا لا يطاق وقت النوبه وقت النوبه احس بسس بتسسسارع دقات القلب وضيق في التنفسس اممممم وبسس |
طيب الحمدلله انها ما تسبب خوف من اي شئ آخر ..
بعطيك أعراض وياليت تحدد لي اللي تحسه منها .. >>> تلونه بلون مختلف اذا احببت . 1- خفقان , زيادة نبضات القلب . 2- تصبب العرق . 3- الارتجاف أو الارتعاد . 4-إحساس بصعوبة التنفس أو الاختناق . 5-الشعور بغصة . 6- آلام أو ضيق في الصدر . 7-غثيان أو آلام في البطن . 8- شعور با الدوار (دوخه) وعدم الاستقرار , أو خفه في الرأس , أو الاغماء . 9-الاحساس بتبدد الواقع (مشاعر بعدم الواقعية ) أو الاحساس بتبدد الشخصية (بأنه منفصل عن ذاته ) . 10- الخوف من فقدان التحكم في ذاته أو أن يصيبة الجنون . 11- الخوف من الموت . 12- تشوش الحس (تنميل أو إحساسات بوخز ضعيف ) . 13- قشعريرة أو توارد الدم الى الوجه . |
اختي الغاليه ما اقدر اشششرح لك هنا بالتفصصيل الممل
قلتلتك انا اسسمي meshari alahmadi حياك في اي وقت |
لاحول ولاقوة الا با الله
أخووي من البدايه اتفقنا على الالتزااام ويبدو انك مو حاب تلتزم ! اذا في احد مستعد يلتزم معانا وراح نطرح الاسئلة في وقت واحــــد .. وينتهي الموضوع لانا محتاجين للأعراض والبيانات الاساسيه اللي يتم تبعاً لها التشخيص ثم العلاج يعني الشغل مع الحالة بسيط مقارنه مع اختيار طرق العلاج .. مارأيك أختي ابتهال الخير ؟. |
اختي اانا جاهز بالي تبينه الله يستر عليكن ويوفقكن يا رب
|
اقتباس:
انا حااب التزم وحاب يكون لي نقطه في بحثكم هذاا واسال الله يكتب ليا الاجر ولكم ان شاء الله بس صدقيني مهما قال مهما فعل راح تجدي انه يخبي عليك نقطه هنا ع العام مهما جاك اي ششخص وقالك ،،برضو حتصلي يدس عليك الشي البسسيط ونا مسستعد اكمل معاك لاكن ما اتمنا انه يكون ع العام اسف شديد الاسف اختي الغاليه واتمنا اني اكون نفعتكم بما فيه الكفايه واالله مستعد كامل الاستعداد اني اساعدك وتكون ليا نقطه في البحث ولا عندي اي مششكله نتواصل ع الفيس بوك ولا الايميل ولا ...الخ) وشكرا |
على اتم الاستعداد يمكنك قراىه حالتي والاجابه عن جميع الاساله
١- الاسم منصور الخادي ٢- العمر ٢٤ سنه ٣- الحاله الاجتماعيه :اعزب ٤- المرحله الدراسيه : ماجستير في الاقتصاد ٥- شرح الحاله :- بدات بعد اصابتي في احد مباريات كوره القدم وذلك في يوم ٣-١٠-٢٠١٢ وبدات الحاله اولا اكتئاب عدم القدره على التنفس لدرجه انني احاول اشد جسمي لاخذ نفس بعد اسبوع من الحاله بدا الارتجاف و الخوف و رعشه بالجسم كامل قبل النوم وبعدها ياتي شعور بالموت وهو بروده في الجسم وخصوصا منطقه الصدر التفكير بالموت عدم القدره على النوم العذر عن عدم اكمال الحديث لوجود امور اخرى ولكن استطيع مساعدتك ولكن ليس امام العالم لوجود امور جدا حساسه وشكرا |
أقدر لكم مساعدتكم واهتمامكم
في نقطه حابه اقولها بس .. الاسئلة ماهي شخصية يعني ماراح اطلب اجابات خاصه الاعراض معروووفه .. يعني كثير يعتقد ان اللي فيه خاص وان مافيه احد مثله في هذا العرض او ذاك .. كل الناس فيهم مشاكل .. وهذا القسم بأكمله مخصص لهاذي المشكله المزعجه أو ماتسمى نوبة الهلع وهي نوع من انواع القلق بس يتميز با الشده أكثر + الافكار اللي تصاحبه مثل الخوف من الموت او عدم القدره على التحكم في النفس . تطمنوا على الاخر ماراح نكثر من الكلام اسئلة بسيطه يعبر عنها صاحب المشكله بنفسه لان شئ مهم ان صاحب المشكله يصف المشكله بنفسه وراح نكتبها نصاً .. وصدقوني أهتم با الخصوصيه لكن وصف أعراض مشكله واضحه مايدخل ضمن الخصوصيه با الذات اذا كان هذا المنتدى نفسي + هذ القسم يهتم بنفس المشكله المطلوب وصفها ومثل ماذكرت مافيه علاج يعني هذا تعاون من صاحب المشكله انه يصفها لنا ويساعدنا في الدراسة وفي أكمال المشروع اللي مطلوب علينا ايضاً ضروري تعرفون ان المنتدى مافيه رسائل خاصه + الاداره مانعين تبادل الايميلات ولو وضعناها في هذا الموضوع راح ينحذف . أخوي اشكر الله ..انا اشكر لك تجاوبك ولك الحرية في الانسحاب ..وأقدر لك تعاونك جزاك الله الف خير ومافي داعي تعتذر وآسفين لعدم القدره على المتابعه معك لتعذر التواصل .. ! شروط المنتدى ماتسمح .. الاخ منصور المعلومات اللي طرحتها مفيـــده حاب تكمل على العام ..؟ وراح أطرح بأذن الله كل الاسئلة المطلوبة على شكل دراسة حالة لان هذا أسهل واوضح للطرفيــــن با التوفيق |
اختي وينك اان ا جاهز ابدي اسئلتك وانشالله مالك غير الي يساعدك
|
باكتب حالتي بشكل مختصر لعلها تفيدك
حاله الهلع جتني بدون سابق انذار كنت في سياره وفي خط رجعه للرياض كذى حسيت شي يمشي بجسمي وخفقان ودوخه وكتمه وصلت للرياض ووصلت للبيت ريحت وقمت اليوم الثاني وش زيني حسبتها في البدايه تعب وقلت راح بعد ثلاث ايام بدت ترجع لي حاله الدوخه لكن اخف واستمرت معي ولا القيت لها بال على اساس انها حاله دوخه عاديه تمر على الانسان من فتره لفتره مره كنت رايح لمهمه عمل وانا راجع للرياض حسيت بنفس الاحساس الي جاني اول مره وانا راجع لكن كنت لحالي وخفت واشتدت الدوخه والخفقان واحس بجسمي بااااارد وقفت في محطه وشريت شراب شتويه ولبستها وسبحان الله من نزلت البقاله والخفقان راح ولبست الشراب ووقفت غسلت وجهي وصارت فيني الدوخه بس وقلت امرها سهل كملت خطي وشوي بدت ترجع لي الحاله خفقان وكتمه الله لا يوريك وكنت احس روحي بتطلع لين باقي على الرياض 100 كيلو قمت زدت السرعه باقصى شي وانا القط انفاسي لين وصلت للرياض ووقفت عند اول مستشفى وانا في حاله مثل المصروع ونزلت المستشفى ووصلت للاستقبال وكان قدامي وحد يخلص اوراقه شوي حسيت اني طبيعي ويوم جاء دوري تسالني الموظفه وش عندك قلت لا خلاص وطلعت ريحت في الكراسي في الاسعاف شوي وغسلت وجهي وارتحت ورحت لسيارتي وكملت مسيرتي للبيت من بعدها وانا اعيش في دوخه واحس بالعالم قدامي مثل السراب .. استمرت الحاله وكنت امارس حياتي دون الطبيعي لاني اشعر بالدوخه وكل مالها تزيد الى ان تطور الامر وصرت ما اقدر امسك نفسي من الدوخه اشعر بحاله التقيئ كل شوي وقلت لعل الامر فيه مس او عين وصرت اقراء عند مشايخ والحاله تزيد يوم عن يوم الى ان وصلت لدرجه اني مجرد ما اطلع من البيت تجيني حاله الخفقان وصرت حبيس البيت ورفعت اوراق استقالتي من العمل ويأست من الحياه حتى اني عرضت على زوجتي الطلاق لكنها رفضت وتصبرت الله يجزاها خير كانت تبي تساعدني باي وسيله وطبعا كلمني المدير وشرحت له حالتي قال انت في اجازه مفتوحه لين تخف الله يعطيه لعافيه .. استمريت حوالي السنه على هالحال وكانو اخويائي دايم يتصلون علي ويسالون وانا مطنش العالم الى ان اصر واحد من اخويائي انه يقابلني وكلم اهلي واستطاع مقابلتي وشرحت له حالتي ودعاء لي بعدها بكم يوم اتصل علي قال لازم تروح دكتور نفسي انا في البدايه عارضت وحلف على اني اروح قلت مااقدر اطلع من البيت خفقان وخاف اموت قال عندي حبوب تنظم دقات القلب ومستحيل يصير لك شي وعطاني حبوب اندرال وفعلا كانت ممتازه واستطعت الخروج من البيت والتوجه للدكتور النفسي دخلت على الدكتوروشرحت له حالتي قال عندك حاله هلع وكتب لي اقراص باروكسات واصر اني ارجع للدوام وقال اذا جتك الحاله وانت في السياره انزل منها فورا وراح تشوف انها راحت دقات القلب وفعلا لمااسترجعت بالذاكره لما جتني الحاله اول مره ونزلت البقاله راحت دقات القلب وقال لا مانع انك تاكل حبوب اندال بعد استخدام الادويه باسبوع بديت الاحظ تحسن واقل من شهرالى راحت الدوخه وبديت ارجع طبيعي ورجعت لحياتي العمليه والاسريه ورجعت طبيعي مثل اول الان بعد سنه وشهرين من استخدام العلاج اشعر اني طبيعي لكن انا منزل الجرعه نص حبه كل اربع ايام واحس اني اصدع في اليوم الرابع شرحت لك بشكل سريع لان التفاصيل اكثر ولعل كلامي يفيدك بشي والله يوفقكم في حياتكم العمليه واذا سنحت لي الفرصه للدخول عقبت زياده في الموضوع |
يعطيكم الف عافيه اخواني في هذا المنتدى
وصفك اخوي (الحياه رخيصه ) وافي وكافي .. راح نعتمده ان شاء الله أعتقد مافي اسأله اضافيه شكراً |
| الساعة الآن 11:37 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا