بالله ياخوان تفهموني شنو مشكلتي والله شهر ماطلعت من البيت بسببها
 

السلام عليكم بالله ياخوان ارجوكم تفهموني انا شنو مشكلتي اقسم بالله من يوم عرفة حالتي حالة وماني عارف اللي يحصل معاي هل هو من الشقيقة ولا نفسية ولا مرض روحي انا المشكلة بدات معاي من قبل يوم عرفة بيوم قبلها سليم كنت اكلم واحدة على الانستقرام جات كتابي اثناء الكلام معاها قالتلي ليه ماتجي المغرب وكنت ادخن وقتها بعد ما قرائت الكلمة هذه بدات معي هذه الاعراض وسواس شديد ونوبات هلع وافكار وهلوسة وضيقة بالصدر
و دوخه وعدم الاتزان المستمر
وضيقة بالنفس وكتمة في الصدر شديدة وسرعة في دقات القلب وحرارة خفيفة في الراس تعب شديد
وهذه كلها بصوب والبصر بصوب اخواني كاني بحلم كاني نص نايم ونص صاحي وحتى السمع احس مو مظبوط ثاني يوم ذهبت الى راقي و قراء علي ولم اتئثر فقط نوبات خوف وهذه موجودة على طول وبعدها جلست 5 ايام من مستشفى لآخر لاني فكرت ممكن انه مرض جسدي كل النتايج في الأخير تبين سليمة بعدها ذكرلي صديقي قالي ممكن فري يعني الشقيقة وبعد عرفةب9 ايام ذهبت لعجوز تعالج هاذا المرض وبعد فحصي تبين عندي الفري او الشقيقة 5 اصابع عالجت عندها لمدة 10 ايام 3 صبخات توضع على الراس وتسكر الراس وشفيت من الشقيقة وذهب الضغط اللي برأس والصداع ولكن الاعراض خفت ولم اشفى منها والى الان مستمرة خاصة الكتمة في الصدر والضيقة الشديدة والغشاوة على العين ودوار في الراس كاني في حلم و وسواس عن المرض قالتلي العجوز بعد ماشفيت من الشقيقة أرقي نفسك لمدة اسبوع وارجعلي اشوف ترجع الشقيقة ولا وفعلا رقيت نفسي لمدة اسبوع ورجعت لها ولم ترجع الشقيقة ابي اعرف يااخوني الاعراض اللي ذكرتها لكم من شنو وهل ممكن يكون مرض روحي مثلا عين مع نفسية وفي شي بعد لما اسمع رقية اتثائب مع دموع كثير اكثر من30 مرة باليوم فترات متفاوتة وبعد التثائب ارتاح لكن ب واقعد اسبوع سليم وبعدها تجيني نوبة خوف مع وسواس وترجع حالتي يااخوان وصل فيني المرض لدرجة وانا اقراء في تويتر تغريدات وكان صاحب التغريدات يتكلم عن المرض النفسي والله احس صاحبها يقصدني وكاتبها مخصوص لي وانا ماعرفه اصلا احس بديت اجن تكفون ياخوان فهموني
عمري 25 لم أكن ااعاني من امراض قبل الحادثة

اذكر الله وانا اخوك
انا نفسك من شخص سليم لنفس اللي تحسه
قريت مافيه شي كشفت سليم
هذي نوبات هلع ووساوس
انصحك تعرض نفسك على دكتور نفسي
وتداوم على البقره كل يوم
وتقرا في مويه الحمد والمعوذات سبع مرات بعدها تشرب
وتمسح على جسمك
وعلى فكره انت مولحالك كثير يعانون مثلك
وانا أولهم اهم شي أبدا البحث عن العلاج
انت من وين ؟

حتئ انا ماكنت اعاني من شي قبل كنت نفسك فالبدايه م ادري وش فيني وجلست شهر
وعقب رحت لدكتور نفسي واخذت العلاج حق الهلع
والحمدلله تحسسن كبير لاتيأس الامور طيبه
وان شاءالله بتتشافا وتتعافئ والموضوع سهل باذن الله
والله يشافينا جميييع

فعلا اعرض نفسك ل دكتور نفسي كلنا ماكان فينا شي فجاة جانا هالشي واجمع بين الرقية والعلاج النفسي

اخي لقد تعرضت لسحر والله المستعان

وقد دست لك طلاسم بين ثنايا الكلمات وانت قراتها فاصابك ماتشعر به الان

ايظن لاتنسى انها تستطيع ان تسحرك عن طريق صورك في الاستقرام

عليك بالرقيه الشرعية المكثفه

وابتعد عن الحبوب النفسية لان مرضك روحي وليس نفسي

شلون حكمت انه مسحور !!! ؟
لاتفتي بشي ماتدري عنه

الا روح ل طبيب نفسي ويشخص حالتك
ويعطيك الدواء المناسب وفالك وفالنا الشفاء
التام باذن الله

اخوي انا حسابي مافيه صور لي ولا عطيتها صور لي اصلا وبعدين بالرقية ماتضايق ولا في الصلاة وصارلي شهر ارقي نفسي ورحت لراقين2 قرو علي وقالو مافيك شي المشكلة يااخوان صاير نفس الطفل الصغير يصدق كل شي واخاف من كل شي ومرة احس انا فيني جني ومره رعاش وره فصام وكل ما اقراء عن مرض اصدق انه عندي وسواس قوي مرة يزيد مره يخف غير مافي ادراك للواقع

طيب اقراء أية الكرسي 100مره بنية الشفاء اقرائه متواصلة وأخبرني بماذا تشعر

صارلي 20 يوم يوميا اقراء سورة البقرة وراها سورة يس3 مرات وراها الكرسي 100 مرة والمعوذات 100 مرة واشرب ماي مقري واتسبح بخلطة الرومي مايصير معاي اي اعرض غير التثائب ومرات مايصير

انت تقول


وهذا واضح من كلامك انك تعرضت لسحر

على العموم انت اعلم بنفسك

زين اخوي السحر مو له اعراض ودلالات ويبين على الشخص المسحور اعراض معينة انا اقراء القران واصلي وارقي نفسي ولا اتاثر

فيه سحر ماله اعراض والله أعلم وعندي موضوع بنزله هنا مهم عن هالسحر اللعين .

اقررء البقرة وتعرف انت مسحور او مرض نفسي الافضل اجمع بين الاثنين

هذي حاله نفسيه لكن انت قلت وحده من المغرب !! الله يستر مادري ولانبغى نظلم احد لكن عليك بالرقيه واذا انت بالرياض حاول تروح شيخ اسمه عبدالله الخليفه ادخل منتديات الشيخ عبدالله الخليفه وراح تستفيد جدا