نفساني - عرض مشاركة واحدة

14-02-2020, 02:09 PM

اقتباس:

المشاركة الأصلية كتبت بواسطة ام للجوري ونيوف

السلام عليكم ورحمة الله وبركاته
قصتي مع هالوسواس بدا من شهر ونص

افقدتني لذة الحياه فعلاً شعور متعب جداً جداً
قبل شهر تلقيت خبر وفاة انسانه اعرفها شابه بسبب حادث
كنت طبيعيه جداً ورحت عزيت فيها الى ان وحده الله يسامحها حكت لي كيف كان شكلها ف الحادث ياالله لطفك
من وقتها بسم الله اصابني خوف من بعدها سيطر علي الوسواس
هذه الانسانه توفت وهي عروس لها 4 شهور زواج وحامل
رجعت فيني الذكريات قبل اربع سنوات فقدت ابو بنتي ف حادث وانا عروس وحامل
يالله احس بحزن كيف الانسان ممكن يروح ف غمضة عين وهو ف عز فرحته
انا الان ربي عوضني بااخو المرحوم واعيش حياه سعيده ولله الحمد ورزقت بولد
بس خلاص فكرت ان نهايتنا موت وهاللحظات كلها زائله وذكريات ماهي راضيه تفارقني
ابغى استمتع بلحظاتي بوقتي بااطفالي بزوجي مو قادره💔
ع كثر محاولاتي لتجاهل للاسف تسترسل فيني الافكار 😔
كيف اننا سنموت ونمكث سنين طوووويله ف قبورنا بل الالالف السنين وان مئه سنه من الان لن نكون موجودين ولا حتى اولادنا
واعوذ بالله من الشيطان افكر استغفر الله يمكن ماعاد نبعث 😭 ادري استغفر الله مايجوز اشكك بس الشيطان متمكن مني ماقدرت اتجاوز سيطرته عليه
اخاف من سماع القران او قراءته والمقاطع الدينيه
وش اسوي ادري اول علاج التجاهل بس حاولت
يكفي اني احاول امثل اني طبيعيه اضحك واسولف عشان مايحس زوجي ان فيني شئ حتى بيتي اللي كنت استمتع فيه واشعر بالاستقرار للاسف الحين لاا
اقول هذا مكان يضمنا كم سنه بعدها اماكنا الحقيقه القبور😭
كنت احب الصباح والعصر الحين ماعاد استمتع بالوقت ابداً تخيفني سرعة الايام

السلام عليكم اختي لاتخافي هذا وسواس والحين له معي اكثر من 15سنه كنت اشفى منه بعد الله بعض المرات وبعض المرات لا اذا سمعت احد توفى اوتعب اودخل المستشفى يرجع لي ويكون اقوى من الاول بس انا ازيد عليك في حاجه وحده انا تعرضت ل صدمات جدا قويه قويه وفاة ابوي وبعدها طلاقي ثم اخر شئ وفاة امي قبل 10 شهور انتكست حالتي زي ماقلتي صرت افكر في الدنيا وان حنا بعدين وين عيالي لما اشوفهم يقولي بتموتي وبتتركيهم وصرت اخاف من كل شئ الحين يقول ماتحضري رمضان هذا بتموتي زي امك وكل ماقرب زادت معي الاعراض والمره هذي يقولي مو وسواس هذي حقيقه ف يجيني ضيقه شديده والالام في المعده واحس كني ماتنفس وكل شوي يقولي اكيد التنفس عندك ينقص ف اجلس اتخيل خلاص اني صرت في المستشفى واني في العنايه وان الاجهزه علي وافكار وتخيلات تشيب الراس وانه راح يصير لك شئ اوراح يصير ل اولادك شئ كرهت الخروج من المنزل كرهت الاكل كرهت كل شئ حتى النوم انام ساعه ساعتين بس حاسه بضيق شديد اعتزلت الناس صرت اتضايق من الصوت حتى وصرت اخاف زي ماقلتي من سرعة الايام وان امي وابوي كانوا معي فجاءه راحوا واني كنت مع زوجي وفجاءه طلقني يعني اشياء صارت ماتوقعت انها بتصير الحين
وكل مره وسواس شكل واحس برجفه ووحده وخوف ووحشه وارغب في البكاء واحس بنغزات تعبت والله ومليت وكل شوي يقولي بتموتي الحين ولما تعدي الساعه اواليوم والحمدالله ماحصلي شئ يقولي لا استني اكيد راح يصير الساعه الي بعدها اواليوم الي بعده واجلس افكر الله يشفينا ويشرح صدورنا يارب😣😭

صامدة رغم المحن معجب بهذا