|
دكتور رعد انا اتحطمت !!
السلام عليكم
دكتور رعد انا قريت ردك على اخونا نوبة هلع واللي مشكلته الم فايده اليسار وفالقلب وثقل فيها وقلت له انه احتمال ذبحه صدريه (متلازمة شرايين القلب التاجية الحادة) دكتور انا فيني هالشي من 3 سنوات للحين حتى وانا اكتب الحين فيني هالالم وساعات احس بخدر بايدي اليسار والله يادكتور اني تحطمت اليوم احس اني بانتكس خلاص مع اني اخذ دوا نفسي والحين زاد فيني الالم بشكل فضيع وانا زياده عنهم فكتفي اليسار بعد مع زيادة فضربات القلب وساعات يوصل لضهري اليسار وهالشي اغلب الايام اذا ماكان يوميا ؟؟ انا عمري الحين 24 وسويت كل الفحوصات مرتين ايكو وعشرين مره تخطيط قلب وفحص انزيمات القلب وفحص بوتاسيوم وكل شي وكله طلع سليم الحمدلله بس انا مش مقتنعه انه مافيني شي لان انا اللي احس بالالم والله يادكتور احس اني خلاااااااااااااااص تدمرت يعني احتمال تكون ذبحه صدريه ؟؟!! طيب وين ممكن اروح اسوي فحوصات ثانيه وممكن اسوي اشعه اقوى عن الايكو وشو هي ووين اسويها حتى لو فدوله اوروبيه بروح عادي المهم اطمن ؟؟ واسمحلنا دكتور تعبناك معانا ربي يجعلها فميزان حسناتك يارب لك الحمد ولك الشكر |
السلام عليكم
اختي سامحيني على لقافتي انتي سألت د رعد بس اختي أنا حالتي مثلك وانا زيادة ضيق نفس لو ذبحة تبين انا تخيلت ان عندي شئ بالقلب او بغيره وما احد كاشفة سويت كل فحوصاتك اللي سويتيها ماكو شئ عضوي اللهم اشياء عادية عند الناس كلها وما تخوف وعادي ترىممكن باكر اكتب موضوع اشتكي من شئ انا ردي بخصوص خوفك من كلام الدكتور رعد لنوبة هلع تقدرين تردين للموضوع وتشوفين رد الدكتور بعد ما عرف ان الاخ قام بكل الفحوصات تحياتي.... |
ياختي الكريمه اعتذر على التدخل ولكن انا فيني ضرس من ضروسي فيه سوسه مع اني كل يوم افرشها مرتين هل هذا يعني ان ضرسك نفس ضرسي يابنت الحلال مو تقرون اي موضوع عن شخص يشتكي تقولون هذا فينا الناس تختلف من شخص الى آخر وهذا علمه عند الله عز وجل كل اللي عليك تسوين فحوصات وانتي سويتي ومالقيتي شي . اذا كان نفسك احد يطمنك انا بطمنك من هنا لين بكره والا قولي لاي احد من اخوانك او اخواتك اذا شفتو حالتي تغيرت طمنوني وقولو ان مافيني شي عشان ترتاحين . عيني من الله خير يابنت الحلال والله ترى الموضوع اسهل من السهوله لاتشوفين اي شي وتقولين فيني واذا شفتي شي او سمعتي شي لاتروحين تدخلين النت وتقرين اعراض ومشاكل والله توسوسين زياده . اسئل الله العظيم ان يرفع عنك البلاء ويبعد عنك وعن الاخوان الوسواس كما باعد بين المشرق والمغرب . واذا انتي في الرياض طالعي في الجو كيف حلو جميل وومطر وادعي ترى الدعوه وقت نزول المطر مستجابه باذن الله عز وجل , ولا تنسينا من الدعاء وانا اخوك . |
اقتباس:
بس انا حبيت اطمن لانه فالاخير قال اذا سويت كل الفحوصات يعني هلع بس اذا في فحوصات احسن عن الايكو والتخطيط ممكن تكشف الامور الدقيقه ممكن الدكتور بيفيدنا فيها |
اقتباس:
وبالنسبه للنت والله انا اقتبست اسم المرض اللي قال عليه الدكتور وكنت ناويه اسوي بحث عنه وانا كانت حالتي حاله بس خفت اقرا بلاوي سودا وتجيني نوبة هلع وانا ماعندي حد فالبيت غير عيالي الصغار فما اتخيل الموقف!! والحمدلله على كل حال وترى احنا بعد عندنا مطر فدبي ^^ ربي يتقبل دعائنا ودعائكم |
سجينه
دامك سويتي الايكو وتخطيط القلب خصوصا الايكو هذا يبين حالة القلب والصمامات وبعدين بالعقل ياعسوله لو فيك شي من ثلاث سنين كان جاك شي و لابيقدر يتحمل قلب مريض ثلاث سنين بدون علاج مستحيل هدي بالك والله اني دايم احس بالم يدي اليسار والم في جهة قلبي ونغزات وخفقان وكل ابوشي يطري على بالك وكله في هالقلب لكن طنش تعش تنتعش فليها وربك يحلها يادبدوبه وماتشوفين شر يابنت دبي |
اقتباس:
أبدا أختي الفاضلة وتطمني، أنا رديت على الأخ رد ثاني وقلت له اني أؤيد انها نوبة هلع بعد أن ذكر أنه راجع أطباء وعمل فحوصات على القلب وبعد ماأكد أكثر المشاركين في موضوعه ومن خبرتهم بأنها نوبات هلع تطمني أختي فما قصدته هو التشابه الكبير مع الذبحة الصدرية، ولكن المجربين يعرفون المرض أكثر من الأطباء وأنا طبيب ومجرب للإكتآب فقط فلا تعتمدي على كلامي فيما يخص نوبات الهلع وقد تعلمت من هذا المنتدى بأن الهلع قد يشابه المرض العضوي تماما ولا سبيل للتمييز الا بعمل فحوصات ولو طلعت سليمة مايبقى غير التطنيش والإطمئنان آسف أختي إن أزعجتك وأقلقتك |
اقتباس:
الحمدلله على كل حال |
اقتباس:
بس صدق شي غريب يعني هالاعراض اللي تجينا وليش مافي بحوث كثيره عن هالامراض؟؟ دكتور اسمحلنا تعبناك معانا وماشاء الله عليك ما تقصر فحد فينا بس ماقلت لي في فحص احسن عن الايكو يعني نوع من الاشعه او شي ثاني يبين اي شي بالقلب ؟؟!! |
الهلع امرة بسيط مجرد قلق زائد وكما نعلم ان القلق مكنون نفسي في كل انسان يدفعنا للعيش والعمل واداء مهامنا اليوميه المعتادة لاكن حين مايزود القلق تكون المشكله اضطراب نفسي
مصطلح اضطراب الهلع ونوبات الهلع في مراجع الطب النفسي الحديث مؤخراً لوصف حاله مرضية غامضة تصيب نسبة كبيرة من الناس من مختلف الأعمار، وبالعودة إلى وصف هذه الحالة في الماضي فإنها تشبه حالة مرضية وصفها الطبيب "داكوستا " حيث كانت تصيب الجنود أثناء الحرب الأهلية الأمريكية، وكذلك وصفها سيجموند فرويد (1856-1936) وهي حالة تتميز بتفاعل القلق والخوف مع سرعة ضربات القلب وسرعة التنفس وضيق الصدر وتكون مصحوبة بحالة أخرى يطلق عليها فوبيا الأماكن العامة وهي حالة نفسية تصيب السيدات غالباً عند التواجد خارج المنازل في الأسواق أو الأماكن العامة. استمري على العلاج وبأذن الله ترين التحسن واختفاء الاعراض تدريجيا |
اقتباس:
مشكور اخوي يزيد بس انا معندي فوبيا الاماكن العامه بالعكس احب اطلع واتمشى عندي فوبيا ركوب الطائره او المرتفعات بشكل عام وهالشي من بعد الهلع ولا من قبل كان قلبي قوي وكنت احب المرتفعات !! |
دكتور رعد تخصصه قلب؟؟؟؟
خذو العلم من رواده:) |
اقتباس:
في بحوث كثيرة ولكنها على خبرات الناس وتجاربهم مع الأدوية لكن الموضوع صعب والعلماء بيتعاملوا مع أشياء غامضة في الإنسان وحاجة غير محسوسة ولازالت العلوم الطبية النفسية في بداياتها وبالنسبة للفحوص الموجودة حاليا لأغلب الأمراض العضوية تعتبر كافية ولا يحتاج فحوصات أزود من اللازم بعدين مو حلوة الواح ينبش عن أمراض وأشياء مثل قوله تعالى ((لا تسألوا عن أشياء إن تبد لكم تسؤكم)) واذكروا الله ترى الطب مايعلم الغيب والقدر ولا يقدر يغير في الأقدار الا بما شاءه الله |
سجينه الله يهديك يعني انا الحين اقول راسي يوجعني راح يوجعك راسك مثلي؟ اكيد لا خلي عنك الافكار هذي ومافيك الا العافيه
|
| الساعة الآن 10:12 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا