فضفضه
 

السلام عليكم و رحمة الله و بركاته

أخباركم مع الوسواس و الهلع؟
حابه افضفض .. انا صار لي تقريباً سنتين وانا اعاني من الهلع
مرت عليّ كل الاعراض الي تتخيلونها و الاحاسيس و الخوف

للاسف الهلع منعني من الدراسه ف انا من سنتين ما ادرس ولا اعمل بس في البيت و طبعاً جدولي اليومي ابداً مش اوكي
اسهر و انام الصبح اقعد متأخر يعني صدق كئآبه ..

لكن من فتره و انا فيني اشياء يديده ..
اول شي الخمول الي فيني مب طبيعي يعني ساعات اكون نايمه لين العصر و اول ما اقعد احس نفسي تعبانه ولازم انام

و النوم بالنسبه لي رعب .. مادري ليش قمت اخاف من النوم
يعني يكون فيني نوم و ارهاق بس اخاف انام ..

غير الاعراض الغريبه الي كل يوم على شكل مختلف ..
و الضيق الي فيني احس ساعات ودي اروح مكان بعيد مافيه محد
مالي خلق اي حد .. كله متضايقه و ابا اصيح

طبعاً العام كانت هاي حالتي .. كنت اعاني من الهلع وبس
ما بقول كنت بخير بس كنت افضل عن الحين
لان الحين اعاني من وسواس ثاني .. مليون وسواس وقت واحد
ماعرف شو اسوي

اهلا اختي .. ما اعرف شو وسواسك بالضبط !
انا مثلا اعاني من وسواس الموت
زصدقيني الاعراض متشابهة لكل الموسوسين ..
صدقيني لما الواحد يصدق هالوسواس ويسترسل معاه بتصير حالته معقدة اكثر
ولو ما اخدنا القرار انا بنتعالج وبنحارب رح يزيد ويشعرنا بأحاسيس مش معروفة وغير مفسرة

انت استسلمت ل الوسواس وقعدت بالبيت ولا اشتغلت ولا شي وهذا اكببببر خطأ..انت بكذا تعلنين استسلامك الكامل له

مرحبا أختي السويدي

الله يفرجها عليك وعلينا يارب والله مثلك أستخدم الدواء والحمد لله ماشي الحال طيب اختي مافكرتي تستخدمي الدواء والله نوبات الهلع علاجها بسيط لاتبقي حبيسة لهذي الأفكار ويضيع عمرك بالعكس واجهي مخاوفك وتداوي وإدرسي أو إشتغلي والله أنا من أترك الدواء انخبص وتجيني أفكار سلبية من كل مكان وفي كل الأوقات والحمد لله الدواء نعمة يخفف علي ما انا فيه فكري ياختي وشوفي الأنسب لك بعد الإستخارة الله يحفظك وترا نفس شعورك كل فترة شئ جديد 🆕 😕
الله المستعان ضروري أسمع رأيك بموضوع الدواء الله يسعدك

اهلا

من امس ابغى ارد بس الموقع كان معلق
انا نفس حالتك
كان الغالب نوبة هلع بس من تركت دوامي وجلست في البيت زادت الوساوس
الادويه ما ناسبتني وتركتها
مركزه على التجاهل و الاختلاط بالناس
اذا تقدرين تراجعين طبيب روحي افضل لك

أنا اعاني من كل الوساويس والله
يعني مروا عليه أنواع كثيره لو اكتب لج من اليوم لين باجر ما بخلص

و صح كلامج المفروض ما نسترسل .. والله يا اختي احياناً اقدر اني اقطع الاسترسال و اطنش
لكن احياناً تحسين نفسج ضعيفه ماترومين تسوين شي غير انج تستسلمين لهالأفكار

أهلين حبيبتي شكراً على ردج
صح والله المفروض ما نترك العمل او الدراسه لان الهلع يزيد مع يلسة البيت لكن شو اقول الله كريم

تسلم أخوي على الرد ..
الله يسمع منك ..
لا والله ماغكرت استخد اي دواء .. اخاف من الادويه هههه يعني انا اذا مرضت و عطوني ادويه اوسوس و ما اخذها عدل
ف خايفه من الادويه النفسيه ..
انا كنت اعاني من هالشي قبل سنوات و الحمدلله خفيت فجاءه لاني شغلت نفسي عدل
ف الحل بسيط .. الله يعينا

الله يسلمك وييسر أمرك ويفرجها عليك والله أنصحك لايضيع عمرك كذا توكلي على الله وأستخيري وشوفي الخيرة في إيش ترا هالمعاناة والتقلب والله احسها تزيد التعب والهم زيادة فكري وناخوك وش الأنسب لصحتك وترا الأدوية مو شرط خلاص اللي يتناولها يدمن عليها لا أنا أكثر من 3 مرات استخدمها واوقفها واستخدمها والحمد لله خفيت إلا الوسواس اللي يكفيني شره وهو اللي ببدا له بنظام علاجي جديد ويارب الشفاء لكم ولنا آمين يارب العالمين 🌹

لوسترال 50ml قبل النوم مع الحفاظ على الجرعة في نفس وقتها يومياً ، ستزول اعراضك خلال ثلاثة ايام .

طبعا راجعي الطبيب ، ولكن اتوقع الوصفة اعلاه .