تبلد احاسيس

بيانات اضافيه [ + ]

رقم العضوية : 52494  تاريخ التسجيل :  12 2015  أخر زيارة : 09-07-2016 (01:22 PM)  المشاركات : 77 [ + ]  التقييم :  10

لوني المفضل : Cadetblue

حياتي 👇🏼👎🏼

الله يسعدكم انا عارف اني طفشتكم بس والله لمن احس اني مقدر اتكلم مع احد اجيكم اتكلمت مع الوالد يقولي طنش خليك رجال ليش منتا زي اصحابك اعطي الحياه اشكل باللهي كيف افهمو الشعور الي يداخلي تكلمت مع امي عاد امي الله يحفظها اي شي اقلها تقولي اقرا قران وصلي اقلها يامي بقرا وبصلي بس محد راضي يفهمني تخيلو تكلمت مع واحد من الشباب اعطاني كبوت يقولي هذا حيعالج كل الي فيك انت محتاج ترفيه استغفر الله يعني بالعربي محد فاهمني الى انتو اصحى من النوم مني مبسوط استنى الوقت يعدي اخاف اطلع افكر طول الوقت ف نوبه قلبيه واحساس بالموت مره قلقان ولمن اتكلم مع احد احس نفسي بينقطع تفكيري ف نفسي ونبضات قلبي احس اني بتجنن وربي بصلي وبقرا قران واذكار الصباح والمساء بس احس مافي فايده هوا صح علاج وبيفيد ومؤمن بالشي داه بس هذا احساسي اصحابي كلهم متوظفين انا خايف حتى اطلع اقدم تعبت من حياتي ودايمن ف بالي هرجه صارت قبل سنه صاحبي جى قلي حلمت حلم عنك انك انتحرت ونا جيت مسكتك وبكي قلي صحيت من النوم وكتبت الحلم ف النت تفسيرو ع كلامو اني حفشل في حياتي دايمن الفكره ديه فبالي ونقهرت لمن قلي الحلم لدرجه حتى لمن بفكر ابى اروح اقدم اتذكر كلامو وكمان شي فبالي ونفسي اتكلم فيه محد يعرف الى انتو انا قبل سنتين كنت متعرف ع وحده متزوجه وصار الي صار والبيت خرب وصار طلاق يعني لمن كنت اعرفها كان فيه مشاكل بس مو مني ولمن صار الطلاق قلتلها ليش تطلقتو تقولي مشاكل قلتلها انا احس اني انا السبب تقولي لا مشاكل عائليه والله خايف من ربي الحمدالله تبت الى الله وكل تفكيري انو انا السبب ف كل الي صار قبل العلاقه كان عندي بس نوبات هلع وبالنادر دحين كاني جالس ف سوق وقاعد اقضي امراض نفسيه وحياننا اقول فيني عين لانو انا عندي سياره كمارو سبورت وشكلي وسيم بغض النظر وسيم ولا مني وسيم الي مادح نفسو كداب خخخ الزبده العين حق يدخل جمل القدر المهم افكاري مشتته انا مريض نفسي ولا عين ولا بسبب ذنب عملتو عارف شعوري زي الطفل الي ضايع ف سوق مني عارف اش فيني وايش اعمل وقول لمين المهم طولت عليكم سامحوني حبيت افضفضلكم الي فقلبي وتمنى اني ماتهورت ف الموضوع بس قلت كلنا مع بعض ونقول مشاكل بعض عشان نريح بعض شفتو ف الافلام الامريكيه لمن واحد يكون مريض نفسي ويجبو ف صاله مع مجموعه ويجلسوهم ف كراسي ويكون واحد المسؤول عنهم وكل واحد يقول مشاكلو احس المنتدى زي كده من شاف مصيبت غيرو هانت مصيبتو المهم ياريت تقولولي انا ايش فيني وهل في احد يحس بنفس احساسي والله يسعدكم يارب اسف ع الاطاله ❤️

المصدر: نفساني