مالي بعد الله الا انتو الله يووفق ويرزق كل من يرد علي
 

انا مشكلتي وسواس الامراض

كل شوي افكر بمرض وكل شوي بمكان و24 ساعة اتحسس جسمي واشوف اي تغيرات حتى صرت اخاف اشوف جسمي واتجاهل اني واذا شفت ارجع افحص نفسي واتحسس جسمي من اول وجديد هالشي تعبني جدا
ماخليت مكان مافحصته وكله اقعد اصيح لاني تعبت الوسواس يخليني عايشة بضيقة وحزن وكئابه مليييت ابي ارجع اعيش طبيعيه مثل اول😢💔لاني تعبت ولله
كل الافكار اللي براسي افكار امراض والله اني تعبت تكفون ساعدوني شسوي بحالتي عطوني ابي اتجاهل كل شي احس فيه بس مااقدر شي يقولي اذا ماسويتي الشي هذا ماراح ترتاحين ماراح وراح يصير لج شي
وساعات تخيلو اني اقعد ساعه كاملة اتفحص نفسسي واشوف تغيييرات واختلافات وذا شفت شي استخف واربطه بشي خطييير ياجماعة والله ان الوسواس شي متعب ويتعب حتى ماارضاه على عدوي

وفي شي ثاني يخليني اسوي اشياء لا اراديه يعني مثلا لساني اقعد اقلببه يمين يسار اقوى ماعندي حركات لا اراديه عشان اشوف يصير لي شي ولالا وماودي بالشي هذا بس احس كانه غصب عني اسويه لاشعوريا ووجهي مثلا رمش لاارادي حركات لا ارادية بلساني ومرات بالكحه اكح لا ارادي والله نفسيتي حييل تعبت احس الشيطان يبي يضرررني كل مااقول خلاص ماراح اوسوس بشي هذا ويطلعلي شي ثاني 💔 واذا خلصت من الثاني جاني بالثالث وذا خلصت من الوسواس الثالث جاني بالاول وتيتي تيتي زي مارحتي جيتي وهذي حالتي ساعدني وادعولي تكفون

هذي كلها من اضطراب القلق

الوساوس القهريه ك حركة اللسان ، و الخوف من الامراض واسمه هايبوكندريا ، كل هذا يندرج تحت اضطراب القلق

عاده، اذا كان الامر جدا معيق للحياه فيجب عندها اخذ الدواء المناسب

اعاني من القلق بنفسي ايضا والامراض وما شابه خصوصا بما يتعلق بالقلب ، وايضا عندي وسواس قهري بموضوع التنفس واخذ دواء واحاول التعايش والعمل في وظيفتي قدر ما استطيع

هذا امر ليش غريبا ، اقصد اعراضك التي تعاني منها لذا ، لست لوحدك

نفس وسواسي بالضبططط واهدا يومين ثلاث وارجع وامسك غدد وايش هذا وهنا ليش كبير وهذا صغير ودا فين وعندي يد تتحسس كل شي ويد ماش ههههههه والله حفلة الله يعين بس ويمتعنا بالصحة والعافية اتوقع الحل التجاهل يارب قدرنا

انتي تعرضتي لصدمة نفسية تسببت في تشوه وضمور عضو اللوزة في الدماغ بعدها حصل خلل في تواصل الخلايا العصبيه في الدماغ وبدت تتولد عندك الوساوس والافكار السلبية ألموضوع يبغى له صبر حتى يترمم العضو الي انضرب في الدماغ ويرجع لطبيعته لكن انا انصحك بعلاج بروزاك تبدي بجرعة ٢٠ مل لمدة أسبوع وبعدين ترفعي الجرعه الي ٤٠ مل وتمشي عليها ستة شهور وبعدها تقيمي نفسك اذا حسيتي بالتعافي والتحسن خفضي الجرعه الي ٢٠ مل لمدة أسبوعين وبعدين توقفي عن العلاج

اي والله مثلج بالضبط مع اعراض جسدية 😭💔 والله شي متعببب الوسواس حتى على عدوي ماارضاه لان شي شي متعب اعوذ بالله هالوسواس نقص علي عيشتي ماصرت مثل قبل كل همي هالمرض واعراضه والاحاسيس اللي احسها الشيطان لعب بحسبتي لعببب وكل شوي افحص يمين وافحص يسار هذا كبير هذا صغير ليش هذا فيه غدد ليش هذا مافيه غدد يعني اكيد وووووو كلااااام واعراض وااااجددد

يارب يشفينا ويطلعنا من هالحاله ابي ارجع لحياتي الطبيعيه

اشتقت حق حياتي قبل 😭💔

المشكله اهلي مايأمنون بشي اسمه شي نفسي ولا صدمةرنفسيهً مره الدكتوره قالت البنت اللي فيها نفسي خلوها ترتاح خواتي قعدو يضحكون علي يقولون ترتاح ؟؟ على اساس مو مرتاحة الحين كله قاعده ومنسدحة ولاتشتغل ولا تسوي شي !!!! وانا ماارد عليهم لان ماراح اخلص من النقاش مايأمنون بالشي هذا شلون الله يعين ويصبرني

والله صادقة انا اوسوس بنفسي وولدي ولو زوجي قال شي يعورني او اي احد في اهلي اوسوس ابدددا مااحس اني طبيعيه استغفر الله ورافق الوسوسة اكتئاب لا اهتم بنفسي ولا ببيتي خليها على الله بس انتي عارفة ودي اتقرب من ربي احس علاجنا بيد ربي يغير من حال لحال ويارب يغير احوالنا لأحسن حال

نفسك بالضبط عانيت منها هذا اضطراب القلق العام والوساوس
ضروري تاخذين دواء وافضل دواء للوسواس فافرين روحي الطبيب واطرحي عليه فكرة الفافرين

شلون تخلصت منها 😢😢 وهل الدواء يفيد طول ما الافكار موجود بالراس

ما تخلصت منها للحين بس متعايش واحاول اتجاهل واغير طريقة تفكيري مع اخذ الدواء طبعاً ضروري تروحي الطبيب لا تقعدين كذا تعانين والعلاج موجود توكلي ع الله وشوفيلك طبيب مناسب