وسواس مميت مدمر جدا !
 

السلام عليكم و رحمة الله وبركاته

أنا بقولكم بداية قصتي و معاناتي اللي مايعلم فيها الا الله

جاني وسواس الموت قبل رمضان و كل يوم يمر اكئب من اللي قبله و بس عايشه بهم
زوجي توه جاي من سفر و يبي اهتمام بس أنا عقلي مشتت و ماني يمه اخاف انام لحالي
ما احب الليل تعبت بس متضايقه. وابكي و اطلع الدنيا بنظاره سودا و كل ماشوف احد يفكر يسافر يخطط لبكره
اقول ليه يتعب نفسه و النهايه بيموت اقول ليه اهتم بنفسي و ليه وليه و حنا نهايتنا بنموت
هالوسواس صار ملازمني من اقوم لوقت نومي.تعبت وربي مريت ب ايام صعبه جدا و ما احد فاهم وش فيني
و اخيرا اعترفت ل امي وارتحت جدا لماصارحتها و هاوشتني و قالت كلنا داريين ان حنا بنموت بس مو معناته
نقعد و نطالع و نستنى الموت والحمدالله كلامها ريحني و من كثرة التكفير و الهم سقطت جنيني و صار معاي القولون
و كل من يشوفني يقولي ناحفه مصفره متغيره اسئل الله ان يجعل بعد العسر يسر و يفرج علي و على كل مهموم يا قادر ياكريم
هالايام جاني وسواس الامراض اللي يكفينا شرها و كل ما اقرا عن مرض احسه فيني و تسود الدنيا بوجهي
حتى كنا بعزيمه عند خوالي وانا بس جالسه و ساكته و اطالع بنظرة تشاوم حتى يوم رجعنا امي تقول وش فيك يابنتي كنك بعززا
اه وربي شيء موجع متعب يهلللللللك اسئل الله ان يمن علينا بالشفاء
مع أين ولله الحمد ملتزمه. او احاول التزم و اتقرب إلى الله و دايم ادعي الله و اتحرى اوقات الاستجابه
و اشرب موية زمزم مقري فيها و ادهن بزيت زيتون مقري فيه. ماشاءالله لا قوة الا بالله.
ارتحت شوي اكذب لو اقول راح الوسواس لاكن خفف بنسبه كبيره و ان شاءالله ببدا اقرا سورة البقره
واحب اشكر هالمنتدى الرائع اللي ساعدني بعد الله في التشافي كنت كل ما اتعب ادخل هنا واشوف مواضيعكم
سبحان الله كانكم تتكلمون عني نفس الاعراض و كل شيء و ارتاح و اقول ان شاءالله.مثل ماتشافو بعض الاعضاء
راح اتشافا

اعذروني على الاطاله و ارجوكم ادعولي ادعولي

اسأل الله إن يشفيك ويعافيك ويفرج همك ويريح قلبك وبالك والله أنني أعاني من هالوسواس لاتخافي كله وهم مش حقيقه طنشي كل فكره تجي على بالك و
داومي على قرا ءة بسؤورة آلبقره وشرب ماء زمزم وصلاة الليل
وماراح انساكك من دعواتتتي (:

حبيبتي انتي والله. الله يريح لك بالك. ويطمن قلبك

اااااه تواسيني في ملتقى الهلع وانا بواسيك في الوسواس يااختي والله نفس حالتي بضبط بس ماعليك لاتخافين كل اللي في المنتدى مروا بهذا الوضع وماعليك كلها فتره وترووووح وبذكرك ان شاء الله.والله يشافيك ويشافينا من كل سوء.

السلام عليكم ..هلكانة انتي متلي بالزبط وكانك بتحكي في قصتي ما بقول غير الحمد لله الله يشفينا يا رب ما علينا اللا الصبر وما بعد الضيق اللا الفرج

الله يسمع منك يارب و نعيش حياه مرتاحه و سعيده

و عليكم السلام حياك الله اختي ام ماريا
الله يفرج عنا كربنا يارب و يسعدنا
ويعوضنا عن اللي شفناه