|
هل حالتي طبيعية او لا وهل فيه مثلي
السلام عليكم ورحمة الله وبركاته
اختكم في الله تعاني من نوبات هلع من تقريبا اربع او خمس سنوات هل هذا طبيعي ؟؟ تقصد هذي المدة عادي المريض يعانيها
ثانيا عندي نوبات من ان اني اسمع اخبار مو حلوة او مزعجة مثل احد اصيب بمرض خطير او احد توفي حتى لو كان بعيد
وبعد لو احد يعزمني لمناسبة تجيني وساوس عن الموت واني ماراح احظر من يتحدد تاريخ المناسبة اشقى واشيل هم حاليا عندي زواج لقريبتي
يوم الخميس القادم وتكررت علي النوبات وخصوصا قبل النوم اخاف من النوم ودي اصيح ودي افضفض لكني اعاني بيني وبين نفسي
عمري 26 سنة اللي بعايلتنا كبري واصغر مني متزوجات واحيانا يرمون علي كلام هل هذا هو سبب النوبات والا سبب ثاني وكذلك انا جامعية
ولكن ماتوظفت ماخليت باب ماطقيته ادور عن وظيفة لكن مالقيت والحمدلله على كل الزواج والوظيفة احس اني محورت حياتي حولها بسبب الفراغ اللي اعيشه صرت اتفكر في نفسي كثير لو تجيني وخزة اتخيلها شي كبير
تعرضت لصدمات من اشخاص ماتوقعت انهم بيخذلوني من زمان هذا الكلام لكن ليه توي افكر فيه
لي متخرجة سنة ونصف تقريبا كل هالوقت فراغ في فراغ
صرت اسهر كثير وفي نفس الوقت اخاف من النوم هو كل بين فترة وفترة لي شي يسبب لي هلع وهالمرة النوم والاحلام صرت اخافانام بالغرفة لازم انام عند احد
اقول لكم شي بدون ماحد يضحك علي احس اني ابي احب وانحب ابي استقل عن اهلي مع ان اهلي مافيه منهم امي تراعي خاطري
بعد الكلام اللي توجه لي اني انا ناقصه عشاني ماتزوجت مع اني مو كبيرة وكذلك ابوي مو مقصر علي بشي ولا اخواني الله يحفظهم وبحفظ لكم اهلكم
عانيت فترة من خلل في الهرمونات وارتفعت هرمونات الذكورة وطلع لي شعر بوجهي وزاد وزني الشعر عالجته والوزن توه بادي ينزل
مادري اذا كلامي واضح ومفهوم
النوبات هلكتني كيف اتعامل معها لحظة وجودها
وهل لها علاقة بالعاادة الشهرية يعني تزيد عند قربها ؟؟
والسؤال الاهم هل فيه احد مثلي ونفس معاناتي ؟؟
|