حرارة البطن !!!
 

السلام عليكم ورحمة الله
أخواني وأخواتي أنا لي شهرين نفسيتي زفت وساوس أمراض وماشاء الله الوساوس تتنوع من عقيده الى احلام وكل شيء الحمد لله على كل حال :(
والحين أحس بشيء غريب هو حرارة البطن !! أحس بحرارة في بطني تجي وتروح ثم بعدها خوف وأحيانا أحس أن يالله يالله أبلع ريقي وش الحل الله يفرج همكم :( وقد جتني نوبة هلع وأنا في السوق والحين صرت أخاف الخروج من المنزل أخاف يتكرر الي صار معي + عندي خوف شديد من المستشفيات اذا قرب موعد المراجعة يجيني قلق شددديد وتوتر ويدي تصير بااردة وتعرق وحراره البطن شغاله الين أطلع من المستشفى
كيف أسيطر على نفسي تعبت والله حتى لو مراجعة عاديه
لازم تصير هذي السالفة ساعدوني تكفون وقولوا لي تجاربكم الله يسعدكم ويفرج همي وهمكم أنه على مايشاء قدير ❤

اللي معاك هلع
واجهي اللي تخافي منه وبقوه
وبالعكس اخرجي
لاتخافي اللي معاك اشياء طبيعية الاغلب مر فيها وعرف كيف يسيطر على الوضع

الله يسعدك مزون .. بس يبقى فيني خوف حتى لو طلعت
وكأني أنتظر شيء بيصير بسم الله :( يامعين أعني

ويسعدك
كله ذا من القلق ونفس الشيء صار معانا
ترقب وتفكير ايش بيصير
انتي اعرفي حالتك بس
بعدها تعلمي كيف تسيطيرين على القلق والخوف

جدا طبيعي ماني شايف شيء ، يعني له مشاكل معينه لكنها حرارة البطن ناتجه عن القلق والتوتر .. وطبيعيه مافيها منها خوف المهم الان عالجي الشيء الاساسي الي هو القلق ونوبات الهلع ،
الباقي أمور عرضية وثانويه ..تنتهي بأنتهاء المشكله الاكبر والاسياسيه ..القلق والهلع وهاذي بسيطه ..عودي نفسك عليهم وتعايشي مع النوبات والخوف ووااجهي أيضا وتنتهي بتقادم الوقت ..

اعملي تحليل لجرثومة المعدة يمكن هي سبب كل هالمعاناه
اذا ما واجهتي مخاوفك ما راح تتركك
لازم تكوني الاقوى عشان تتخلصي منها
راح تشوفي متى واجهتيها حتلقي انها امور تافهه و سهل القضاء عليها و كانت مسببه لك كل هالتعب
سلامتك الله يآمن قلبك و يشرح صدرك و يعجل لك بالفرح.

السلام عليكم

الاحساس بارتفاع حرارة البطن تدل في الأغلب
الإصابة بجراثيم في الجهاز الهضمي وتصاحبها بعض الآلام
عليك استشارة طبيب ...أما عن الوساوس هي افكار تسيطر عليك
تجنب تكرارها بالتدرب على سلوكات جديدة فمثلا عند اقتراب موعد المراجعة الطبية
عليك التحضير للموعد وكأنه بداية افضل وتحسن وتغيير نحو الأفضل

بالتوفيق دائما

الله يسعدك ويفرج همك على هالرد .. طيب أنا أحس بنبضه
غريبه في قلبي :( عادي ؟؟ أخاف منها صراحة

الله يسعدك يارب ويشرح صدورنا جميعا ❤

باذن الله بطبق نصيحتك .. الله يعطيك العافيه
ويبعد عنا هالوساوس ياكريم

الله يشفينا دي أعراض القلق المعروفه