ساعدوني تكفون الله يجزاكم الجنة انا في ورطة
 

ذهبت الى عيادة نفسية وتم تشخيص حالتي وسواس قهري
واعراضه تظهر على شكلي من تعرق واحمرار الوجه
يعني اجلس اسولف مع احد افكر انو يحسبني احسدوه
واركز في نظرات الناس لي وافكر ان وجهي راح يكون احمر واعرق
صرف لي الدكتور لوسترال 50 وانا الان في الاسبوع الثاني من العلاج
بديت ب نص حبه الى حبتين 100 ملغ حتى الان
عندي مناسبة الاسبوع القادم وضروري احضرها
تكفون ساعدوني ما الحل وهل فيه علاج سريع ووقتي !!!؟؟

اسأل الله انا يعافيك ويشافيك يارب .. موضوعك بسيط جدا ان شاء الله .. اما بالنسبة للأدوية يمكن الأخوه يفيدونك .. ولكن بالنسبة لوسواسك ليس بالأمر العظيم .. عندما تأتيك الخاطرة أنك ستحسدين فلان أمامك ابتسمي وقولي " اللهم بارك " " اللهم بارك " وانتهى

الله يجزاك خير حجر الصوان
وننتظر الاخوان الكرام

الله يشفيك يارب ويرفع عنك اخوي
تطمن موضوعك بسيط جداً إن شاء الله
الدواء تدرجت فيه مع الطبيب ولا رفعت الجرعة من عندك؟
ثانياً عندك رهبة وخوف اعتقد الدواء المفيد جداً في المناسبات هو الإندرال مرررة ممتاز ومفيد بس إستشر طبيبك قبل أن تستخدمه.
قدامك العافيه يارب 🌹

اي من الطبيب التدرج في الجرعه

نعم اخوي فيه علاج وقتي رح للعيادة اللي صرفت لك الدواء وخله يصرف دواء مهدي عند اللزوم مثل زناكس فاليوم لوكستانيل
وترجع وحش باذن الله
خذها من مجرب ونا اخوك

جعلك تسلم يالغالي ويكتب اجرك
بس عندي استفسار متى اكلها لن عزيمة عشاء في الليل

اللوسترال مفعوله مايظهر الا بعد ثلاثه شهور ارجع للدكتور واقترح عليه يغير لك اللوسترال ويصرف لك سيروكسات مافيه علاج فوري وسريع الا المهدئات ريفوتريل وزانكس الخ..

رحت له اليوم صرف لي ريسبردال
ايش رايك فيه ؟؟

اخوي الغالي صرف ليريسبردال وش رايك فيه ؟؟

ممتاز جداً الحمد لله
اسأل الله لك الشفاء العاجل آمين
أنصحك بإستشارة الطبيب وسؤاله عن دواء إندرال ممتاز جداً للمواقف اللي فيها رهبة وبسيط تأخذه قبل الموعد بربع ساعة وبإذن الله تعالى تدعي لي بس أهم شيء بإستشارة الطبيب الف سلامة يارب 🤲🏻 🌹

الرزبريدال التجارب اللي شفتها ، يا اما يسبب قلق من البدايه او يسبب هدوء من البدايه فانت وحظك ، والافضل ان تجربه من بدري عشان تفهم مفعوله قبل تاخذه في وقت المناسبه
كان من المفترض يصرف لك احد ادوية البنزوديازبين للضروره
والاندرال ايضا ربما يساعد لكن طبعا يختلف تاثيره عن ادوية البنزوديازبين

كيف من البداية قصدك من اول ما اكله ؟

ايه من اول ما تاكله

بس مفعولها يا عزيزي يبدا من ثاني او ثالث حبه