نفساني - اختبار عملي !! ( اتمنى المشاركة من الجميع ) .. دعوة للمكتئبين للنقاش .. ؟؟

ابني نفسك ..
جيب ورقة الحين ، و قلم !!
أكتب نفس اللي تحت ...

الإسم :
العمر :
تاريخ الميلاد :
العمل :
البلد :
اللقب :
الكنية :
الحالة الإجتماعية :
اللون المفضل :
الحيوان المفضل :
الهواية :

لا تضحك ، و لا تتجاهل الكلام ، لإنك محتاج تتعرف على نفسك بصورة اوضح
اكتب و ما راح تخسر شيء ، بالعكس راح تحس بفرحة طفولية ( انا جربت هالشيي بنفسي لا تكتبوووووووون ع الكيبورد الكتابة ع الورق ويفضل واذا خلصتم ردو ع الموضوع كمشاركة &_*

اطو الصفحة ، و اكتب بخط كبير ( أهدافي )

تبي صديق ؟
تكون سعيد ؟
تتقرب إلى الله أكثر ؟
يكون لك نشاطات خارجية هادفة ؟
تبي تتزوج ؟؟
تبي وظيفة ؟؟

اكتب ايش تتمنى ؟ ايش هدفك في الحياة ؟
و إن ما كان لك هدف ، لازم تختار ، لا تترك القلم إلا و إنت كاتبه
الإنسان بلا هدف في حياته ، إنسان راح يعيش ، و يكبر مع الزمن و يموت و تنتهي القصة
عشان كذا لازم تحدد لك هدف تعيش لأجله بعد الهدف الأسمى و هو طاعة الله (=

خلصت ؟ اطو الصفحة ..
و جيب ورقة تانية ..

اكتب فيها أول هدف لك ..
ايش الطرق المؤدية له ؟ كيف راح أوصله ؟
اكتب حتى لو إنك تعتبر الطرق مستحيلة ، اكتب و بس ..
و بلا كسل تقولي يدي تعورني

الحين خلصت من كل أهدافك ؟ صح ؟
لو قلت لا ، اضرب نفسك كهدية مني لك

إذا ما حاولت تغير نفسك ، ايش اللي بيصير ؟
و لا شيء !
نفس المعاناة ، نفس الحزن ، نفس الألم

لكن إذا حاولت تغير ، ممكن تنجح و ممكن تفشل
و إن شاء الله تنجح

إن نجحت راح تنتهي معاناتك ، لإنك غيرت نفسك من الداخل و من ثم تقدر تغير حياتك الخارجية
و إن فشلت - و إن شاء الله ما يصير - يكفيك شرف المحاولة، و إنك راح ترحل بعدما تكون بذلت جهدك و لا إنك استسلمت و انهيت حياتك قبل ما تنتهي

الإنسان إن استسلم لهمومه راح يموت بها ، و إن قاومها راح يرحل بعز و شرف إنه ما استسلم لها ، و أكيد راح تلقى الجزاء عند الله لإنك حاولت ، حاولت بصدق

إي و قبل لا انسى ، جيب ورقة ثالثة ، آسفين خلصنا الورق اللي عندك ^.^
و اكتب بها ( فلسفتي )

و بعدين اكتب شعارك في الحياة ، فلسفتك السعيدة و ليست الحزينة
كلمات مشجعة كل ما تقرآآها تحس بالسعادة و التفاؤل و الأمل

و خلاص ، ما راح اطلب منك ورقة رابعة (=

و عن الأفكار السلبية يبي لنا ننظف انفسنا منها
كيف ؟ تشجع نفسك بأفكار إيجابية مضادة لها

ما اعتقد إنه شيء صعب
صحيح إنه ممل شوي
بس لازم نصبر ونكون اكثر قوة

و في الأخير تلوم نفسك و تقول لأني و لأني و ليه صار كذا ليه انا بالذات ؟!
كلها أحاسيس مؤلمة
لو استسلمنا لها حياتنا راح تكون جحيم في جحيم
يصيبنا الإكتئاب ، نفقد الرغبة في الحياة
الملل ، السأم من كل شيء
و غير ذلك فقد يؤدي إلى امراض عضوية كقرحة المعدة أو غير ذلك

و إذا فكرنا جيدًا ، فسنجد أن كل هذا بسبب ( إستسلامنا ) .. !