يعد الضرب بالمندل عملت فحص الجرثومة
 

بعد مراجعتي لأطباء كثير قرر احد الأطباء عمل فحص جرثومة المعدة او الجرثومة الحلزونية. وبعد الفحص طلع عندي جرثومه.

قام الطبيب بوصف العلاج الثلاثي لي، وبدأت به من الْيَوْمَ. المشكلة هي ان ذهبت الى الحاج جوجول وبحثت عن الجرثومة وطلعلي انها ممكن تسبب سرطان بالمعدة بعيد الشر يا رب عني وعنكم.

الوسواس يلعب في راسي يلعب.

مين اتشافى من الجرثومة وكيف كانت التجربة

امي صابتها قرحه في المعده و جرثومه
و الحمد لله تشافت منها

انا اصابتني جرثومه بالامعاء و الحمدلله تخلصت منها بعد معاناة وتعب و طبعا كنت كل يوم اقرا بجوجل و راح اعطيكم التفاصيل للعلاج
طبعا العلاج نفسه الثلاثي للجرثومتين معده و امعاء
اولا غريبه انه محد فحصكم فالبدايه لان اول شي يسونه عندنا الدكاتره فحص الجرثومه انا سنتين من دكتور لدكتور و اسوي هالفحص مايبين لانه اللي عندي بالامعاء و بالدم بينت معاي

عموما العلاج جدا صعب بعني راح تمر عليكم وقت ممكن تقطعون ثيابكم قوي جدا و الوسواس يزيد الف بس عادي من الدوا لان المضادات جدا قويه انا بصراحه ثالث يوم رحت للدكتور ركض قلتله ماقدر في شي مب طبيعي قلبي يدق و دايخه و اعصابي مناهيه خاف الدكتور من شكلي سوالي فحص دم يتأكد ماصارلي تكسر بالدم من الدوا و بعد ساعتين طلعت النتيجه الحمدلله كل شي تمام طمني قالي هذا الدوا يسوي جي متعب نفسيا و جسديا يهلك الجسم قلتله ماقدر اخذه مرتين فاليوم قوي علي قالي خذيه مره بس زيدي مدة العلاج الضعف قلتله مب مشكله بس مرتين ماقدر اخذه الصبح و خلاص
طبعا الحبه الاولى حبة المعده مثبط بروتين المعده عشان يقلل الحمض و مضادين قويين واحد منهم حبة خضرا اظن اسمه اموكسيلين شي جي هذا مضاد الفطريات قوي لازم ينشرب بعده ماي كميه قالي الدكتور يسوي تقرحات بالمريء لازم كمية ماي وممنوع تنامين بعد ماتاخذينه بساعتين عشان ينزل من المريء

الدوا يسبب دوخه و اعصاب و نفسية صعبه و الحمدلله و الشكر عدت طبعا النفسيه هدت شوي بعد الدوا بس الوسواس نفسه موجود من قبل الدوا بس مع الدوا يزيد
بعد الدوا المغص مايختفي يتم يمكن اسبوعين زياده انا للحين بطني يعورني مرات بس لازم الواحد يفحص بعد العلاج يتاكد لكن مكان الدكتور بعيد و اتعايزت بصراحه ارجع بس لازم

و دوا المعده انا مازلت مستمره عليه لازم شهر تقريبا بعد المضاد او شهرين حسب الدكتور بس عشان يعالج المعده من التقرحات و من اثار المضاد

الجرثومه تسبب سرطان اذا ماتعالجت و سوت قروح عديده فالمعده عشان جي الافضل تاخذ العلاج و ان شاءالله ماعليكم شر
حبيت اشرح الوضع كامل لان يوم كنت اخذ علاج كنت ادور يمين ويسار عشان حد يطمني و انا موجوده لاي استفسار لاني ماخليت حد ماسالته و كل اللي سالتهم مرو بنفس اللي مريت فيه

ولازم بعد العلاج يتعدل النظام الغذائي عشان ماترجع

حياك الله اخوي
ارجوك وقف بحث في قوقل ارجوك
استمر على علاجك اسبوعين وبعدها حلل
اذا كانت موجوده باذن الله اسبوعين ثانيه وتتشافى

صارلي 4 ايّام على الدواء الثلاثي، نفس الي قلتيه صار معي بس أتحمله علشان اخلص من وجع المعدة الي لازمني سنتين.

بصراحة كل الدكاتره الي راجعتهم ما احد قالي اعمل فحص جرثومة، الحمدلله عملتها وان شاء الله تتعالج ولا ارجع أشوفها أبدا وارتاح من كل هالوجع

اشكرك جدا على المشاركة، طمنتيني كثير

جوجل سبب كل وسواس

الحمدلله رب العالمين، ان شاء الله ما تشوف شر أبدا، متعبني الدواء الثلاثي ومسببلي وسواس

الله يشافينا ويعافينا يا رب

السلام عليكم انا اصابتني جرثومة المعدة و الان مستمرة باخذ الدواء الثلاثي بس عندي سوال الغثيان المستمر تعانون منه وكذلك ضيق التنفس و اوجاع بالمعدة؟ خايفة منها كذلك نفسيتي احسها تعبانة واعصابي مشدودة طمنوني......

وعليكم السلام الم المعدة و الغثيان هيه عادي حتى بعد الدوا باسبوعين يستمر و ضيق تنفس ماجاني بصراحه بس ممكن تكلمين الدكتور افضل

انا كملت نوعين من الأدوية الى الان في العلاج الثلاثي، والآن أوخذ نيكسيوم 40 كل يوم حبة الصبح.

بالنسبة للغثيان والدوخة ووجع المعدة خلال فترة الدواء اجتني باستمرار حتى أني ما قدرت اروح الدوام وقَعَدت في البيت، ضيق النفس شعرت فيه كمان بس تحملته لعل الله يكتبلي الشفاء من هذا الوسواس نهائيا

السلام عليكم ورحمة الله وبركاته


كيف حالكم جميعا ممكن اعرف اعراض جرثومة المعده لانه انا معدتي توجعني وخاصه لما اتوتر تنشد عندي وتنتفخ يصير بطني شوي منفوخ وقاسي غير الغازات

وعليكم السلام
جرثومه المعده فيها الم حتى يمنعج من الاكل ومغص
بس اذا معدتج تعورج وخصوصا وقت التوتر انا اذكر مره قالي دكتور انه يوم يتوتر الشخص المعده تصير تفرز حامض يسبب الم وحرقه و ينفخ و يمكن القولون بس افضل شي تسوين فحص الجرثومه اللي بالنفخ عشان ترتاحين لان ترا بعد الجرثومه تزيد نسبه الوسواس فالشخص

ممكن تعملي فحص الجرثومة الحلزونية في المختبر وتعرفي اذا عندك الجرثومة او لأ، لكن لا تشخص الا بعد الفحص المخبري

تسلموو جميعا