يارب كن في عوني :(
 

السلام عليكم

امس كنت قاعده اتابع السناب و فجاءه حسيت كأني في حلم
انا اعرف هالشعور واعرف ان مب اول مره واصلاً تقريباً يصير معاي بين فتره وفترة
وخاصة فترة المغرب لكن يختفي بعد دقايق
لكن امس طول معاي طول اليوم
احس اني في حلم
اكتب اسولف آكل اضحك بس كأني مب موجوده كان عقلي فارغ
فجاءه يزيد الشعور لدرجه عشان اتاكد من روحي اقرص رقبتي مثلاً
و فجاءه يختفي .. يروح ويرجع يروح ويرجع
لين نمت

خلص اليوم و قمت من النوم وكل شيء اختفى
وقلت الحمدلله كان يوم ثقيل لكنه مر

واليوم بعد فجاءه بدون حتى افكر في شيء صار لي مره ثانيه
اخاف اتعود على هذا الاحساس وانا مابا
لان اللي مر بهالشعور يعرف كيف هو شعور حقير و يخوف
ان الانسان يحس للحظه انه بيفقد عقله
لدرجه انك تتمنى ان حد يذبحك ولا ان تحس بهالشعور الثقيل

ليش قاعد يصير معاي ؟
هل التفكير الزايد او القلق يسوي هالاشياء؟

انا من شهور الوسواس زايد علي بدرجه فضيعه والله
حتى كتبت موضوع فس قسم الوسواس
اني اسوي طقوس معينه تاخذ يومي كله
يعني كل يومي يمر وانا اسوي طقوس غريبه ما تطري على بال حد
هل لاني تعبانه من هالموضوع يصير معاي هالشيء؟

الله يعافيكم ويكتب لكم الخير ، لعله يكون قلق لانه بعض الاحيان القلق تشعر كأنك بحلم لفتره وجيزه ويرد لك وعيك وعقلك ، لكن الان تحتاج مختص متمكن يحدد لك الخلل بالضبط ايش هو وان شاءالله مأجور ومثاب على كل ماتشعر به

حياك الله
اختلال الآنيه وعن تجربه تخلصت منه بكل سهوله فقط عليك التنفيذ
عاملي هذا الشعور وكأنه غير موجود نهائي حتى لو زاد او خفيف
لازم لازم تعاملينه وكأنه لا شي كأنك انسانه طييعيه
النقطه الثانيه بعطيك نصيحه لأي فكره وسواسيه
اذا استسلمتي للفكره بيكبر الوسواس اكثر واكثر
اذا طنشتي وعاندتي الفكره اوعدك باذن الله خلال ايام راح تلاحظين
فرق كبير
كل اللي عليك تاخذين قرار قوي بالتنفيذ بدون تراجع
قدامك العافيه

شكراً أخوي على ردك
بحاول مع انه صعب خصوصاً انك تتجاهل شعور مخيف
بس لازم احاول

اللهم آمين ، شكراً

لاتقولين صعب لان مشكلة هالتعب انه لازم محاربه لازم
جربي الطريقه ووقفي الافكار الوسواسيه لاتسترسلين معها ابد

ان شاء الله
شكراً اخوي

يوووه اختلال الآنيه مسكني سنواااات
وكنت اخاف منه مرره لأني ما احس بنفسي
مرت علي مناسبات وطلعات وجمعات ودراسه و وظيفه وانا بهذا الشعور
وكنت اخاف منه مره لدرجة بسببه كانت تجيني نوبات هلع قويه جدا اتشنج منها
هو أصلا عرض من اعراض القلق ولما يجيني كنت اتوتر زياده
اقسم بالله حاليا اقول ليتني ما كنت اخاف
ليتني ما اتبعت خوفي و استسلمت له
انقهرت مره على نفسي اني كنت اخاف من هذا الشعور الوهمي
فوت على نفسي اشياء كثيرر بسببه
الحين صح مرات يجيني بس اردد على نفسي كفايه خووف انا اعرف هذا الشعور تماما
ما يخوف و لا يسوي شي ولا يأذي
واحاول اشتت الفكره وانشغل بأي شي

اسأل الله لك الصحة والعافية

إنتظار نفس الشعور يولد عندك طقوس الوسوس التي يتغدى من هذا الإنتظار وهذا الأحساس ويصبح لديك ضيف يومي يأتي لزيارتك

دائما اعملي افكار مضاده عندما تشعري بأي وسوس أو أعراض جسدية

قبل كان يصير معاي بس بين فتره وفتره وبالعكس ماكنت اخاف وايد
لكن من يومين احس فجاءه ييني ويخوفني
عادي طول اليوم انا بخير بس المغرب فجاءه احس باشياء غريبة
احاول ما اخاف واقول عادي بيروح بس وقتها الشعور يكون قوي

انا احس اني في ضغط هالايام
يعني الوسواس مسيطر علي من كل صوب
ف ماادري هل لان القلق زايد قمت احس نفسي بحلم ؟

اختي هل تتناولين ادويه هل رقيتي نفسك الرقية الشرعيه عند شيخ وماهي الاعراض اثناء الرقيه وهل تكرهين العبادات ؟

هذي اسمها اختلال الاينيه لا اوصيك بالرياضه
راح تخفيها عنك تماماً

راجعي الطبيب اختي ..وكثري الاستغفار والحوقله ونانسي الرياضهوعلى طول لأنها تطرد الطاقات السلبيه من الجسم