ابي اتوظف وأهلي رافضين
 

عمري 19 ابي اتووظف وأهلي رافضين تقولهم ابي احس بمكانتي في المجتمع أني لي هدف في شي اسوي يقولون كملي دراسه وانتي مؤ واثقه من نفسك وانا نفسي عافت الدراسة ويقولون ماعليك قصر كيف أقنعهم وكل الا عمال فيها اختلاط وهم ماييون اختلاط شسوي تعبت والله

يا اخت منال
السلام عليكم
عندي سؤال بسيط ليش تقرنين مكانتك وقيمتك بالوظيفه مو شرط الله يحفظك انا جربت الحياه كثير مهما اردنا ورحنا وابتعدنا اذا كان الوالدين مو راضين باللي نسويه ماراح ننجح ولانسعد
واذا اهلك رافضين الفكره عشان الاختلاط فمعهم حق مهما الاختلاط ليس فيه خير وشوفي رضاهم وشوفي وظيفه ليس فيها اختلاط سلامه لدينك وارضاء لاهلك
الله يوفقنا واياك دنيا واخره

يا اخت منال اتوقع انك بتتوظفين ب موﻻات

فما انصحك كاخت لي


اكملي دراستك وﻻ يكون طموحك بوظيفه

راتبهاا 3500 بل اكملي دراستك وﻻ

وحاولي تكملين الجامعه
اعتبرك نفس وحده من اخواتي

اختي جربي تشتغلين بالبيت وتحطين صور بالانستقرام يعني تبيعين اكلات مثلا

هالفكره مافيها اختلاط ورح تفيدج لانج رح تنجزين اكلات حلوه ويكون لها مردود مادي
اذا ماحبيتي الاكل ممكن تيبين بضاعه من برا عن طريق النت تطلبين وتعرضين البضاعه وتوصلينها للزباين عن طريق شركه توصيل او اي شي

والله يوفقج

على فكره اختي

انا فيني اكتئاب والسبب الرئيسي هو الدوام

الله لايبليج وانشالله اذا الله كتب وتوظفتي يكون مكانج حلو وترتاحين