المشاركة الأصلية كتبت بواسطة جاسمن ايز

يا عمري سبحان الله قصتك مثلي حتى انا لي سنين اقنع ابوي وبديت المعاملة وهو زي الي مجبور عليها ومستعر من المعاملة ما تدري قد كيف هالشعور يضايقني خصوصا انه اهل خطيبي مرة حابين يتقربوا بس اهلي مرة مو متجاوبين امي تجامل وتخاف ابوي يزعل منها
حتى الله يهديه كل فترة يطلع لي بشغلة حتى ما استقبل خطيبي وقاله لا تجي السعودية مافي داعي لانه المعاملة اقل شي حتجلس خمس سنوات وطلع له كل حاجة سلبية بشكل ما تتخيله وقبلها قاله اصلا ممنوع الزواج من الخارج انت مو مقيم
اقوله طيب كيف تبا تقتنع وانت ما جلست معاه يقول مافي داعي اشوفه اعرف شكله تخيلي بس سلم عليه مرة وحدة في الشارع لما كنا مسافرين
وصرنا كذا كل مرة مشاكل حتى صار يقولي شوفيلك معقب انا مالي نفس انا مابغى اسوي شي في هالموضوع ولا خليه يجي يتابع معاملته هو المفروض يسويها حسسني انه خطيبي نايم هناك والله مسكين كفاية صابر ومقويني ولو عليه يبا يجي بس الاقامة صعبة ما جته فرصة
تخيلي الحين ابوي يقولي نبغى العصمة بيدك هههه والله لو خطيبي عرف حيشرد مننا انا اصلا مارضاها لنفسي ولا لزوجي
احس طلعت الي بخاطري انفعلت معاك
المهم لا تخافي الي ربنا كاتبه بيصير ومصيرهم يقتنعوا باذن الله وكل امورنا بتتسهل

بس بسالك عالداخلية
هما وافقوا وراحت المعاملة للامارة والحين بالشرطة للان ما فهمت الداخلية وافقت على ايش
انا لسة ما سويت تحاليل ولسة بعدين المعاملة تروح للخارجية ويرسلوها للسفارة
هل هذي الموافقة معناها انه خلاص بس نكمل الاوراق وتمشي لباقي الدوائر ويتم العقد
قصدي يعني انه اكيد حوصل لمرحلة العقد ولا في شي ممكن يوقف المعاملة ويخليهم يرفضوها
يعني هو اذا وافقت الداخلية تنفتح المعاملة وتمشي الين ما نوصل لمرحلة العقد واذا ما وافقت الداخلية ما تمشي المعاملة
ولا ممكن الشرطة ولا الخارجية ولا الامارة ولا المعاملة لما ترجع للداخلية تاني>>> ممكن تترفض؟؟؟؟


يبارك بعمرك حبيبتي
معليش سامحوني انا بسال كثير لانه بجد حاسة بلخبطة 21e1q