نفساني - ارجوكم ساعدونى

انا زوجي يعلق على كل شئ فيني ومايسيب حاجه الا ويحش فيها
امس قعدنا نتكلم على التلفزيون قمت قلت له اش رايك لو تشيل الشوتايم مرة وحدة
قال والله من جد بتقدري انت قلت ايو بس حط المجد بداله قام قال والله انك مارح تقدري انت حقت موفي
واختك المتزوجه عندها تلفزيون قلت لا قال يعني زوجها مطوع قلت يعني مو مرة
قام قالي انت اصلا اللي علمتيني الأفلام انا ماكنت اعرف (وللعلم قبل ما اتزوجه كان في امريكا
وحكاني عن السينما وكيف حلوة )(وحتى عنده سيدي حق play boy بس ماحبيت ابين له اني اعرف عنه)وحط كل شئ فوق راسي
بعدين قال يعني تسوي نفسك مطوعه قلت لا لكن انا ماصرت اهتم بلأفلام زي اول
قال او انك غيرانه من خواتك انهم ملتزمات قلتله ولا وحده فيهم ملتزمه
قال اصلا انتو عيله مدري كيف واتأفف بقوه وخرج ونام في الصاله
حيرني هذا الرجال يعني انا قاعدة اسوي المستحيل عشان ارضيه حتى ولده من زوجته السابقة بيقعد معانا واعامله كأنه ولدي وكل حاجه هو وولده يبغوه ملباي لهم بدون تأخير مع العلم ان اخوه كمان ساكن معانا وماخذ غرف الضيوف ومقدر اعزم احد..
ودائما يعيب فيا ويقارني بزوجته الأولى( انا دخلت عليها من اول ليله وانت لا)(هيه نزل منها وانت لا_وهذي سوالي فيها حكايه الله لا يوريكم_وطلع من النوع المطاطي)(هيه مدرسه وانت في البيت) (هيه علمي وانت ادبي وفني كمان).....الخ
مدري هوه لازال يحبها ولا ايش الحكايه
والله ماعرف كيف اتعامل مع شخص زي كذا الظاهر عنده عقده نفسيه من صغره
يحب الفشخرة قدام الناسوعلينا الله يعين تكثر الديون لما نطلب حاجه منه عشان كذا انا دحين قاعده ادور على وظيفة والله يعينني عليه
اسفه على التطويل بس ايش اسوي
افتوني في عمري