استفسار وأبي إجابة من خبراتكم
 

السلام عليكم
ياجماعه وش تسمى الحالة هذي
فيني خوف مو طبيعي والله العظيم
خوف من كل الناس من أهل وأصحاب
وماقابل أحد
واذا طلعت برا البيت اظطرب مارتاح إلى أن ارجع بيتي.
علما اني أخذ علاج باكستاب 40مل و20 مل
الجرعة زايدة لها ثلاث أيام
علاج الاكتئاب والوساوس
أحس اني منفصل عن نفسي وغير سرحان وخوف
دعواتكم لي تكفون ربما دعوة تغير مجرى حياتي

اخوي لا تقلق موضوعك بسيط جدا
رغم ان اللي تحسه الحين صعب لكن
حقيقته انه بسيط
هذا اسمه :هلع
مع الدواء يختفي
وترجع طبيعي

اسال الله لك الشفاء

الله يوفقك ويفر همك
ياخوي لدرجة العمل أخاف اروح له
حسبي الله ونعم الوكيل

هذا اتوقع من الهلع كما قال لم اخي مترجم أحاسيس أحيانا يمتد إلى الخوف والقلق من مواجهة الناس أو الخروج م المنزل أو حتى القيام بأي نشاط ويظل الشخص ف مكان واحد طوال اليوم
اتعوذ من الشيطان وتجاهل الوساوس المرتبطة بالقلق اخي الفاضل وردد الاستغفار حتى تطمئن واقرٲ س البقرة بإذن الله تخفف عليك

مايهمك فتره ويزول هالخوف
انا اصابتني نفس الحاله
والحمدلله تشافيت منها باخذ العلاج

الله يوفقكم على ردودكم
أعرف أن هناك من يحسون بمعاناتنا
لكن ماقول غير الله يشفي الجميع
ربما اشتاق الله لسماع دعانا
يارب عفوك. والصحه العافية

هلا أخي
انا مثلك من فتره و فيني هالاحساس
اخاف من كل شي
ساعات احس اخاف من اي صوت من اي شي
و ما ارتاح الا فالبيت
مع انه الخوف فالبيت بعد
فتره و تعدي ان شاء الله.

وفقك الله اخي السويدي
ماتشوف مكروه يارب

وش علاجك بالله عليك اخوي