|
ذبحني الخوف الشديد
السلام عليكم ورحمة الله وبركاته
انا قبل 16 سنه جتني دوخه شديده حسيت انه هذا الموت لان بدات الدوخه من رجلين لحد راسي وواستمرت معي الدوخه واذا جلست تزيد بس ادور وامشي ومااقدر انام لاني اذا حطيت راسي على المخده تزيد الدوخه المهم استمريت اربع سنوات وانا كذا نزل زني بشده ويعدين اخذت جلسات من الابر الصينيه وبديت الحمدلله اقدر انام وخلال الفتره هذي جتني حاله من الخوف الشديد من الجلوس لوحدي في البيت فصرت اجلس في بيت اهلي او بيت زوجي والله تعبت مره من هذي الحاله تخيلو كل ماطلع زوجي لو يصلي خفت خوف شديد احس بالموت وبعدها رحت الدكتور نفسيه و اخذت حبوب نفسيه واسمها السيروكسات بس مااستمريت عليها يعني يوم اكل ويوم لا واستمرت على هذي الحاله سنتين وبعدين رحت لكتور ثاني وعطاني علاج والله نسيت اسمه واعلاج اخر مهديء اسمه ليكوستانيل وبديت اخذ منه اي موقف قلق اخذ منه وسبب لي مرض اخر وهو الاعتمد على الاخرين وهو يجيني خوف شديد من غير سبب الحين معتمده على زوجي وعيالي مابيهم يغيبو عني ولا دقيقه اموت الف مره اذا قال زوجي انه يبي يسافر لو يسافر بنفس اليوم ويرجع اخاف وكان اليوم سنه لازم اخذ مهدىء والله تعبت من حالتي واتعبت اسرتي معي ومو عارفه اشخص حالتي هي خوف او وسواس وايش الحل والله تعبتتتتتتتتتتتتتتتتتتتتتتتتتتتتت كل يوم افكر متى اصير انسانه طبيعيه ادعولي التعبانه ام محمد 2 |
اختي ام محمد2
سلامتك من الخوف حاسه فيكي والله وبتعبك الله يخفف عليكي لست الوحيده من تعاني من من هذا الخوف كثير من الناس تعاني من هذا الموضوع وتحاول ان تتعالج من هذا المرض انا كنت بعد احس مثلك بلخوف كثير يجيني تعب ودوخه كثير واحس بالخوف من الموت صرت اخاف اخرج من البيت عن تجيني الاعراض لاني مره اغمي علي بالسوق وكنت تجيني دوخه كثير بالمدرسه واحس بنفس التعب مره حسيت باغماء بالمدرسه وابوي وداني الطبيب وقالو ما فيني شي عطوني حبوب ما استمريت فيهم وسيطرت علي هذه الفكره اني لما اخرج بتعب ولكنه زاد بدل ان يخف انا ما تعالجت من الخوف ابدا احاول ابعد التفكير لكن ما قدرت احاول اعالج لاني تعبت بس حبيت اذكرلك تجربتي وصبر جميل اختي نصيحتي ان تتوكلي على الله وتصبري على البلاء ان احب الله عبدا ابتلاه وان تستعين بالله ابعدي عنكي التفكير السلبي حاولي لما يجيك الخوف تقولي انا زينه انا بكون بخير باذن الله لن يصيبنا الى ما كتب الله لنا واذا ما قدرت تسيطري على تفكيرك وسيطرت عليك هذي الافكار وتعبي بزياده روحي دكتور ثاني يساعدك بهذا الموضوع ادعو لكي من كل قلبي بالشفاء والعافيه والسداد... |
اختي تعوذي من الشيطان وارحمي نفسك وبعدين جربي تدخلين دار والله تفيدك وتلهيكي عن الوسواس وجربي الاستغفااااااااااار والله له فوائد كثير وكثري من قيام الليل واقراي سوره البقره اخر الليلل والله فيها راحه جربي وبشرينا عنك
|
اختي ام محمد2 رديت عليكي في مكان ثاني انتي كاتبة المقال في مكانين ألف سلمة عليكي |
وهذا ردي مرة ثانية: أختي ام محمد 2: حالتك أقرب للوسواس وربما عندك حالة رهاب أو هلع لكن الطبيب اللي عمل لك المقابلة النفسية هو الأقدر على التشخيص راجعي طبيب جيد وخذي رايه في التشخيص والعلاج ولحسن الحظ هالحالات علاجاتها متقاربة ولو أخذتي دواء السيروكسات حبة واحدة يوميا يكون أفضل فهو في رأيي الأنسب لحالتك ولو أثر على العلاقة الزوجية فبالإمكان تبديله بعقار سيبراليكس 20 أو فافرين 150 في اليوم وانتبهي لازم الانتظام على العلاج يوميا ولا تظهر النتائج الا بعد اسبوعين على الاقل اللهم اشف انت الشافي لاشفاء الا شفاؤك شفاءا لا يغادر سقما لابأس.. طهور ان شاء الله ونسأل الله ان يكتب أجرك ويصبّرك |
السلام عليكم ورحمة الله وبركاته
اشكر كل من رد علي ودعا لي الله يجزاكم جنات النعيم الله يتقبل الدعاء مني ومنكم |
السلام عليكم
دكتور رعد انا تعبت من العلاجات النفسيه طيب ممكن سؤال؟ هل علاج اليكوستانيل يسبب الاعتماد ؟ لاني قبل لا استخدمه ماكنت معتمده على احد معين بس كنت اخاف اني اجلس لوحدي يعني اذا سافر زوجي وجلست عن اهلي ماعندي مشكله بس الحين لازم اخذ مهدىء ارجو الرد علي |
؟؟؟؟؟؟؟؟؟؟؟؟؟؟؟؟
|
اهلين اختي تفرق كثير
جزاك الله الجنه لا تنسيني من دعائك |
اشكرك اختي غريبه
الله يجزاك الجنه والله يشفيني ويشفيك ويشفى مرضى المسلمين |
صحيح أختي أم محمد الليكسوتانيل يسبب الإعتماد (الادمان) ولا أنصحك بالمداومة على استخدامه أما لوكان بشكل متقطع عند الشديد القوي وجرعة لا تتجاوز 3 ملجم في اليوم فلا بأس لكن الليكسوتانيل مهدئ مؤقت بينما السيبراليكس أو الفافرين التي نصحتك بها هي العلاج الآمن الفعلي والذي يدوم أثره ماأدري ايش تعبك من العلاجات؟ هل هو عدم حدوث النتيجة الكبرى والشفاء التام؟ ان كنتِ تبحثي عن ذلك فلن تجديه أختي الفاضلة: الأصل في اللباس خرقة تستر الجسم والأصل في الطعام لقيمات تقيم الصلب والأصل في وسيلة المواصلات التي نحتاجها حمار والأصل في الصحة النفسية سلامة العقل والكثير الكثير من الأصول التي نتجاوزها الى البحث عن الرفاهية وإذا أردنا الرفاهية النفسية على صورة المرح الغامر والشجاعة المطلقة والثقة بالنفس الزائدة والضحك والسواليف والانسجام وخلو البال والنشاط والانطلاق فإننا لن نجده لا في دواء ولا في حكمة حكيم فإن كانت العلاجات تتعبك لأنك لاتجدي فيها هذه الضالة فطبيعي ان تكرهيها ولكنها لو أزاحت عنك غمة الصدر وأصبح لديك بصيص من نور تسيري على ضوئه وأعطتك بعض الإطمئنان والتماسك فاحمدي ربك 1000 مرة لأن هناك أناس منومون في المصحات انفسية لا تعلمي عنهم ولا يراهم الا أمثالنا من العاملين في مجال الصحة النفسية وحالاتهم محطمة ولا يعمل لهم العلاج أي نتيجة فأين انت من أولئك؟ اللهم ارزقنا الرضى والقناعة والزهد وارزقنا شكرك وحمدك والثناء عليك |
العقل الباطن مثل المارد بالضبط أول ما تفكري في أي شيء سواء إيجابي أو سلبي على طول عقلكِ الباطن يلبي طلبك ويقول لك يا مرحبا بكِ في عالم الأمراض أو غيرة من الأشياء الإيجابية مافي حاجة عندة يرفضها لك كل شيء محسوب عليك. يعني تفكري والعقل يصنع والأحساس يشتغل مثل الآلة وينج الشعور ( وشعور الإنسان بالخطر يجلب التراكمات وتبداء حياتكِ تتلخبط وكل شيء عندكِ ينقلب فوق تحت) طيب أنا مثلاً عارف مرضي وقد قمُت بعمل جميع أنواع الفحوصات وطلع كل شيء سليم المفروض أكون إيجابي بالتفكير كي يعود علي بالمنفعة. عندما تبداءي تراودك الأفكار السلبية حول المرض وغيرة من الأعراض الجسدية تذكري الفحوصات التي عملتيها وكان كل شيء سليم هذا لوحده يعتبر علاج للخروج من الأزمة النفسية بشكل عام. كل يوم حاولي إن تتذكري أي شيئ كان إيجابي في ماضيك و أبتعدي عن سلبيات الماضي التي تعكر مزاجكِ. |
السلام عليكم
مشكور اخي الشاكر الله يجزاك الجنه |
السلام عليكم
اليوم جاني خوف شديد علشان ابني اخذ السيارة وان زوجي مو معاه سياره خوفي مو علشان اخاف ابني يجيه شي لالالالا خوف وقلق بس من غيرر مبرر يارب ارحم ضعفي وقلة حيلتي والله تعبت |
ياعمري عليك ماتشوفين شر انا مريت بنفس حالتك ولاحد الان اعاني الله يكتب لنا الاجر بس
انتي لازم تاخذين علاج نفسي وترى مره مفيد انا اخذته بس شهر والحمد لله خلال هذا الشهر تجسنت كثيرا وهذا بفضل ربي طبعا وتركته لاني حملت بس تركته فجئه وهو اكبر غلط ورجعت لي الحاله الحمد لله على كل حال شوفي ياعمري انا اخذت فافرين روعه والله انصحك فيه وماتشوفين شر ياقلبي الله يشفينا عاجلا غير اجل ويديم علينا الصحه والعافيه يارب ويطيل اعمارنا لطاعته وحسن عبادته اللهم امييييييين |
| الساعة الآن 04:43 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا