|
مدري هل مريض نفسي؟!
السلام عليكم
بدون مقدمات انا مخطوبة (( مملكة )) لسى ماسويت زواج انا الحين بطلب الطلاق من خطيبي لاني بصراحه تعبت منه الكل يقول على تصرفاته مريض نفسي ساعه يقول يحبني ساعه يقول بأدبك بعطيك دروس واحسه كارهني بشكل مو طبيعي ساعه يقول كلام حلو وساعه يهينني ويجرحني ويقول كلام قووي ويهنني قدام اهلي احيانا احسه ملتزم مرة واحيانا اشوفه منتهي مايعرف الحلال من الحرام ولا الصح من الغلط احيانا يقول اني افكر اطلقك واحيانا يقول ماقدر استغني عنك! يسوي الغلط ويقول انه ماغلط ويعتذرمن اهلي ويرجع يكرر الغلط مليون مررة موقادرين نفهم هالانسان .احيانا يقول ماقدر البي طلباتك مع ان طلباتي سهله واحيانا يقولي اقدر البي طلباتك بس ماابغى لانك بتتمادين احبه وامووت فيه ويقول اني ماتحبيني تكرهيني يقول انا اضحي وهو اصلا مايضحي احيانا يقولي انتي من حقك تأثثين شقتك بنفسك واحيانا يقولي مومن حقك تسوين ولاشي انا الرجال واللي اسوي كل شي بنفسي . قبل يقول ماتهتمين تساليني عن الشقه وعني واذا سالته عن الشقه يقولي تفكريني طفل ماادبر اموري موواثقه فيني !! مدري وش سالفه هالانسان مع العلم انه كان خاطب وانفصل جنني والله هالانسان عارفه كلامي مو مرتب |
بسم الله الرحمن الرحيم
الاخت زجاجة عطر تحياتي لك واحب استفسر عن بعض النقاط المهمه قبل الرد كم عمرك وعمر خطيبك المستوى العلمي كم مر على الملكه او الخطوبه الى الان ماذا يعمل خطيبك كم ترتيبه بين افراد اسرته هل توجد لديه مشاكل صحيه او نفسيه من قبل ارجو اعطاء اكبر قدر من التفاصيل لكي تكون الصوره واضحه وانشالله يكون الرد مفيدا لك |
مشكووور عمري 20 وعمر خطيبي 27 جامعي (موظف في في الحكومه انا طالبه جامعية كنت مخطوبه قبل بس ماملكت وفسخت الخطبه والحمدلله دائما انخطب وخطبني هذا بعد فسخ الخطبه بشهر ترتيبه بين اخوانه 2 بعد الكبير مر على الملكه 9 شهور وزواجنا المفروض يكون هذا الشهر ( امه غير سعودية لكن من بلد خليجي ابوه متزوج وامه الزوجه الثانية بس مايهتم فيهم اخوه الكبير هو اللي رباه مع اخوانه مايختلطون مع اهلهم لما كانو صغار ابوه ترك امهم بس ماطلقها وامه متوفيه بسبب مرض الله يرحمها لما ماتت امه كان عمره 13 سنة غير اجتماعين هو اجتماعي بس مو مع اي احد مدري كيف اشرح, علاقته مع ابوه ضعيفه هو مع اخوانه يكرهون ابوهم .. يعني انا شاكه بصراحه اقول بخاطري يايكون مريض نفسي او زوجه اخوه ساحرته لان زوجه اخوه غير ملتزمه وغير محترمه علاقتها معاه غير طبيعيه وخاطئة بحكم ديننا ومجتمعنا المفروض تكون محجبه وهي لا وزوجها راضي عن هالوضع ولما تكلمت وقلت لها انا ماني راضيه عن هالوضع قالي هي ربتنا مع العلم عمرها تقريبا 28سنة يعني مو كبيره قريبه من عمره مرره تصرفاتها مراهقه جدا وتكرهني وهو يدافع عنها وتخلى عني بسببها يحبها ويشوف الغلط اللي تسويه صح دائما هي اللي صح مع العلم ان هي ماربته لان عمرها لما تزوجت كان 14 وهو 13 سنة كيف ربته احيانا يقول ربتني واحيانا يقول لا كالعاده تناااقض لما طلبت منه ان ينصحها بالحجاب رفض قالي ماقدر بعدها قالي ترى اقدر بس ماابغى انتي تخربين علاقتي مع اهلي تبيني اتركهم مع ان والله مو قصدي بس مو راضي يفهم هالشي انتي راح تتمادين بالطلبات ولما تنازلت عن هالشي مانفع معاه تعامله معاي احيانا يكون قاااسي جدددا واحيانا لا مع اني والله ماني راضيه بالانفصال لاني احبه بجنون بس هو الله يهديه احيانا يترجاني ارجع له واحيانا يكابر ويقول اذا تبين ترجعين ارجعي ماتبين بكيفك !! انا طلبت الانفصال لاني تعبت من تصرفاته وتناقضه واهلي مللوا منه تعبوا قالو لي لو ترجعين لاتشتكين وانا عارفه لو رجعت له ماراح اقدر اتحمل بطلب الطلاق منه واخاف بعدين اجيب اطفال واتوهق ضااايعه وربي بين قلبي وعقلي حتى قلبي يقولي احيانا يحبك واحيانا احس يكرهني بشكلل ماني مقصره معاه بشي الحمدلله انا جميله والبس واكشخ له وادلعه واهلي يحبونه كثير حتى لما هو يغلط يوقفون معاه عقلي يقولي حياتك معاه ضياااع عشان كذا طلبت الانفصال وانا اتعذب كيف بنسااه احيانا احس ودي اكلمه واحيانا اقول لا اللي سواه فيني مو قليل تكفى يادكتور ساعدني عندي كلام كثير بس اخاف اضايقك |
مااافي رد!!!!!!!؟
|
| الساعة الآن 01:18 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا