اكسترا بناول و المزاج
 

السلام عليكم


لاحظت شي يوم يزيد القلق عندي و الخوف و ضيق الخلق اصدع و يوم اصدع اتناول حبتين من اكسترا بنادول الاحمر غير انه الحمدلله يزيل الصداع يحسن المزاج

وش العلاقة بين البنادول و الحالة النفسية سبحان الله .


و اسال الله الكريم ان لا يحوجنا الا لوجهه

نفس الشيء حصل معي ربما قد يكون بسبب الكافيين الي فيه

معلومه غريبه

لاحظتها كثير

حتى لو ما اكون مصدعة

لدرجة يوم ما يكون لي خلق اخرج من البيت و مجبرة اخرج ابلع حبتين منه و ترتفع معنوياتي شوي و يخف الخوف و القلق و الاكتئاب و يعطيني شوي ثقة بنفسي

يا ترى وش مكوناته اللي تسوي كذا في ادمغتنا و نفسيتنا ؟


مع اني شريت عشبة لسان الثور و المليسا من اجود عطار في مدينتنا و شربت منقوعها و ما سوت معي كذا

هل في خطورة على الصحة لو تناولت مثلا حبتين تقريبا ثلاث مرات اسبوعيا مدى الحياة

يعني بمعدل ست حبات اسبوعيا

لاني بصراحة من سنوات احس اني ما استغني عنه على طول بشنطة يدي و ما يفارق ادراجي كذلك

البندول الأحمر / Extra
إستعمالاته:
ألم الأسنان, ألم الأذن, ألم العضلات, ألم الدورة الشهرية عند النساء
يستعمل ايضا لتخفيف درجه الحرارة و لا ينصح استعماله في حالات الصداع الناتج عن الإرهاق, لأن مادة الكافيين الموجوده تزيد من تنبيه المخ مما يزيد الصداع يتكون من: 500 ملجم باراسيتامول و 65 ملجم كافيين.

يمكن الكافيين لان القهوة العربية ترفع معنوياتي ، القهوة العربية فقط المبهرة بالهيل

انا بصراحة خفت انه من مشتقات الترامادول اللي طاحن فيه بعض النساء في البلدان العربية حتى يعينهن على شغل البيت نسأل الله السلامة

و خفت يسبب إدمان لا قدر الله

لان آخره لفظة ادول
بنادول
ترامادول

و فعلا البنادول يعطي شوية نشاط لاني كنت اخذه قبل التمارين الرياضية

صحيح من الكافيين لانه يحسّن المزاج
لكن لا تكثر منها علشان تضر الكبد والكلى

ملاحظه موفقه حتى انا لما اخذ بنادول نفسيتي جدا تتحسن و مفعوله تحس فيه

انصحك ماتكثرين مسكنات ومهدئات لان المسكن او حتى الادول والبنادول مع كثرة استخدامه يتعود الجسم عليه ف يصير وقت الالم الحقيقي ماتستفيدي منه وتحتاجي شي اقوى منه ان كان تقدري تصبري او تقللي ان ماتقدري لحبه ثم نصف حبة وممكن تكون تكثري منبهات شاي قهوة وكوفي ..