مقارنه بين حاظر المهلوع وماضيه ..!!
 

السلام عليكم ورحمة الله وبركاته



بسم الله الرحمن الرحيم


شلونكم ...!! شخباركم ...!!

قعدت قبل شوي افكر بشي ... وقلت لازم اسأل حبايبي اعضاء منتداي المفضل عن هالشي ...

الشي

اهو

قولولي الفرق بين حياتكم وروتينكم و نشاطكم وطاقتكم واسلوب حياتكم .....

قبل بداية النوبات ..... وفي اللحظه هذي....

من ناحية (( النشاط الحركي _ الطلعات والزيارات _ الوناسه الضحك السفر ...الخ ..))

ويعطيكم العافيه والصحه ..

موضوع رائع من روعه صاحبه

النشاط الحركي

كنت العب كورة وفنان بعد فيها بعد الهلع اصبح عندي خوف من لعب الكورة ةافكار غريبة يعني راج يوقف قلبي وهاكذا

الطلعات والزيارت

انا انسان اجتماعي واحب الجمعأت والوناسة في بداية اصابتي بنوبات الهلع اصبحت لااخرج واخاف من الاجتماعات واحب اجلس في البيت لكن الان بعد مرور سنة على اصابتي اصبح عندي روتين يعني اخرج مع اصحابي وتجيني نوبات لكن ماعطيها بال وستانس ولاهمني

الوناسة والضحك

الحمد لله قبل الاصابة كنت اضحك لساعات وانبسط لكن الان اصبح عندي تخوف من اضحك الزايد مادري ليه؟

السفر

احلى وا امتع شي في الدنيا السفر احب السفر جدا وزاد حبي بعد الهلع

نفسي اني مسافر على طوول

عوأأفي للجميع

شكرا عبادي .... تقريبا نفس الشي ...

لما اضحك احس ان قلبي يتعب ...

وما اقدر اسافر .... فأنا توني مبلش علاج سلوكي ....الله يقدرني ...

يالله ناطرين ردودكم الحلوة يا احلى اعضاء :)

قبـل النوبآت

اجتماعى

دايم برا البيت

انا من صغرى راعى سهرات مع لاشباب احيان نطلع لاعصر نرجع ثانى يوم الظهر

وياما اكلت تكفيخ من اهلى ع هالسوالف كنت فى الابتدائيه

كنت اطلع اسافر فى بعض مناطق المملكه

انام مرتاح

كنت صاحب طمــــــــوح من صغرى ودى اصير اغنى براسى مشاريع

ولااخاف كنت امتلك شى من الشجاعه

كنت داشر بعض الشي

لدرجة وصلت للحشيش





بعد النوبــات


انقلبت حياتى راسآ على عقب

صلاه

افتكر الاخره

اسبح اذكار صباح ومساء

وربى هذى اكبر نعمه جاتنا من الهلع

لكن السلبيات ماذقت طعم الراحه

لافى نوم ولااكل ولاتفكير طموحى اقلب حسره

ماكملت دراستى بسبت النوبة الهلعيه

صرت انعزل كثير ماطلع من البيت

حتى فى البيت دايم فى غرفتى

ماروح مناسبات ولا طالعات ولاسافريات

انقلب حياتـــى

الله ي شيافينا

الحشيش كنت فى بدايتى فيه امكن لو ماجانى الهلع هذا كان استمريت فيه

بس الحمد لله

على كل حال

الهلع عدل منا شوى

لكن قاسى الله يشافينا

قبل الهلع كنت تلك الفتاه الاجتماعيه المرحه
تحب الناس تحب التجمعات سعيده جدا
لديها طموووح كبير لديها أمل و تفااؤل
و بصراحه ما كنت ملتزمه وايد في الدين
بس كانت شخصيتي مرحه و فرفووشه
و احب السفر و أحب الأعيااد و المناسبات

بعــــــــــــد الهــــــلع
انطوائيه جبانه ما أحب المناسبات ولا التجمعات
ما أحب أطلع ما أحب أتكلم و أختصر في الكلام
عصبيه متوتره ما أحب السفر ما أحب الناس
قلقه خايفه طوول الوقت متردده في اتخاذ القرارات
متناقضه في الافكار ما احب أطلع و اذا طلعت
أكون متوتره ما أقوم بواجباتي على أكمل وجه
يا دوب أقوم بالأساسيات ... :) بس الشي الحلو
اني التزمت دينيا و صرت مواضبه على صلواتي و الأذكار
و ابتعدت عن سماع الأغاني ... هذي الايجابيه اللي خلتني
أشعر بالسعاده :)

قبــــــــــــــل
قبل الهلع كنت صغيره موذاك الكبر 15سنه عمري بس
كنت اسمع اغاني اشوف مسلسللات احضر زواجات فيها
موسيقى عباتي ......يعني تأدي الغرض
.................ماانكر منكر اتابع اخبار الفنانين واعجب فيهم
اغتاب اكذب انام عن الصلاه واذا قمت اجمعها
كنت اجتماعيه احب اطلع واسافر ومااخاف من شي
احب المدرسه كنت احزن ايام الاجازات
كنت فتاه مختلفه ....


بــــــــعد
الحمدلله تركت كل هالمنكرات اللي فوق الا الغيبه شوي
يجرني لساني واحاول قد مااقدر اني ابتعد عنها
صرت انطوائيه اخاف من كل شي دايم بغرفتي مااحب اشوف
الناس مااطلع برا البيت الا نادر عصبيه غيوره نوعاما
متشائمه

سبحان الله ....:) تشابه كبير حيل بالفرق

انا بالنسبة لي قبل :
انسان ضحوك 24 ساعه اضحك .... معروف عني اني احب الاكل والثرثره :)...اسولف مع الناس وايد ...اطلع اتمشى اسافر ((اسووووووق سياره ))
سوي شعري سشوار واكشخ ....اروح المنتزهات والشواطي اتسبح واتمشى ... اروح اتعشى بره يا كثر العشيات بره ...حفظ منيوات المطاعم ...مبتعد عن الدين نهائيا ماكو شي بحاتي اسمه دين .....احب اغني لان في ناس يقولون ان صوتي حلو ....ماكو اذكار ماكو صلاة .... ولو اني كنت كسول بعض الشيء كلشي مالي خلق ....وكنت متفوق بالكليه .. احب الشغل التطوعي ...

بعد النوبات ...:
انسان ماله هدف بيومه الا انتضار النوبه القادمه .....انسان يدقق على اي شي يصير بجسمه ...حسااااس اي كلمه تأثر فيني .... قليل ما اضحك ... متوتر وقلق طول اليوم ... منطوي بالبيت ما اطلع الا وين ووين وطول الطلعه متوتر .. ما قمت اتلذذ بالسعاده والوناسه والضحك .... صرت نفسيه على قولتهم ...ما اقدر اسوق سياره ...الحمدلله اني تخرجت لو مو متخرج جان مادري شلون بداوم محاظراتي
.. نفس الشي على وي شغل ومادري شلون بداوم ...بس راح اداوم عشان يصير عندي معاه واسوي اشياء تعدل نفسيتي...واقدر اروح حق طبيب نفسي وادفعله اللي يبي ...صعوبه بالنوم وارق ...جسمي كله تعبان ما اقدر ابذل اي مجهود الا بسييط ....اخاف من اشياء قبل كنت ما اخاف منها ...بس الحمدلله دينيا صرت احسن من اول اب مليوووووون مره ..عرفت ربي وعرفت ديني وقمت احسبلهم الف حساب ...:) الحمدلله رب العالمين ... وعرفت من اصدقائي الحقيقيين ومن اصدقائي الوهميين اللي بالكلام بس ...

وننتظر باقي الاعضااء :)

هلا والله

لك وحشه

اجل منتزهات وشاطى وتستشور شعرك هههههههههه

ياراقل يادنجوان ههههه

الله يشافينا

هههه

حبيب الحربي على راسي .... مشكور على ردك
والله شنسوي ياخوي كنا ضايعين ..

بس الحمدلله كل شي تغير :)

الله يشافي الجميع .... ويعطينا الصحه والعافيه :)

والله انا عكسكم تماما

انا من صغري كنت ملتزمة واحافظ على صلاتي واخاف حتى اتاخر عليها انا عكس اختي الله يخليها انا كنت ما احب الاغاني بس موسيقى كلاسيك وما اعصي ابوي وامي ابدا بالرغم ان اختي كانت تسمع اغاني وتطلع وتعاند امي بس الحمدلله انا ابتليت بالهلع وهي كبرت وعرفت الطريق الصح بروحها

المهم انا قبل الهلع كنت احب اطلع اسولف مع الناس اشارك الناس همومهم وافراحهم كنت ناشطة اجتماعيا

بعد الهلع
لا اطيق الدنيا ولا احب ان اتكلم كثيرا ،عصبية ،لا مزاج لدي،احب الجلوس مطولا في البيت

الله يعينج شباب ضايع ويشافيج ...

اي يعني مو عكسنا .... تقرياب مثلنا :)

ربي يشافينا :)

شكرا لتفاعلج الطيب

النشاط الحركي
كنت فرفوشه واجتماعيه واحب جمعات اهلي
الضحك والوناسه
دايم مبتسمه....... بس فترات انزعج..... طبعا بعد زواجي
الطاعات
الحمدلله اصلي وملتزمه بديني لكن اذكار المساء والصباح انساه
اصلي بالليل
السفر
انا طبيعتي احب السفر لكن ظروفي ماتسمح لي
بعد النوبات
خف في بداية النوبات لكن حاولت اني انتصر وفعلا ماشاء الله انتصرت
التجمعات في البدايه انعزلت لكن الحين اجتمع صح اتضايق بس ما استسلم بس السوق اخاف اتسوق ل حالي لكن احاول اني اكون اجتماعيه ما انعزل واتصنع الضحكه وهذا افضل
الدين اقبلت عليه لاني جاء وقت وانا غافله
السفر بالعكس ودي اني على طول مسافره بس مو على كيفي

ام وجوده شكرا على درج الطيب .... جزاج الله خير..

وربي يشافيج ويشافينا ..

كلنا نفس الحااااله لكن باختلاف شدتها :)

دمتم بود

الحين لما تقارن وتشوف الناس ومقارناتها بتزود الحاله على نفسك
كلنا نفس الشعور
كانت الحياه واو وفله وغارقين بالملذات والحين انقلبت تماماً .،
وان شا الله انه فيه خير لنا ..
عن نفسي زاد ايماني ويقيني واحمد ربي واشكره

حبيب يا مصفعتني الدنيا ... اشكرك على ردك ... الله يشفينا يا رب

والله مادري انا احاول اقنع اللي يدش الموضوع ويقراه ان مو بروحه قاعد يعاني من هالاعراض .. وان اعراضنا متشبهه فنخفف عليه ....سواء من الاعضاء او الزوار