احساس حقيقي ؟ 😥
 

السلام عليكم يا اعضاء منتدى نفساني اخوكم الغاضب انقطعت فترة عن المنتدى ورجعنا بسبب شي اسبوع ما جاني وسواس الموت وكان زين الا اخر يومين يا ناس جاني احساس حاسه حقيقي الف مرة حاسس اني بودع الدنيا وصرت حزين وكثير تفكير اكون سعيد وفجاة اقلب حزين يجيني احساس يقلي ناظر للدنيا لانك بتودعها وما بقى لك شي وحاسسه مررة صدق وانا قاري ان الواحد قبل وفاته تصغر الدنيا بعيه ومن الاشياء والله ضايق صدري وخايف والوسواس لاعبة فيني مدري وش اسوي شكلها النهاية :(

1- مااحد يموت قبل يومه
2- قل لن يصيبنا الا ماكتب الله لنا
3- كل اللي يتكلم براسك هذا وسواس لاتسمح له انه يكلمك وقفه دايم
4- الوسواس بشكل عام يكبر اذا استرسلت معه وسمعت كلامه
ويصغر اذا حقرته وطنشته
5- وكل امرك لله والله ان ترتاح قل ياربي وكلت امري لك وريح بالك
الله يشفينا ويشفيك

الحمدلله عالسلامه اخي
صدقني راح نموت كلنا وانت بعدك ما شاء الله عايش :)
طنششش ورب الكووون وسواس لا اكثر

جزاك الله خير ، بس هذه المشكلة كل ما توكلت على الله جاني اقوى وقال بتموت مدري صدق

الله يسلمك ،، هههه لا عاد ما تشوفون شر الله يطول باعمارنا على طاعة الله،،، ايه اصعب شي التطنيش

الله يستر بس 😣

الحين لو جنبك واحد اهبل يقول بيجيك ويجيك بتصدقه ؟
الوسواس نفس الشي يحاول يقنعك بأي طريقه

اخوي ماكو شي غير الوسواس

اذا عاملته انه صجي وكلام منطقي وقعدت تسترسل معاه بيزيد وبيقنعك

حاول اول ماتجي الفكرة تطردها

بدلها بأي فكرة ثانيه واسترسل فيها او حاول تنشغل بشي

الافكار احنا اللي نغذيها بخوفنا لين تكبر .. مثل الزرع يموت بدون الهواء

فحاول وتعلم انك تقطع هالافكار من بدايتها

والله يشفيك ويعافيك

ههههه اللهم آمين ايووووا اضحك والله في سماه انت بخير
ولساك بتعيش عمرا مديد ان شاء الله صدقني
وراح تصير كمان جد قوم هههه

و نعم بالله العلي القدير و عزة جلال الله ما خاب من لجأ الى الله و من استعان بالله و من فوض امره لله اللهم اجعلنا ممن ذكروك فذكرتهم و حفظوك فحفظتهم و ارضوك فرضيت عنهم و ارضيتهم و شكروا نعمتك فزدتهم يااااارب نسألك طول العمر في طاعتك و نسألك العفو و العافية في الدنيا والآخرة.

قبل 20 سنه كنت ارجف وابكي من هالوسواس ورحت لطبيب وصرفلي ادويه وتحسنت والحين خففت من العلاج ورجعت الحاله الحين راح ازود الجرعه الله يشفينا جميعا

آمين يارب